رحله الصيد مع العقاب الذهبي

[النشمي]

السلام عليكم هذا يااخوان مقطع عن اقوى طائر جارح على الاطلاق لدرجه اذا طار كل الجوارح تنحاش منه خوفا منه وهو العقاب الذهبي نفس اللي بالتوقيعي وهو طائر يصيد الذئاب والثعالب والغزلان ماطول عليكم شوفو المقطع

ملاحظه المقطع فيه موسيقى




http://www.youtube.com/watch?v=GEawnT5oCNY

[هروب]

يشرفني اكون اول واحد يرد عليك

والله من جد شكله مرعب

بس مافيه االيف ضنك ههههههههههههه
والله يقلب عليك ااااخر الليل هههههههههههههه

[النشمي]

هو ماهو اليف لكن يوخذ وهو صغير مره ويدرب ويوالف عادي بس مايوالف الا شخص واحد فقط

وشرفني مرورك

[راعي دهام]

هاذولا المغول على ما أعتقد،،،،وفيه مقناص شفت مقطع منه طيرسنجار يطرح ضبي والمقناص على رانجلرات،،

[snake7o7]

ياساتر وش ذا الطير
ماشالله قوته شي يخوف
الله يعطيك العافيه

[النشمي]

الله يعافيكم شباب وشرفني مروركم العطر وفعلا العقاب الذهبي اقوى طائر جارح على الاطلاق مايختلف عليها احد ههههههه لاحظ الذيب المرعب كيف صار معه خايف منحاش يمشي مليون

[القلب الوحيد]

يااا سبحاااان الخااالق :icon26::0601:


ما شاء الله شوفوا كيف يسحب الطريدة سحب تقول مسكها بخطاااف

سلمت ع المقطع الرائع :thumb:

هاذولا المغول على ما أعتقد،،،،وفيه مقناص شفت مقطع منه طيرسنجار يطرح ضبي والمقناص على رانجلرات،،

أماااا رانجلرااات :eek:

حركاااات تطوروا المغووول :90007:

[النشمي]

خخخخخخخخخخ القلب الوحيد انت تشوف المغول صار معهم رانجلرات


حياك ومرورك زاد الموضوع جمال

[cherokee 04]

يممممممممممممممممممممه هذا لو ينطلع على الشيروكي سحبه خخخخخخخخخخخ

سبحان الله .. الحين الذيب اللي الجن تخاف منه .. صار سلق يوم انه جاه عقاب خخخخخخخخخخخ

[النشمي]

يممممممممممممممممممممه هذا لو ينطلع على الشيروكي سحبه خخخخخخخخخخخ

سبحان الله .. الحين الذيب اللي الجن تخاف منه .. صار سلق يوم انه جاه عقاب خخخخخخخخخخخ

انت شفت شلون من جد الدنيا صغيره

[cherokee 04]

رجعت اشوف المقطع مره ثانيه

والله شي يحير سبحان الله .. وش هالطير اللي فيه هالقدره العجيبه

طيب ما ينطلق على الذيب والذيب في البدايه يسدح الطير .. شلون العقاب ما ينجرح او ينشق جلده !!

[النشمي]

تحليلك منطقي اخوي ولكن قبل كل شي قوه الذيب وين ؟؟؟

في فكه لان سنونه حاده العقاب يصيده مع فمه يدخل مخالبه الطويله والحاده بشكل كبير في فم الذيب ويثبته على الارض والذيب يصير لاحول له ولاقوه بس يرافس
ولاحظ العقاب كيف ينزل عليه مثل الصاعقه وسبحان الله مخالبه ماتخطي الهدف ابد

[الأجودي]

امعروف هالعقاب ...وعزالله انه عقاب على اسمه

عزتي للذيابه من يوم توطوط على الشعابه اللي يسكنها هالعقاب

صدقت يالنشمي .. هو مايطرح الذيب الا لاعلقه مع فمه ..وحتى لو ثبته الذيب

مايقدر يسوي شي لين يفك فمه ..سبحان اللي خلق هالطير المعجزه

يعطيك العافيه ..والطير ذا انا من اشد المحبين له ولقوته

[النشمي]

الاجودي حياك وشرفت الموضوع منور

[الرانجلر الاسود]

الدقيقه 2وعشرين ثانيه

عجبتني الفزعه

فديو رووووعه

[النشمي]

الرانجلر الاسود حياك الله وفعلا الفزعه راااااايقه
نورت الموضوع

[شروكيman]

السلام عليكم

مقطع جميل جدا العقاب وش نقول فيه العقاب قالو عنه

يفطر بالعراق ويتغدا باليمن ويتعشى بالشام

العقاب من اقوى الطيور طبع انا شفته على الطبيعه اكبر من الي بالمقطع بمرتين او اكثر

اقسم بالله يوم تشوف مخالبه طبعا في حديقة الحيوانات وهوه في القفص يا اني خفت منه

عليه مخالب لو يمسك آدمي كسر عظامه وفيه واحد صاده ومن كبره كان مربطه بتندة السياره

حسبته نسر طلع عقاب وكان مكسور جناحه ولا ما احد يصيده يا انه مرعب حتى وهوه مكسور

اشكرك على المقطع

[النشمي]

وعليكم السلام شروكي مان ونورت لموضوع وفعلا هو غني التعريف والعرب سموه ملك الطيور

[ليبرتي]

يعطيك العافيه على المقطع الرائع واعتقد واجزم ان اللي بالمقطع ابن اوى وليس ذيب

ولاحظت ان ابن اوى صعب على العقاب لانه ماقدر عليه الا يوم فزع العقاب الثاني ولا كان العقاب

الاول بالارض وابن اوى ماسكه مع ان العقاب بعد ماسك ابن اوى الا ان موقف العقاب صعب

عموما العقاب ماعليه كلام اذكر صدنا واحد وخلينا واحد من الشباب يحط قطعة قماش لفها على ايده وخلينا العقاب يمسكها بمخالبه وفعلا قبضته قويه جدا لدرجه ان الرجال بدا يتوجع ويقول فكوني منه

ويالله يالله فكينا مخالب العقاب من يد الرجال وقلنا ادع بسلامه قطعة القماش اللي فكتك ولا كان راحت ايدك لحم مفروم

وبالتوفيق

[النشمي]

حياك اخوي لالا مو بن اوى فرررق كبير بين ابن اوى والذيب هذا ذيب 100%

ومن قالك ان العقاب مايقدر يصيد كل المقطع عقاب واحد يصيد ذيب بس مره وحده كانو اثنين ولا كل المقطع عقاب يصيد ذيابه لحاله