الـســحــب الآمـــــن للــســيــارات ,, بـــكــافــة الـــتــضــاآاريـــس ..

[King AL-ShoSho]

السلام عليكم ورحمه الله وبركاته


ان شاء الله جميعكم بخير ..




ندخل بالموضوع ..:smile:


اولآ انا عندي معلومات بسيطة عن سحب المواتر ,,بس اللي ابي من اهل الخبره يعطوني افضل الطرق

والحلول لسحب السيارات بشكل عام >>وللشروكي بشكل خاااص

الاستفسارات :

1-هل يوجد مشاكل مترتبه على السحب ؟؟وماهي ؟؟ وكيفية طرق التخلص من المشاكل ؟؟

2- طرق السحب (بدون دبل - دبل خفيف - دبل ثقيل )؟؟


التضااريس ,,

* السفلت ( الشوارع )
* النفود ( الرمل )>>1-الموتر الغاطس بالرمل؟؟ ..2- موتر متعطل بالرمل وليس غاطس ؟؟..


ارجو اني لم انسى اي من التضاريس ,, وارجو شمولية الرد لمن هم اهل للخبرة ..

للفائدة للجميع ,,وتبادل الخبرات والتجارب ..



آسف للإطـــــاله ,,
:rose1:

تحياتي ..

[شروكي على نياته]

موضوع جميل جدا :clap:

انا من ناحيتي قررت معد اسحب احد :ranting2:

ماغير خساير فلوس على الواير ويعدم السياره :ranting1:

[طــــــــــلال]

أنا عن نفسي

أولاً : ما اسحب الموتر في الزفلت الا بدون دبل كما هو معروف .

ثانياً : سحب الموتر بشكل تدريجي حتى يتم شد الواير ومن ثم التحرك

ثالثاً : في النفود بالضبط كما هو مذكور سابقاً ولكن من ناحية تشغيل الدبل الخفيف او الثقيل هذا يعتمد على حالة السيارة التي يتم سحبها هل هي مغرزه تغرزيه بسيطه او تغريزته قويه مره او بسحب وانا مقابلني طلعة !! تختلف ولكل أرض مايناسبها من قوه وايضا مايناسبها من واير .

هذا الي يحضرني حالياً

اتمنى اكون افدتك

تحياتي لك ،،،

[ابو ولـيـــjeepــد]

انا بالنسبه لي السحب بالصبخه او بالطين لذيذ صراحه
وهذا ما ينفع معاه الا النتق او النتع وبالدبل الثقيل وروووووح افتح غيارات القير لا تحشره

والسحبه الثانيه اذا بتسحب سياره بالبر و بوسط التغاريز ومتعطله
هذي بعد لا طعم رااائع خخخخخخخخ
هي يا عزيزي اذا بتسحب شخط متعطل في تغاريز ورمله قشره اولا انزل من موترك ونسم هوا كفراتك الين تقووول بس خل فيها شي بسييييط جدا وطبعا على حسب الرمله ونسم كفرات المتعطل بعد تنسيم طيب
وبعدها ركب القلص وشغل الدبل الثقيل وحااول تسحبه شوي شوي الين تدحدر السياره وبعدها رووووووووووووووووووووووح بـ 2 الين تشوف الامور طيبه قطه 3 والباقي عليك

طبعا الطريقه هذي طريقة الشخص اللي يبي يستلذ شوي وبمعنى اصح المخبل ولكن احيانا ما ينفع الا كذا وصارت معاي انا وابو سعووود وكنا بحفره وطلع البستم من جنب المكينه وكانت رمله الييييييييييييمه
وبحاول ازودكم بمقطع فيديو ان شاء الله

تحياتي لك
نصيحه لك لا تطلب نصيحتي خخخخخخ

[(عبدالله)]

ماقصروا الشباب

وانا اتفق مع الاخ طلال بكل حرف

[cherokee 04]

كبير يا طلال عداك العيب

أشوف رده راااائع

ولا يهون الباقيين طبعاً

[King AL-ShoSho]

منورين جميعآ ,,


ومشكورين ع الردود والفائدة ..خاصتاً اخوي /طلال ..ولا يهونو الباقين

بس ياليت تعطوني امثله توضح اكثر للنفود للي غاطس موتره ؟؟يعني يصلح بدبل خفيف ؟؟ويصلح بدبل ثقيل ؟؟

وكل كلامنا عشان نريح الموتر ولا نعدم مواترنا ,,


ومشكورين ,,

[ابوالسهوم]

موضوع رائع أخوي كنج
أنا عندي شي يمكن قالوه الشباب وأنا ماقريته اللي هو ... طبعا قبل لاتسحب إلا وأنت عارف كيف ووشلون تسحب لأن بعض السيارات المغرزه تضر سيارتك خاصة يكون جمس ولا إكسبيدشن وعالق ... هذا صعب جداً ...
واللي اعرفه بعد إن النتق يضر الدفرنس إذا صحت معلوماتي ... ولاتحاول تسحب وسيارتك في طلوع يعني متل هيك حركات . وسامحوني على كثرة الهثره

[- jeep -]

الي ما معه ماطور نصيحه لايسحب لان التنسيم يخفف السياره بوضع غير طبيعي واذا خلصت ساحب
انفخ كفراتك وامش و حذاري من السحب بمنطقه طينيه لانك انت الي بتاكله

وتقبل مروري

[King AL-ShoSho]

منورين ( ابو السهوم ,, جيب ) ,,

ومشكورين ع الإفادة الرائعة ..

[beerh]

سحبت جمس بالرانجلر

كان الجمس غاطس غطس الدفرنسات والشاصي لازق بالرمل

وثاني يوم ظرب علي الدفنرس وتكسر

فبعدها حرمت اسحب احد الا في الضروره القصوى يعني في مقطعه ولا عائله متعلقه يعني شي ضروري

اما شباب يطعسون ويغرزون بسلامتهم

مانب ناقص خسائر

[King AL-ShoSho]

منور اخوي ,, الله يعوضك

ماقلت كنت بالدبل الخفيف ولا الثقيل ؟؟