المساعد الشخصي الرقمي

مشاهدة النسخة كاملة : للضرورة :ابي محل حق تفصيل اديتر وحق كلتشات ..

< الـوسـمـي >
12-06-2009, 12:17 AM
السلام عليكم ورحمة الله وبركاته ..


حياكم الله جميعا ..


ابيكم تدلوني على محل يفصل لي اديتر اللي يسمونه ابو رصتين ونحاس << مهوب متاكد من الاسامي ..


كذالك ابي محل حق كلتشات ابي كلتش حق نفود وديرهـ ويعمر معي مهوب فترهـ ويحترق ..


ابي محلات مضمونه وشغلهم حلو ويظبطون الموتر ..


< السيارهـ : شروكي سياحي \ الموديل : 8 9 \ موقعي : الرياض > ..


( اتمنى الجديه بالموضوع الموتر واقف عند الباب ومااحركه ) ..
ابو فـهـد
12-06-2009, 12:46 AM
الكلتش يمدحون
1-الفاليوم
2-الشاكش تقريبا كذا اسمه
الرديتر ركب فاليوم الومنيوم احسن لك
او كندي الومنيوم
واذا مصر على النحاس يفيدونك الاخوان
Hamad100
12-06-2009, 01:06 AM
بالنسبة للكلتش او اي شغلة في الشيروكي رح لورشة كرامة ... بالنسبة لوصفها هذا اقتباس من احد ردود الاخ "احلى مزاج":

==========
بالنسبه لورشه كرامه وعاشق ربع


وانت جاي من الدايري الشرقي كنك متجه للخرج مخرج 17 خذ مع الاشاره يسار بتجيك اشاره خذ معها يمين بتجيك اشاره يا سيدا يا يسار( مافيه يمين) انت اطلع مع الاشاره سيدا

بتجيك اشاره قبلها في لفه على اليمين عندها لوحه ( العريفي مدري الفريج ناسي والله ) انت ادخل معها يمين يعدين اول لفه يمين شف الورشه على يسارك عندها كونتينر فوقه جمس

==========
شروكي ربع
12-06-2009, 02:21 AM
السلام عليكم ورحمة الله وبركاته ..


حياكم الله جميعا ..


ابيكم تدلوني على محل يفصل لي اديتر اللي يسمونه ابو رصتين ونحاس << مهوب متاكد من الاسامي ..


كذالك ابي محل حق كلتشات ابي كلتش حق نفود وديرهـ ويعمر معي مهوب فترهـ ويحترق ..


ابي محلات مضمونه وشغلهم حلو ويظبطون الموتر ..


< السيارهـ : شروكي سياحي \ الموديل : 8 9 \ موقعي : الرياض > ..


( اتمنى الجديه بالموضوع الموتر واقف عند الباب ومااحركه ) ..



الكلتش في فاليوم يمدحونه وعن تجربتي شاكس ممتاز لكن اللي راعي نوفر وهبال ما ادري هل يمشي معه او لا ..

بالنسبة للرديتر فيه المصنع السعودي - ان لم اكن واهم - في الصناعية القديمة بعد قايد حق الشكامين يجيك عاليمين ..

بالنسبة للورش فيه المطيويع ولكنه غالي , ولكن يظل ورشه قائمه وبامكان متابعته متى ما اردت ..

وفي غيره كثير بالصناعية القديمة فر وبتحصل والكل ترا يفهم في الشروكي وخاصه ان شغلاتك بسيطة جداً وماتحتاج متخصص بقوة في الشروكي .

موفق
Hamad100
12-06-2009, 12:32 PM
ياشباب ... ماتنصحونه بكلتش رياضي زي سنترفورس ...

خبرتي قليلة في القير العادي
ابو فـهـد
12-06-2009, 12:51 PM
الكلتش الرياضي حسب كلام الخبراء اذا ما على المكينه تعديل داخلي ما ينفع او ما يعطي المستوى الي بيخليك تدفع فيه سعره
وثاني شي حسب علمي ان الكلتش الرياضي ما يضيع ولا دوره للمكينه
وهذا يضر القير
واسئل الخبراء افضل مني :icon9:
cherokee.1996
12-06-2009, 10:57 PM
دسك وصحن وفحمه 520 رياضي

هذا موجود عند جيب ستار في الصناعية القديمة

وفيه كلتش فاليوم يمدحونه كثير من الشباب لكن ما جربته

وبالنسبة للرديتر .. لا تتعدا الفاليوم بـ 850 من أبدع ما يكون وأفضل من الوكالة بعد :cool:


وترا شغلاتك ما يحتاج لها فاهم في الشروكي .. أي محل يبي يصلحه لك


لكن عندك أبو صالح في الصناعية القديمة 0567020750

أنا متعامل معه .. أمانه في الشغل وما يحتاج



أخوك . cherokee.1996
< الـوسـمـي >
12-06-2009, 11:44 PM
بيض الله وجيهكم جميع ..


وجزاكم الله كل خير والله يوفقكم ..


<< تم الاتصال بالاخ : كرامه \ والاخ : ابوصالح >> ..
< الـوسـمـي >
12-10-2009, 01:21 AM
تم بحمدالله تركيب اديتر من نوع فاليو درجه اولى ..


<عندي الكلتش الى الان متحير والكل يقول كلام وحقيقه منيب مقتنع ياليت اللي جرب يفيدني >..
ابو فـهـد
12-10-2009, 03:14 AM
فاليوم/شاكس
لك الاختيار:biggrin: