تعقيب على مضوع الغانم في قسم الافلام

[OFF ROAD]

السلام عليكم ورحمة الله
امس وانا اتصفح في المنتدى في قسم الافلام خاصة شفت موضوع لاخونا الغانم بعنوان (مراقى شيروكي اسود)
وكانت لي وقفه طويله في هذا الموضوع وكتبت رد في نفس الموضوع لاكن جا في بالي يمكن مايقراه الا القليل فقلت انسخه هنا ليحذر الاخوان وكان الرد كالتالي
هلا بالشباب
فعلا هذا الطعس بالهافمون يسمونه طعس بايسن عند الخط الجديد اللي يشق المهجور
والموتر عليه هدرز العتيبي وفاك السده
والموتر امريكي تماتيك محول عادي يعني كوارين حاشره
لاكن للاسف اللي يسوق الموتر راعي الورشه اما راعي الموتر ماله علم
وللتحذير راعي الورشه اسمه حكيم يمكن تعرفونه بصناعية ركاز
وكان كهربائي في ورشة العلمين ويدعي انه دارس ميكانيكا ويلعب على الناس
والله اذكر انه كان كهربائي وفجئه فتح ورشه وصار ميكانيكي وراعي تزويد شيروكيات
وصارتلي معاه مواقف تاكدت انه حرامي
مره يقول انه غيرلي طرنبه البنزين وركب حقت تايوتا وبعد فتره فكيتها وهي نفسها حقتي
ومره كان عندي صوت مع المكينه اذا دعست وكنت متأكد ان المشكله بالبكرات ورحتله قلت بجرب قالي (اللي وضبلك المكينه حمار) ضحكت وقلت ليه قاللي ماوزنلك الكرنك لازم انزل القير وافك الوجهية واشدلك الكرنك
يحسبني حمار قلت باجيك بكره قالي نصيحه لاتتأخر على الموتر لاتعدم المكينة لا ويقول هذا عيب معروف بالشيروكي وعندي اكثر من 3 شيروكيات قاعد اصلح نف المشكلة
وانا ولله الحمد هذا الجيب رقم 12 عندي وماسمعت بالمشكلة المزعومة
طبعا الموتر ماتوضب من قبل وصلحته بعد مافكيت السير وفريت البكرات وطلع رمان طرمبة الباور فكيتها وصلحتها ب 30 ريال
حسبي الله على الظالم
ولما رجعتله وكلمته قالي احمد ربك جات على كذا وبدا يصرف ويسألني ماتخبر جيب للبيع
الحذر الحذر الحذر منه والله مايفهم شي
اسمع يقول لواحد بزود موترك قاله كيف قال بخففلك دعسة البنزين
اسف على الاطاله بس المقطع استفزني
انتهى الرد
وبصراحه هذا الموضوع يقهر خاصه اذا صاحب السياره مستأمن ونايم ببيته
وصار اليوم اجتماع مع الشباب وقال احد الاخوان ان مره لقاه يفحط بسيارته بعد ماحطها عنده عشان يزبطله بعض الشغلات

[ابو فـهـد]

افففف
حكيم سامع بالاسم ذا
هو الي بصناعيه الخليج؟

وين ركاز ذي:icon9:

[OFF ROAD]

هلا ابو فهد
صناعية ركاز اللي بعد الصناعيه القديمه وانت متجه اسكان الخبر

[ابو فـهـد]

اها عرفتها:pirate2:

[abonorah]

الله يستر

وشكرا على النصيحه

[نــــاصــــر]

لاحول ولا قوة إلا بـ الله ...

حسبنا الله ونعمـ الوكيل ...

[OFF ROAD]

لاشكر على واجب
شرفني مروركم

[ابو وضاح]

حسبنا الله ونعم الوكيل تسلم على هذ1 التحذير بارك الله فيك

[OFF ROAD]

هذا اقل واجب نقدمه لاخواننا بالمنتدى

[OFF ROAD]

ماشاء الله
الشباب متفاعلين لاخر درجه :baaa2:
والله حمستوني اكتب مواضيع:bomb:

[ابو ولـيـــjeepــد]

لا حول ولا قوة الا بالله
طيب وش نسوي الظاهر مالنا الا كل واحد يشتغل بسيارته بيده

جزاك الله الف خير اخوي اوف رود

[OFF ROAD]

الله يحييك اخوي ابو وليد
احسن حل ركب جهاز تعقب بالسياره:busted_cop:
حسبنا الله ونعم الوكيل

[bkl 66]

حكيم من اول وانا حاس انه نصاب ,

اذكر يوم خويي فتح له ورشة جنب حكيم كنت اتكي عند خويي في الورشة و اشوف ذاك الشيروكي اللي رايح جاي مافيه غير جلللد بالموتر

واقول لخويي من هذا قالي هذا اسمه حكيم ناصب على الناس و خصوصا اصحاب الشيروكي

يجلس ياخذ سيارات الزباين و يحوس فيها و يقاوم فيها ,

اللي بعرفه شلون ابو سعد دايم يصلح عنده صاحب الشيروكي الاخضر اربع ابواب تماتيك
و برضو راعي الرانجلر 95 البنفسجي دايما عنده ,

عموما حكيم سمعته تعبانه بقوة عند الناس اللي عارفينه لكن للاسف كثير ينغشون فيه

[OFF ROAD]

والله العلم عند الله
لاكن بيجي يوم ويعرفونه على حقيقته
لاكن الحمد لله ان اكثر الناس عارفينه على حقيقته

[ابورغد]

اخوي اكتب أي موضوع تحس إنه ينفع الأعضاء
ياشباب الغش منتشر في الورش واللي ماعنده إلمام بالميكانيكا يستشير قبل يروح
الله يوفق الجميع ومشكور اخوي على النصيحه.

[خالد رانجلر]

مو بس عندكم حتى حنه في ناس تركب مرواح بــــــــ500 وشغل صح وفي ناس بـ1000 وشغل زفت :biggrin:

[حمد العقيلي]

والله من ناحية هالنقطه لازم تعرف اللي تشتغل عنده قبل لاتجرب


النصب والاحتيال كثييييييييييير هالايام والمشكله للي مايعرف بالشروكي شي


وتصير من نصيبه يلعب ويعبي بمخ هالضعيف


الله يستر بس

[AL-GHANEM]

يالغالي مو بس عندكم بالشرقية حتى بالرياض في ورشات سعوديين نفس النظام
تعطية سيارة يصلحها يشوفك طالع من عند الباب يشغل السيارة
واحلى تفجير بالشارع ويرجع يقول خربات كثيرة في سيارتك
مااقول الا الله لايوفقكم لادنيا ولااخرة
ومشكور على موضوع يابطل

[OFF ROAD]

اسف على التاخير ياشباب بس انا بعيد عن النت هلفتره
اشكلر كل من اثار الموضوع والموضوع طرح للفائده والحذر من حكيم واشكاله

[alhwawy37]

حسبنا الله ونعمـ الوكيل ...

[شروكي 2001]

لا حول ولا قوة إلا بالله

مشكور على النصيحــه

[ابوعبودي]

الله يكفينا شر هالحرميه بأي محل

[- jeep -]

حسبي الله وونعم الوكيل ماحد حجره ودقه خلاه يتادب

[الكوماندر الفضي]

لاحول ولاقوه الى بالله

[شروكي على نياته]

8
8
- jeep - << هههههههه ياخي انت زاحف :unlock:

الله يعين يااارب
ويكفين شرهم

[AB0-HAMZA]

السلام عليكم ,ادري الموضوع قديم بس حبيت اوضح شي ,الجيب الاسود الي بالفيديو حق الاخ حكيم وباعه الان وشي مو غريب انك تشوف مواتر زي بعض روح الهافمون مثلاً تلاقي مواتر كثيرة زي بعض ونفس اللون سواء كانت من وكالة جيب او غيرها وبدون اكسسوارات شد بلد وبعضها تلاقي عليها جنوط جي تي بعد:icon9: وهذا يصعب الامر اكثر, ماتفرق بينها الا بلوحة السيارة او من الكفرات مثلاً اجلكم الله.

والاخ bkl 66 تقول (راعي الرانجلر 95 البنفسجي دايما عنده) الموتر ذا موتر حكيم.

الزبده والي ابي اوضحه انه الي يموووووون يسوق موتره سواء عند الورشة او بالهافمون , والزباين الي مايعرفهم مايحرك مواترهم ولايجربها.

وتقولون كان كهربائي وصار ميكانيكي<--- طيب وين المشكلة هنا اذا ترك شغل الكهرب واهتم بالميكانيكا فقط ,يعني تبون تقنعوني ان الهنود والبنغال الي بالورش يجون من ديرتهم فاهمين ميكانيكا,حدهم دراجات هوائية.<--متعوب عليها.:unlock:

واتمنى تتحققون من الشي قبل ماتنشرون وتقطعون رزق الرجال,وتذكروا ((مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)).

[الاشعث]

جزاك الله خير ابو حمزه.

الله يستر عليك ...فعلا يجب التأكد قبل نشر اي خبر وخاصة اذا الموضوع فيه اسماء..

وجزاك الله خير انك ذبيت عن اخوك المسلم..

اخوي ابو حمزه سؤال على الطاير الرانجلر اللي عندك كم موديله ؟؟ واي نوع صحارى والا غيره؟؟

وهل انت مغير الكوارين والا شد بلد وكم حجمهه لأني شفتك كم مره ماشالله عليك وانت تراقي على بايسون وما شالله الكوارين شاده ...

فحبيت اعرف الله يجزاك بالخير..

[AB0-HAMZA]

مرحبا اخوي الاشعث,يعطيك العافية.

بخصوص الجيب :-

الموديل: 2003
النوع: صحارى
الكوارين: شد بلد <---- اذكر الله

انت وش موترك ومديله ولونه :icon9: وجربته في بايسن ؟

[الاشعث]

ماشالله لا قوة الابالله..

الله لا يضره..

والله انا معي شروكي سعودي قير عاادي ..وهو البلا .. خبرك الشروكي بالذات القير العادي ما يشد في المرقى الطويل .. عشان كذا يغيرون له الكوارين.. من اجل تكون حاشره ..

يعني مو مثل الرانجلر بالدبل الثقيل مع الترس الثالث يشد وما يطيح عزمه ما شالله ..

لكن الشروكي عله بالثالث مع الثقيل يطيح العزم وما يشد وبالثاني مع الثقيل ما يمديك تدوس الا قام يحفر ويقطع السفتي...


اما لون سيارتي ماني قايلك عنه .. لأني ابي اتفرج عليك انت وحكيم وانتو تراقون عل بايسون ...
:drive1:

[cherokee 04]

جزاكم الله خير على النصيحه

الحين أنا احترت

قبل شوي قريت موضوع انكم بتفيدون السعوديين اصحاب الورش للي فاتحين ورش عشان يترزقون الله

وانا قلت بالرد على هذاك الموضوع على الاقل عنده شوي ذمه وضمير .. مو البنغالي يخرب ام الموتر .. وموت وانت تدور عليه

والحين هنا اقرا انه السعودين لا عطيتهم موترك قام يفحط فيه !!!!!!!!!!!!!!!!

معقوله ؟؟؟ انا مو مقتنع لانه مستحيل ياخذ سياره مو له ويروح يطعس .. مع العلم انه ممكن يكون صاحب الشيروكي موجود بالتجمع
!!!
والله مادري عنكم حيرتوا راسي

[OFF ROAD]

السلام عليكم ,ادري الموضوع قديم بس حبيت اوضح شي ,الجيب الاسود الي بالفيديو حق الاخ حكيم وباعه الان وشي مو غريب انك تشوف مواتر زي بعض روح الهافمون مثلاً تلاقي مواتر كثيرة زي بعض ونفس اللون سواء كانت من وكالة جيب او غيرها وبدون اكسسوارات شد بلد وبعضها تلاقي عليها جنوط جي تي بعد:icon9: وهذا يصعب الامر اكثر, ماتفرق بينها الا بلوحة السيارة او من الكفرات مثلاً اجلكم الله.

والاخ bkl 66 تقول (راعي الرانجلر 95 البنفسجي دايما عنده) الموتر ذا موتر حكيم.

الزبده والي ابي اوضحه انه الي يموووووون يسوق موتره سواء عند الورشة او بالهافمون , والزباين الي مايعرفهم مايحرك مواترهم ولايجربها.

وتقولون كان كهربائي وصار ميكانيكي<--- طيب وين المشكلة هنا اذا ترك شغل الكهرب واهتم بالميكانيكا فقط ,يعني تبون تقنعوني ان الهنود والبنغال الي بالورش يجون من ديرتهم فاهمين ميكانيكا,حدهم دراجات هوائية.<--متعوب عليها.:unlock:

واتمنى تتحققون من الشي قبل ماتنشرون وتقطعون رزق الرجال,وتذكروا ((مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)).

ياحبي لك ياشيخ
بالنسبه للرانجلر البنفسجي هذا حق حكيم ما اختلفنا
اما الجيب الاسود لا هو حق حكيم ولا قد شراه ولا قد باعه اللي كان حقه الزيتي ال97 المكسر اللي باعه ب9000 ودفرنسه الخلفي خربان
اما الاسود حق زبون وقد عرض علي اسوقه بعد مامشى الزبون مباشره وقالي جرب التعديل اللي عليه
ولاتحسب اني اتبلا على الرجال ولا اجيب كلام مو متأكد منه
وانا اتكلم بواقع تجربه عشتها بنفسي ولاهي منقولة من واحد الى واحد
وانت يابو حمزه طاير بالعجه بحكيم بس بيجي يوم تنلذع منه وتكتب موضوعك هنا بالمنتدى

[AB0-HAMZA]

السلام عليكم ,شوي شوي طيب, لاتدف:boxing: , اخي العزيز OFF ROAD انا ماقلت انك تتبلا عليه او كذبتك ,كلامك صحيح كان عنده شروكي زيتي مثل ماقلت باعه واشترى الي بالفيديو الاسود وباعه واشترى الرانجلر و معروض للبيع الان واعتقد اشترى شروكي الآن واذا ماتبي تصدقني اسأل:cry:,واي شخص مايعرفه شخصياً ويشوفه في الهافمون بجيب اخضر وبعد فترة جيب أسود وبعدها برانجلر بنفسجي ويمكن بعد فتره بشروكي ويروح عنده الورشه بيلاقي شروكيات وجيوب رانجلر اكيد بيشك فيه ويقول هذا شكله يختار وينقي من المواتر الي في الورشة ويطعس فيها ,وفي ايام يكون هو يسوق سيارتي وانا راكب معاه بالهافمون ويجون شباب يقولون ها ماخذ الموتر من الورشة تجربه وهو يطالعهم ومايرد عليهم واكثر من مره صارت,وبعضهم يقولون كلم راعيه شوف بيبع الموتر واعتقد تفكيرهم واضح ومايحتاج اشرح (نفس التفكير) ويعتقدون انه ياخذ مواتر الزباين ويدهر فيها تفجير. ولو تلاحظ في مقاطع الفيديو في واحد منها كان في زحمة وسيارات واكيد كان يوم جمعه ومستحيل احد يتجرأ وياخذ موتر زبون من ورشة ويروح مكان علني ويوم جمعه وتجمع امة محمد وانتشار الكميرات والتصوير وفي وضح النهار ويطعس:rip:.هذا والله اعلم.

وسأنهي النقاش في هذا الموضوع عشان ماتزعل :surrender:

وانا مأكذب

[cherokee 04]

مارديتوا علي ياخي .. مو بكيفك انت وياه تنهوا الموضوع قبل لا تردوا علي

:compress:

:icon9:

:mad:

:clap:

[AB0-HAMZA]

مارديتوا علي ياخي .. مو بكيفك انت وياه تنهوا الموضوع قبل لا تردوا علي

:compress:

:icon9:

:mad:

:clap:

هلا اخوي اعتقد والله اعلم بأن هناك خلاف ومشاكل بينهما ,انتظر الرد منه!

[ابو خالد12]

مافي احد شغال بالصناعيه الا وهو نصاااااااااااااااااااااااااااااب كبير نفسي اطيح بواحد ابن حلال ياخذ حقه بدون مايرفع عليك السعر مستحييييييييييييييييل اذا ماصكك صكت الذيب ولا زرفك بقطع ولا اشتغل لك شغل اي كلام ياشيخ تعبنا من الصناعيه وتعبنا من النصابين وتعبنا من انفسنا يلعن ام الحاله :ranting::biggrin:

مصري اردني سوري <<عالم من النصب
ابوو بنقل << ياحبي له اذا قرر يزرفك يخربها ويزرفك بعشره ريال <شوف طموحه متواضع

انا داري داخل غلط بالموضوع بس منغبن <<امس وهو بالصناعيه

[OFF ROAD]

اخوي شيروكي 2004
مو كل الناس حرامية ونصابين وانا خصيت وما عممت
وبعدين يابو حمزه مو لازم تصير بيني وبين شخص مشكله عشان اقول الحقيقه
وتصحيحا لمعلوماتك الرانجلر البنفسجي كا عنده من ايام الشيروكي الزيتي فكيف تخلط الامور وتقول باع ذاك وشرا ذاك
اللي فهمته ان معلوماتك غير دقيقه وانا على معرفه بهذا الرجل من اكثر من 5 سنوات وصارتلي معاه مواقف كثيره تأكد ما اقول
واعتقد ان زيادة الكلام في هذا الموضوع لاتضيف شئ لأخواننا الاعضاء سوى كثر القيل والقال
وانت اكيد صادق يابو حمزه على حسب معلوماتك
وتأكد بأن ليس بيني وبين احد خلاف

[الاشعث]

السلام عليكم..

انا اللي اشوفه ان الرجال المعني صاحب الموضوع غايب(( حكيم)).. وما يجوز الكلام فيه وهو ما يقدر يدافع عن نفسه ..وترى كل واحد بيتكلم فيه ترى عليك كفل من الوزر يا اخ (( off road)) اما ان قصدك تنصح او قصدك شريف فهذي ما تشفع لك ..فجزاك الله خير ارجو منك ان تكف ويكف الاخوان بالكلام عن الرجل ويكفي ما قيل.. (( واذا عندك معاه مظلمه روح عنده وتفاهم معاه هناك عند ورشة الثقبه)) واظنك تدلها ولا تخلي الرجال يجيك لعندك ويتفاهم معك...


(( ارجو من الاداره اغلاق الموضوع لان به تشهييير بالاسماء)).. سلااااااام..

[OFF ROAD]

السلام عليكم..

انا اللي اشوفه ان الرجال المعني صاحب الموضوع غايب(( حكيم)).. وما يجوز الكلام فيه وهو ما يقدر يدافع عن نفسه ..وترى كل واحد بيتكلم فيه ترى عليك كفل من الوزر يا اخ (( off road)) اما ان قصدك تنصح او قصدك شريف فهذي ما تشفع لك ..فجزاك الله خير ارجو منك ان تكف ويكف الاخوان بالكلام عن الرجل ويكفي ما قيل.. (( واذا عندك معاه مظلمه روح عنده وتفاهم معاه هناك عند ورشة الثقبه)) واظنك تدلها ولا تخلي الرجال يجيك لعندك ويتفاهم معك...


(( ارجو من الاداره اغلاق الموضوع لان به تشهييير بالاسماء)).. سلااااااام..

طيب ياخوي وشفيك زعلان
انا قلت في ردي السابق ان كثر الكلام في الموضوع ماتفيد بشي غير القيل والقال
وجزاك الله خير على النصيحه
بس اعجبتني كلمة (هذي ماتشفعلك) حسستني انك رئيس محكمة التمييز ههههههههههههههه