المساعد الشخصي الرقمي

مشاهدة النسخة كاملة : وش التعديل اللي يخلي الموتر يمد في المرقى ؟؟

cherokee.1996
10-28-2009, 11:35 PM
هلا بكم جميعآ ,,


موتري ستاندر .. ويبثرني إذا وصل أخر المرقى قضى عزمه ,, وبعض الأحيان يالله فيه القوة الي تخليه يطب خخخ

تصدقون الروضة ما يرقاهـ !! إلا إذا شديت وموتري ما حمل وما ركب فيه إلا شخص واحد {{ شروط قبول :unlock:

فأبي تعديل يخليه يمد في المرقى

وأبي أفضل وأرخص التعديل :showoff:

موتري محشور (( على كلام كرامة )) مع إنه جاي من أمريكا على طول اسلمته (( بطاقة جمركية )) !!!!!


فيعني لا أحد يقول ركب كوارين تماتيك :surrender:


فوش رايكم يالغالين ؟؟

* (( الحين نمرتي بالأول 55 والثاني 110 والثالث 160 والرابع يفصل على 180 والضغط على اربعة .. فإذا كان موتري محشور .. وش لون الـ مد !! ))


أخوكم . cherokee.1996
cherokee.1996
10-28-2009, 11:36 PM
موتري شروكي 96 عايدي (( أمريكي ))
ابو فـهـد
10-28-2009, 11:46 PM
راس هدرز
هذا الي اعرفه ومراوح
ويفيدونك الاخوان اكثر
جنتل_مان
10-29-2009, 02:01 AM
أخوي ما عليك إلا هدرز على فلتر سبورت والله وكيلك
فني الشروكيات
10-29-2009, 09:12 PM
وشلون الثاني يوصل 110 وتقول محشور؟؟؟؟

مالمحشور الا ابليس وانا اخوك ناكد من الكوارين........
cherokee.1996
10-29-2009, 09:42 PM
عاد والله كلام كرامة يقول :

أنا ما أعرف في الشروكيات إذا كان موترك موب محشور ..

وكرر لي الكلام كذا مرة .. لأنه متعجب وش لون محشور ؟؟ << إن كانك تعرف كرامة إسأله عن شروكي أخضر 96 جايه يوم الثلاثاء قبل أمس وتفاهم معه :pirate2:

وأنا كذلك ما أدري وش اللي حشرهـ :baaa2:

و سمعت عن الفلتر والهدرز .. بأنه ما يفيد الفائدة المطلوبه .. وهي المده في المرقى

وموتري وكالة نشاطه مثل نشاط الشروكيات بالهدرز والفلتر تقريبآ << كلام كرامة

وهدرز موتري الوكالة أسود من كثر اللحامات .. ومعفط ومشوت وحالته حالة خخخخ

وكم سعر الهدرز الأمريكي الستيل مع التركيب ؟؟


الله لا يهينكم جميعآ يالغالين ,,

أخوكم . cherokee.1996
cherokee.1996
10-30-2009, 10:28 PM
يا إخوان :helpsmilie:

:rip:
فني الشروكيات
11-01-2009, 10:24 AM
سم.. سم..

حدد سالك وابشر.......
عزوزv6
11-01-2009, 11:01 AM
مافي شي اسمه دفرنس محشور يقطع واحد 55 واثنين 110 وثلاثه160

هذا الي عندك 43 ،14



بعدين أخاف إنك مانسمت الكفر زين عشان تنسم زين يكون ظغط الهوا على( 8 )
ابورغد
11-01-2009, 08:15 PM
الا من جد اخوي عزوز كم تحط الهواء؟
مادام عزمه بالسفلت قوي ويفحط بالثاني معناته عزمه طبيعي
بس تأكد من نوعية كفرات موترك ولاتكون حقت امريكا (ناشفه)
ونسم الهواء على 10 وجرب ...
cherokee.1996
11-01-2009, 11:31 PM
أنا أنسم الهواء بالبلف .. إذا صفر على طول وقف .. يعني على 15 الظاهر أو قريب منها ..

والكفرات يوكوهاما 235\75/15 جرتها عريضة وقاسية :unlock:

لكن ولو أحس إن الموتر يطفى عزمه :surrender:

وعزم موتري في الإسفلت أقوى من أخوياهـ ما شاء لله

وأخوي أبو أيوب أسئلتي واضحة .. لكن بأحددها لك يا خلفهم :cloud9:

1/ و سمعت عن الفلتر والهدرز .. بأنه ما يفيد الفائدة المطلوبه .. وهي المده في المرقى << صحيح ؟؟

2/ وكم سعر الهدرز الأمريكي الستيل مع التركيب ؟؟ كامل مع سدهـ ملحمة تلحيم مضبووط ما ينسم أبد

3/ الهدرزات البديلة والممتازهـ لجميع الإستخدامات :icon9:

4/ أبي تعديل يخليه يمد في المرقى .

<< الكلام مقتبس من الردود السابقة

أسف على الإطاله ..

أخوكم . cherokee.1996
دح ديح
11-01-2009, 11:42 PM
يؤ 15 انا انسم الكفرات 20 او 19 و افلها لاني اذا نسمت زياده ما ينطل يكون ثابت و يثقل عزم الموتر معاي
بس على 20 او 19 افلها عاد مدري اذا هو صح ولا لا بس ذا الي دايم اسويه طبعا طرمبه الهوا مرميه بالشنطه
و الجواب على سؤالك
الفلتر و الهدرز يفرق اذا كان مضبوط انا مركب فلتر k&n مع وصلته صح غالي بس فرق معاي و الهدرز ما غيرته مركب هدرز سعودي حق 2000 لان موتري امريكي ولا فيه هدرزات يجي دبات بس فرق معاي شوي
اذا بتركب هدرز ستيل من الشركات الامريكيه راح يفرق معاك بس تراه غالي الهدرز لحاله يمكن يوصل حول 3000 ريال و الفلتر مع وصلته شاريه بـ 1600 ريال
اذا مستعد تدفع اطلبلك هدرز و كت باك كامل من برا و يكون من نفس الشركه الاثنين افضلك بس الشركات ما اقدر اقولك اسم شركه معينه لاني ما جربتها لو مجربها كان قلتلك خذ منها ولا لا
انشاء الله اكون افدتك و الله يوفقك
OFF ROAD
11-02-2009, 12:16 PM
ملاحظة/
حتى لو غيرت الكوارين الى كوارين محشوره ماراح يتغير معك عداد السرعه لان الحساس اللي بالقير ماتغير
:icon6:
يعني كان يقطع بالاول على 60 حتى بعد ماتغير الكارونه بيقطع على 60 لاكن القرائه خطأ
:icon9:
بس لو تجرب بالقارمن راح يعطيك سرعتك الحقيقيه
alhwawy37
11-02-2009, 12:25 PM
موترك :wheelchair: الطعس

الا تأكد من كلتشاتك وكوارينك
cherokee.1996
11-02-2009, 04:43 PM
مشكور أخوي دح ديح على التعقيب والإفادة والله يجزاك خير ..

لكن 3000 :icon6: أخليها في تصليح خرابات هههههه

الله يعطيكم العافية إخواني جميعآ على الإفادة ,,


أخوكم . cherokee..1996
cherokee.1996
11-02-2009, 04:45 PM
عندي صوت في الدفرنس وموقف موتري عند أبو أيوب .. السواريه نورث ستار

ويقول جهاد إنه في الترس الصغير الي جنب الكارونه .. لكن بيتأكد لي .. والله يسر الأمر ,,
ابو وضاح
11-18-2009, 12:11 PM
نصيحتي لك خلي هواء الكفر على ثمانيه ولا سبعه بس لاتسييف وبيرقى معك وين ماتبي بلا ترهيم بلا وجع راس :biggrin:
bkl 66
11-18-2009, 04:40 PM
ماشاء الله

شلون محشور وبالاول 55 ؟

اخبر المحشور يقطع باقل من كذا

تاكد ياغالي , و بعدين الدفرنش عندك ون ويل ولا تو ويل ؟