المساعد الشخصي الرقمي

مشاهدة النسخة كاملة : ترهيم شروكي 2000 وفوق

الهاوي2005
10-30-2009, 05:18 PM
ياشباب ، انا ناوي اشتري جيب شروكي انشاء الله وحاب اسوي عليه تعديلات تقوي العزم وعندي سؤالين
1- قالي ميكانيكي التعديل على موديل 99 وتحت! يقول من 2000 وفوق مايفيد الهيدرز وغيرها؟
2- ممكن اعدل مع المحافظة على الصوت انا مابي الازعاج الي نسمعه مع المرهمات؟:icon9:
W A F I
10-30-2009, 08:21 PM
يفيدونك الشباب ان شاء الله ,,

وان كانك تبي ترهيم فية قسم متخصص وان شاء الله مايقصرون
دح ديح
11-01-2009, 01:47 PM
1- الموديل الجديد يجي فيه كوارين و القديم يجي اسلاك للبواجي يعني القديم تقدر تحطله اسلاك و بواجي على كيفك و اذا خرب السلك تقدر تغيره اما الكوارين يبيلك تغيرها كامله
2- الموديل الجديد يجي ثلاجته اكبر و القديم ثلاجته اصغر و اغلب الشباب يغيرون الثلاجه بثلاجه 2000 مع توسيعها

3 - الجديد هدرزاته من الوكاله بطله يعني ما يحتاج تغيرها و القديم لو تغيرها افضلك
4 - لو تشتري سعودي يجي دفرنساته تو ويل و بكلتشات و الامريكي ما يجي فيه يجي ون ويل بعض الاحيان يجي بالفل كامل تو ويل و بكلتشات مثل السعودي
5- الجديد يجي طبلونه فيه كل العدادات السرعه و الضغط و الحراره و الزيت و البطاريه و القديم ما يجي فيه الا السرعه و الضغط و الحراره عباره عن لمبه اذا ما خاب ضني ذا الي فيه فقط

6 الجديد من 98 و انت طالع و القديم 98 و انت نازل اذا ما خاب ضني ولا كنت غلطان لاني الخبط باخر موديل من القديم
فيه شباب نصحوني بموديل 99 و فيه ناس قالولي خذ موديل 2000 و انا شريت موديل 2000 اوتو امريكي
معدل فيه هدرز لانه امريكي يختلف هدرزه و ركبتله فلتر مع وصلته و وسعت راس المكينه او الغطا الي يجي فوق المكينه رفعه شوي و مدري وش صلح وصطه و شلت دبه البيئه و الدبه الاخيره و ركبتله دبه يوكن مع تركيب سده صراحه السده الا الحين ما جربتها بس طلع عزم الموتر جنان يفحط بالاول و اذا غير الثاني يفحط بعد
و نصيحه اخيره ان كانك بتشتري امريكي لا تشتري الا من تكساس لان جوهم حار شوي راح تظمن ان الموتر ما فيه صدا و بيكون نظيف لا تسوي مثلي و تنكب بموتر جايك من مدينه كلها رطوبه و ثلج و تشوفه مصبوغ من تحت بماده الصدا و بعد فتره تحصله كله مصدي من تحت :cry:
و ان كانك تبي تخلي الموتر بس للبر خذلك قير عادي ربع راح يفرق معك باي شي تعدل فيه و التوماتيك يجي الاول و الثاني مع بعض بعدين الثالث لحاله و بعدها الدي يعني اذا جيت تبي تطلع لسيف ولا طعس مرتفع و تبي تاخذ عزم مالك الا الول و الثاني و هو يغير من نفسه بتنكب شوي و التفتفه مالك امل فيها :wavetowel2:


موفق اخوي و انشاء الله اكون افدتك و اسف على الاطاله .....
دح ديح
11-01-2009, 02:06 PM
ايه نسيت لا ارد على سؤالك الثاني الي هو ممكن اعدل مع المحافظة على الصوت انا مابي الازعاج الي نسمعه مع المرهمات؟

ايه تقدر تعدل كلش من دون ما يطلعلك صوت مزعج و الصوت الي تتكلم عنه يطلع اذا غيرت الدبه بدبه رياضيه او دبه مفرغه هي الي تطلعلك صوت يعني اذا ما بغيت صوت خل دبه وكالته و اذا خربت او خربانه غير بدبه مكتومه الي يسمونها بشخالات و اذا تبي صوت عندك الحريه باختيار الصوت اما دبه يوكن و لا دبه مفرغه ولا دبه فلوماستر ولا مقنا فلو ولا بورلا ولا دبه نقار الخشب ولا دبه اماراتيه
و الدبات الي موب مزعجه هي دبه اليوكن حليله و دبه مقنا فلو عادي صوتها بس اذا دعستلها يطلع الصوت و دبه نقار الخشب فيها ازعاج و الفلوماستر و البورلا و المفرغه ذي انواع الازعاج
و فيه حركه البعض يسويها وهي تخلي دبه الوكاله و تحطله سده متى ما بغيت تحوس الدنيا و تزعج العالم بالنفود فكها و اطرب زمانك و اذا خلصت ركبها و يرجع موترك زي اول

انشاء الله اني افدتك
alhwawy37
11-01-2009, 04:25 PM
1- الموديل الجديد يجي فيه كوارين و القديم يجي اسلاك للبواجي .

تقصد بدل كوارين كويلات لان الكوارين بالدفرنس


5- الجديد يجي طبلونه فيه كل العدادات السرعه و الضغط و الحراره و الزيت و البطاريه و القديم ما يجي فيه الا السرعه و الضغط و الحراره عباره عن لمبه اذا ما خاب ضني ذا الي فيه فقط
.

كلامك هذا تقصد فيه الموديل السياحي الربع هو اللي يجي عداد السرعه والبنزين والباقي لمبات وهذا من موديل 97 الى 2001 اما الانواع الثانيه كلهم يجي عداداتهم كامله



6 الجديد من 98 و انت طالع و القديم 98 و انت نازل اذا ما خاب ضني ولا كنت غلطان لاني الخبط باخر موديل من القديم
.

موديل الشكل الجديد من 97 الى 99 ولا بينهم اي فرق الا 99 يختلف دفرنساته وتروس قيره افضل من 2000 و 2001




هذي الملاحظات عليك والباقي انا اتفق معك اخوي دحيه 100 % وانا كنت مجرب امريكي اذا جاك مصدي والله ان الورش يأخذون سعر اكثر لانه مصدي وحيانا تظطر الى تكسير بعض الصواميل والبراغي



تقبلوا تحياتي

الهواوي
الهاوي2005
11-01-2009, 10:47 PM
مشكورين ياشابب على المعلومات، ابشرك اخذت سبورت موديل 99 امريكي اوتو بس مادري من تكساس او غيرها، وحاب اغير الجنوط والكفرات وش تنصحون ياشباب نوع الجنوط من اي محل في الرياض
دح ديح
11-01-2009, 11:31 PM
يا اخــ alhwawy37 مشكور الف شكر لتصحيح المعلومه بغيت اجيب العيد بالرجال :blush-anim-cl: و ترا اسمي دح ديـــح موب دحيه قلبتني بنت الله يصلحك :boxing:
الله يعطيك خيره و يكفيك شره انشاء الله تكون توفقت فيه و انشاء الله يكون مافيه ولا نقطه صداء و تستانس
الكفرات و الجنوط تختلف على حسب مزاجك انت تبي جيتي 8 انش ولا النجمه فيه 15 و فيه 16 للنجمه
تجي مكحلات و فيه منكله و فيه مطفي على حسب مزاجك
انا الي شريتها 16 مطفي يعني من دون لمعه مع كفرات ماكسس طلعلي حول 2100 ريال الجنط بـ1000 و الكفرات 1100 ذا الكلام قبل 8 اشهور
شيك على الموتر و تاكد منه و القطع حاول تاخذ اصلي موبار و بعض القطع يمشي حالها اذا خذيت امريكي
غير الزيت لان الامريكان ما يغيرون الزيت بس يزودونه فلو تغيره افضلك
و موفق مره ثانيه
الهاوي2005
11-01-2009, 11:45 PM
شكرا على النصايح الحلوة، بالنسبة للكفرات انا عيني على هانكوك 255 وش رايك؟