طرق السست

[رحال سدير]

السلام عليكم

كيف حالكم

رحت لورشة ابراهيم اللي في الصناعيه القديمه

ورفعت موتري من ورى

رفعته بطرق سست + اضافة سسته اماراتيه ..

اتفقنا يرفعه 7 سانتي بحيث انه مايحتاج لتنزيل قير

الموتر ارتفع 9 سانتي وجاب العيد الله يهديه

طبعا غير الشقله الغبيه اللي جت طلع صوت في القير يعني يبيله تنزيل ..

سؤالي لو انزل الموتر بخياش رمل مؤقت بتروح علة القير والا ماكاني سويت شي بس شكل ؟

الله لايهينكم ابي الاجابه عااجل انا متوهق اخاف القير يطق انا في الشمال والصناعيه في الشرق

[KHELAN]

والله انا من رائيي انك ترجع له يشوفلك حل ولا تشوف السسته الجديده كم رفعت الموتر
لانه مع طرق السست والسسته الجديده شقل الموتر لكن لاتحط اكياس رمل لانها تبي تثقل على الموتر
ويمكن تدمر عليك شي ثاني انت شف كم عرض السسته الجديده ( سمكها ) يمكنها هي اللي زادت الرفعة
ولا نزل القير وريح بالك من وجع الراس وياليت تصور الموتر على جنب وتنزل صورته عشان الكل يفيدك
اتمنى اني افتدك وراح يفيدونك الشباب اكثر
تقبل مروري

[رحال سدير]

هلابك عاشق ترهيم

الطرق لازم ازود سسته والا ما استفيد من الطرق يرجع ينزل الموتر بعدها باسبوعين او شهر اما السسته تثبته ماينزل

لكن رفعته بعفريته من قدام 2 سانتي وطلع مهبول شكله .. ضنكم لو ارفعه يتعدل القير ؟ لان الموتر بيصير شبه متساوي ..

[cherokee.1996]

لا موب متغير إذا رفعته من قدام .. لأن الزبدة من ورى .. ومن قدام ما يفرق واجد


لكن أنا كان موتر ورى 27 وزدت سستة إماراتية مع الطرق .. وقالي إبرهيم كم تبيه .. قلت 31 يعني 4 سنتي

وما شاءا لله عليه جابها إلا شوي

يعني 31 -32

ومتري طلع له عررة .. لكن إذا صرت محمد أو راكب معي أحد يصير مضبوط ,,

وإذا صارت نازل من الزدية تطلع العررة بقوة مررة تقول بيطق القير .. لأن الموتر يرتفع من ورى وأنت نازل :rip:

فأنا أقول ركب كيس رمل أو كيسين .. على حسب الشقلة بتاعتك

والله ييسر أمرك ..

وترا تنزيل القير بـ 100 هينة نزله وارتح :busted_cop:

أخوك . cherokee.1996

[رحال سدير]

مقاس موتري من ورى 32

ومن قدام 23 افكر ازوده 2 سانتي بيصير شكله مهبول الحين سامج مشقول من ورى وطايح مع قدام شوفوا الفرق 9 سانتي

[cherokee.1996]

لا يا جدي خل الي قدام 27 بيصير مهبول صح

لازم الشقلة من قداام :showoff:

ركب كعكات 3 سنتي ولا أربعة

بيصير الفرق عن اللي ورى 5 .. مضبووط

وأنا كان موتري 24 وركبت كعكات 3 سنتي .. وصار 27 .. طلع مهبوول .. لكن الحين نزل وجهة ما أدري ليه !! صار 25 أو 26

فأنصحك خله 27 لأنه بينزل (( إحتمال كبير ))

والكعكات بـ 80 ريال تلقاها في المخرطة اللي قدام مبارك

وإبراهيم يركبها لك بـ 80 كذلك

وورنا صور بعد الشقلة :busted_cop:


أخوك . cherokee.1996

[jeep_055]

تنزيل القير بسيط لكن اوزنة صح
وثانيا لاتنسى اذا نزلت القير تحتاج تركب سبيسر لعصاة الدبل
زي الشريحة مخرمة ..عندي وحدة اصلية للرانجلر ماركبتها للآن على موتري
لو انك بالشرقية كنت وريتك كيف شكلها
بحاول اجيبلك صورة

[رحال سدير]

لا يا جدي خل الي قدام 27 بيصير مهبول صح

لازم الشقلة من قداام :showoff:

ركب كعكات 3 سنتي ولا أربعة

بيصير الفرق عن اللي ورى 5 .. مضبووط

وأنا كان موتري 24 وركبت كعكات 3 سنتي .. وصار 27 .. طلع مهبوول .. لكن الحين نزل وجهة ما أدري ليه !! صار 25 أو 26

فأنصحك خله 27 لأنه بينزل (( إحتمال كبير ))

والكعكات بـ 80 ريال تلقاها في المخرطة اللي قدام مبارك

وإبراهيم يركبها لك بـ 80 كذلك

وورنا صور بعد الشقلة :busted_cop:



أخوك . Cherokee.1996


شكله هذا اللي بيصير . !

يعطيك العافيه

[رحال سدير]

تنزيل القير بسيط لكن اوزنة صح
وثانيا لاتنسى اذا نزلت القير تحتاج تركب سبيسر لعصاة الدبل
زي الشريحة مخرمة ..عندي وحدة اصلية للرانجلر ماركبتها للآن على موتري
لو انك بالشرقية كنت وريتك كيف شكلها
بحاول اجيبلك صورة


والله البلشه كل مشكله تجر الثانيه

يازين الهايلكس ارفعه في البيت ومايطلب شين ثاني هههههههههههه

[jeep_055]

والله البلشه كل مشكله تجر الثانيه

يازين الهايلكس ارفعه في البيت ومايطلب شين ثاني

مافية احد يركب السبيسر هذا هنا وماراح تواجة مشكلة حاليا اذا نزلت القير
لكن لما تطلب القطع اصلية تجي معة .. وانا انصحك تكمل شغلك اذا بديتة

والهايلكس مافية دبل حتى يحتاج قطع كثير

[رحال سدير]

كويس يعني ماله اهميه ..

يعطيك العافيه

[jeep_055]

والله على المدى البعيد لها اهمية..لكن ما اشوف احد يهتم بهالشي

انت نزلت القير ونزل قير الدبل..اكيد تحتاج تركب سبيسر على قدر مانزلت لعصاة الدبل

[رحال سدير]

الله يعين يارجال

تسلم

[البراق96]

انا بالمثل رفعته من ورى اول اسبوع كان فيه صوت

في القير لاكن عبيت التانكي وزبط معي

ويوم فضاء التانكي صار مضبوط لانت السست

مع اني مغير سستتين شد بلد ومركب حقات

هايلكس مع طرق الاميهـ...................
.
.
.

وادعو ان الله يفرج عنه من الحجز.............

[رحال سدير]

بنزل القير اليوم وبرفعه مع قدام وانتهينا

[رحال سدير]

انا بالمثل رفعته من ورى اول اسبوع كان فيه صوت

في القير لاكن عبيت التانكي وزبط معي

ويوم فضاء التانكي صار مضبوط لانت السست

مع اني مغير سستتين شد بلد ومركب حقات

هايلكس مع طرق الاميهـ...................
.
.
.

وادعو ان الله يفرج عنه من الحجز.............


كم صار مقاس موترك من ورى ؟

انا الآن من ورى 32 ومن قدام 26 تمنيت اني رافعه زياده شوي من قدام بس فكرت قلت مع الوقت بينزل من ورى وبيضبط ..

عموما القير نزلته وخف الصوت 180 درجه لكن ماراح كله .. اتصلت على ابراهيم وقال بعد يومين تقريبا بيروح ما ادري وش يقصد يمكن يلين والا ايش ما ادري .. المهم قلت له ان مازان برجع لك قال تمام ..

والله يستر

والله يفك اسر موترك :showoff:

والصور اذا لان راسي كل هالفتره رايح فيها

[cherokee.1996]

قايل لك إرفعه زود من قدام .. أن تمنيت زوود من قدام مع إني حاطه 27 .. والحين طالع 25

فما ودي أتشائم .. موترك يمكن ينزل من قدام 2 سنتي أو 1 على حسب ياياتك :frown:

أقول لك أنا حاط من ورى 31-32 طامرت بالموتر مطامر .. ولي من يوم ما رفعته حوالي شهر

والشقلة هي هي ما تغيرت الحمد لله .. ويمكن تغيرت نص سنتي بس !!


فلا تقول بينزل ولا شيء .. إن كانك بتنتظرهـ ينزل .. فلا تنتضرهـ



المساعد ما صار قصير ؟؟

تبي تتأكد أرفع الموتر من ورى بيدك مع الصدام .. إذا شفت إن الموتر طق ولا ارتفع فالمساعد قصير

وفيه مساعد أطول من حق الوكالة بـ 5 سنتي أو أكثر

تلقاه عند جيب ستار بـ 130 للواحد (( أبو ياي ))

ومبرووك الشقلة :wavetowel2:


أخوك . cherokee.1996

[AL-GHANEM]

http://www.jeep-ksa.com/up//uploads/images/jeep-ksa-d1bf13a8e3.jpg (http://www.jeep-ksa.com/up//uploads/images/jeep-ksa-d1bf13a8e3.jpg)


شوف حبيبي اشتر 4 حبات وحطهم على كرسي القير تكون صواميل على شاصي هذي الميزانية
وان شاء الله تروح الاصوات انا مجربها بنفسي
سلام يابطل :pirate2:

[cherokee.1996]

طيب أبو غانم من وين هالصواميل .. ألقاها عند أي محل ولا فيه مخصص ؟؟

[AL-GHANEM]

اي محل قطع غيار قله صامولة 3 سم