اللي عنده رجه يجي

[رحال سدير]

السلام عليكم

كيف حالكم

ياشباب الكل عنده مشكله رجه بعد الـ140 غالبا

عموما

انا كان عندي رجه على الـ80 وبعد الـ140 الى الفصله .. طبعا رجه تهبلني ما اوصل 140 تروع ..

المهم رصصت الكفرات مزبووط لين طلعت 0 ومشيت عليها الرجه اللي على الـ80 خفت بشكل كبير لكن ماراحت .. بقى شي بسيط محد يلاحظه .. واللي على الـ140 خفت بس ماراحت وواضحه بقوه

عموما اليوم ركبت كفرات ماكسس ( 255\70\15 ) وجربت اسرعت عليها الحمد لله الرجه اختفت تماماً

انا استغربت كنت خايف على عمود الدبل لايكون خربان .. وبعد الكفرات اختفت الرجه الحمد لله ..

يعني اللي عنده رجه لايحوس ويبدل اشياء ثانيه ثم يخسر .

افضل حل يروح لواحد يعرفه ويبادله الجنوط والكفرات مع بعض .. بس رح لواحد استعماله نظيف وجربها .. اذا راحت فانه من الكفرات غالبا .. اما اذا ماراحت نسبه كبيره انها عمود الدبل ..

بس لايخسر ويوجع راسه على انه عمود دبل وفي النهايه يصير كفرات ..

معلومه : جنوطي رايحه فيها تطلع في الترصيص 85 بعضها ( شف كيف الكفرات لها دور كبير )

تح ــية

رحال سدير

[ابوصطيف]

جز اك الله خير
يمكن المشكله اللي عندي من الكفرات

[رحال سدير]

حياك الله ابو صطيف .. جرب بدل الكفرات مثل ماقلت يمكن تنحل مشكلتك .

[شروكي ربع]

ذكرتني بموتري السابق التماتيك او ماشريته كانت فيه حذفه غريبة مريت جميع انواع الموازين من بينها العضيب والمجد وقالوا الموتر ماله حل ..

الين لقالي حل واحد هندي في محل ماحولك احد وخفت الحذفه كثير ..

بعد فترة غيرت الكفرات وقال لي البنشري انت شلون تمشي على هالكفرات حالتها حاله وفيها مطبات !!

المهم بعد ماغيرت الكفرات صارت الحذفه على عكس الاولى رجعت للهندي ورجع موتري زي ماكان اول ومشى الموتر تمام التمام لين بعته ولاحذفه ولاهم يحزنون .

[M.R JEEP]

والله انا غيرت عمدان الموتر كلها واختفت الرجه بنسبة 95 بالميه باقي رجه بسييطه تجي على 120 والله العالم انها من جنوط النجمه بركب جي تي وبشوف ان شاء الله تروح يارب.

[رحال سدير]

شروكي ربع .. ماشاء الله عليك شكل الكفرات طلعت بالون ههههههههههههههه

حياك الله


جيب 6

خلاص ازهلها من الجنوط او الكفرات محبله ( ان شاءالله ) :wavetowel2:

حياكم الله

[إحترافي]

.

وعليكم السلام ورحمة الله وبركاته رحال سدير ..

الرجه أخوي عندي وحاولت أشوف لها حل وماراحت ..

العمود الخلفي رصصته وغيرت الصليب تبعه وخفت شوي

لكن باقي ماراحت .. الرجه تطلع بعد الميه ..

وعلى الميه وأربعين رجه قوووية ..

الكفرات إلي عندي من نوع ماكس 15 75 235

والجنوط ما أعرف إسمها أتوقع gt جنوط عريضة شوفها بالتوقيع تبعي ..

فهل إذا غيرت الجنوط والكفرات تتوقع تروح الرجه .. ؟

نقطة أخرى ..

لما أعشق الدبل الخفيف فور ويل وامشي عليها تختفي الرجه حتى بعد الميه ..

مشكور على الموضوع الرائع .. :)

[ابومحمد]

اخوي احترافي يمكن تكون الرجة من مساعد الدركسون صارت معي رجة بعد 140 والان اختفت بنسبة كبيرة
يمكن الباقي من الترصيص والكفرات

تحياتي للجميييييع

[النايف]

السلام عليكم
سوال يا مشرفين واعضاء جيب:busted_cop:
هل ترصيص العمود ينفع
لان عمود الدبل افصله تروح الرجه ارجعه ترجع الرجه
اللي عنده علم لا يبخل علينا

[إحترافي]

مرحبا أبو محمد ..

الرجه طلعت من عمود الدبل ..

لما نزلته من الموتر اختفت الرجه نهائيا ..

وبخصوص ترصيص عمود الدبل ..

شيك على العمود أخي النايف عند مخرطة وإذا احتاج ترصيص رصصه وغير الصليب بصليب من نوع سبيسر

فيه نوعين للصليب تبع سبيسر

نوع يجي الشحم واضح عليه من برى .. ونوع تلاحظ موجود فيه علب زرقاء صغيره ..

النوع الأفضل أتوقع إنه أبو علب زرقاء صغيره .. لست متأكد

ياليت الشباب هنا يفيدونا بالنوع الأفضل

وإن شاء الله تروح الرجه بعد ترصيص العمود وتغيير الصليب

بإذن الله بأرصص العمود لأني لما ركبت عمود آخر مستخدم رجعت الرجه للموتر ولكن رجه خفيفة مو زي أول قويه ..

[دح ديح]

السلام عليكم
يا جماعت الخير الرجه بالشروكي تجي من عدت امور شيك عليها و ارتح
1- الكفرات و الجنوط و جودتها مع الترصيص السنع مثل ترصيص المجد و الغضيب و الطقه
2- مساعد الدركسون اذا كان مضروب اي مطب بتحصل الموتر يرجف و يرج
3- جلد المقصات و مسمار التوازن و جلده لازم تتاكد منهى و بتلاحض خرابها اذا جاك مطب صغير و مايل بعد و خذيته على سرعه بتحصل الموتر يرج رجه موب صاحيه شوي و يتفكك
4- عامود الدبل

هذي الاشياء الي قد صارتلي و صلحتها و راحت الرجه 100%
بس الحين تقطعت الجلد حقت مسمار التوازن و الموتر رجعت فيه رجه مع رجه في عامود الدبل و اذا صلحتها بعلمكم الرجه راحت ولا لا <<الله يستر من عامود الدبل :cry:

[رحال سدير]

وعليكم السلام ورحمة الله وبركاته رحال سدير ..

الرجه أخوي عندي وحاولت أشوف لها حل وماراحت ..

العمود الخلفي رصصته وغيرت الصليب تبعه وخفت شوي

لكن باقي ماراحت .. الرجه تطلع بعد الميه ..

وعلى الميه وأربعين رجه قوووية ..

الكفرات إلي عندي من نوع ماكس 15 75 235

والجنوط ما أعرف إسمها أتوقع gt جنوط عريضة شوفها بالتوقيع تبعي ..

فهل إذا غيرت الجنوط والكفرات تتوقع تروح الرجه .. ؟

نقطة أخرى ..

لما أعشق الدبل الخفيف فور ويل وامشي عليها تختفي الرجه حتى بعد الميه ..

مشكور على الموضوع الرائع .. :)



مراحب

لاتتعب عمرك وتخسر في النهايه جرب تبادل مع احد من ربعك وشف ..

حياكم الله