مشروع تركيب سوبر تشارجر على القراند شروكي (ارائكم)

[قراند2005]

السلام عليكم
كيف حال الاخوان

اذا تكرمتو وش ايجابيات وسلبيات تركيب السوبر تشارجر على الجيب؟؟
لقيت القطع في موقع امريكي ورخيص بـ7500 دولار كامل
+154 حصان خخخخخ وش رايكم تنصحون نتهور
المشكله هنا هل بتزبط على الجراند شروكي 4.7 ثمانيه شلندر 2005
وهل احتاج اغير شي
وهل راح يتحمل القير
ووش رايكم بعد بتركيب شكمان ثاني + دبة صوت+برمجه بعد تركيب كل القطع؟؟

التركيب راح يكون في الامارات 100% لانه هنا في السعوديه ماعندك احد بالنسبه للجيب

وش رايكم يمدي او لا

[راعي الجيب]

وعليكم السلام ورحمة الله

والله غالي مره بيطلع لك حول 25 الف

لو تركب مكينة 2j توين تيربو ماتكلف ولا 18 تعطي 400 حصان

[bngo11]

واللهـ ما لي علمـ هل يمدي ولا لا ولكنـ بعطيكـ عدهـ امور اتمنى انكـ تراعيها

1\ 157 حصاانـ صراحهـ نااتجـ قويـ من السوبر شارجر و يعجبكـ ومغير

2\ ما اتوقع ان القير يتحمل !!! > لا تسألني ليهـ

3\ قيمهـ الشارجر 27500 ريال وهذا صرااحهـ مبلغ كبير + التركيبـ + السفر و التعب

4\ انصحكـ انتكـ تبيعـ الموتر تقريبا يجيبـ 45 الف + 27500 = 72 الف بتلقى srt8 بهذا

السعر تقريبا 2006 يعني ما شي 100 او اقل بشوي او اشتر هيمي وتعدل عليهـ

تعديل خفيف فمثلا قيمتهـ 2006 بحدود 60 الفـ للنضيف يبقالكـ 12 الفـ بإمكانكـ تركبـ عليهـ

مقويات وبرمجهـ وشغل نظيف ولا تركبـ عليهـ كتـ كامل ل srt8 اذا كان يعجبكـ الشكل لأنهـ

اقوى من موتركـ ب 45 حصان تقريبا و يجمل اتكلمـ عن الهيمي ولكن srt8 دور بتلقى ب 70

الفـ ريال ,,

واللهـ الموفقـ في انتظاركـ

[الكوماندر الفضي]

سلمك الله

السوبر شارجر مايركب الا على اس ار تي 8

اذا معك 5.7 تجدر تركب تيربو راح يصير 420 حصان

بس اذا تبي شغل على مكينه موتورك ركب فلتر رياضي

فك دبات التلوث ركب اجزوز سيستم

بواجي رياضي

برمجه جيت

النتيجه حدود 55 الى 60 حصان راح تحس با فرق وراح تقوم على الهيمي

بس نصيحه بيع موتورك وخذ هيمي اي حجم لان الهيمي يعتبر محرك رياضي يعني اذا تزوده الى 200 حصان ما يضره حمار شغل هع هع هع هع هع

تحياتي الك

[الكنج]

مرحبا بالجميع

بالنسبة يا اخوي الشباب ما قصروا

لكن بالنسبة لوجهة نظري ورايي في الموضوع انه تبيع السيارة وتشتري على الاقل srt8 مادام انك عازم تروح للامارات وتركب سوبر تشارج مع انه اعرف لك احد يركبه هنا

واذا تقول ماني بايع موتري فاقول لك الشغله طويله جدا واولها قير سيارتك ما راح يتحمل القوة اللي جت عليه ابدا خالصين منها اصلا srt8 اذا ركبت سوبر تشارج القير لازم يتعدل ولا ما يستحمل حتي اللترات في الجيب يختلف بعد السوبر تشارج يصير 7 لتر بدل سته فاصلة 1

عموما انت حر بموترك وحلالك لكن حبيت انصحك .
بصراحة انا ملاحظ اانه جميع ملاك جيب 4,8 يبغون سيارتهم تصير سريعه مره ما الومهم لاني مجرب الموتر مره عزمه تعبان بصراحة انا اصنفه 6 سلندر حرام 8 سلندر عليه الافالون سيارتي السابقة يطلعه في تصوري الا اذا تم تعديله .
شوف اذا انت مصمم عندك الهيمي عزمه حلوا ومكينته حلوه لكن الافضل في القوة \طبعا srt8 بدون منازع في كل اللي ذكر .
واذا انت بعت موترك فيه srt8 يجيك معدل منه وفيه 720 حصان سوبر تشارج بسعر 145 الف قابل للمفاوضه لكن هذا الكلام من زمان شفته لكن الان اتوقع سعره قل اكثر وما ادري الموتر انباع بس حبيت لك وهذا الموتر شفته للبيع في الامارات .
اخير فكر في الموضوع صح قبل تندم على قرار ما درسته صح لان المبلغ اللي راح يندفع ماهو هين ولا راح تضيع فلوسك واتوقع راح تدفع اكثر بكثير من هذا المبلغ + المشاكل بعد التعديل كثيرة جدا فوق ما تتصور لانك حملت الموتر فوق طاقته واصلا هو ما يتحمل اللي انت راح تعمله على المكينه شي اكيد

بالتوفيق واسف على الاطالة

[الكنج]

ملاحظة بالنسبة لسعر السوبر تشارج يكون واصل لك بحدود 32_33 الف مع الشحن وبصراحة مبلغ جامد غير التركيب يعني الموضوع يبغاله تفكير بقوة

[EmPeRor]

فادوك الشباب

بالنسبة لتحمل القير التماتيك والكلتش
راح انزل كتاب باذن الله او موضوع بخصوصة وبيفيدك كثير باذن الله

[دح ديح]

ماشاء الله فكره حلوووه
و الشباب عطوك الي عندهم ما قصرووو
و لا راح اكون افضل منهم لعدم خبرتي بالقراند شروكي الكافيه

بس حبيت اعطيك معلومه
بالرياض فيه ورشه slr حقت الرشيد الي عنده برمجه على الداينوو
الحين عنده وكاله على شركه من شركات السوبر تشارج
يعني بيفيدك اكثر وش الي ينفع لموترك ووش الافضل لك
وراح يبرمجلك الموتر على الداينو بحدود المعقول يعني اخر حد
ولو زاده لك راح تواجه مشاكل و منها يا القير يطق او المكينه لا سمح الله لعدم تناسب قوه السوبر مع موترك
واذا ما خاب ظني السوبر تشارج ينقسم ل 3 انواع
منها السوبر تشارج العادي و البرو تشارج و الثالث ما يحضرني اسمه
هذا الي عندي و انشاء الله اكون افدتك بالي اقدر عليه

و أحسبها صح قبل لا تطلب او تروح للأمارات او تركبه هنا
و موفق خير

[سـلـمـونـي]

مآقصصروآ الششبآب ..

وأنآ مآعندي خبره .. وأسستفد منهم ..

ونصيحتي أنك تبيع موترك وتششتري هيمي .. وعدل عليه على رآحتك ..

[دح ديح]

هاه وش قررت وش صار معاك
خلنا نشوف ابداعاتك

[Rayan]

وعليكم السلام والرحمة

عندي مداخله على رد اخوي الكنج

حتي اللترات في الجيب يختلف بعد السوبر تشارج يصير 7 لتر بدل سته فاصلة 1

يالغالي سعة المكينه ما تتغير اذا ركبت شواحن ، تتغير بالستروكر ، اللي هو الجزء السفلي من المكينة

تصحيح معلومة فقط لا اقل ولا اكثر

بالنسبه لي اشوف ان الموضوع ما يستاهل سوبر خصوصاً انه يبي يكلفك لا يقل عن ٣٠ الف ريال من تركيب وغيره

مثل ما قالوا الشباب ٥.٧ والا شد حيلك شوي و خذ Srt8 مستعمل واطرب زمانك

وبالتوفيق يالغالي

[الكنج]

وعليكم السلام والرحمة




عندي مداخله على رد اخوي الكنج



يالغالي سعة المكينه ما تتغير اذا ركبت شواحن ، تتغير بالستروكر ، اللي هو الجزء السفلي من المكينة

تصحيح معلومة فقط لا اقل ولا اكثر

بالنسبه لي اشوف ان الموضوع ما يستاهل سوبر خصوصاً انه يبي يكلفك لا يقل عن ٣٠ الف ريال من تركيب وغيره

مثل ما قالوا الشباب ٥.٧ والا شد حيلك شوي و خذ srt8 مستعمل واطرب زمانك

وبالتوفيق يالغالي




انا اقصد السوبر تشارج مع تركيب الستروكر مثل الامريكي اللي بالنت اللي معدل المكينه 7 ليتر 720 حصان مستوي احترافي اما سوبر تشارجر فقط ماهومستوي قوي مره لكن حلوا وفعلا رجعت للكلام لقيته مبتور من السرعة في الكتابه انا اقصد تغغيير كامل وتعديل للمكينه والدليل ارجع لكلامي كلامي عن تعديل 720 حصان وشكرا للملاحظة والتنبيه

[jeep.tec]

من قالك انه بالسعوديه ماعندك احد بالجيب حبيبي اكثر مستخدمين لسيارات جيب بالخليج السعودية



قراند شيروكي سوبر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟