المساعد الشخصي الرقمي

مشاهدة النسخة كاملة : صرصره بالشروكي

M.R JEEP
10-08-2009, 05:11 AM
شباب بعد يوم من المطامر والكرف والمراقى والمنوفر وكل شي


بعد مارجعت من الثمامه ودخلت حارتنا فجأه طلعلي صوت صرصره من تحت ما ادري وشو شي غريب مره يجي لا مشيت ولاوقفت يروح وسواء دعست او مادعست الصوت موجود


طبعا موتري شروكي تماتيك وانا ارقى بدبل وبنهاية المرقى اطفي الدبل وبعدين احلى تنطيل وهكذا.

ياليت اللي يعرف المشكله لايبخل علي بالحل.
نــــاصــــر
10-08-2009, 05:44 AM
الصرصره وسط الكبوت ولا تحت الموتر ...؟

إذا هي وسط الكبوت ممكن يكون جاي على السير رمل ...

وإذا هي تحت ممكن تكون سالفة جلب وأمرها هين إنشاء الله ...
M.R JEEP
10-08-2009, 03:53 PM
الصرصره وسط الكبوت ولا تحت الموتر ...؟

إذا هي وسط الكبوت ممكن يكون جاي على السير رمل ...

وإذا هي تحت ممكن تكون سالفة جلب وأمرها هين إنشاء الله ...

الصوت مو في الكبوت


الصوت تحت وصووووت صرصره قوي وكل مازادت السرعه يزيد حتى اذا فكيت الدعسه الصوت موجود


ماظنيت الجلب تطلع هالصوت المستمر.
ابو فـهـد
10-08-2009, 04:51 PM
وشلون طبيعه الصوت:icon9:
شروكي ربع
10-08-2009, 04:52 PM
الصرصره وسط الكبوت ولا تحت الموتر ...؟

إذا هي وسط الكبوت ممكن يكون جاي على السير رمل ...

وإذا هي تحت ممكن تكون سالفة جلب وأمرها هين إنشاء الله ...


لوه السير كان مع الدعس يروح ..

لكن تحليلي المبدئي : فيه تراب داخل بين الفحمات والهوبات ويصرصر مع المشي والشغله ذي بسيطة .
M.R JEEP
10-08-2009, 08:38 PM
لوه السير كان مع الدعس يروح ..

لكن تحليلي المبدئي : فيه تراب داخل بين الفحمات والهوبات ويصرصر مع المشي والشغله ذي بسيطة .

غسللت السياره بستم وغسلت الهوبات وتحت السياره كله ولا راح الصوت

الصوت وصفه صرصره قويه وكل ما اسرعت تزيد سواء دعست او فكيت الدعسه الصوت موجود.
M.R JEEP
10-08-2009, 09:33 PM
شباب واحد قالي انه المشكله في صليبات عامود الدبل يبغالها تغيير

بيفك الركبه ويغير الصليبات بعدين يكبسها مره ثانيه وش رايكم بهالكلام؟؟؟
OFF ROAD
10-08-2009, 10:37 PM
ممكن تكون الصليبات وممكن تكون الفلنجه اللي فيها الرمان حق الكفرات اللي قدام
لان الصوت هذا طع عندي وكان مزعج وغيرت الفلنجه بنوع امريكي ب200 ريال
شروكي ربع
10-09-2009, 01:23 AM
طيب تأكدت ان الفحمات ماهي منتهيه ؟

لان الفحمات المنتهيه تطلع صرصرة من الحديدة حقتها عشان تنتبه لها .
M.R JEEP
10-09-2009, 01:51 AM
طيب تأكدت ان الفحمات ماهي منتهيه ؟

لان الفحمات المنتهيه تطلع صرصرة من الحديدة حقتها عشان تنتبه لها .



والله وانا اخوك الهوبات منهيه يبيلها خرط بس الفحمات مالها 8 شهور راكبه اعتقد توها


بعدين صوت صرصرة الفحمات معروف والصوت صراحه مره مختلف يعني صرصره مختلفه تماما عن صرصرة الفحمات

وانا للعلم توني مركب عامود دبل توني شاريه وفيه رجه بسيطه مره وزي ماقلت لك كلمت واحد وشرحتله المشكله وقال بنفك عامود الدبل اذا راح الصوت معناته من الصليبات
شروكي ربع
10-09-2009, 02:14 AM
والله وانا اخوك الهوبات منهيه يبيلها خرط بس الفحمات مالها 8 شهور راكبه اعتقد توها


بعدين صوت صرصرة الفحمات معروف والصوت صراحه مره مختلف يعني صرصره مختلفه تماما عن صرصرة الفحمات

وانا للعلم توني مركب عامود دبل توني شاريه وفيه رجه بسيطه مره وزي ماقلت لك كلمت واحد وشرحتله المشكله وقال بنفك عامود الدبل اذا راح الصوت معناته من الصليبات

اذا الله يعينك وعلمنا بالخلل بعد ماتصلحه او تعرف عنه .

موفق .
شروكي سبورت
10-09-2009, 02:28 AM
السلام عليكم ورحمة الله وبركاته
الصوت هذا طلع عندي من فترة ويادة عليه انه فيه رجة خفيفة وبعد معاناه طلع من صليب عمود الدبل وغيرته وراح الصوت والرجة هذا للعلم والفائدة
تقبل مروري
احلى مزاج
10-09-2009, 10:17 PM
احتمال كبير ان المشكله من عامود الدبل وممكن تكون الركبه مكسوره


موتري نفس المشكله بالظبط
شرواك
10-09-2009, 11:22 PM
اخوي انا صار عند نفس المشكلة وقالو لي صليبات عامود الدبل
ورحت لصناعية الامير سلمان وصلحوه لي
وصار من احسن مايكون بيكلفك 200 ريال
اتمنى اكون افدتك
abonorah
10-09-2009, 11:26 PM
بشر أخوي عسى موترك صلح
M.R JEEP
10-10-2009, 10:39 PM
للفائده العامه:

فكيت عامود الدبل وصارت المشكله في الركبه ف ان شاء الله بغيرها مع الصليبات كلها مره وحده عشان تروح الرجه

وشوكرن لكم على تفاعلكم.
ابورغد
10-12-2009, 02:25 PM
إذا مافيه رجه مع الصرصره انا انصحك ماتفك عامود الدبل
بس تفقد تحتي السياره عند ميزان اليرموك يمكن يفيدونك ..