المساعد الشخصي الرقمي

مشاهدة النسخة كاملة : سؤال لأهالي الــتزويد

شيروكي كويتاوي
11-15-2009, 03:51 PM
السلام عليكم جميعا
لأأهل الخبره بتزويد الشيروكي والتعديل عليه خصوصا التعديل الخارجي للمكينه (هوائيات)
لاحظت بهذا المنتدى الكريم ان في فئه من الشباب يركبون شغلات وبغيت التوضيح منهم...

1-بالنسبه للثلاجه 2000 شنو القصد فيها وشلون طريقة التركيب والبورتنق وهل تركب من غير ترهيم!!
-2وبالنسبه للثروتل ls1 هل يقصد فيه ثروتل الكمارو وهل يركب من غير تعب؟ وشلون طريقة البورتنق؟
--------------------------
وهل الاغراض الي ذكرتهم مع الهدرز والكت باك كامل+ سستم الانتيك + البروقرامر

يغير بالعزك وقوة الموتر


ودمتم بكل الود:drive1:
AL-GHANEM
11-15-2009, 06:08 PM
هلا وغلا بااهل الكويت
بالنسبة لتعديل الشروكي اذا دخلت في التزويد ماراح تخلص منه
بسهولة لان الشغلات البسيطة ماتفرق معك 40%
وراح تتهور وتزود اكثر
ابو فـهـد
11-15-2009, 11:03 PM
بالنسبه لثروتل وش الافضل والي يركب بسهوله
ثروتل LS1 او ثوتل فوورد:helpsmilie:
AL-GHANEM
11-16-2009, 01:56 AM
اغلب الشباب يركبون فورد
شيروكي كويتاوي
11-16-2009, 02:13 AM
يا هلا فيك اكثر يالغانم
لا لا ياخوي التهور مخليه حق الهوندا التيربو الي عندي:wavetowel2:
انا قلت بركب عليه هوائيات بس وبرقرامر وكنت بعرف الخلطه السريه حقت اهل السعوديه:biggrin:

الهمه يا شباب :>

تحياتي للجميع
AL-GHANEM
11-16-2009, 03:06 AM
:wavetowel2: اذا جربت الخلطة راح تجرب شي اكبر
شيروكي كويتاوي
11-16-2009, 01:27 PM
يا هلا بالغانم
انت الحين تخليني افكر بالتزويد بزود:drive1: يلا قولي الخلطه السريه...الخفايف بس :>
فني الشروكيات
11-16-2009, 02:56 PM
هلا بالكويت وباهل الكويت..

الخلاصة المفيدة والزبدة الذيذة :busted_cop:

أن التعديلات الخارجية فقط لوحدها لا تنفع،، يعني خساير على الفاضي،، اشتغل صح وعدل المكينة من الداخل واطرب نفسك واختصر المشوار..

إذا دراهمك والمه وانت صامل علمن ونعلمك وش تزين ونتابع معك الشغل خطوة خطوة..

أتمنى لك التوفيق..
AL-GHANEM
11-16-2009, 05:56 PM
فية خلطات كثيرة يابطل كل واحد على حسب مزاجة
سجل عندك خلطة :showoff:
ستروكر
وبساتم lt1
وكام 512
بورتنق كامل مسح راس ومسح سرندل
وتعديل كهرب كامل من بواجي واسلاك وكويل وجهاز msd
وغير هدرز وثلاجة

راح تنبسط مع الفرق اللي صار
شيروكي كويتاوي
11-17-2009, 01:36 AM
فني الشيروكيات فديت طلتك الي زادت الموضوع نور
والله ياخوي بالنسبه للتعديل مابي ازيد عليه واتعبث فيه لانه السياره استعمال يومي واضرب فيها طريق 130 كيلو علااقل يوميا
فقلت الخفايف يعني منها تزيد عزمه بالبر والتغاريز وخبرك الشتا دخل وموسم فقلت عن طيب خاطر اسوي جم شغله فيه
يا هلا الغانم منور يالطيب انت جذي بتدششني بالعميق:biggrin: انا كنت ابي اسوي الي اشوفه يسونه الشباب بالمنتدى ثلاجه 2000 مع البورتنق وثروتثل مع البورتنق وهدرز وشمعات احتراق ووايرات الشمعات والام اس دي بس ماني عارف شنو المقصد من ثلاجة 2000 يعني ثلاجة شيروكي موديل 2000؟وشقول للمخرطه حق البورتنق؟والثروتل نفس الشي

ودمتم بكل الود...العموم منورين الموضوع تحياتي لكم
AL-GHANEM
11-17-2009, 02:05 AM
ياحبيبي الشغلات البسيطة ماراح تحس بالفرق وايد
اذا انت تبي جذي خفايف براحتك تخسر نفسك بدون فايدة
تفرق معك فقط 20%
الثلاجة مقصد موديل 2000
شيروكي كويتاوي
11-17-2009, 02:50 AM
ماعتقد عندنا بالكويت كام للشيروكي وان وجد يكون لحاله من غير السبرنقات والروكرات وهم الستروكر ماكو
والثلاجه سهالات والثروتل سهالات والبورتنق هم كذلك

شلون الاسعار يالغانم وهل لاستعمال يومي انا حاليا حرارة موتري ربع


شاكرك على متابعة الموضوع
AL-GHANEM
11-17-2009, 03:00 AM
تحت امرك اي وقت اخدمك بعيوني يالغالي
بالنسبة للكام تبي اشوف لك عند الشباب اذا حصلت ارسلهم لك
والخلطة هذي مجربة استعمال يومي شغل عدل
والاسعار على حسب شغلك
انت اكتب الخلطة اللي في راسك جذي اعرف الاسعار
شيروكي كويتاوي
11-17-2009, 03:11 AM
واللهي للأسف ماعندنا بالكويت ناس تشتغل بشيروكي صح
الموجودين كلهم ميكانيكيه لسبورت كمارو وكورفت وتيربوات....
المغامره بتبطيلة المكينه مشكله+ماودي ابطلها لاني ابي اكبر ارتفاع التواير وعرضهم (يعني الموتر بصير ثقيل)
انا الي ودي فيه ثلاجه + ثروتل + سستم كهربا كامل+هدرز وكت باك +بسستم air intak +بروقرامر
عشان يشيل عمره شوي ماني طماع
AL-GHANEM
11-17-2009, 03:21 AM
بطل المكينة اذا بتشغل عدل مو حي الله
اذا بتركب تواير كبيرة راح يعدم عليك دفرنس :unlock:
شيروكي كويتاوي
11-17-2009, 03:24 AM
توايري حاليا 235\75\15
ابي اكبرهم عشان شكل الموتر يصير نظره يعني 245\90

يأثر بعد ؟؟
رايك اخليهم على حطتهم؟
AL-GHANEM
11-17-2009, 03:29 AM
لا كذا عدل توقعت بتركب شي اكبر
حركات امريكا
شيروكي كويتاوي
11-17-2009, 03:52 AM
حركات xj يبيلها مبلغ وقدره
خلنا على الخفايف ازين
بس قولي ياخوي شقول للمخرطه اذا وديت الثروتل ويه الثلاجه؟؟؟
والثروتل كمارو ال اس ون ولا موستنج واي موديل الموستنج؟؟؟
والثلاجه والثروتل يركبووون من غير عوار راس؟؟

دوختك معاي يالطيب اسمحلنا
ابوعزيز
11-17-2009, 10:04 AM
يعطيكم العافية ياا شباااب
شيروكي كويتاوي
11-17-2009, 10:08 AM
يعافيك يابو عزيز منور الموضوع
OFF ROAD
11-17-2009, 10:08 AM
تبي شوري؟
بحكم انك بالكويت والتشاليح مليانه شيروكيات خذلك مكينه من التشليح حتى لو مخبطه اهم شي السلندر والكرنك والراس تكون سليمة
وركب عليها يساتم lt1 وامسح الراس وسوله بورتنق يعني توسع مجاري الهوا وتنعمه وركب كام شفت وخذ ثلاجه 99 او 2000 نفس الشي وفصل هدرزو لما يجهز كل شي ود موترك يوم واحد فك وركب ومكينتك موجوده اصار شي لاقدر الله ولا تشوفلها زبون بعدين
وانت ابوها وسمها
شيروكي كويتاوي
11-17-2009, 07:25 PM
كلك عدل يا اوف روود وجهة نظر احترمها...ما ودي ادش بمعمعة الحراره العاليه..السياره استعمال يومي طال عمرك

منور الموضوع يالغالي
AL-GHANEM
11-18-2009, 02:56 AM
اسف على تاخير حبيبي
بالنسبة للمخرطة 1ملي
ثروتل ركب حق فورد 92-- او ls1 نفس الشي
تركيب لازم تروح ورشة شغل عدل
خالد رانجلر
11-18-2009, 06:05 AM
ثروتل ال اس ون ما اتوقع احد يرهمه في الكويت يحتاج صبه &تعديل عشن يركب الحساس:biggrin:
شيروكي كويتاوي
11-23-2009, 11:54 AM
اشكر كل من ساهم بتوفير الملعلومه لي بهالموضوع
الخلطه ان شاء الله
1-العمل على ثلاجه شيروكي موديل 2000 بورتينج 1 مل
2-ثروتل فورد موستنج 92 بورتنق 1 مل
3-هدرز ستيل
4-سستم air antake
5بروقرامر
E.M.S
11-23-2009, 12:45 PM
موفق ياكويتاوي
بس لو تزيد عليهم فلتر kn مع العازل
بيكون شغل عدل
شيروكي كويتاوي
11-23-2009, 04:40 PM
موفق ياكويتاوي
بس لو تزيد عليهم فلتر kn مع العازل
بيكون شغل عدل

حاضرين طال عمرك
ذاكره مع الاغراض
رقم 4- سستم air antake
شاكر لك مرورك واهتمامك
ابو فـهـد
11-23-2009, 09:31 PM
اذا عدلت علمنى وش صار معك :wavetowel2:
AL-GHANEM
11-24-2009, 04:22 AM
لو تسوي 3 مل يكون احسن