المساعد الشخصي الرقمي

مشاهدة النسخة كاملة : تغيير الدفرنسات للشروكي الكل يجاوب

دح ديح
10-30-2009, 02:34 AM
السلام عليكم
صبحكم الله بالخير جميعااااا
في عندي حاله استنفار بخصوص الشروكي :busted_cop: و ابي الكل يساعدني بالرد بأسرع وقت :busted_cop:
اليوم و انا طالع الثمامه الصبحيه و قلت خلني امرن الموتر واشوف كم بيجيب بالخط المهم يوم صفقت الطبلون
طلعلي صوت موب صاحي كانك مشغل نفاثات (مكينت الطياره ) تقدر تقول زي التصفير المهم و انواع التجارب و الحوسه طلع عندي الدفرنس الخلفي خربان و يوم رجعت من الثمامه زاد الصوت و الله يستر لا يكون ضرب الدفرنس الامامي معاه و تعرفون زياده على كذا لي يومين الشباب يغرزون و طبعا انا مسوي المنقذ و اسحبهم و اطلعهم من الغراز و السحب شمل اكسنت و يرس و هايلكس و ددسن و فكتوريا و دينه <<وش بقيت ههههه تعرفون اذا جيت تنصب المخيم وش بيكون الوضع :compress:

مع العلم قد صلحت الدفرنس الخلفي كامل عند شلنجر قبل 5 شهور تقريباا

و هذي القصه كامل و اعذروني على الاطاله
زبدت الموضوع انشاء الله السبت بتاكد من الدفرنس هل هو خربان ولا لا
و ابي منكم كم سعر الدفرنس الخلفي المحشور السعودي الون ويل و التو ويل و الي فيه كلتشات و هل لازم اغير الامامي لاني ناوي على التو ويل ابو كلتشات بس مدري من وين احصله و كم سعره
و استفسار ثاني التو ويل اذا كنت بالبر و لفيت الطاره و دعستله يقلب و حتى بالديره بالفه اذا دعستله يقلب ولا لا

ابي منكم رأي بخصوص الدفرنسات ما هو الافضل ووين احصله و بكم سعره ؟؟ اكون شاكر له و مقدر
طبعااا الموتر شروكي 2000 امريكي اوتو
و شكرااااااااااااا داري اني طولت الموضوع و هو قصير :wink:
شروكي ربع
10-30-2009, 04:54 AM
خذ له نفس الدفرنسات حقته وهي اللي منتشره بالسوق ..

لان المواتر تجي تشليح وكثير يجيبون دفونسات بس , عندك الصناعية القديمة في محلات التشليح رح لهم وسعـّر الدفرنسات ..

طبعا تحتاج خلفي بس لان الامامي زين .

ونصيحة اشتره من محل معروفة او بمعنى اصح كيان قائم واترك عندك اصحاب الاحواش واللي شغالين على ارقام الجوالات بكرة اي مشكلة يسحب عليك ولو وعدك بعكس ذلك .

بالتوفيق :pirate2:
neo fox
10-30-2009, 09:45 PM
خذ بنصيحة شروكي ربع ، لكن اذا بتوضب الدفرنش احرص انك تروح لواحد يعرف يوزنه وان يكون عندة ادوات الوزن اصلا ، يعني مو يوزن من مخة ، لأن بالغالب اذا اتوضب و ما اتوزن ممتاز بيخرب مثل ما صار معاك ، الصوت الي تسمعه معنا ان الكرونا راحت في خرايطها

وانصحك لوجه الله اذا تبي تتهنا بسيارتك ابعد عن خلق الله و الاستعراض ، لأن البشر في البر ما يجي من وراهم الا العين ، والله يحفظ الجميع
شروكي سبورت
10-31-2009, 01:28 AM
ماقصرو الشباب افادوك وبالنسبة للسعر يتراوح من 1300 الى 1600 39/11
دح ديح
10-31-2009, 01:39 PM
يعطيكم العافيه ما قصرتو
اذا فيه احد قد اشترا دفرنس خلفي و ضبط معاه يعلمني من وين اكون شاكر و مقدررر
دح ديح
10-31-2009, 02:49 PM
يا جماعت الخير طلع عندي الدفرنس كامل خربان و قالي يبيلك تغيره افضلك :cry::cry::cry:
تكفون الي يعرفلي رقم تشليح يعلمني و الي يخبرلي دفرنس سعودي ابو كلتش يقولي
لان الي عند الورشه يقولي حول 2100 غالي مره
و شكرااااا
abonorah
11-01-2009, 12:11 AM
يالغالي عندك تشليح المطيويع في الحاير

بس ما عندي علم عن الاسعار

وعندك كرامه في السلي وشغله تمام ما يحتاج

واذا تبي رقمه ارسلك على الخاص ....سلام
KHELAN
11-01-2009, 08:42 AM
اخوي اسمع ان كانك مالقيت دفرنس انا اقولك
انا ركبت دفرنس خلفي من القصيم من عند خالد الثويني ( ابو علي )
وله معي شهرين او اكثر والحمدلله ماشفت فيه شي وسعره 1600 ريال
وعندك كرامة عنده دفرنسات بعد الضاهر انه 1700 ريال راكب وضمان شهر
اذا تبي ارقامهم قلي
تقبل مروري
دح ديح
11-01-2009, 01:08 PM
يعطيكم الف عافيه
صراحه شرحتولي صدري و ريحتوني الله يريحكم
اتصلت على تشليح المطيويع قالي 2500 ريال مع الرجيع و قلتله واجد اخرها قال اذا جيت نتقابل و نهايتها راح ينزلي بالكثير 300 ريال لاني قد تعاملت معه

الله لا يهينكم ممكن ارقامهم كرامه و الثويني ما تقصرون
شروكي سبورت
11-01-2009, 01:45 PM
هذا رقم كرامة 0506441130 ورقم التشليح عطني دقايق ادور عليه
شروكي سبورت
11-01-2009, 02:06 PM
اذا كنت بالرياض رح للصناعية القديمه فيه الشامل للدفرنسات ان شاء الله بتحصله عنده
و انا اخبر الخضير يركبه لك طبعا راعي تشليح شيروكيات يابانيه
موقعه تشاليح بريده
طبعا يجيب كميات و تقضي يسحبونهن راعين الورش
رقمه 063292810
**
ايضا
ياسين تشليح الزمام 0509763418
***
وبالنسبة للاثويني جاري البحث
شروكي سبورت
11-01-2009, 02:17 PM
الخضير يجيب شيروكيات يابانية نضيفة
موقعه تشاليح بريده
طبعا يجيب كميات و تقضي يسحبونهن راعين الورش
رقمه 063292810
**
ايضا
ياسين تشليح الزمام 0509763418
***
والرياض عندك ورشة ابو فهد الهاشل خلف اسواق الغنم بالدائري الجنوبي
الافضل انك تكلمه 0504441451

و عندك ورشة ابو ايوب بالصناعيه القديمه 0563123595في الصناعية القديمة، بجوار ورشة المطيويع،

اسمها ( نورث ستار) كلها شروكيات ودوج وكرايسلر..

الثويني للاسف لم اجده المعذرة اخوي
دح ديح
11-01-2009, 02:58 PM
يعطيك الف عافيه شروكي سبورت جزاك الله الف خير و جعلها بميزان حسناتك
عزالله ما قصرت و جاري الاتصال بالمحلات الي ذكرتها
دح ديح
11-01-2009, 03:07 PM
اخوي ابو فهد الهاشل طلع الشايب الي اصلح عنده هههههههههههههههههه
ما اعرف اسمه الا ابو فهد شيروكي و مسجله عندي بالجوال ما عنده دفرنس سعودي هذي المشكله
ابو ايوب اضاهر نفس الكلام الحين مقفل جواله انتضر يرد علي
و تشليح المطيويع عنده بس غالي حول 2500 مع الرجيع
و الاخ كرامه عنده بـ1700 شكل المناقصه بترسا عنده :unlock::clap: بس انتضره يرسلي رقم جواله
alhwawy37
11-01-2009, 04:16 PM
انا مع عبدالكريم كرامه شغله تمام
abonorah
11-02-2009, 12:42 AM
اخوي ابو فهد الهاشل طلع الشايب الي اصلح عنده هههههههههههههههههه
ما اعرف اسمه الا ابو فهد شيروكي و مسجله عندي بالجوال ما عنده دفرنس سعودي هذي المشكله
ابو ايوب اضاهر نفس الكلام الحين مقفل جواله انتضر يرد علي
و تشليح المطيويع عنده بس غالي حول 2500 مع الرجيع
و الاخ كرامه عنده بـ1700 شكل المناقصه بترسا عنده :unlock::clap: بس انتضره يرسلي رقم جواله

هذا رقم كرامة 0506441130
دح ديح
11-02-2009, 08:40 PM
مشكورين على الخدمه الي سويتوها لي
يا اخـ abonorah تسلملي على الرقم
neo fox
11-05-2009, 12:56 AM
عزيزي اذا تبي نصيحة

تأكد بالأول وش الي خربان بالظبط ؟

اذا الكارونا فالتغيير حتمي

اذا الكلتشات فرأيي غيرها و ركب قفل دفرنسات Powertrax و تركيبها سهل ولا يبييله وزن كارونا ولا شي ، وتقدر تركبه عند البيت بعد!! سعره واصل السعودية 500 دولار تقريبا ، منها افتكيت من الكلتشات و منها طلعت بقفل دفرنس يساعدك في بطامرة البران

http://www.powertrax.com/

وهذا فيديو يوريك ادائة


http://www.youtube.com/watch?v=JkTHN8-I30s

وهذا يوريك طريقة عمله

http://www.youtube.com/watch?v=NfiTFmR5Zdk&feature=related
دح ديح
11-07-2009, 12:48 PM
مشكور neo fox الخراب بالدفرنس الخلفي الكرونه معدومه
و الموتر مافيه كلتشات الي عندي ون ويل امريكي
بشتري تو ويل بكلتشات ياباني و الله يوفقنا به
بس الي تقول عنه بيكلف 1875 ريال مندون التركيب صح
دح ديح
11-07-2009, 11:29 PM
استفسار بخصوص الدفرنسات
وش رايكم بدفرنس الياباني كويس ولا لا
neo fox
11-08-2009, 05:48 PM
الدفرنس الي عندك من أقوى الدفرنسات ، لكن اذا مسكت على تغيير فغير لدفرنس موستنق ، مو لياباني !!!

و القفل يكلف 20 ريال واصل من غير التركيب ، التركيب تقدر تركبة تحت البيت ، فك و ركب
دح ديح
11-08-2009, 06:26 PM
ايه بس كم سعره
و ماودي ادخل بمتاهت التعديل و القصقصه عشان يظبط
صدى الآهات
12-10-2009, 10:10 PM
الدفرنس الي عندك من أقوى الدفرنسات ، لكن اذا مسكت على تغيير فغير لدفرنس موستنق ، مو لياباني !!!

و القفل يكلف 20 ريال واصل من غير التركيب ، التركيب تقدر تركبة تحت البيت ، فك و ركب

طيب الموستنق يضبط على الشروكي ولا منه مشاكل وين احصله

بارك الله فيك
clerk21
12-16-2009, 01:28 PM
ضاق خلقي على الاسعار

والمشكله مهما تغير من دفرنشات ما يكمل سنه الا وتسمع ونه