إدخل وإنشاء الله تستفيد .... محاولاتي

[ابوالسهوم]

مساء / صباح الخير ياشباب
قبل فتره نزلت موضوع في نفس القسم أسأل عن تفتفه طلعت في سيارة أخوي جيب 1996 واللي هي تكتيمه إذا وصل الضغط عند 3 تقريباً
بيني وبينكم قالوا لي طرمبه وغيرت حقت فورد ومازبطت
وقالوا لي حساس كرنك
وفكيت حق موتري وركبته عنده ومازبط
وفكيت التروثل حق سيارتي كامل وركبته مازبط
وماخليت شي إلا وسويته وكمبيوتر
المهم وصلت لشي إن كل الإفتراضات اللي قيلت لي مازبطت
ويوم من الأيام وانا رايح للتشليح على نفس السيارة
لاحظت إذا كتم الموتر يتحرك عداد الكيلو (وتطن) في راسي فكره حساس الكيلو لأن في سيارات الفورد العداد حق السرعه يلخبط السيارة وأوقف سريع سريع وأفصله والحين السيارة ماشاء الله تبارك الله زي اللووووووووووز
طبعاً للمعلومية السيارة جلست في ورشتين مايقارب شهر ونص ماقدروا يجيبون علتها .
لكن ....
مع ابوالسهوووووم لامستحيل

طبعاً نزلت الموضوع عشان تستفيدون يمكن أحد تمر عليه نفس المشكله فيكون عنده حل سريع وبسيط من عدة حلول .

وآسف على الإطاله

[ا ق س - 3 1 1 4]

يعطيك الف عافيه ..
موضووع رائع ..
:"
":
تقبل مروري ..1
:icon261:

[روحي jeep تحبك]

من باب من لايشكر الناس لايشكر الله
اعجز عن شكري لما تقدمه وانا على يقين ان كل الاعضاء كانوا يتمنون ان يكتبوا هالكلمات لك

الف شكر لك
اتمني لك التوفيق دومااا

[ah90mad]

يعطيك العافيه اخوي
وترا تغييرها سهل بس سعرها مدري عنه ولا هو بلط واحد تفتحه وتطلع الساعه وتجيب الجديده وتحطها وتسكر

[جنتل_مان]

بأسم أسرة المنتدى

أتقدم للك بجزيل الشكر والعرفان على كل ما تقدمه للمنتدى من مواضيع متميزه:rose:

[fiasl]

الله يعطيك العافيه

[ابوالسهوم]

والله ياشباب ماأدري وش أقووول أحرجتوني لكن لو كل عضو عرف قدر هالمنتديات أو الموقع
أكيد راح يحاول إنه يبدع .

الله يعطيكم العافية وإنشاء الله تكونون إستفدتوا ولو ماشفت المشكله غريبة ماطرحتها .

شكراً لكم .

[ابوالسهوم]

يعطيك العافيه اخوي


وترا تغييرها سهل بس سعرها مدري عنه ولا هو بلط واحد تفتحه وتطلع الساعه وتجيب الجديده وتحطها وتسكر


فكها أبسط من البسيط بس يبي واحد يحاول ويشتغل والله يالربع يالورش أكلونا وحنا ماندري ..
أنا بقولكم شي .
اكيد كل واحد بهالموقع يعرف له على الأقل 2 من الشباب .
ياخي لو كل ثلاثة حاولوا يصلحون سياراتهم بنفوسهم والقطع اللي ممكن اجربها من سيارة رفيقي أفكها وأركب مثل كمبيوترحساس كرنك ثروتل مثل هالشغلات مفتاح 10 وقم صل فك وركب .
وياتصيب ياتخيب .

[شروكي ستوك]

انا عندي مشكله قريبه من مشكلتك بس الفرق انها مو تفتفه
بس لجزء من الثانيه كأنه ينقطع البنزين ويطيح عداد الكيلو ويرجع بسرعه لوضعه .. يعني نتعه :biggrin23:
ما حاولت أدور المشكله لأنها قليل جداً تصير الحركه هذي في السياره
تتوقع انها نفس مشكلتك؟ وياليت تحدد لي مكان الفيش اللي فصلته لو تكرمت؟

[شروكي ستوك]

وينك يابو السهوم ...

[الكوماندر الفضي]

يعطيك الف الف عافيه

والله موضوع تشكر عليه

ولاهنت على الطرح

تحياتي لك

[ابوالسهوم]

انا عندي مشكله قريبه من مشكلتك بس الفرق انها مو تفتفه
بس لجزء من الثانيه كأنه ينقطع البنزين ويطيح عداد الكيلو ويرجع بسرعه لوضعه .. يعني نتعه :biggrin23:
ما حاولت أدور المشكله لأنها قليل جداً تصير الحركه هذي في السياره
تتوقع انها نفس مشكلتك؟ وياليت تحدد لي مكان الفيش اللي فصلته لو تكرمت؟

معليش يالأمير انا دايم ادخل عن طريق الجوال وأتفاجأ إن ردودي ماتظهر لكن شف حبيب قلبي
حساس الكيلو أو ترس الكيلو شف آخر الجير من جهة عمود الكردان . شف يجي مكان مايركب الفيش لونه ابيض ويثبته مسمار واحد فقط إفصله وجرب مايآخذ عليك دقيقة .

وآسف على التأخير

[ابوالسهوم]

يعطيك الف الف عافيه

والله موضوع تشكر عليه

ولاهنت على الطرح

تحياتي لك

يالبا قلبك يسلمووووووو

[REDMOON70]

مكان حساس الكيلو وييين لا هنت

[First1]

الله يعطيك العافيه
في الحقيقة التجارب والخبرات الي تحصل بالطريقة هذه مفيده جدا
وتجد السعاده خصوصا بعد مرارت الورش وطول الأنتظار
والأجمل والأروع أنك تشارك الأخرين هالسعاده والتجربه

بس ياليت لوكانت التجربه مدعمه بشويت صور لمكان الحساس
والحساس نفسه يعني يكون تقرير روعه

وانا لحظة مواضيع كثيره رائعه جداً بس تنقصها الصور

[راعي دهام]

الله يبارك فيك اخوي ابوالسهوم
وشكرا على الفائده

[ابورغد]

صارت معي تفتفه وتقطيع بالسياره والأر بي مايوصل 3 وبعدين تصلح من نفسه أتوقع حساس الكرنك تحت القير هو السبب .

[OFF ROAD]

ما اقول الا كثر الله من امثالك
ومو غريبه عليك انك تخدم الناس بتجاربك
واتمنى من جميع الاعضاء ان يحذو حذوك
:121:

[دمار سيهات]

شباب حبيت ادخل على الموضوع عرض لان الحمد لله مافيه خراب في الشروكي ماجالي *_* صرت خبره من الخرابات وانا اخوكم

اذا قطعت السياره وتحرك امبير الكيلو فالخراب اما ترس اللي في القير او الحساس وانا خراب موتري ماهو حساس خرابي ترس والترس سمعت الشباب يقولون غالي ماصلحته بس فصلت الفيش والامور طبيعيه وحفظت الضغط ادا كان الموتر في خامس ضغط 2 ونص يعني امشي 120 *_* عشان امن الطرق


اما ادا قطعت السياره وتحرك امبير الضغط فهدا حساس كرنك وهذا مصيبه لازم تبدله لان في اي وقت يمكن يطفي عليك الموتر ولا يشتغل وبالنسبه لي انا حاط فموتر حساس كرنك سبير والله بالنسبه لي اهم من سير المكينه خخخخ اي والله واللي يبي يبدل حساس الكرنك اخذه 3 مستعمل عن سعر واحد جديد لان ركبت واحد اصلي ما اخذ شهر وخرب والمستخدم له عندي اللحين 8 شهور حتا لو خرب ارخص من سعر الاصلي

[ابوالسهوم]

شباب حبيت ادخل على الموضوع عرض لان الحمد لله مافيه خراب في الشروكي ماجالي *_* صرت خبره من الخرابات وانا اخوكم

اذا قطعت السياره وتحرك امبير الكيلو فالخراب اما ترس اللي في القير او الحساس وانا خراب موتري ماهو حساس خرابي ترس والترس سمعت الشباب يقولون غالي ماصلحته بس فصلت الفيش والامور طبيعيه وحفظت الضغط ادا كان الموتر في خامس ضغط 2 ونص يعني امشي 120 *_* عشان امن الطرق


اما ادا قطعت السياره وتحرك امبير الضغط فهدا حساس كرنك وهذا مصيبه لازم تبدله لان في اي وقت يمكن يطفي عليك الموتر ولا يشتغل وبالنسبه لي انا حاط فموتر حساس كرنك سبير والله بالنسبه لي اهم من سير المكينه خخخخ اي والله واللي يبي يبدل حساس الكرنك اخذه 3 مستعمل عن سعر واحد جديد لان ركبت واحد اصلي ما اخذ شهر وخرب والمستخدم له عندي اللحين 8 شهور حتا لو خرب ارخص من سعر الاصلي

حياك والله وبياك والله لايهينك تعلى طرح تجاربك . يعطيك العافيه

[ابوالسهوم]

ما اقول الا كثر الله من امثالك
ومو غريبه عليك انك تخدم الناس بتجاربك
واتمنى من جميع الاعضاء ان يحذو حذوك
:121:

يالبا قلبك أخوي أوف رووود وان أقول لك ياليت كل الناس يحذون حذوك في رفع معنويات الشباب .
شاكر ومقدر لك

[ابوالسهوم]

اشكر كل الشباب اللي أثنوا على الطرح واقول منطيبكم نصير طيبين والمنتدى يستاهر أكثر ..
تحياتي لكم

[ابورغد]

يعطيك العافيه ماقصرت
انا صارت عندي نفس المشكله وقالو لي حساس كرنك بس السياره من حالها زبطت وخليتها على وجهها للحين .

[ابوالسهوم]

يعطيك العافيه ماقصرت
انا صارت عندي نفس المشكله وقالو لي حساس كرنك بس السياره من حالها زبطت وخليتها على وجهها للحين .

يطول لي عمرك يابورغد ... تحياتي لك