موعد الإجتماع التمهيدي لتجمع ملاك الـ jeep

[طــــــــــلال]

بعد التحيه والسلام

سيكون هنالك إجتماع تمهيدي للتجمع القادم والمقرر أنه سيكون في ( الطوقي ) ومن خلال هذا الإجتماع سنحدد في اي يوم سيكون التجمع وسنعرف ماهي الترتيبات المطلوبه في ذلك اليوم .

ونرجوا من كل من يريد المشاركة في هذا الأجتماع الحضور عند طعس القصمان يوم الخميس القادم الموافق 1/12/1430هـ .

واللي يبي يجي يجيب معه حطب فقط إن إستطاع

ملاك jeep نلتقي جميعاً لنرتقي

بالتوفيق للجميع ،،،

[رحال سدير]

اهلا اخ طلال

انا افضل يكون الاجتماع التمهيدي في تلال الرياض ( الملقى ) هناك في شارع منور وجلسات شباب افضل في نظري اذا كان بيكون تجمع عادي ..

الاربعاء الماضي طالع انا وبعض الشباب فيه حول 6 شروكيات غيري ..

[رحال سدير]

والراي الأول والاخير لكم فقط حبيت اوضح نقطه لاني ودي انشر الشروكيات في التلال فقط :)

[طــــــــــلال]

رأيك في عين الأعتبار

ولكن الموضوع ليس إقتراح

بل تحديد وتبيين موعد ومكان الإجتماع

واتمنى حضورك وتفاعلك

تحياتي لكم ،،

[AL-GHANEM]

الخميس والجمعة بطولة الاتحاد السعودي في بريدة
دعواتكم ياشباب

[رحال سدير]

خزام خزام .. بس الساعه كم ؟

[طــــــــــلال]

من جاب طاري خزام

الإجتماع عند طعس القصمان من الساعه ( الرابعه ) عصراً

ننتظر حضوركم وتفاعلكم

تحياتي لكم ،،،

[رحال سدير]

خزام ( محطة خزام عند طعس القصمان ) ^_^

[طــــــــــلال]

ههههههههه اللي تبي

وينها وين محطة الخزام بعيده

لان احياناً تصير تجمعات في نفس المحطه

حياك الله ،،،

[رحال سدير]

هههههههههههههههه

خلاص يرحم والديك بدى ينلحس مخي الوعد طعس القصمان وبس ههههههه

[طــــــــــلال]

على كل هالشرح خلك ماتجي اوريك :mad:

:7bteen:

لاتنسانا من الحضور

تحياتي لك ،،،

[KHELAN]

اخوي طلال الفكرة جيده وانا ماعندي مشكلة
لكن عندي كلام ودي اقوله ولا احد يزعل مني
انا اضم صوتي لكم وحنا في اخر اجتماع كان في طعس القصمان
اتفقنا انه تكون فيه طلعة في ( الطوقي ) يكون فيها غداء وعشاء وبيكون فيها قطه من الجميع
بس نبي الجو يبرد شوي عشان نطلع من الصباح ويكون فيه تصوير ويكون فيه وفلة حجاج
وبالنسبه لاختيار المكان ( الطوقي ) مكان هادي ولا فيه مهايط وارضه حلوه و التطعيس فيه خيال
الكل يطعس هناك ونبي التجمع الجاي يكون اكبر تجمع مر على ملاك جيب في المملكة العربية السعودية وانا ابكون صريح معكم بيني وبينكم تعبنا من التجمعات اللي مايجي فيها الا 10 سيارات والمشكله اذا صار فيه اعلان عن تجمع تلقى الردود تعدى 30 رد واذا جت الصمله مايجي الا 10 والله حرام نبي يوم نتجمع فيه يكون مناسب للجميع عشان مااحد يتعذر والله العضيم انا مكلم واحد من اعضاء المنتدى عن التجمع الاخير قالي بلسان صريح قال( انا ليش اتعب عمري واجي واقطع مسافه عشان مايجي الا 5 سيارات 6 سيارات 7 )
وانا مالومه صراحه لاتزعلون مني ومن كلامي يالربع الواحد يتحمس ويطامر ويلغي مواعيد واخرها مايجي احد
اذا تبون تجمع لازم تتفقون عليه قبل شهر من تاريخ الاجتماع عشان نجي كلنا
اسف على الاطاله يالربع لكن هذا شي في الخاطر وسامحوني اذا غلطت او اخطيت
تقبلوا مروري

[OFF ROAD]

اخوي طلال الفكرة جيده وانا ماعندي مشكلة
لكن عندي كلام ودي اقوله ولا احد يزعل مني
انا اضم صوتي لكم وحنا في اخر اجتماع كان في طعس القصمان
اتفقنا انه تكون فيه طلعة في ( الطوقي ) يكون فيها غداء وعشاء وبيكون فيها قطه من الجميع
بس نبي الجو يبرد شوي عشان نطلع من الصباح ويكون فيه تصوير ويكون فيه وفلة حجاج
وبالنسبه لاختيار المكان ( الطوقي ) مكان هادي ولا فيه مهايط وارضه حلوه و التطعيس فيه خيال
الكل يطعس هناك ونبي التجمع الجاي يكون اكبر تجمع مر على ملاك جيب في المملكة العربية السعودية وانا ابكون صريح معكم بيني وبينكم تعبنا من التجمعات اللي مايجي فيها الا 10 سيارات والمشكله اذا صار فيه اعلان عن تجمع تلقى الردود تعدى 30 رد واذا جت الصمله مايجي الا 10 والله حرام نبي يوم نتجمع فيه يكون مناسب للجميع عشان مااحد يتعذر والله العضيم انا مكلم واحد من اعضاء المنتدى عن التجمع الاخير قالي بلسان صريح قال( انا ليش اتعب عمري واجي واقطع مسافه عشان مايجي الا 5 سيارات 6 سيارات 7 )
وانا مالومه صراحه لاتزعلون مني ومن كلامي يالربع الواحد يتحمس ويطامر ويلغي مواعيد واخرها مايجي احد
اذا تبون تجمع لازم تتفقون عليه قبل شهر من تاريخ الاجتماع عشان نجي كلنا
اسف على الاطاله يالربع لكن هذا شي في الخاطر وسامحوني اذا غلطت او اخطيت
تقبلوا مروري

كلامك في الصميم

[طــــــــــلال]

كلامك سليم ياخوي خالد

ولكن انت استعجلت الامور كثير لوك صابر لين اعطيكم بعض النقاط في يوم الإجتماع التمهيدي كان تغير كلامك

ونفرض لو مايجي الا عشر سيارات مع ان العدد تعدى 13 يعني الحل من رايك مانجي !! مو معقول

لكن تعال للتجمع التمهيدي وانا لي تنسيق مع قنوات تلفزيونه لتغطية تجمع الطوقي واللي مرشح من بعض الكباتنه من خلال اتصالاتي بهم أنه يكون بعد العيد ومن ضمنهم اخونا ( الطاره ) الكابتن / ناصر الحرابي

والصبر ثمرته طيبه ولو تخاذلنا بسبب خمول حماس البعض ماتحركنا ولا خطوه

موفق خير ،،،

[cherokee.1996]

الواحد يحتسب الجية عشان إخوانه .. إذا صار كل واحد يقول أجي وما فيه إلا 4 ولا 5 .. ما أحد جاي على هالكلام !!

ولا لا يا إخوان ؟؟

وأنا أقول وشوله يصير إجتماع تمهيدي !!

يعني إجتماع العيد وهو إجتماع العيد ما سويتوا إجتماع تمهيدي .. انا ما أقرأ تفكيركم بصراحة


لكن اللي يظهر لي .. ليست عدم الفائدة من هذا الإجتماع .. بالعكس زيادة تعارف !!

لكن عدم الفائدة هي .. تسمية هذا الإجتماع (( تمهيدي )) !!


والجو زاان هاليومين .. وأنا أقترح لا تخلون تجمع الطوقي أيام العيد .. تعرفون فيه ناس يحجون .. وناس عندهم إرتباطات مع أقاربهم بحكم المعايدة وكذا .. والواحد ما ينكر .. يبدي الأقارب قبل الإجتمااع ,,


أنا أقترح الجمعة هذي تصير الطووقي ولا ؟


أخوكم . cherokee.1996

[طــــــــــلال]

يا اخوان ماقررت الإجتماع التمهيدي الا لدراسة الإستعدادات لتجمعنا في الطوقي وفيه كباتنه بيحجون علشان كذا قررت انه يكون بعد العيد

وسميته ( أجتماع ) وليس ( تجمع )

والإجتماع هدفه دراسة ترتيبات ومحاولة زيادة عدد الحضور في التجمع القام المقرر مكانه في الطوقي لأني منسق مع قناتين تلفزيونه لحضور التجمع وتغطيته

ولازم يكون مرتب ونضهر بشكل لائق لأنه يسعود علينا بالنفع والفائده بعد ذلك

لاتستعجلون الأ مور واللي ماقدر يفهم كلامي يصبر ويشوف

موفقين جميعاً ،،،

[KHELAN]

يالربع انا ماعندي مشكلة والله بس اذا صار تجمع لازم يكون معلن عنه قبل الموعد بمده كافيه
عشان كل واحد ينسق اموره صح ( حنا نطمح الى اكبر تجمع لملاك جيب في تاريخ المملكة ) كبيره صح :icon6:
المهم انا باذن الله من المتواجدين وانتم فصلوا وحنا نلبس ( لو سمحت ثوب كبك ):unlock::unlock: امزح
تقبلوا مروري

[طــــــــــلال]

الجميع ماعندهم مشكله مدام هدفهم الرقي

وانا حددت موعد للقاء وسميته ( إجتماع ) وليس ( تجمع ) رسمي

نناقش فيه ترتيبات وأقتراحات التجمع القادم المقرر مكانه في الطوقي بعد العيد بفتره كافيه للجميع

ننتضر حضوركم وتفاعلكم

تحياتي للجميع ،،

[cherokee.1996]

أها فهمت الفكرة عزيزي طلال :showoff:


وإعذرني إن كاني اخطيت ولا شيء :cloud9:

أهم شيء إ، التجمع يصير بعد العيد بفترة كافية كما تفضلت أخوي طلال ,,

أشكر لك إهتمامك .. وسعة بالك

أخوك . cherokee.1996

[ابو سحب]

يا شباب انا انلحست :unsure:

الحين فيه التمهيدي ولا ما فيه :icon9:؟؟؟؟

اذا كان فيه بالله الوصف اذا ما عليكم امر.....,

[KHELAN]

ابو سحب الوعد الساعة 4 العصر عند محطة خزام ولا عند البنقاليه اللي يعبون هواء
يوم الخميس وطعس القصمان ماهوب بعيد عن المحطة بس انت اصمل وتعال :showoff:
وحنا في انتظارك

[ابو سحب]

ان شاء الله
الوعد بكره بس بالله ارسلي رقمك

ما له داعي اجي واجيب العيد ههههههههه

[ملهماوي (811)]

الإجتماع بكره الساعه 4 عند محطة خزاام ؟؟؟؟

[طــــــــــلال]

أها فهمت الفكرة عزيزي طلال :showoff:


وإعذرني إن كاني اخطيت ولا شيء :cloud9:

أهم شيء إ، التجمع يصير بعد العيد بفترة كافية كما تفضلت أخوي طلال ,,

أشكر لك إهتمامك .. وسعة بالك

أخوك . Cherokee.1996

لا وانا اخوك ماحصل منك خطأ ولا شي

الموضوع من حقكم تفهمونه

وحياكم الله

تحياتي لك ،،،

[alhwawy37]

:icon6: للاسف محد قالي :icon6:

المفروض يا طلال من مبطي منزل الاعلان لاني ما دريت الا بالليل :compress:

[طــــــــــلال]

:icon6: للاسف محد قالي :icon6:

المفروض يا طلال من مبطي منزل الاعلان لاني ما دريت الا بالليل :compress:

اللي مستمر في متابعة المنتدى مايفوته شي

وانا اقولك مافاتك شي لاتنسانا في التجمع الرسمي اللي بعد العيد

وسيتم الإعلان عن الزمان والمكان قريباً

تحياتي لك ،،

[ابورغد]

اخوي طلال ودنا نحضر ذا التجمع شكله بيصير افضل لأن الطوقي مكان مريح ومافيه زحمه وإزعاج
بس تكفون خلوه بعد إجازة العيد نصير رجعنا من السفر
وبعدين تكفون الإعلان عن التجمع نبيه بدري على الأقل قبل التجمع بإسبوع علشان اللي مادرى يدري
وعلشان نتجهز ونتفرغ له زين
هذا إقتراحي والله يكتب اللي بوه خير...

[طــــــــــلال]

أقتراح جميل وهذا الي بيصير

اشكرك على تفاعلك

تحياتي لك
،،،