المساعد الشخصي الرقمي

مشاهدة النسخة كاملة : جنوط الجي تي والشروكي

M.R JEEP
12-06-2009, 03:24 AM
شباب انا عندي جنوط نجمه وكان عندي رجه بالموتر غير طبيعيه وغيرت العمدان واختفت الرجه بنسبه تقريبيه 90 الى 96 بالميه بس باقي رجه تجي على 120 ما ادري من ايش وهي خفيفه قاللي واحد من الجنوط حقت النجمه انها تجاريه وماهي اصليه فهل اذا ركبت جنوط جي تي تتوقعون راح تختفي هالرجه والا لا يعني هل احد منكم يشتكي من جنوط ال جي تي وكم مقاس الكفر اللي يركب وايش احسن كفرات على الجي تي

وراح اكون شاكر وممنون

تقبلو تحياتي.
cherokee.1996
12-06-2009, 03:34 PM
الأفضل .. والدارج في السوق

جنوط جي تي 8 انش ,, والـ 10 انش ما هيب مريحة للدفرنسات .. ومع الوقت بتخرب وشكلها بالنسبة لي فااشل

وكفرات دومنيتور أو هانكوك أو ماكسس

255/70/15

وأكثر شيء مع الشباب الدمنيتور


وأنا ما أدري وش أزينها .. في هذي يفيدونك غيري :cry:


أتمنى إني أفدتك


أخوك . cherokee.1996
M.R JEEP
12-06-2009, 06:23 PM
الله يخليك ماقصرت

بس هل في رجه في الجي تي والا لا

وايش افضل الهانكوك والا الدومينيتور والا الماكسيس وتقبل تحياتي
شروكي وبس
12-06-2009, 07:05 PM
الله يخليك ماقصرت

بس هل في رجه في الجي تي والا لا

وايش افضل الهانكوك والا الدومينيتور والا الماكسيس وتقبل تحياتي

والله انا مجرب الهانكوك في النفوذ مافي احسن منه وصدقني راح تدعيلي
cherokee.1996
12-06-2009, 07:27 PM
والله أنا حسب ثقافتي و سؤالي عن الكفرات .. وتجربتي مع الدمنيتور

أقول لك .

الدومنيتور : ممتازة ورائعة في النفود .. جربتها في الشعبان ما تصلح .. يدخلها الشوك على طوول وما جلست معي 7 شهور إلا وأنا مغيرها !!

الهانكوك .. يمدحها كثير من الناس .. وهي معروف أدائها في النفود .. وأنها لينة وحلوه .. لكن الدعسة تروح على طول << هذا على ما سمعت

الماكسس ممتازة ما سألت عنها كثير .. لكن سألت واحد مجرب .. قال لي لا تقربها أبد .. في النفود ما تفرش إلا إذا نسمت واجد .. يعني 5 ولا هاهـ لكن في الشعبان حليله وما عليها (( واحد مجربها وسأله بنفسي ))

وفيه الشاهين .. لكن مثل ما سمعت إنها تزلق في المطر .. وإن جوانبها ضعيفة .. وممتازه في النفوود


أتمنى إني أفدتك ,,

أخوك . cherokee.1996
AL-GHANEM
12-06-2009, 07:34 PM
GT 8
كفرات SUMITOMO
275-65
15
هذي كفراتي وانت شايف الشكل :busted_cop:
الكفرات هذي فيها ميزة هواء 30 يمشي بالنفود ماعندك مشكلة
مركبها 3 سنوات وزي الحلاوة
بالنسبة انزلاق في المطر : ماشفت منها مثل مايقولون الناس انزلاق شي بسيط :drive1:
ازودك من الشعر بيت حتى في عز الشمس مع الدوار احلى زحلقة مو بس مطر
بس والله احسن كفرات ركبتها صراحة
cherokee.1996
12-06-2009, 07:52 PM
هلا أبو غانم :busted_cop::busted_cop:


قصدك بالـ SUMITOMO الشاهين عشان توضح للغير

أنا ما ردني عنها إلا الشعباان :icon9: جربتها في الشعبان ولا :surrender:

وأنت قصدك من ثلاث سنوات طقم واحد ولا قصدك إنك متعامل معها كل سنة طقم :rolleyes:

والله يخلي لكل واحد كفراته هههههههههه

أخوكم . cherokee.1996
ابو فـهـد
12-06-2009, 09:57 PM
معي الشاهين كويسه
بس الانزلاقات مشكلتها
ابورغد
12-07-2009, 01:47 PM
من تجربتي الماكسس حليوه بس فعلاً تحتاج تنسيم حييييل بالنفود علشان تفرش
جربت بريجستون كفرات جبااااره وجوانبها قويه يعني تصلح للشعبان والحصى بس عيبها مطبها قااااااسي
واللحين مركب هانكوك على جنوط النجمه حلوه ولينه ومريحه وماشفت منها الا كل خير.
cherokee.1996
12-07-2009, 02:51 PM
الله يخليك ماقصرت

بس هل في رجه في الجي تي والا لا

وايش افضل الهانكوك والا الدومينيتور والا الماكسيس وتقبل تحياتي



معليش أنا تجاهلت سؤالك هذا عنوة .. لأني ما أدري :mhtar:

أ،ا ما جربت الجيتي إلا من 3 سنوات ركبتها فترة ورجعت للنجمة . فيعني ما أذكر فيها رجة ولا .. لكن إن كذت نضيفة أو جديده ما عليك إن شاء الله ,,


أخوك . cherokee.1996
دح ديح
12-08-2009, 09:19 PM
الجي تي و النجمه كلها ميب اصليه الي بالسوق
شيك على جنوطه يمكن ضارب رصيف و فيه عفطه هي الي مسويتلك الحوسه ذي عندك ميزان الغضيب الي بالصناعيه عندهم تشييك على الجنط و يعدلونه لك مع الضمان
و اذا تبي ترصصه عندهم مع الترصيص بيقولك العامل ان كفراتك محبله ولا ممسوحه ولا فيها شي ولا بيقولك بعد ان جنطك يبيله تعديل
هذا رأيي لك رح و جرب منتب خسران شيء