الشروكي يقطع وعلامة المكينه تأشر والعزم طاح (الفزعه)

[↓♥↑ S i L v E r ↓♥↑‏]

السلام عليكم

ياجماعه صارت عندي مشكله بالشروكي ..2001 امريكي اوتو

بدآية المشكله

جيت بشغل الجيب مايشتغل دورت الخلل وين لقيت ان الخلل من طرمبة البانزين

جبت سطحه ووديتها ورشتنا..بدلوا لها طرمبة بانزين مستعمله قالولي ضعيفه ..ومن عقبها الموتر قام يقطع وطاح عزمه بالحيل
والمكينه ترجف واغلب المرات يطفي فيني بالطريق واوقف واشغله يشتغل واكمل طريقي


المرحله الثانيه ..


قلت بروح الصناعيه بشوف له حل

الوكاد شريت طرمبة بانزين جديده ..بس تجاريه حجمها 381 ورحت عند سوري عساس يبدل القديمه بالجديد

يوم فك تانكي البانزين الا التانكي متروس وصاخه الوكاد نظف التانكي وركب الطرمبه الجديده وركب كل شي وقالي يمكن من البخاخات قالي حط علبتين زيت حق تنظيف البخاخات بالبانزين هم حطيت وعبيته بانزين ومسكته خطوط نفس الشي العزم طايح والتقطيع برضو على ماهو

قلت يمكن من البلاكات (البوآجي) ..فحصتهم مافيهم شي جدد

وبدلت زيت المكينه والفلتر اليوم ولا راحت المشكله

تهقون المشكله مشكلة كهربا؟ مشكلة كويل مثلا؟

لأن الموتر رفع ضغطي المكينه ترجف والعلامة حقت المكينه الصفرا تكبّس ..ومرآت تظل شغاله ماتكبس
والعزم خلآص ودعته

اللي عنده خبره لايبخل علي :frown:

وآسـف عالاطآلـه

[احلى مزاج]

الموتر يمشي معاك ولا يوقف عند سرعه معينه ؟


على العموم شيك على الفيش حق الكويلات الجاي من الديلكو تحصله عند آخر كويل من جهة الدركسون

قد صارت معاي والموتر طايح عزمه وما يتعدى 60 ويرجف رجف غير طبيعي وصار السلك اللي اقولك عنه محترق


شف ووافنا بالاخبار


وان شاء الله تساهيل

[↓♥↑ S i L v E r ↓♥↑‏]

الموتر يمشي معاي جبت عليه 160 تقريبا

لكن العزم مامن عزم

ورجفه غير طبيعيه وتقطيع


بشوفها ان شاءالله

بس ياليت اذا تقدر تصور لي المكان ..لأني مو ذاك الزود بالميكانيكا

والله يعطيك العافيه

برد لك خبر

[↓♥↑ S i L v E r ↓♥↑‏]

فكيت الكويل وفكيت الفيش اللي بالاخير

بس ماعرفت افحصه هو محترق والا لا

ياليت تفيدني بس بطريقة فحصه وشلون اعرف اذا هو محترق اول لا وشلون أبدله

اسمحلي كثرت عليك :cry:

[↓♥↑ S i L v E r ↓♥↑‏]

40 مشاهد للموضوع

ولا احد فزع لي؟ والله فشله :weeping:

[سيد شروكي]

هلابك طالع بالافياش والأسلاك يمين ويسار الكويل يمكن واضح انه مايع والا محترق والا فيه قطع وانتبه لاتشغل السياره وانت تفحص ترا عليه لذعه ماهي صاحيه ... اذا مابين معك شيء اقرب كهربائي شغلة تغيير الاسلاك ان شاءالله بسيطه ..

[احلى مزاج]

واضح انه مايع والا محترق والا فيه قطع

مثل ما قال اخوي سيد شروكي تحصله ما يع او ذايب يبين معاك ان شكله مو طبيبعي

[↓♥↑ S i L v E r ↓♥↑‏]

الله يعطيك العافيه

وان شاءالله باجر بدق سلف واشلع لأقرب كهربائي افحص الاسلاك

ماقصرتو يالربع

بفحص وارد لكم خبر :)

[ابومحمد]

يالغالي انا صارت معي نفس الشي وصارت المشكلة في احد الافياش ركبتة وما صلح الا لما افك اسلاك البطارية دقيقة وارجعها علشان يتبرمج الموتر صح فك اسلاك البطارية وشيك على الافياش يمكن تلقى زي ما صار معي فيش ما يركب زين والمشكلة اللي كانت عندي رجفة والحمد لله رااااااحت

اتمنى اني افدتك والشباب ما يقصرووون

[↓♥↑ S i L v E r ↓♥↑‏]

الله لايهينك يالغالي

وان شاءالله تكون فيهاهالمشكله ولا يكون بلا بالمكينه

عالاقل تنحل وماتكلف

الله يجزاكم خير

بفحصه بكرا عند كهربائي وبرد لكم خبر

[almrsl]

السلام عليكم

نفس المشكلة عندي في شروكي 2001 امريكي يرجف ولمبة الانجن تفلش غيرت الكمبيوتر بكمبيوتر مستعمل نفس الرقم و ماضبطت
اذا صار معك جديد اوخي سلفر رجاء خبرنا في انتظارك وانا انشاء الله راح اخبرك باي شي جديد يصير معي

[jeep99]

هل يصرف بنزين موترك ويطلع دخان اسود من الشكمان ريحته بنزين اذا دعست له اذا كان نعم شيك على حساس الأكسجين

وعندك حساسات الثروتل الثلاثة بعد يمكن تكون منها لأنها حقيرة وتسبب تقطيع وتفتفه وجرب افحص السيارة بطريقة السلف واذا ما تعرف الطريقة تحصلها على هذا الرابط
رموز اعطال الشروكي بعد التعديلات والترجمة(http://www.jeep-ksa.com/vb/showthread.php?t=628)


تقبل مروري

[Hamad100]

مادام لمبة المكينة مولعة ... افحص بالكمبيوتر اول شي عشان يعطيك فكرة وين المشكلة فيه.

اذا طلعت ارقام الكود من الكمبيوتر ... حطها هنا عشان نشوف وين المشكلة ...

[حر ولد حر]

حسب كلامك تانكي البنزبن كان متروس وصاخه

لازم تغير صفايت البنزين

ان شاء الله تنحل مشكلتك

[↓♥↑ S i L v E r ↓♥↑‏]

طلعت البخاخات مسدوده

ونفختها ببانزين ورد مثل اول واحسن بعد


سوري نسيت الموضوع

[شروكي 2001]

الحمد لله إن المشكله انحلت يا اخوي :clap:

أقول عاد الحين مو تروح على طوول تطعس فيــه :cool:

[↓♥↑ S i L v E r ↓♥↑‏]

لا ابشرك ذبحته تطعييس هههههههه