المساعد الشخصي الرقمي

مشاهدة النسخة كاملة : صوت امامي مع المطاب والحفر وسؤال عن المساعدات

jeep99
10-28-2009, 09:10 AM
السلام عليكم ياحلوين


عندي صوت في الجهه الأمامية على اليمين مع الحفر والبطناج تقول حديد في حديد بس على خفيف ناس تقول جلب المقصات وناس تقول مسمار عمود التوازن وناس تقول الكليبر وناس تقول عندك الياي طالع عن محلة شوي فو الله احترنا من نصدق

وانا شاك بصراحة في جلب المقصات (الشيالات) او المساعدات

ورحت لورشة وفحصت جلب المقصات ولقينا واحد فقط (الصغير)هو المهتري بس ويقول راعي الورشه عادي تقدر تخليها ماتغيرها طالما ان الباقي سليم

ووش المساعدات الزينة امامي وخلفي

للمعلومية السيارة شروكي موديل 99 قير اوتو

ولا نيب راعي تطعيس ومطامر يعني ما ابي مساعدات تقسي المطب سواء قدام والا وراءبس راعي بر على خفيف

وفيه بعض الشباب نصحوني بمساعدات جبرايل زيت لأن الغازقاسية شوي يقولن ولا ابيه يرتفع من قدام




تكفون تكفون تكفون واسف على الإطالة والعشم فيكم كبير والله
W A F I
10-28-2009, 02:17 PM
هلا jeep99

والله نفس المشكلة بالضبط لكن انا الجهتين :wavetowel2: يمين ويسار

انواع القرقعة في التراب او اذا كلت عيون قطط ...الخ


واغلب الورش واللى سألت قالو لي جلب مقصات + تربيط

وان شاء الله يفيدونا الشباب عشان نصلح مواترنا
Jeeper
10-28-2009, 05:56 PM
هاذي جلب المقصات .و تاكد من المسمار اللي داخل الجلب لا يكون معووج (طبعا اذا غيرتها) بالنسبه لمسمار عامود التوازن اذا فيه رجه بالدركسون مع الحفر و المطبات فهذا يعني لا زم تغير جلب المسمار او المسمار مع الجلب.
طــــــــــلال
10-28-2009, 06:19 PM
يمكن تكون من أذرعة التوزان اليمين واليسار مع المطب تصرصر قيمة الوحده تقريباً 75 ريال

اتمنى اكون افدتك

تحياتي لك ،،،
ابو فـهـد
10-28-2009, 06:52 PM
ويمكن مثل الي معي اول طلع
من الشكمان
يضرب في جسر القير(القاعده الي عليها الكراسي تقريبا
cherokee.1996
10-28-2009, 10:41 PM
متى يطبع الصوت .. وأنت داعس بنزين ولا بدون الدعس ؟؟

إذا صرت تمشي مع المطبات وأنت مدحدر الموتر ولا يطلع الصوت .. وإذا دعست طلع الصوت .. فهذي كراسي المكينة والله العالم ,,

وأنصحك بميزان اليرموك ممتاز ولا هوب غالي مرة مثل العضيب و المجد وطقتهم ,,

والهل ييسر أمرك . cherokee.1996
jeep99
10-29-2009, 10:25 PM
مشكورين على التفاعل والصوت هذا سواء كنت داعس بنزين والا شايل رجلي من الدعسة يطلع مع الحفر والمطاب والبطناج .

عندي سؤال مساعدات الجبريال تجي نفس مقاس مساعد الوكالة والا اطول منه شوي وياليت احد يفيدني برقم مساعد الجبريال اللي ينفع للشروكي

تحياتي
ابو فـهـد
11-06-2009, 08:16 PM
الصوت يمكن من الشكمان او الدبه تحك بجسر القير
اذا دقيت سلف يطلع الصوت؟
jeep99
11-07-2009, 09:23 AM
ما له دخل السلف الصوت مع المطاب والحفر بس غيره ما يطلع غيرت المساعدات وغيرت وحده من جلب المقصات ولا راح الصوت السؤال هل كراسي الماكينة لها دخل

لني رحت لأكثر من محل ميزان من ضمنها العضيب واليرموك والمجد ويقولون كل شي سليم ويقولون لي يمكن يبيلك تربيط فوش المحل للتربيط يكون زين ووين مكانه بالضبط وكم بيكلفني تكفون
jeep99
01-22-2010, 07:55 PM
طلعت من جلب المقصات (الأصوت)
Akram Al-Ashwal
01-23-2010, 02:46 AM
طيب وش المساعدات اللي ركبتها وكيف قاسية ولا لينة

لا هنت

والحمد لله على السلامة ....
OFF ROAD
01-24-2010, 10:25 AM
اذا تبي مساعدات كويسه ولينه ركب ايسي ديلكو ممتازه ومثل الوكاله
وغالبا اللي يقرقع بالشيروكي جلب المقصات او مسامير عامود التوازن
ص ا م 283
01-24-2010, 04:07 PM
الحمدلله علا لسلامه

انا مثلك بس انا بالبر بس اذا دخلت وطمر يجيك صوت طقه

ولا ادري وشي

بس شكلي بروح اشيك مثلك

واذا علا المساعدات انا ركبت مورينو امام وجبريال خلف

وسسته زياده ورا بعد

وطلع الموتر تقل ربــــــع انواااااع المطاااااامر


مشكووور اخوي لا هنت

تقبل مروري