طقطقة الريوس للشروكي توصيف عام والبحث عن الحل ..

[شروكي ربع]

,,,


,,

,


السلام عليكم

حياكم الله جميعاً

شاهدت في موضوع آخر كثرة الشكاوى للأعضاء من الطقطقه في القير بالريوس تحديداً ..

والحقيقة أنا أيضاً أواجه هذه المشكلة ولكن مشكلتي وصفها فيه اختلاف قليلاً :

الطقطقه تظهر عندما يواجه القير ضغط أو جهد , بمعنى أعشق الريوس وارجع 10 كيلو مايطلع صوت ولكن لما ادعس له فجأة يظهر صوت الطقطقه ..

وهذا بالتأكيد يظهر في البر حين التغريز أو تشغيل الدبل والمشي بالريوس يظهر هذا الصوت عند صعود مرتفع أو نقرة ..

بشكل مجمل اذا كان الكفر يدور أو " يفحط " في الديرة أو في البر .

بانتظار الآراء والتجارب والأعراض الأخرى المشابهه .

,


,,


,,,

[احلى مزاج]

انا عندي مشكله في كلتشات الدفرنس

والصوت غالبا يطلع اذا لفيت يسار ومشيت بشويش تسمع صوت احتكاك التروس او اذا كان الموتر على طلعه او رصيف او ..ألخ وبالذات اذا كان الدفرنس مايل من جهة وجهة لا ..

وبالريوس يطلع لي الصوت اذا مشيت خفيف اما اذا زريت عليه بالريوس ما يطلع الصوت

[فني الشروكيات]

هلا اخوي شروكي يالله حيه :surrender:

في الغالب أسباب هالطقطقة: كراسي المكينة أو كراسي وشيال القير اصة إذا صار الشيال منزل،، احتمال ثاني لكنه مهب دايم يصير اللي هو الكوارين إذا كان مقاسها كبير تسوي ذا الصوت الخايس يعني احيانا تغير الكوارين لحاشر يروح هالصوت.. برضوه فضاوة الصلايب تسبب نفس الشئ يعني اكثر من شغلة..

أتمنى اني جبت شي مفيد....

[شروكي ربع]

هلا اخوي شروكي يالله حيه :surrender:

في الغالب أسباب هالطقطقة: كراسي المكينة أو كراسي وشيال القير اصة إذا صار الشيال منزل،، احتمال ثاني لكنه مهب دايم يصير اللي هو الكوارين إذا كان مقاسها كبير تسوي ذا الصوت الخايس يعني احيانا تغير الكوارين لحاشر يروح هالصوت.. برضوه فضاوة الصلايب تسبب نفس الشئ يعني اكثر من شغلة..

أتمنى اني جبت شي مفيد....

أهلا عزيزي ..

موتري وكالة ماغيرت شيء فيه ولا رهمت شيء الكراسي ممتازة وتوي منزل القير ويقول الكرسي ممتاز ..

طبعا قبل فترة صوفة القير كانت تهرب وضبطتها ويوم ركب القير راح الصوت فترة همن رجع الان ..

انا اللي مستغربه ان الريوس بشويش مافيه مشكلة لكن تدز يطلع صوت الطقطقه ويمشي ماعندك مشكلة لكن اخاف الطقطقه ذي تخرب شيء مستقبلا .

[شروكي ربع]

انا عندي مشكله في كلتشات الدفرنس

والصوت غالبا يطلع اذا لفيت يسار ومشيت بشويش تسمع صوت احتكاك التروس او اذا كان الموتر على طلعه او رصيف او ..ألخ وبالذات اذا كان الدفرنس مايل من جهة وجهة لا ..

وبالريوس يطلع لي الصوت اذا مشيت خفيف اما اذا زريت عليه بالريوس ما يطلع الصوت

لا أنت مشكلتك عكسي تماماً وايضا نحتاج الى حل لها وللاعضاء .

[فني الشروكيات]

مشرفنا الغالي شيك على المسامير اللي تربط القير مع المكينة خاصة المسمارين اللي فوق واحيانا يسببن رجة خفيفة......