لأهل الكشتات البعيده ..الصمان وغيرها ..

[ابوالسهوم]

مساكم / صبحكم .. الله بالخير ..
موضوعي شوي غريب ويمكن شدني موضوع النصائح إذا ضاع الواحد بالبر فحبيت من باب الفائده من بعض وهذي عوايد المنتدى مع إني جديد فيه لكن معرفة الرجال تجاره .. وممشاهم مدرسه ..
بحكم إن غالبية اللي بالموقع سياراتهم jeep وحنا مقبلين على الجو الزين والكشتات ودنا نعرف وش الأعطال اللي تحصل بالجييب واللي لازم الواحد يحسب حسابها ويشيك عليها قبل كشتته . وإذا لك تجربه وإذا عندك بديل لهالقطعه اللي خربت ..

واضح إن فلسفته واجده <===

ماأطول عليكم بس نسمع ردودكم ...

تحياتي لكم .. ابو السهوم

[ابورغد]

بصراحه أخاف من حساس القير اللي تحت وقت السيول
(يقولون) إنه إذا جاه مويه ممكن يطفي الموتر
وانتبه من اسلاك الظفيره اللي تحت لاتنزل على الشكمان إذا نزلت على الشكمان يسبب حريق لاسمح الله .

[ابوالسهوم]

بصراحه أخاف من حساس القير اللي تحت وقت السيول
(يقولون) إنه إذا جاه مويه ممكن يطفي الموتر
وانتبه من اسلاك الظفيره اللي تحت لاتنزل على الشكمان إذا نزلت على الشكمان يسبب حريق لاسمح الله . .

الله يعطيك العافيه يابورغد فعلاً كثير قالوا يخوف طبعا تقصد حساس الكرنك

[fiasl]

يا شباب ممكن صوره له من باب التوضيح

[ابوالسهوم]

يا شباب ممكن صوره له من باب التوضيح

هلا أخوي فيصل بيني وبينك الصوره كنها صعبه شوي لازم تفكها لكن إذا سمعت بحاجه يسمونها المغناطيس فتراك وصلت

وصفها : زي القضيب المغناطيسي أسطواني الشكل يطلع منه حديدتين من يمين ويسار للتثبيت ويركب فيه سلك يتكون من ثلاث أسلاك تمتد لين تشبك في فيش من جهة الثلاجه . في الكبوت
إنشاء الله أكون وصلت المعلومه ... شاكر لك مرورك

[OFF ROAD]

هلا والله
انا العام كاشت على موتري ومشيت بموتري من الخبر الى الامارات وعمان واليمن وابها وجده والرياض رجوعا الى الدمام
طبعا خذيت معي سير وطرنبة بنزين وحساس كرنك ولا خرب على شي من هذا كله ولاكن خرب عندي الكلتش وغيرته باليمن وكملت رحلتي
وعقبها كشت عليه الى الصمان ثلاث مرات والحمد لله بدون مشاكل
لاكن الحين مكينته بها صوت وودي اوضبها لاني بامشي بعد عيد الاضحى نفس رحلتي المكوكية اللي سويتها العام مع رفيق دربي الشيروكي

[fiasl]

هلا أخوي فيصل بيني وبينك الصوره كنها صعبه شوي لازم تفكها لكن إذا سمعت بحاجه يسمونها المغناطيس فتراك وصلت

وصفها : زي القضيب المغناطيسي أسطواني الشكل يطلع منه حديدتين من يمين ويسار للتثبيت ويركب فيه سلك يتكون من ثلاث أسلاك تمتد لين تشبك في فيش من جهة الثلاجه . في الكبوت
إنشاء الله أكون وصلت المعلومه ... شاكر لك مرورك


وصلت المعلومه والله يعطيك العافيه

ومشكوووووووووووووووووووووووووووور

[أبو علي]

السلام عليكم... موضوع مهم جداً جداً.. وأنا أتخوف دائماً من 1/ دينمة التشارج 2/ طرمبة البنزين 3/ حساس الكرنك مثل ماتفضلوا به الإخوان... تحياتي لكم..

[ثـامـر]

خل معك شروكي ثاني تشلح منه :biggrin:

لا امزح يا بطل

شيك على الموتر و افحصه من الصدام للصدام

وتوكل على الله

[ابوالسهوم]

هلا والله
انا العام كاشت على موتري ومشيت بموتري من الخبر الى الامارات وعمان واليمن وابها وجده والرياض رجوعا الى الدمام
طبعا خذيت معي سير وطرنبة بنزين وحساس كرنك ولا خرب على شي من هذا كله ولاكن خرب عندي الكلتش وغيرته باليمن وكملت رحلتي
وعقبها كشت عليه الى الصمان ثلاث مرات والحمد لله بدون مشاكل
لاكن الحين مكينته بها صوت وودي اوضبها لاني بامشي بعد عيد الاضحى نفس رحلتي المكوكية اللي سويتها العام مع رفيق دربي الشيروكي

أولاً ماشـــــــاء الله تبارك الله الله يعطيك خيره وكفيك شره رفعت معنوياتنا بابوشرك لكن أتوقع مشكلة الكلتش من الطلوع والنزول الزايد أقصد ماأتوقع يكون عيب .

ثانياً نصيحتي لك لاتوضب غير ترا نادر اللي يزبط مكينة الشيروكي . شاكر لك مشاركتك

[ابوالسهوم]

خل معك شروكي ثاني تشلح منه :biggrin:

لا امزح يا بطل

شيك على الموتر و افحصه من الصدام للصدام

وتوكل على الله

أخوي ثامر أنا ودي أعرف بس في الصوره بعد ماديور الشيروكي وش صار ....
هع <==== شكله معذبته الصوره

صادق أخوي ثامر التشييك لابد منه

[ابوالسهوم]

السلام عليكم... موضوع مهم جداً جداً.. وأنا أتخوف دائماً من 1/ دينمة التشارج 2/ طرمبة البنزين 3/ حساس الكرنك مثل ماتفضلوا به الإخوان... تحياتي لكم..


حيااااك ابوعلي .
فعلاً هذي أكثر ماتلخبط بالشيروكي . تحيااتي لك ابو علي .

[OFF ROAD]

أولاً ماشـــــــاء الله تبارك الله الله يعطيك خيره وكفيك شره رفعت معنوياتنا بابوشرك لكن أتوقع مشكلة الكلتش من الطلوع والنزول الزايد أقصد ماأتوقع يكون عيب .

ثانياً نصيحتي لك لاتوضب غير ترا نادر اللي يزبط مكينة الشيروكي . شاكر لك مشاركتك
هلا وغلا
اكيد الطلعات والجبال تهد الكلتش خاصه وهو مستهلك من قبل
اما بالنسبه للمكينه للاسف شريت مكينه من الكويت وركبتها وبعد يومين طلع فيها صوت كرنك
وتعقدت من مكاين التشليح
اما التوضيب تكون عارف وش حطيت وش زينت وش الجديد وش القديم
والله يسهل
ولاتخاف من الموتر تراه بطل بس اهم شي يكون نظيف

[ثـامـر]

أخوي ثامر أنا ودي أعرف بس في الصوره بعد ماديور الشيروكي وش صار ....
هع <==== شكله معذبته الصوره

صادق أخوي ثامر التشييك لابد منه

ما صار شي مشت عادي :drive1:

[- jeep -]

مشكوووووووور يالغالي على الموضوع
واهم شي شيكوا على الطرمبه تراه تسلط بوقت موب وقته

[خالدالرشيد]

موضوع جميل وثامر جاب حل من الأخير خل معك شروكي ثاني تشلح منه ــــــــ ثامر لا تتعودها :rolleyes:

[ابوالسهوم]

مشكوووووووور يالغالي على الموضوع
واهم شي شيكوا على الطرمبه تراه تسلط بوقت موب وقته

أشكرك على مشاركتك وطرمبة البنزين تكلموا عنها الغالبية

[ابوالسهوم]

الحمدلله كل مشاركات الشباب تطمن عن الشيروكي أو الجيب يعني بإختصار :
1- الدينمو . وودي أفيدكم ترا دينمو الكامري الـ 6 سلندر يركب على الشيروكي السبورت كبير ويتحمل الإضافات في السيارة
2- طرمبة البنزين . تركب طرمبة اللاند كروزر لكن ماأقدر أفيدكم عن النوعيه لأني ماأفهم فيها لكني مركبها لي سنتين وماشاء الله .
3- حساس الكرنك أو مايسمى بحساس القير . وهذا شر لابد منه .

[بوخالد]

السلام عليكم ورحمة الله
انا قد جربت طرمبة البنزين حقت الفوردكراون فاكتوريا موديل 1998
تركب على طول مافي اي اختلف عن طرمبة الشيروكي
وبدون اي ترهيم نفس الفيش والقاعده وضغطه ممتاز
تقبلو مروري
للافاده

[أبو علي]

مداخلة ثانية:
1/ أنصح الجميع بحمل مجموعة من الفيوزات، ذات أرقام مختلفة..للإحتياط فقط.
2/ أخذ سير إضافي..
3/ عدة لحل مشاكل الإطارات (أبر + بلف + رقعات + ... )
تحياااااتي لكم..

[ابوالسهوم]

السلام عليكم ورحمة الله
انا قد جربت طرمبة البنزين حقت الفوردكراون فاكتوريا موديل 1998
تركب على طول مافي اي اختلف عن طرمبة الشيروكي
وبدون اي ترهيم نفس الفيش والقاعده وضغطه ممتاز
تقبلو مروري
للافاده

الله يحييك يابوخالد ومعلومه جديده بالنسبه لي من جد أفدتني الله يعطيك العافيه .

[ابوالسهوم]

مداخلة ثانية:
1/ أنصح الجميع بحمل مجموعة من الفيوزات، ذات أرقام مختلفة..للإحتياط فقط.
2/ أخذ سير إضافي..
3/ عدة لحل مشاكل الإطارات (أبر + بلف + رقعات + ... )
تحياااااتي لكم..


أبدعت يابوعلي والله إنك صادق أنا يوم على طريق الخرج أكلت حفرة وكنت مسرع شوي قطع علي إثنين من الفيوز
وعدة الكفرات والسيور أشياء ماتكلف وأساسيه .. الله ينور عليك ياحبيبي . أتحفتنا بصراحه

[بوخالد]

؟؟؟؟؟؟؟؟؟؟؟
وين التفاعل مع الموضوع
ودنا نستفيد اكثر ياشباب

[cherokee.1996]

الإستبنة مهمة تشيك عليها .. ماطور هواء كذلك مهم

اشتراك بطارية ,,

عندك السير مهم .. خذ معك السير القديم وجب نفسة جديد اي سي ديلكوا حق كابرس يركب تمام ,,


اممم وش بقي

شيك على الكهرب كامل .. وخل معك فيوزات مختلفة .. خصوصآ الكبيرة اللي في العلبة فوق عند المكينة .. لأنها هي اللي تطفي الموتر مثل فيوز الطرمبة حقت البنزين ..

رح للتشليح واشتر لك علبة فيوز كاملة وخلها سبير معك .. بس مكلفة العلبة .. لكن تسوى قيمتها .. :thumb:



بالتوفيق .. أدليت بدلوي :90007:


أخوكم . cherokee.1996

[ابوالسهوم]

الإستبنة مهمة تشيك عليها .. ماطور هواء كذلك مهم

اشتراك بطارية ,,

عندك السير مهم .. خذ معك السير القديم وجب نفسة جديد اي سي ديلكوا حق كابرس يركب تمام ,,


اممم وش بقي

شيك على الكهرب كامل .. وخل معك فيوزات مختلفة .. خصوصآ الكبيرة اللي في العلبة فوق عند المكينة .. لأنها هي اللي تطفي الموتر مثل فيوز الطرمبة حقت البنزين ..

رح للتشليح واشتر لك علبة فيوز كاملة وخلها سبير معك .. بس مكلفة العلبة .. لكن تسوى قيمتها .. :thumb:



بالتوفيق .. أدليت بدلوي :90007:


أخوكم . Cherokee.1996


الله لايهينك ياشروكي 1996 بصراحه كفيت ووفيت ومعلوماتك جداً مهمه وأنا عن نفسي أجلها ...
شاكر لك مشاركتك وتفاعلك

[ابوالسهوم]

؟؟؟؟؟؟؟؟؟؟؟
وين التفاعل مع الموضوع
ودنا نستفيد اكثر ياشباب

الله يعز مقدارك يابوخالد من جد خليتني أحس ان الموضوع مهم .

[ابوالسهوم]

الله لايهين الشباب كلهم
بصراحه الجميع اتحفنا بمعلوماته وننتظر منكم المزيد
ماتوقعت الموضوع مهم للجميع لكن الحمدلله على كل حال :

[cherokee.1996]

كشاف يدوي صغير مهم كذلك


عدة صغير تتكون من طقم مفكات مختوم من 6 - 19


طقم مفكات سالب و موجب

زرادية

كماشة



هذي عدة أولية مهمة جدآ



بالتوفيق


ان حظرني شيء كتبته :rose:

[cherokee.1996]

قبل لا تسافر تأكد من مسامير جنوطك فكها وركبها


كثير من الشروكيات تجيم مساميرها !!

فاكتشاف العطل وانت قريب من الديرة أفضل من انك تكون خارجها


عندك الكفرات مهم مهم مهم جدآ انك تعايرها .. هي سبب لإنفجار الكفر , 70 % من أسباب انفجار الإطارات بسبب نقص الهواء في الإطار .. << إحصائيه مني :icon30:


cherokee.1996 :rose:

[ابوالسهوم]

قبل لا تسافر تأكد من مسامير جنوطك فكها وركبها


كثير من الشروكيات تجيم مساميرها !!

فاكتشاف العطل وانت قريب من الديرة أفضل من انك تكون خارجها


عندك الكفرات مهم مهم مهم جدآ انك تعايرها .. هي سبب لإنفجار الكفر , 70 % من أسباب انفجار الإطارات بسبب نقص الهواء في الإطار .. << إحصائيه مني :icon30:


Cherokee.1996 :rose:

الله يعطيك العافيه ياشروكي 1996 بصراحة ماقصرت وعداك العيب .... نبي المزيد ياشباب

[شروكي على نياته]

هلا والله

صراحه انا اقول اهم شي تتأكد من اللديتر

ويكون معك ماده تسد مكان تهريب الماء

تقبلوا شطفتي المتواضعه :icon31:

[ابوالسهوم]

هلا والله

صراحه انا اقول اهم شي تتأكد من اللديتر

ويكون معك ماده تسد مكان تهريب الماء

تقبلوا شطفتي المتواضعه :icon31:

وش دعوه شرفت والله أخوي شروكي على نياته وبالعكس شورك جدا حلو تحياتي لك يبو ...

[شروكي على نياته]

سلام عليكم

وش رايك يا ابو السهوم

تجمع الي قالوه الشباب كللله

وتختصره وتظبطه وتنزله رد هنا

علشان الي يدخل الموضوع ياخذ الفايده

بدل مايقعد يتنقل وهيك يعني

مجرد فووووكره بسيييطتون جوودن :laugh:

[fiasl]

والله فكرة اخوي شروكي على نياته حلوه

[ابوالسهوم]

سلام عليكم

وش رايك يا ابو السهوم

تجمع الي قالوه الشباب كللله

وتختصره وتظبطه وتنزله رد هنا

علشان الي يدخل الموضوع ياخذ الفايده

بدل مايقعد يتنقل وهيك يعني

مجرد فووووكره بسيييطتون جوودن :laugh:

هلا والله شيروكي على نياته أكيد هذي الفكره اللي براسي بس ابي أتفضى لها وأزبطها وأنزلها .
شاكر ومقدر لك ولإقتراحك

[ابوالسهوم]

مساء الخير أعضاء منتدى ملاك جيب وزواره .. تنفيذ لرغبة الشباب بأختصر لكم مشاركات الشباب واللي تقول ياراعي الشيروكي لازم تحسب حساب الأشياء اللي جايكم فيها وهي :
1- الدينمو
2- حساس الكرنك ويسمى المغناطيس
3- طرمبة البنزين (وملاحظه من أحد الشباب يقول طرمبة الكراون فيكتوريا 98 تركب بدون توليف)
4- عدة الكفرات من رقعات تيوبلس وعدتها
5- فيوزات بجميع الأرقام صغار والعاديه والكبار مررررررره
6- ماطور هواء واسلاك إشتراك
7- عده كاملة متكامله وفيه أرقام معينه ضروريه تكون معك ولاتنسون العده الأمريكيه (المشرشر)
طبعا مثل ماقالوا الشباب وهذا مايختلف علية إثنين إنك لابد تشيك على السياره من إلى لأن قولة شيك على السياره وخسر ميه ولا ميتين ولا تعطل وخسر حياته في البر .
ولاتنسون شي مالك إلا جيب


Dont blay withe me
JEEP


ملاحظه : شباب وشلون أحط صورة سيارتي زيكم .... <=== ينرحم ابوالسهوم وده يسوي زيكم ويحط صورة سيارته مثلكم

[شروكي على نياته]

فوق يمين في لوحة التحكم افتحها

بعدين تعديل التوقيع

وارفع الصورة على مركز رفع الملفات شف فوق في الموقع مكتوب الشرح :rolleyes: