طريقه تنظيف الفلتر

[سمسمان]

السلام عليكم
بغيت أسأل عن طريقه تنظيف فلتر الهواء اللي عندي وشخ مررره لدرجه اني ما أعرف لونه
والله يعطيكم العافيه

[W A F I]

هواء فقطـ اللى بالبنشر


واذا كان مندمر مرة جديد بـ 70 اصلي

وتجاري بحدود 35

[الكوماندر الفضي]

اذا تبي فلتر يدوم خذ فلتر رياضي يدوم حتا 100 الف كم

بس يكون kgn

وطريقه التنضيف زي ماقاله اخوي الوافي بس ترى اذا كان اسود افضل لك غيره لانه انتهى

[خالدالرشيد]

إذا كان وسخان مره مايتنظف يتغير مثل ماقالو الشباب

[سمسمان]

هو وسخ بس يتنظف توني شاريه يعني مو مدمووور مره

طيب اقدر انظفه بالهواء بالبنزين او الديزل واخليه ينشف صح ؟؟؟

[سـلـمـونـي]

إذآ كآن فلتر ريآضي يقولون أنه يتنضف بالمويه .. وبعدين خله ينشف .. وركبه :rolleyes:

[الكوماندر الفضي]

هو وسخ بس يتنظف توني شاريه يعني مو مدمووور مره



طيب اقدر انظفه بالهواء بالبنزين او الديزل واخليه ينشف صح ؟؟؟




ما انصحق يكفييه نفخ هواء عند البنشري بس

[EmPeRor]

الكوماندر يقصد k&n

خوي صاحب الموضوع

اول شي فك الفلتر

وبعدها دخل الهواء الي عند البنشر في الفلتر من جواء ونفخة الين ينظف وفية مواد منظفة تباع للفلتر

بالتوفيق

[cherokee.1996]

إذا كان اسووود ممكن ان المبخر يطلع زيت على القربة وبكذا يعدم عليك الفلتر .. !!

[سمسمان]

الله يعطيكم العافيه

بس اذا كان مدمور له دخل في سرعه احتراق الزيت يعني يسوود بسررعه

واذا ماله دخل وش ممكن يضر الفلتر اذا كان وسخ ؟؟؟

[jeep2000]

نقعه بموية وزيت دركسون وبعدين اغسلة ونشفه باستشوار ولا تركبة الا اذا نشف:90007:

[Red Bull]

اول شي رح انفخه عند البنشر بهواء همن ارجع وحطه بوسط مويه حاره حوالي ساعه كذا

ثم اتركه ينشف ثم رح للبنشر وانفخه مره ثانيه
هذآ الي عندي

[شروكي 2001]

واذا كان مندمر مرة جديد بـ 70 اصلي

وتجاري بحدود 35

أنا شريت حق الشروكي 2001 من الوكالة بـ 60 ريال

[cherokee 04]

عفوا راعي الموضوع يقصد فلتر رياضي والا العادي اللي زي السندويشه شكله ؟؟

العادي حق الوكاله انا اشتريه من الوكاله بـ 60 ريال

[الكنج]

اخوي وش نوع سيارتك

[mbm-1]

إذا كان اسووود ممكن ان المبخر يطلع زيت على القربة وبكذا يعدم عليك الفلتر .. !!


واذا كانت المشكله من المبخر وش يكون الحل

[دح ديح]

الي اعرفه
فلتر الوكاله هواء من البنشري
اما اذ فلتر رياضي ( لا توديه للبنشري و تخليه ينفظه بالهواء تراه يخرب الفلتر )
k&n هذا له عدت طرق << كلها مجربها لفلتري
1- وهي الافضل و كما هو موضح من الشركه
منظفات الفلتر من نفس الشركه يجي علبتين او بخاخين
واحد لونه ابيض نفس الماده الي فيه ذي تنظف الفلتر و الثاني لونه احمر برضو نفس لون الماده او السائل وهو التزييت
* طريقه التنظيف :
اول شي تجيب الفلتر و تشيل التراب و الرواسب بفرشاه من اي نوع و تمسح على الفلتر عشان تنزل الوصاخه الي فيه
ثانيا تمرر عليه مويه فاتره يعني من الي و تنظفه و يكون ضغط المويه موب قوي وتخليه ينشف
ثالثا ترشه بالماده المنظفه (الي لونها شفاف او ابيض ) و تخليه لمده ربع ساعه
رابعا ترشه او تزيته بالماده الحمراء و تخليه لمده ربع ساعه و بعدها ركبه

* فيه طريقه ثانيه وهي
سطل مويه على قد الفلتر تحد فيها تايد و مويه و ارم الفلتر وسطه خله من ربع ساعه الى نص ساعه بالكثير
بعدها كب المويه الي بسطل و نظفه لانه بيطلع من الفلتر بلاوي و امل السطل مويه و خله مده من الزمن
اذا حسيت انه نظف يعني ما طلع من الفلتر وصاخه رش عليه مويه من البزبوز او الي و خله ينشف و بعدها ركبه

يفضل انك تنظفه بالمنظفات الخاصه بالفلتر
يعني البخاخ او الرشاش حق التنظيف ترش فيه الفلتر و تخليه لمده ربع ساعه
و بعدها ترش او تبخ عليه الماده الثانيه الي هي الزيت و يجي لون الماده احمر لمده ربع ساعه و بعدها ركبه

الماده الحمرا او الزيت هو الي يحافظ على الفلتر و يخليه ما يدخل اتربه ولا مويه للمكينه
و فيه انواع فلاتر ما يحتاج لها شي بس مويه و خله ينشف و ركب كل شركه ولها طريقتها
انشاء الله اكون افدتك