وش عندهمـ على الجرآند شيروكي ؟ ..

[بقايا جثمان]

بسم الله الرحمن الرحيم ..




السسسلآم عليكم ورحمة الله ...




كيفكم يــآ شبــآب عسآكم طيبين ومرتــآحين ولا عليكم خلآف ؟؟ ..







هذي أول مشــآركة لي في المنتدى ...













اول شي حبيت اهنيكم على المنتدى المتميز والمتفرد والفريد من نوعه ....







ثـــآني شي انــآ صرآحة اعشق شي اسمه جيب ... سوآء شيروكي او جرآند او رآنجلر او كوماندر او كومبـــآس .. الخ الخ الخ ...







واول سيــآرة امتلكتهـآ كآنت جيب جرآند شيروكي 99 .. والله اني ما بقيت رصيف ولا بقيت طعس ولا بقيت مكان مرتفع الا ورحته والسيـــآره ما قــآلت ( أي ) ولا يوم اشتكت ..







ولها الحين معنا عشر سنوآت بس السواق دمرها .. مــآعلينــآ ..







انــآ كآنت لي اكثر من تجربه في سيــآرآت كثيره .. جربت الـ فورد كرآون فكتوريــآ و جربت الاكورد والكآمري لكن فكري كان دايم متجه للجيب بحكم انه ما يقول لكـ لأ ... تبيه في طعوس او في خط ماعندك مشكله بعكس السيدان اللي ما يفيدك الا في الخط وبس ..






الشآهد في الموضوع اني توي شـــآري قرآند شيروكي 2005 لمتد ثمآنية سلندر فتحة و جلد و تسخين مقاعد ودبل وذاكره .. يعني كل المواصفات فيه مــآشآء الله .. والسيـــآره مالهــآ اسبوعين معــآي وماشاء الله عليهـــآ .. بس كلام الشعب للحين مخوفني وصرت احافظ على السيــآره كثير وانا من عادتي اني مهمل في السيــآرآت بس كلام النـآس خوفني وصرت اهتم لدرجة ( الوسوسه ) .





قبل ما اشتري السيـــآره كنت اشاور النــآس ويقولون لي (( انحشششش )) .. انا مدري وش سر كلمة انحش كل ما سالت احد عن الشروكي قآل لي انحش ... مع اني مو شايف فيهــآ أي عيب يذكر ..





واسباب رفضهم للسياره يقولون بحد زعمهم ان مشكلة الجيوب الشروكي (( الحرآرهـ )) .. وانا صراحه بحكم تجربتي ما قد تعدى امبير الحراره عندي النص ابدا لا في طعس ولا في غيرهـ .. فما ادري بنوا وجهة نظرهمـ هذي على إيش بالضبط ؟؟ ..






والسبب الثاني يقولون اذا بغيت تبيعها ما تجيب لك سعر زين بعكس الياباني ... وانا شــآري السيآرة عشآآآن ابيعها ؟؟ .. صراحة منطق عجيب .. !








انــآ سؤآلي لكم وش سر هالنظرة السلبيه لشركة جيب عندنا في السعوديه خــآصة ؟؟ وليش ما هو منتشر يعني نادر تلاقي واحد شاري جيب وكاله ؟؟





مع اني صرآحة اقآرنه بسيارات مثل الصوالين الجي اكس آر مثلآ ... والله مافي مقــآرنة لا في القوة ولا في الفخامه ولا في الرســـآوة ولا في الراحه ولا شي .. وغير عن كذآ سعره اغلى من الجراند شروكي ..







انآ فعلآ محتــآر ليش هالنظرة عن شركة جيب عندنـآ بالذآت ؟؟





اتمنى انكم تفيدوني واذا فيه احد عنده تجربه لسيارة من سيارات جيب سوآءآ كانت سلبية او إيجآبيه يآ ليت يفيدنـــآ ..







وآسف على الاطآله اخوآني .. بس حبيت اطرح هالسؤال اللي محيرني واهنيكم مره ثآنيه على منتداكم الحلو ..

















في امآن الله .. :clap::clap:

[W A F I]

لي رجعه للموضوعـ


لكن :

لا جيب الا jeep :icon30:

كل مميز محارب :0601:

[جنتل_مان]

في البداية نرحب فيك كأخ قبل لاتكون عضو في منتدى ملاك الجيب

احب أعلق على الموضوع

أسأل الشخص اللي ينتقد الجيب هذا السؤال

هل جرب الجيب؟ انا متأكد اخوي الجواب لا

اذا تعرف ليش ينتقدو الجيب ....لانه متميز في كل شي وعنونه التفوق

ويكفي انه يوجد منتدى خاص للجيب اسمه "ملاك الجيب":icon26: وهذا يدل على نجاح هذي السيارة العريقه

لا جيب إلا جيب:a-music:

[بقايا جثمان]

اررررحب ارررحب اخووووي وآفي يالله ان تحيييه ..





في انتـــظآر عودتكـ (^_^) .. لبى قلبك ..

[بقايا جثمان]

في البداية نرحب فيك كأخ قبل لاتكون عضو في منتدى ملاك الجيب

احب أعلق على الموضوع

أسأل الشخص اللي ينتقد الجيب هذا السؤال

هل جرب الجيب؟ انا متأكد اخوي الجواب لا

اذا تعرف ليش ينتقدو الجيب ....لانه متميز في كل شي وعنونه التفوق

ويكفي انه يوجد منتدى خاص للجيب اسمه "ملاك الجيب":icon26: وهذا يدل على نجاح هذي السيارة العريقه

لا جيب إلا جيب:a-music:











حيــآ الله اخوووي جنتل مآآن ..






طيب هم ليش ينتقدونه مدام ما جربوه ؟؟ .. انــآ صرآحة مستغرب .. يعني معقولة كل هالحقد على هالسيـــــآرهـ .. ؟؟ .. شي عجيب ..




انــآ مو متعصب لأي سيــآره وجربت كثير سيــآرآت وما اخفيك اني احب الشيروكي لكني ما انتقد السيارات الثانيه لمجرد اني احب الشيروكي ..





ازيدك من الشعر بيت ... قبل ما اشتري الجيب وآحد متعصب للتيوتــآ .. قآل لي : اشتر يــآرس اصرف لكـ والله العظيم انه من جده يتكلم انا قلت له تتكلم جد والا تمزح ؟ .. قآل لا والله جد ..





قلت اجل لآ يكثر ...





انا بس حبيت اقول اذا الواحد تعصب لسيـــآره معينه المفروض ما يهاجم السيارات الثانيه وهو ما يعرف مميزاته لمجرد التعصب وفي النهــآية النآس اذوآق .. ولولآ اختلآف وجهات النظر لبــآرت السلع ..





تشرفت بمرورك اخوي جنتل مان .. وانا اللي الشرف بانضمامي لهالـمنتدى الحلو بامثـــآلك ..







الله لآ يهينك اخوي ..

[حر ولد حر]

وعليكم السلام ورحمة الله وبركاته

حياك الله بن اخوانك

للاسف اكثر اللي يسبون الشيروكي ماقد جربوه و بعضهم للاسف مايملك سيارة دفع رباعي من اي نوع

الشيروكي بشكل عام سيارة ممتازه في الاستخدام سواء داخل المدينة او في السفر او في البر

من ناحيت الحراره الحمد لله قليل اللي يشتكون منها و الحلول كثيره

تقبل مروري

[الله يستر]

اي والله انك صادق..........كلمة انحش كثير اسمعها والله

بس من جد انا اغتاظ اذا قالوا ماتجيب سعر عند البيع

( يعني لازم اشتري على ذوق الشريطية)...!!!!

شوف انا ماجربت وكالة جيب صراحة ...........

لكن مومقتنع بالي يقال...وان قريب عهد باخذ رانجلر وكالة

والناس يقولون انحششششش....والله هذي كلمتهم بالضبط...

يقولون ان الهايلكس انشط وهو باربع سلندر......

وانا اتسائل مثلك....ليه يقولون انحش....

وواحد ثاني قال لي الرانجلر اعتبر نفسك شريته وبعته وانتهى....

ودور على غيره تويوتا ولا نيسان........ليه انا بعد اسالكم

ومشكور ياصاحب الموضوع ...جبتها على الجرح

[بقايا جثمان]

وعليكم السلام ورحمة الله وبركاته

حياك الله بن اخوانك

للاسف اكثر اللي يسبون الشيروكي ماقد جربوه و بعضهم للاسف مايملك سيارة دفع رباعي من اي نوع

الشيروكي بشكل عام سيارة ممتازه في الاستخدام سواء داخل المدينة او في السفر او في البر

من ناحيت الحراره الحمد لله قليل اللي يشتكون منها و الحلول كثيره

تقبل مروري





الله يحييك ويبقيك ويخليك لعينن ترجيك ...


والله انكـ صآدق في كل اللي قلته وهذآ سبب من اسبــآب تهجم النــآس على السياراآت من شركة جيب ...



( الجهل ) .. ثمـ ( الجهل ) ... ثمـ ( الجهل ) ..




يـــآخي اذا ماتعرف شي عن السيآره ومو مجربهـــآ قول مدري ... ترى والله مو عيب ... امــآ تقعد تسب فيهــآ وتطلع فيهـــآ عشرين الف مليون غربآل وعشرطعش مليار الف عله مــآلهــآ دآعي ..









تشرفت بمرورك اخوووي الله لا يهينكـ ...

[بقايا جثمان]

اي والله انك صادق..........كلمة انحش كثير اسمعها والله

بس من جد انا اغتاظ اذا قالوا ماتجيب سعر عند البيع

( يعني لازم اشتري على ذوق الشريطية)...!!!!

شوف انا ماجربت وكالة جيب صراحة ...........

لكن مومقتنع بالي يقال...وان قريب عهد باخذ رانجلر وكالة

والناس يقولون انحششششش....والله هذي كلمتهم بالضبط...

يقولون ان الهايلكس انشط وهو باربع سلندر......

وانا اتسائل مثلك....ليه يقولون انحش....

وواحد ثاني قال لي الرانجلر اعتبر نفسك شريته وبعته وانتهى....

ودور على غيره تويوتا ولا نيسان........ليه انا بعد اسالكم

ومشكور ياصاحب الموضوع ...جبتها على الجرح





يـآ مرحبـآ يـــآ مرحبـــآ (( انحشششششش )) ... ومــآ أدرآك ما انحش .. انا والله مدري ليش الكلمة المشتركة بين كل اللي اسالهم عن سيارات جيب هي كلمة (( انحششش )) . هل هم متفقين مثلآ على هالكلمه ؟؟ ..




ع ـآد انــآ والله لو اني مو عــآرف السيــآرة زين ومجربهــآ وعشرة عمر بيني وبينهــآ كآن سمعت كلآمهم وانحششششت .. بس الحمد لله عـآرف السيارة زين و شركة جيب عآمة تهتم بالجوده والمتانة والقوه بشكل كبيررر جدآ .. بس لما كنت اسألهمـ كنت احب اشوف وجهة نظرهمـ عن هالسياآرآت وتفآجأت وانصدمت بكلمة ( انحششش ) اللي صآرت تطلع لي في الكوآبيس وتنط قدام عيوني كل ما شفت جيب مار في الشآرع ..








ولآزآل السؤآل في طور الحيرهـ .. ليش انحشش ؟؟ ..











ليش ؟؟














على فكرهـ .... الصورة اللي في توقيعك تهيضضض (^_^) .. تشرفت بمرورك ..

[(عبدالله)]

وعليكم السلام ورحمة الله وبركاته

مرحبا بك اخي باقايا

النظرة السلبية التي اكتسبها العامة عن الشروكي بسبب مرمطة المتعهدين ووكلاء هذه السيارة

لحيث انها منذ ان وردت للسعودية انتقلت ملكية الأستيراد لأكثر من وكيل،،

وهذا الشي انعكس انعكاس سلبي على اسعار قطع الغيار مما زاد من مخاوف المستهلك لذالك الناس قامت تنحش عن هذه السيارة بسبب غلاء قطع غيارها،،

وبحكم ان الوكلاء كانو على قد الحال ولايوجد لديهم صيانة كافيه كما هي بقية الشركات الأخرى تعثر على بعض المستهلكين صيانة سياراتهم الجيب ولأتفه العطلات وابسطها،،

لذالك بقيت سيارات جيب منزوية وينظر لها المستخدم بنظرة مغايرة للشركات الأخرى،،،

ولو تلاحظ منذ زمن قريب كثافة انتشار جيب وكم هم الذين يشترونه جديد من الشركة بحكم الأستقرار النسبي الذي طرء على المتعهد الشركة المتحده على حد علمي،،،ولتقارب

اسعار قطع الغيار مع الشركات الأخرى ان لم يكن ارخص قطع في الأونية الأخيرهـ،،،


هذا مالدي وعذراً على الإطالة والسلام ختام

[- jeep -]

صدقت والله

[OFF ROAD]

اسئل العضو ابو وليد عن القراند شيروكي 2005 اللي عندهم ويعطيك العلم
موتر الجلد فيه ليل نهار وماقال اح ماشاء الله تبارك الله (اذكرو الله) وصيانته معقوله بالمقارنه

[cherokee 04]

القراند شيروكي 2005 وفوق ماشالله تبارك الله .. عندنا واحد 2007 ليميتد .. اللهم صلي على محمد 3 سنوات ما سويناله الا لصيانه الدورية وما كلفنا ولا شي بس فرامله شوي غالية .. رحنا الامارات وقطر والاردن اكثر من 7 مرات وجده ومكه ولبنان بعد وطلعنا عليه للبر .. ماشالله .. يكفيك شكله الخارجي لبى قلبه

هذي وجهه نظري

[عاشق jeeb]

وعليكم السلام
اقول تبي رايي وتريح نفسك حط كتبت جيب قدام عيونك وامش وانت مرفوع الراس ولا عليك من احد انت شاري الموتر تبي تكسبه ولا تبي تنبسط وتطرب عمرك يكفي انت القراند من 2005 به نشاط مهب صاحي اناوالله اني اتمنى اطق جراند بس معي سبورت ونويت ابيعه هاليومين واشري اكستيرا ولاكن خلاص هونت عجزت اصبر عن الشروكي قسم بالله ياهو موتر عجزت القى مثله صغغير وخفيف وقوي مالقيت الاهو >>>>معليش كثرت لاني منقهر من الي صاير

[بقايا جثمان]

يآحبي لكم كل ابوووكمـ .. لي عودهـ للتعليق على كلام كل واحد بس بعد ما ارقد > توهـ راجع من الجامعه وهلكــــــــــــــــــــآن ..












لي عودهـ .. ب ر ب ..

[الكوماندر الفضي]

وعليكم السلام
اقلك اخوي اذا خفت على السياره وتبي تحافض عليها والله راح تخرب لاكن خلك ايزي وكرف عليها والله ما تشتكي من شي
وسبب خوف الناس من الجيوب هوا قطع الغيار فهيا اغلا من البي ام والمرسيدس
بس مشكله الحراره هي مو مشكله كل الجيوب الجديده تطلع الحراره الى قبل النص بااشوي
والناس ما تعرف الى يباني تحصلها ترتفع شعره وحده بس
لاكن ما اقولك الى الف الف الف مبروووووك على الموتور ومعروووف سيارات جيب مصنوعه بجوده 5 نجووووم
تحياتي لك

[سـلـمـونـي]

ههههههههههههههه

بصرآآحه من نآحية القوة والتحمل مآآيحتآآج ..

~..( مآشآء الله تبآكـ الله )..~


وأنآ الوحيد اللي بالعآئله يظربون فيه المثل هههههههه

يعني كل مآقآلوآ شروكي خرآبآت يقولون شوفوآ سليمآن مآخرب معه هههههههههه

وكل مآقآلوآ حرآره يقولون هذآ سليمآن 24 سآعه دورآن وسرعه وتفحيط ولآ يوقف هههههههه

أنآ حقي مشآء الله علييه بس

تطعيس وتفحيط وجربعه وأرصفه وسرعه ودفدفه بالدآئري واللي تبي هههههههه


ومآشآء الله مآغيرت ألآ المقصآآت عششآن الركب تعبآنه من أكل المطبآت والمسآعدآت والفحمآت من السوآقه الزينه ههههههههه


بس العييب في قطع الغيآآر هنآ المعآنآت بصرآآحه !!

يعني أنآ صدمت في الوجهيه بس شمعه ورفرف وصدآم وفتر هوآء وقربة هوآء كلفتني حول 6000 وكسور !!

وبعض القطع ركبت اللي قبل مآغيرتهآ .. مآعندي أمكآنيه أغيرهآ !!


وأنششآء الله قرريب بحط صورة بالتوقيع تكفي عن اللي جآهآ من كرف !!



وأعذروني طولت عليكم ..
بس عقب كلآمي هذآ مآيحتآج أنك تسسأل قبل تششتري قرآند شروكي 2005 مآدري عن غيره !!