استفسار عن رانجلر ان ليمتيد..؟؟

[الله يستر]

السلام عليكم

اخواني انا لي نية على الرانجلر...4 ابواب 2011...هل يتوفر بقير عادي...سواء صحارى او سبورت:compress:..؟؟

الداخلية عرفنا انها راح تتغير ...لكن سمعنا ايضا راح يكون في تغيير بالمكينة:icon9:...هل هذا صحيح...

وان شاء الله ربي يسهلها.....

بارك الله فيكم...:smile:

[روحي jeep تحبك]

والله ماعندي خبر
يفيدونك الشباب
وحياك الله

[spooky]

عزيزي بخصوص موديل 2011 المكينة هي نفسها ماراح تتغير
3.8 لتر 6 سلندر
بس اللي شدني ان النوع اللي يجي هارد توب (الفيبر) يجي نفس لون السيارة
http://www.tunner.org/wp-content/uploads/2010/08/2011-Jeep-Wrangler-and-Wrangler-Unlimited-Front-Side-View-575x382.jpg
اكيد بينزل تماتيك وعادي
وهذا الخبر
http://www.reedmantollchrysler.com/2011-jeep-wrangler.htm
تحياتي

[JEEP GCS]

والله عن القير ما اعرف بس

عن المكينه متاكد بنسبه 85 % انها راح تتغير

[الله يستر]

ويستمر الجدل...>>> مسوي فيها

الله يعين ...وبالنسبة للقير ...واحد في منتدى اخر يقول مايجي اربع ابواب وقير عادي

عشان كذا سألتكم.....و وفي ناس تعرفونهم عندهم اربع ابواب وقير عادي او احد شاف في الوكالة....

اما المكينة ...ان تغيرت فلله الحمد والمنة وان ما تغيرت ....باشريه يعني بشريه...:cool:

اخ استفسار تتوقعون لو اطلب من الوكالة رابيكون يوفرونه لي....:icon9:

[2OIIIIIIIO9]

السلام عليكم

اخوي بالنسبه للقير اللى اعرفه انه في قير عادي للرانجلر الـ4 ابواب ولكن في امريكا اللى عندنا يجي فقط قير اوتوماتك.

وانصحك انك تجرب سواقته قبل لا تشتريه لانه احتمال انه ما يناسبك
في الشركه فيه الانلمتيد للتجربه

انا يوم حبيت اشتري الرانجلر طلبت منهم اني اجربه ولكن للاسف انه لا يوجد عندهم رانجلر بابين للتجربه فقط الاربع ابواب وقال لي البايع انه يفرق في العزم لانهم الاثنين نفس المكينه ولكن الاربع ابواب اثقل.

والحمد لله شريت البابين ولكن لو اني ارجع بالزمن كان غيرت وشريت الاربع ابواب لانه اوسع وبالنسبه للعزم في اشياء كثيره ممكن تركبها على السياره وتساعد.

ولكن العيب اللى صادفته في القير الاوتوماتك في خطوط السفر النمره الرابعه اذا عشقت تطيح العزم واذا شديت في السياره الى 140 ما راح تعشق الى الرابع حتفضل ماشي على النمره الثالثه.

وانا انصحك اذا حبيت تشتري الرانجلر لا تفكر تغيره بعد سنه او سنتين لانه يطيح سعره بسرعه وهذا السبب من وكالته في السعوديه ولكن لو تاخذلك مستعمل موديل 2009 تحصله في بحر السبعين الف وهذا سعر ممتاز لانه جديد بــ119,000 ريال يعني موفر 49,000 ريال.

في الاخير اتمنى لك التوفيق...

واي سؤال انا حاضر

تقبل تحياتي

[الله يستر]

كفيت ووفيت يالغالي....

والله ودي اسألك ...لو اطلبه من الوكالة طلبية اربع ابواب وقير عادي....يوفرونه..... و ايضا لو

اطلب روبيكون...هل يوفرونه:icon9:؟ المستعمل فكرت ليش لا ؟ لكن الوالد

رافض وبشدة لانه جرب مره وانغش...وخلاص قال مستحيل اشري لك مستعمل.... وحنا الحمد لله نشتري ولانبيع عندنا مواتر لها 20 سنة وباقيه على عز ومعزه....

انا متخوف من القير اللاتو جدا ....سبحان الله كل مارسيت على سيارة لازم تحصل لي مشكلة.:mad:...

لكن الله يحلها....اسف على الاطالة ...لكن انا احب السواليف ههههه:smile:

[2OIIIIIIIO9]

السلام عليكم

اخوي بالنسبه للوكالة والله ماعندي اي خلفيه اذا يوفرونه لك او لا
ولكن انا اقول لك انه وكالتنا وللاسف افشل وكاله ما يعرفون مواصفات السيارات اللى يبيعونها والدليل يوم شريت السياره منهم اخذت فكره عن السياره من المواقع الاجنبيه ويوم رحت لهم اسالهم عن المواصفات اللى في السياره قال لي: قير اوتو وشاشه وسقفين وبس...

سألتهم عن القزاز اذا كان كهرب والريموت قال لى شوف السياره امامك اتأكد منها

وسألتهم كم الدفرنشات اذا هي 3.21 او 3.73 رد على انه مايعرف!!!

وفي الاخير ارسلت ايميل الى الشركة في امريكا برقم الشاسيه وارسلوا لى جميع المواصفات

........................

انا كأني شايف عندهم روبيكون في الصاله موديل 2010 بس ماني متأكد...

انت خايف من القير الاوتو ليش اذا كان على العزم انا مركب عليه سنوركل واشتريت كمبيوتر كفي للسياره تقدر تزيد قوه الاحصنه وتزيد فتره تغيير نمر القير وتبرمج الدفرنشات اذا غيرتها وحجم الكفرات واشياء كثيره... والحمد لله العزم تحسن واجد

و اولا واخيرا استخيير قبل لا تشتري واتمنى لك التوفيق

[الله يستر]

الوكيل سئ سئ هذي لا خلاف فيها.....

والله اليوم الثلاثاء رحت للوكالة وسألتهم اسألة على الطاير...

ياخي عندهم من الجهل...اقول له تقدرون توفرون لي روبيكون....يقول قصدك رانجلر 8 سلندر....لا ماعندنا..:baaa2:

وانا يالغالي مالي اي نية اني اركب على الموتر اي حاجة.... للذلك ودي بالقير العادي....

وبالله لو تتأكد من الروبيكون اللي شفته....

راح اتعبك معي...لكن عسى ربي يجازيك على قدر نيتك ....

[jeep_055]

الحل الوحيد انك تتصل على وكالة البحرين وتسألهم لانه في واحد قابلتة وقال انة يقدرون يوفرونلة قير عادي

بالنسبة للامور

الزياني
0097336617238822

[الله يستر]

حلو وانا من سكان الشرقية........... اليوم اكلمهم باذن الله واكتب لكم وش حصل.........

يعطيك العافية.......انا فكرت اني اكلم خويي في امريكا.......يقولون اذا تعرف احد هناك....يشريه وما يفرق

معك الا سعر الشحن....لكن بكلم البحرين والله ياهي بتختصر الامور لو جات مثل مابي.....

اجدد شكري لك

[jeep_055]

بالتوفيق انشاءالله

انا اعطيتك رقم الزياني بالبحرين ..فية وكيل ثاني اسمة البهبهاني لكن ماعندي رقمة
الافضل انك تشيك عن الوكيلين

[فيصل]

خبراء ما يحتاج

2OIIIIIIIO9 + jeep_055

[أنت محبوبى]

حياك الله اخوى اربع ابواب ما يجى قير عادى با السعوديه للرنجلر والشروكى الى هو ليبترى بامريكا ما يجى عادى الا رانجلر بابين بامريكا يجى اربع ابواب قير عادى ونفس الشى للشروكى الجديد من 2007 ينزل عندهم قير عادى مدرى ليش ما ينزلونه عندنا والشروكى 2008 انا شايفه بعينى قير عادى هذا الى اعرفه تحيااتى