فكره ابي ارائكم فيها (الى جميع الاعضاء) [الأرشيف]

ابو فـهـد

11-08-2009, 10:41 PM

السلام عليكم
كيف الحال ان شاء الله تمام

ياخوان عندي فكره افكر فيها وقلت بعلمكم وتعطوني رائيكم
وش رايكم يكون فيه تقسيم للقروب
قروب الشمال
قروب الغربيه
قروب منطقه الرياض
قروب القصيم
قروب المنطقه الشرقيه
قروب الجنوب
هذا اول شي
ثاني شي فكره ان يكون لكل موتر رقم
يعني نقول قروب الشرقيه
نرقم المواتر الي فيه
من 1 الى اخر موتر يسجل
واذا اتفقنا على الفكره يصمم الرقم بحيث يكون دائري وبوسطه الرقم
وياليت في كل قروب يكون واحد رئيس او امير او ....
مسؤال عن القروب ويفضل معه نائب في حاله غيابه او اعتذاره
وكل عضو من القروب الي هو فيه يرسل لرئيسه رقم الجوال+الايميل+الاسم او الكنيه الي يبيها+نوع الموتر والمديل ورقم اللوحه
وتسجل المعلومات بقائمه
واذا نفذت الفكر يكون فيه موضوع مثبت بالمناطق المذكوره كل منطقه موضوع منفرد
من بعد اذنك اخوي الوافي
هذا ماعندي وحبيت اطرحه لكم
:showoff:

وشعارنا نلتقي لنرتقي:winner_first_h4h_al

jeep_055

11-08-2009, 10:43 PM

ممتاز اخوي ابوفهد

وانا معكم خطوة بخطوة

وننتظر راي جميع الاعضاء

OIIIIIIIO

11-09-2009, 01:05 AM

jeep 4 ever

11-09-2009, 01:09 AM

والله فكرة جدا منتازة :clap:

هيا وانا اول واحد من قروب الغربية

نــــاصــــر

11-09-2009, 01:25 AM

أبوفهد أنا قايل من زمان إنكـ خطيييييير ... :clap:

والله فكرهـ جهنمية ومن ناحيتي أنا موافق عليها ...

وفيه نقطة أحب أضيفها ولا تهون يـ أبوفهد:

أللي هي ...

إذا مثلآ راح يصير فيه تجمع يجي رئيس القروب ويطرح مثلآ ثلاث مواقع لـ التجمع ويتمـ أختيار الموقع

بـ التصويت من الأعضاء ...

أو ما يصير التجمع كل فترهـ فـ مكان واحد لـ أسباب عديدهـ:

1- عشان فيه معنا أعضاء معهمـ مرهمات ولا يقدر يسحبه مسافه طويله أو يدخل فيه بـ الزحمات ...

2- تكبر سمعة القروب أو المنتدى ...

3- تغير المكان وتغير الجو وكسر روتين التجمع ...

وسلامتكمـ ...

وأي أحد عندهـ إعتراض أو نقد أو إضافة عـ كلامي يتفضل ولا يستحي ... :clap:

jeep_055

11-09-2009, 09:13 AM

هذي بداية الترتيب الصحيح

واكيد لكل شخص فينا معارف عندهم جيب من خارج المنتدى
نقدر نضيفهم للقروب
مثلا عندي معارف بجدة والرياض وخارج المملكة
نسوي بكل منطقة اجتماعات تعارف بينهم وجها لوجة بكوفي شوب

لكن قبل كل هذا اهم شي الترتيب والتنظيم لما يتحرك القروب ( سرعة هادئة وخالية من الازعاج للناس)
الارتقاء بسمعة القروب مرة مهمة لكل شخص مايعرف شي عنة

ولكم جزيل الشكر

OFF ROAD

11-09-2009, 10:58 AM

واحنا حاضرين بس تعطوني رقم مميز :boxing:

ابو فـهـد

11-09-2009, 02:40 PM

فكره جيده بصراحه وخاصا ماشاءالله اشوف اعضاء الي هنا من مناطق متنوعه بس في مشكله الي هي في معنا اعضاء من الامارات وعمان !! :wink:

وبخصوص الارقام لكل عضو " كل واحد يكتب الرقم العضويه الي مسجل فيها << الي موجوده فوق تاريح التسجيل والمشاركات
ايش رايكم ؟؟

مشكور اخوي على تعليقك
وين المشكله بالي معنى بعمان والامارات؟
المنتدى حق جيب
اذا اجتمعو معنى بالقسم
نحط لهم موضوع مثبت مثل قروب الرياض
اما الارقام صعبه بارقام المنتدى لان فيه ناس مايدخل نت
وصعبه يكون رقم مثلا 30 بالرياض بس
لا
بالترتيب من 1 الى اخر واحد يسجل بالنسبه لكل منطقه
يعني انت مثلا رقم 1 بالغربيه:biggrin:
واخوي وافي رقم 1 بالرياض مثلا
واذا فيها غلط علمنا بس هذا الي اراه افضل:showoff:

ابو فـهـد

11-09-2009, 02:45 PM

اخوي ناصر وجيب فور ايفر
واخوي ابو ناصر
مشكورين على التفاعل وننتضر باقي الاعضاء
اف رود لك ان شاء الله رقم مميز بـ 10 الاف تشتري:biggrin:

alhwawy37

11-09-2009, 05:09 PM

وانا معكم

باللي تسووونه لاننا قرووووب واحد

cherokee.1996

11-09-2009, 05:37 PM

أهم شيء الاخلاااااااق وبس :clap:

وفكرة جميله الصراحة .. لكن أحس بيصير فيها تعب كثير من تنظيم وكذا ..

وأنا عندي فكرة ,,

يصير التجمع في يوم واحد لكل المناطق

لكن المكان يختلف فقط .. أما الزمان يصير في وقت واح د << بكن أحس ما لها فايدة في نظري .. لكن وش رايكم فقط

والتجمع أنا أتمنى يصير غير الثمامة .. ملينا قسم بالله << كم مرة عدت الكلام هذا

ويمكن في ناس مواترهم اعلى من الثمامة .. فيبي يجيب موترهـ لكن ما فيه شيء على قده !! موب هياط

لكن الواحد يبي يجمع بين سعة الصدر والجمعة ولا ؟؟

هذأ رأييالشخصي

راعيتو مشاعر اللي يبون الثمامة .. راعو مشاعر الي يبون الطوقي أو الخرارهـ !!

أخوكم . cherokee.1996

ابو فـهـد

11-09-2009, 05:45 PM

وفكرة جميله الصراحة .. لكن أحس بيصير فيها تعب كثير من تنظيم وكذا ..

اتعب مره بس بعد التعب تحس انك سويت شي:pirate2:

AL-GHANEM

11-09-2009, 07:06 PM

تم التقييم

ابو ولـيـــjeepــد

11-09-2009, 10:15 PM

ماشاء الله والله فكره جهنميه
الله يعطيك العافيه اخوي ابو فهد
وبأنتظار القرار النهائي

ابو فـهـد

11-09-2009, 11:03 PM

العفواااا ننتضر بافي الاعضاء والمشرفين:showoff:

OFF ROAD

11-10-2009, 10:56 AM

بتعطوني رقم مميز ولا امشي ؟ :mad:

ابو فـهـد

11-10-2009, 02:28 PM

اف رود تم رقم 99 لك ها وش قلت يناسب :tongue:

W A F I

11-10-2009, 02:41 PM

حياك اخوي ابوفهد ,,

اولا اشكرك من اعماق قلبي على هذا الحماس والتفاعل الذي تبذلة لنجاح القروب والموقع ,,

ثانيا الفكرة حلوة ومنفردة في نوعها ,, وتشكر عليها
لكن سلبياتها اكثر ,, يعني صحيح انة بيكون هناك تنظيم اقوى
لكن بيقل تفاعل القروب كامل ,, بأختصار بيتفرق القروب ويصير احزاب
يعني بتلقى حقين الرياض يهتمون من مواضيع ومشاكل قروب الرياض ويقل اهتمامهم في القروبات الاخرى وهذا ينطبق على جميع القروبات وليس الرياض فقط (( الرياض كمثال ))
وفية نقطة ثانية انه التجمعات تكون بعض الاحيان مشكلة
يعني موب كلهم من الرياض زي التجمع السابق كان فية ناس من القصيم جاين خصووص للتجمع ,,

لكن فية نقطة حلوة وانت ذكرتها وهذي بتفيد ,,
اللى هي نحط مسؤل عن التجمعات في كل مكان هذي رائعة جدا
يعني مثلا تكون انت المنظم ل الشرقية
فلان للرياض
فلان لجدة
فلان .....الخ

بحيث يكون هو المسؤل عنها ,, وطرحها

وفكرة الارقام حلوة بعد بحيث اننا نحط لك واحد رقم

الله يعطيك العافية مرة اخرى وجزاك الله خير على الفكرة

ابو فـهـد

11-10-2009, 03:24 PM

هلا اخوي يالوافي بالنسبه لشرقيه
ان تم الي في بالي بتسمع خبر يسرك ويسر القروب بشكل عام
فيه منسق لقروب جيب في الخبر وان شاء الله ننضم معهم وتشوف القروب المضبوط
:7bteen:

cherokee.1996

11-10-2009, 03:28 PM

الخبر عندك أبو فهد .. أول من بدا هو .. فله الأحقية يصير الشنب حقهم ههههههه

تستاهل أبو فهد :pirate2:

jeep_055

11-10-2009, 05:12 PM

اخوي الوافي مابيكون فية تقسيم بالمنتدى ..كلنا مع بعض

لكن التقسيم في المعلومات حسب المناطق والقروبات للرحلات فقط والمنتدى مايتغير فية شي

مثلا بتترتب طلعة بالرياض يتخبر فيها الجميع ويحدد فيها اهل الرياض برسالة او اتصال

وثانيا راح يستفيد منها الجميع من ناحية المساعدة .. لو حب احد من اهل جدة او الرياض يعرف اي معلومة عن الشرقية او لة زيارة فيها يقدر يعرف عن طريق شخص محدد مين بالمنتدى موجود هناك ويقدر يفيدة
حتى لو ماكان الطلب له دخل بالجيب بنكون اخوان نساعد بعض

ولابد من عمل اجتماعات غير الرحلات يتعرف فيها كل اهل منطقة على بعض وجها لوجة

وبالنهاية الجميع عبارة عن مجموعة واحدة تابعة للمنتدى

هالمشروع هو اول خطوة لتطوير المجموعة

OIIIIIIIO

11-10-2009, 08:29 PM

مشكور اخوي على تعليقك
وين المشكله بالي معنى بعمان والامارات؟
المنتدى حق جيب
اذا اجتمعو معنى بالقسم
نحط لهم موضوع مثبت مثل قروب الرياض
اما الارقام صعبه بارقام المنتدى لان فيه ناس مايدخل نت
وصعبه يكون رقم مثلا 30 بالرياض بس
لا
بالترتيب من 1 الى اخر واحد يسجل بالنسبه لكل منطقه
يعني انت مثلا رقم 1 بالغربيه:biggrin:
واخوي وافي رقم 1 بالرياض مثلا
واذا فيها غلط علمنا بس هذا الي اراه افضل:showoff:

فهمت قصدك والفكره ممتازه

وصح كلامك بخصوص الارقام فكرتك افضل

الوافي ..

بالعكس كذا راح يزيد نشاطات القروب اكثر وطبعا لو صار تجمع من الرياض وناس من القصيم او الشرقيه او الغربيه يبغون يشاركون بالتجمع هذا مافي اي مانع او العكس
يعني بنكون منظمين اكثر

وايضا عشان نسهل الموضوع كمان " في موضوع صور سيارات اعضاء القروب "
تقسمه ل 4 او 5 مجموعات

1- منطقه الشرقيه " الاعضاء الي في المنطقه هذي اسماء عضوياتهم + نوع السياره + موديلها + ومكان السكن مثلا الدمام , الخبر.. الخ "
2- منطقه الرياض " نفس الشي
3- منطقه الغربيه
وباقي المناطق

وكذا الواحد بيتعرف على اعضاء المنطقه اكثر

ابو فـهـد

11-10-2009, 08:59 PM

باذن الله نرتب الرحلات:wavetowel2:

ابو وضاح

11-11-2009, 11:10 AM

السلام عليكم ماشاء الله فركه حلوه والله وانا معكم بأذن الله :drive1:

ابو وضاح

11-11-2009, 11:11 AM

عفوا (فكره) وليست فركه:unlock::icon9:

OFF ROAD

11-11-2009, 02:12 PM

طيب متى نبدا الترتيب
وبالنسبه للرقم يابو فهد 99:icon9:
:icon9:
:icon9:
:icon9:
موافق
:7bteen:

ابو فـهـد

11-11-2009, 02:12 PM

متى ماشفنا تفاعل مضبوط
بدينا
والرقم خلاص جاك
تخيل اخر واحد يوصل 30 وانت لحالك 99
:biggrin:

بحر الوعد

11-11-2009, 02:46 PM

ماشااء الله عليكم

يالله انا معكم بكل شي

انا بالشررقيه والا تبوونه انا معكم

بانتظار قرااااركم الاخيـ.ـ.ــر

jeep_055

11-11-2009, 02:51 PM

الآن بدأ الجد. . مين القوي الي بيسجل الاعضاء وياخذ منهم المعلومات ؟
لازم ينزل موضوع مافية اي ردود ..مجرد المعلومات المطلوبة والايميل..ويتحدث بالمناطق وكم عضو وصلت
وتنعمل قائمة ببرنامج وورد ...اذا حابين اعملها لكم من عيوني
تتسجل فيها المعلومات وتنطبع وكل ماوصلنا تسجيل يضاف لها
وفي حاجة
نبي نشوف اكثر عضو فعال ...مثلا ابو فهد سجل معنا 15 عضو جديد بالقائمة

نــــاصــــر

11-11-2009, 03:04 PM

بـ إنتظاركـ يـ وافي ... :clap:

ابو فـهـد

11-12-2009, 09:03 AM

يالله يالوافي وش قلت :wavetowel2::wavetowel2:

عاشق جيب احمر 96

02-16-2010, 05:15 PM

اي والله لاكن انا معي قراند شيروكي احمر يصلح
:icon9:

شروكي98

02-16-2010, 08:09 PM

السلام عليكم والله الفكره حلوه

والفكره قد انطرحت من اخونا الفيصليه وانا ماشفت فيها تفاعل ... كثير بحيث وصلت المشاهدات اكثر من الردود

وانا مؤيد للفكره من قبل ماتطرحونهاا
...

وانا معكم بالسراء والضراء

حر ولد حر

02-16-2010, 10:27 PM

فكره جيدة يابو فهد
ان شاء الله تتنفذ

نتمنى نشوف اجتماعات كبيره و على مستوى عالي من التنظيم
و اي شيء تطلبونه مستعدين فيه

اي والله لاكن انا معي قراند شيروكي احمر يصلح

:icon9:

يصلح

و انا معي قراند شيروكي 96

jeep rubicon

02-18-2010, 10:15 AM

نقـــول قداااام

بس أخونا jeep _055 لابد يكون أول واحد بالشرقية لأنه بجد خبرة

يا ما استفدنا منه هنا وفي أماكن أخرى الله يوفقه

عاشق جيب احمر 96

02-19-2010, 06:30 PM

انا معكم يملاك جيب :wavetowel2:

حسين ابو فيصل

02-20-2010, 01:05 AM

انا معكم يملاك جيب :mhtar:

شروكي 2001

02-20-2010, 03:29 AM

فكره حلوه

بانتظارك يا مديرنا

ا س س 8090

03-24-2010, 12:03 AM

فكرررره جدا جدا رائعه وياليت نتفق عليها عندي اضافه بسيطه

الارقام لكل واحد يسجلها ستكر على موتره يكون رقم العضويه الي مسجله له بالمنتدى

وبنسبه للتجاهات يكون كل اتجاه له لون مثل مثل الرياض لون الرقم اسود والقصيم ابيض .....

ويكون الرقم على القزازه الخلفيه عشان الالوان ما توافق مع لون السياره تكون واضحه

ولكم حريت الاختيار .

شروكي 2001

03-24-2010, 12:48 AM

هاه يا شباب وش صار على الفكره

ولا مجرد طرح أفكار وخلاص

بإنتظاركم يا الوافي وأبو فهد

وبالتوفيق

دمار سيهات

03-24-2010, 01:16 AM

ويش صار معك يالوافي على الفكره ؟؟؟؟؟
الصراحه فكره روعه

عاشق الشروكيات

03-24-2010, 02:36 PM

كيفكم
انا معكم

ابو يوسف

03-24-2010, 02:56 PM

قدام ياشيخ معكم يا ملاك الوحوش :drive1:

((أبورشيد))

03-24-2010, 03:17 PM

مشكوووور أخوي أبوفهد...:clap:

فكرررة أكثر من رائعة...:7bteen:

بانتظار الوافي..:mhtar:

تقبل مروري..أبورشيد

رانجلر2001

03-25-2010, 02:30 PM

فكرة ممتازة جداً يا أبو فهد حتى بالمنتدى يمكن عمل قسم لكل جروب بحيث كل قروب يوضع التجمعات وكل جديد يتم لديه
أنا لاحظت نفس الفكرة بمنتدى ملاك إف جي وكل جروب يوضح جديده
أتمنى التنفيذ وحنا معكم يد بيد

Hwages

03-26-2010, 06:17 AM

يعطيك العافيه يابو فهد على الفكره الخورااافيه..!

والله انك صصادق يبيلنا ششوية تررتيب ويطلع وضضعنا بالسسليم..!

صحيح في البداية لابد يكوون ششوية تعب لكن بعدين بنرتااح..!

التنظظيم زين وراح تططلع فوائده بالفترررات الجاايه ان شاءء الله..!

شروكي نظيف

03-27-2010, 04:07 AM

فكرة حلوة وبالتوفيق انشالله

عاشق جيب احمر 96

03-31-2010, 04:02 PM

موضوع جدا ممتاز وانا اخوك انا اول معزز لك

W A F I

04-01-2010, 02:43 AM

السلام عليكم ورحمة الله

اولا اعذروني ع التأخير

لكن حبيت كل الاعضاء يشوفون الموضوع ويقولن رايهم

فأتضح ان الكل يأيدها

وخلاص بأذن الله بنبدا فيها وارح يتم اختيار لكل قروب رئيس

دمار سيهات

04-01-2010, 01:08 PM

تسلم يالوافي على الاستجابه وننتظر التطبيق

طــــــــــلال

04-01-2010, 04:08 PM

فكرة حلوه صراحه خصوصاً لو كان رقم العضو هو رقمه في المنتدى مع علم السعودية مصغر واللي من خارج السعودية يصير جنب الرقم علم لبلدة بصيغة مصغرة

فكره رائعه وهذا إقتراح

موفقين جميعاً

تحياتي لكم ،،،