عامود الدبل..... سؤال وموضوع للنقاش

[احلى مزاج]

السلام عليكم ورحمه الله وبركاته


بما ان الشتا على الابواب

والبر ينادي راعين الجيوب


وبما ان البر ماله امان تطيح لك في رباضه ولا في نقره ولا شي ما شيات ما يطلعك الا الدبل وبما ان الدبل ما يشتغل بدون عامود دبل


عشان كذا موضوعي عن عامود الدبل





وش رايكم بالمقدمة :icon6:


الزبده يا اخوان عامود الدبل حق موتري شروكي 99 قير عادي الركبه حقته تعبانه

ورحت لواحد وقالي عندي لك عامود دبل ولما قلبته لقيت ابو الشباب ملحم الركبه ( يعني جاب ركبه سليمه من عامود خربان وقصها ولحمها في عامود ثاني) بالعربي مرهم

خفت اني اخذه وعقب شهرين ولا شهر ينفك علي او يرج معاي بعد مدة من الاستخدام

لفيت التشاليح كلها ملحمه ما حصلت واحد شد بلاده لقيت عامود دبل جاي من امريكا سليم ما فيه شي بس يوم طبقته صار اطول من عامود الدبل حقي يقولون لي انه حق 2001 لان قيره يختلف

لفيت تشاليح الرياض ما فيه

تشاليح القصيم مافيه


سؤوالي

هل فيه احد منكم جرب عامود الدبل ملحم ؟؟؟

هل واجه مشاكل منه / وايش هي المشاكل اذا كانت موجوده


اللي يخبر لي عامود دبل سليم مو ملحم 99 قير عادي اكون له من الشاكرين


اتمنى المناقشه لإثراء الاعضاء - بما فيهم انا - بالمعلومات القيمة

[M.R JEEP]

لابارك الله في هالعمود اللي ذابحك وذابحنا وياك


والله ماقد شفت سياره زي الشروكي يبهذل راعيه بهالعمدان والله انا صراحه شيب شعر راسي من هالعامود


يعني المستعملاتت اكثرها خربانه ولاوديناه نصلحه يقول التماتيك مايصلح لازم واحد جديد

والجديد غالي بالله عليكم احد بيشتري عامود ب 3000 ريال

والله الواحد مايدري وش يسوي احترت والموتر تفكك من الرجه

وما اقول الا الله يعينك ويعيننا معاك.

[ابو فـهـد]

ماينفع ترصيص العمود؟:icon9:

[W A F I]

ابوفهد الا العمود يترصص

نرجع لمحور الحديث

اولا شي انا العمود مالقيتة ابد لية ماادري ,,

انا ادور مثلك عمود دبل لكن انا ابي لــ 2001


اما بالنسبة للملحم مالي علم والله يفيدونك الشباب

[فني الشروكيات]

والله عمود الدبلنكبه ما تلقاه ول لقيته ملحم ولو مهب ملحم بسعر جدا مبالغ فيه ،،

لكن الحل سلمك الله ترهيم عمود دبل حق رنج روفر،، الحقيقة ركبته وكنت متخوف وكانت تجربة جديدة بالنسبة لي،، لكن ما شاء الله تبارك الرحمن لارجة ولا صوت ولا شي،،

فاناانصح الراحة بتركيبه..

ومشكور يا احلا حلو :drive1:

[alhwawy37]

الحمد لله والشكر

على كثر الشيروكيات اللي استعملتهم ما في واحد منهم قال آي يابطني :smile: اقصد عمود الدبل


وبالنسبه للغربله اللي تكلمت عنها انت والاخ جيب ترا هذي عايديه في كل المواتر اذا طق عمود البل الله يعينك على الحوسه والدوخه :icon6:

انا في واحد من ربعي عنده جمس حوض عمود الدبل جاي عليه ضربه خفيفه لعبت بحسبة ام الموتر من رجة بعد ما يسرع فوق 100 المهم هو لف على التشاليح ولا حصل والظاهر انه رضى للامر الواقع :frown: المقصوص والملحم :frown:


وواحد ثاني من ربعي معاه كبسوله ربع طاح عليه عمود الدبل لان المسامير حقت الفلنجة تكسرت وضاعت الفلنجة بالنفوذ :icon6: وحاس بالتشاليح ولا لقى واحد نظيف كلهن مطعجه ولا ملحمه المهم انه طق له واحد جديد وهو يبغى بس الفلنجه :wheelchair:

وكثير من المواتر غير الشروكي اللي الواحد يعاف الموتر بسبب الدبل

بس القص والتلحيم فيك فيك وفي ورش ومخارط تحكر الشغله يعني ما يحتاج تجيب لك واحد جديد :wink:

هذا من كلام الشباب ولو تسأل يمكن يدلوك الشباب عن مخارط ممتازه بس انا ولله الحمد ما حصل لي اي شيئ :smile:

يعني اعذرني ولكن ابوعدك اني اسأل ربعي عن هالمخارط واعلمك



الهواوي

[رحال سدير]

طيب ياشباب محد فكر في الفصالات ؟

[W A F I]

طيب ياشباب محد فكر في الفصالات ؟
قصدك اللى تصير في نفس الجنط ؟؟

[احلى مزاج]

ماقصرتوا والله فيكم الخير والبركه


وجزاكم الله خير

اخوي فني شروكيات بكم عامود الدبل حق الرنج :unsure: وهل يركب على طول ولا لازم فك وتلحيم وحوسه ؟

اخوي الهواوي

الله يبعدك عن الورش وترتاح ويستمر معاك العامود زي الحلاوة انت ومن يقرا هالكلام

[رحال سدير]

ايه اللي في الجنط هذا يفصل العمود ويشبكه متى مابغيت ويريج راسك لارجه ولا خربطه وصرفيت البنزين تقل ..

واذا تعلقت والا جاك شي انزل الله لايهينك وشغله ض1

[W A F I]

ايه اللي في الجنط هذا يفصل العمود ويشبكه متى مابغيت ويريج راسك لارجه ولا خربطه وصرفيت البنزين تقل ..

واذا تعلقت والا جاك شي انزل الله لايهينك وشغله ض1


شكرا لك ع التوضيح ,,

ولا ان شاء الله ماحنا متعلقين :inlove:

>> انتظر رد اخوي فني على موضوع عمود الرنج

[Hamad100]

حبيت اضيف معلومة عن اختلاف طول عمود الدبل

عمود دبل القير التماتيك يجي اطول من عمود دبل القير العايدي لان جرم القير التماتيك اطول من جرم القير العايدي وبكذا يكون موقع الدبل راجع ورا شوي بالنسبة للقير التماتيك

وبالنسبة للعمود الخلفي ... يكون اقصر للقير التماتيك من القير العايدي

وفيه اختلاف ثاني بس مااعتقد ياثر في طول العمود بذيك الدرجة
وهو ان البنيون في دفرنشات ال 2000-2001 تجي نازلة عن البنيون حقت موديل 99 و تحت بس زي ماقلت مااعتقد فيه اختلاف في طول العمدان يعني اذا قارنت 99 مع 2000 و اثنينهم قير تماتيك عمود الدبل راح يكون نفس الطول

[W A F I]

في طول العمدان يعني اذا قارنت 99 مع 2000 و اثنينهم قير تماتيك عمود الدبل راح يكون نفس الطول


صدقت اخوي فية واحد من العيال قد ركب عمود دبل حق 99 تماتيك على 2000 تماتيك وزي الحلاوة

[ابو وضاح]

والله ياجماعة الخير انا شريت موتري 2000 بس كان عامود الدبل مفكوك وموجود معي الحين بالشنطه لكن عندي مشكله صواميل عامود الدبل مو عندي ورحت سألت البديل اللي بصناعية الخليج وقال ماعندي ورحت للعمودي اللي جنبه وقال لي نعم موجودات واصليات جديدات وانا فرحت يوم قال موجودات :wavetowel2: قلت له كم سعرهن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :biggrin: قال 400 ريال :bomb: بالله صواميل ب 400 ريال اقول الله يعين بس

[شروكي ربع]

والله ياجماعة الخير انا شريت موتري 2000 بس كان عامود الدبل مفكوك وموجود معي الحين بالشنطه لكن عندي مشكله صواميل عامود الدبل مو عندي ورحت سألت البديل اللي بصناعية الخليج وقال ماعندي ورحت للعمودي اللي جنبه وقال لي نعم موجودات واصليات جديدات وانا فرحت يوم قال موجودات :wavetowel2: قلت له كم سعرهن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :biggrin: قال 400 ريال :bomb: بالله صواميل ب 400 ريال اقول الله يعين بس



فك لك أي صاموله ورح للمهيدب حق المسامير تحصلها عنده ..

وان مالقيتها رح المخارط اللي قباله وفصلها تفصيل باقل من نص سعر العمودي واقوى من الوكالة .

[شيروكي كويتاوي]

يالغالي لو تشوفلك اي واحد جاي الكويت بيحصل عندنا بالسكراب (1000) عمود
واسعارهم متفاوته تقريبا 300 -350 ريال تاخذلك واحد نظيييف
ركبت لسيارتي 91 عمود قير عادي ب400 ريال تقريبا والتماتيك ارخص


موفق خير ان شاء الله

[إحترافي]

والله ياشباب توني الليلة راجع من الورشة مركب عمود دبل مستخدم

ولحد اللحين ماصلح .. يحتاج ترصيص ..

المهم إن الرجه تجي بعد سرعة ميه ..

شيك الميكانيكي على العمود الي قدام وطلع سليم بعد فحص المخرطة ..

بعدين غير العمود الي ورى وزادت الرجــه ..

غيره بواحد ثاني .. قلت الرجه شوي ..

بعدين غير الصليب بصليب جديد نوعية ( سبيسر ) وقلت الرجه ..

وآخر حل إني بكره إن شاء الله أرصص عمود الدوران الخلفي وإن شاء الله ترووح الرجه ..

في نقطة مهمة :

بخصوص الموتر إذا كان يطامر بالبلد ..

كانت كفراتي معبيها هواء 35 ..

ولما خفضته لقرابة الـ 30.. شعرت بالفرق ..

خفت مطامرة ومناقزة الموتر قرابة 40 % ..

وناوي أنزل الهواء زيادة لحد 28 تقريبا ..

موفقين لكل خير ..

[ابو وضاح]

تسلم يابعدي شروكي ربع ماقصرت

[رحال سدير]

طيب محد قال رايه في الفرارات ؟

[فني الشروكيات]

هلا شباب بالنسبة للفرارات ما تنفع للشروكي الا تغيير الدفرنس مع الفاكم حق الهوا والعلبة للشروكي القديم موديل 90/91 ،، الصراحة جدا مريح،، يعني حتى لو العمود فيه طعج او رجة ما ياثر، تطب البر تشبك الدبل ولا خلصت طفه ولا رجة ولاهم..

بالنسبة لعمود الرنج كلفني 700 ريال ،، لكن الصراحة ريحني واجد وهي تجربة جديدة بالنسبة لي لكن نجحت والحمد لله..

الله يوفقكم..

[ماجد الشمال]

اذا أشتريت واحد ملحم من التشليح او غيرة انتبة تركبة على السيارة
على طول خذة ودة للمخرطة وخلهم يفحصونة وشوفون بة طعج او فتللة
وخلهم اهم شي يرصصونة المخرطة
انا مركب واحد ملحم لهة اربع سنين وشوي ماشاء الله علية
لكن قبل ماركبتة رصصوة لي بلمخرطة

[هروب]

رح لمخرطه يبعون العامود250 ملحم تلحيم مضبوط ونا مجرب كان عامودي فيه فضاوه وغيره لي مع الرجيع ونكان تبغا وصف المخرطه رسلني ع الخاص للمعلومه لابغيت تروح اي مخرطه اذا لحمه لازم الصلبات تكون متقابله علشان مايرج ولايسبس حره ونشالله اني افتك :wavetowel2:

[أبوراكان]

ياشباب ,,,


ماودي اطلع عن الموضوووع هذا بس ابي اعرف شلون افك عمود الدبل هل هو سهل يعني اقدر افكه في البيت ؟؟

[abonorah]

ابوفهد الا العمود يترصص

نرجع لمحور الحديث

اولا شي انا العمود مالقيتة ابد لية ماادري ,,

انا ادور مثلك عمود دبل لكن انا ابي لــ 2001


اما بالنسبة للملحم مالي علم والله يفيدونك الشباب


موجود يا وافي عند كرامه واللي يبي رقم كرامه ارسله على الخاص

[cherokee.1996]

ياشباب ,,,


ماودي اطلع عن الموضوووع هذا بس ابي اعرف شلون افك عمود الدبل هل هو سهل يعني اقدر افكه في البيت ؟؟



ايه بسيط أنا قد فكيته وركبته

[أبوراكان]

طيب شلوووون ووش يبيله ,,


الله لا يهينك واذا فيه صور ..:wavetowel2: