المساعد الشخصي الرقمي

مشاهدة النسخة كاملة : كيف اسوي البويه؟.

bngo11
08-31-2010, 02:35 AM
بسم الله الرحمن الرحيم

اخواني السلام عليكم اتمنى لكم الصيام والقيام وصالح الاعمال .

صراحه انا اليوم رجعت البيت ولا اخوي يقولي السياره محكوكه. طبعا انا ما صدقت وقلت انها قديمه وانت

توك تشوفها قال طيب تعال وشف بنفسك ورحت الا والله محكوكه ومدري من ايش من المشوار النحس ذا

عاد ماحسيت انها انحك ما حسيت ان احد حكني ؟ ولا مريت من اماكن ظيقه المهم ما اطول عليكم ابي حل

من غير ما اروح لمحل وارش الصدام الخلفي كامل اذا فيه طريقه غيرها علما ان الصدام فيبر بلاستيك حق

القراند وطاله الون اسود مع انه صغير بس انت تتضايق منه :ranting: اه بس لو اعرف منهو ..

يا اخوان ابي طريقه اذا احد عنه لون الموتر ابيض وابي طريقه تكون مجربه هاا مو تجربون علي :biggrin:

ويطلع نفس اللون نفس الدرجه كيف ولا لازم اروح ورش وقلق وهل الورشه ترش محلات معينه ولا لا زم كل

الصدام وكم يكلف اذا ابي ارش الصدام الخلفي كامل ووين تنصحوني ارشه انا في تبوكـ؟..
:helpsmilie: :helpsmilie: :helpsmilie: :helpsmilie: :helpsmilie: :helpsmilie: :helpsmilie: :helpsmilie:


ارجو المساعده ولكم جزيل الشكر وكل عام وانتوا بخير .
bngo11
08-31-2010, 02:56 AM
شباب ابي كل واحد يجيلي طريقه وبإسرع وقت يااخوان كثر الله خيركم
(عبدالله)
08-31-2010, 02:59 AM
وعليكم السلام ورحمة الله وبركاته

طيب كيف كبر حجم الحكة صغير والا كبير وياليت تعطينا له صورة حتى نعطيك الحلول،،


اما عن معرفة درجة البوية فأقترح عليك ان تروح للسواط حق البوية او للغنام جميعهم بالصناعية
وتطلب منهم ربع كيلو بوية نفس درجة لون موترك وهو يطبقة بطريقة ,,فيه استكر داخل الكبوت مكتوب علية مقاس البوية،،
وتاخذ الربع كيلو الله يسلمك وتجيبها البيت تخلي اهلك يحطونها لك مع الشربة والمعكرونة وتاكلها وتروح الحكة هههههههههههه..
لاعن جد تاخذ البوية وتحفضها عندك بعلبة شديدة الغلق وكل ماحكيت خذ منها بفرشة صغير وعالج الحكات الصغيرة،،


اما اذا كانت الحكات كبيرة وتشوه منظر السيارة فما لك الا الرش الكامل للصدام
وتكلفته تقريباً من 200 الى 400 وافضل ورشة بتبوك على ذمة اللي يمدحونهم ورشة الصواط

وسلامات يالغالي
ملاك جيب
08-31-2010, 03:02 AM
200 ريال .. فقط
bngo11
08-31-2010, 05:07 AM
تسلم يا جارح انت وملاك جيب بس الحكه صغيره لا يتجاوز طولها 4سم بس سمعت ان فيه معجون

بيدك تسويه نفس لون السياره هل هذا صحيح ووين القاه عندنا.؟


واجدد شكري
(عبدالله)
08-31-2010, 07:13 AM
الله يسلمك يالغالي

مافيه معجون تسوية بيدك ولاشي واول مرة اسمع بهذا الكلام،،

شف السيارات اليابانية واخص بالقول الجيوب الأرباع بحكم استخدامي لها كثيراً من قبل يجي بالدرج علبة بيضاء بداخلها بوية من لون السيارة من أجل معالجة مثل هذهِ الحكات،،،



اما الغبي اللي صنع جيب ماحط به علبة بوية لذالك انا وأنت لازم نفتح مخوخنا التي قضت عليها السمبوسة برمضان!! ونروح لمحل البوية وناخذ ربع كيلو كما ذكرت لك بالرد السابق ونطبقها على رقم السيارة ونحطها معانا بالدرج متى ما احتجناها وحصلت عندنا خدوش بالسيارة نعالجها بأنفسنا ،،


هل اتضح كلامي ؟؟؟
راعي الجيب
08-31-2010, 07:21 AM
هلا بك

في الحديد ولا في العبيد :biggrin:

فيه محلات بويه تلقاهم في الصناعيه

يجيب لك نفس لون البويه ويحطها في قاروره صغيره

عاد انت اقعد مخمخ على الحكه خذ لك ريشه وسمكر:winner_first_h4h_al

تقبل طلتي البهيه ,,
- jeep -
08-31-2010, 08:58 AM
اخوي

اذا كانت الحكه ما قشعت البويه فلا ترش الصدام

انا كان طافي فيني الموتر في زحمه قلت للمرور يدفني

دفني بالدعامه وطلع اسود بقعه وحصلت اسفنجه سعرها 5 ريالات تحط مويا عليها بس وتفرك المكان الممخوش وترووح على طووووول واذا كنت بالقصيم ابشر بعزك مالك الا اجيبه لك<<<< من زود الفضاوه


بس لاتسرع برش البويه
تقبل مروري
jeep_055
08-31-2010, 02:31 PM
قبل كلشي روح لمحل تلميع وماراح ياخذ عليك اكثر من 10 ريال

قولة لمعلي مكان الحادث

عندي موتر جالة حادث ووديتة ورشة وقلتلهم رجعو الصدام مكانة لما ركبوة وديتة محل تلميع ولمعوة
والحمدلله ازالو 90% من اثار الحادث وما احتجت لأني اصبغة
اسامه
08-31-2010, 06:31 PM
رح لمحل التلميع ولمعها وخلاص لان لو تحط بويه يطيح من سعر السياره
bngo11
08-31-2010, 07:47 PM
اخواني:.

جارح . راعي الجيب . jeep_055 . jeep . اسامه اشكركم جزيل الشكر واقدر تقاعلكم .

الحكه صغيره لا تتجاوز 4 سم وانا والله ما ودي ارش الصدام كامل لأنه بطيح من سعر الموتر علما بأني

بأستخدمه واخر تفكيري ابيعه والحكه صراحه لونها اسود لون الصدام الاصلي البويه البيضاء رايحه تماما

يعني لون الفيبر الاصلي اسود يعني لو لمعتها بيطلع اسود لأن البويه رايحه بس اقول بدال ما ارشه كامل

اخذ بويه مثل ماقال البروفيسور جارح :wink: واسويها انا وتكون كل ما جاه شيء لا قدر الله اسويه انا وبس

وخاصه اذا كان نفس لون السياره تماما ابن امه يلاحظه لا شريطي ولا هو يحزنون فإنشاء الله بأجيب بويه

مثل السياره وعلى قولتكم امخمخ عليها .

سؤال هل اذا رشيت الصدام كامل هل يلاحظ اني راشه وهل يروح لونه مع الزمن ولا لا ؟.

شاكر لكم تفاعلكم افطارا شهياً.

:boxing:
(عبدالله)
08-31-2010, 11:04 PM
اقول لايكون اللون الأسود اللي بالحكة من اثاء احكاك الجسم الآخر الذي حك بالسيارة ونشب لون بصدام موترك؟؟انتبه... اذا كان كذا روح لمحلات الزينة وبيزلون اللون الأسود طالما ان الصدام لم ينجرح

ولمعلوميتك رشة الصدام لاتعيب السيارة ولا تضر بقيمتها
bngo11
09-01-2010, 12:06 AM
والله ياخوي جارح لون الصدام حقي ابيض وصاير اسود لون الوكاله راح الون الابيض حقه راح

يعني لونها اسود مهو من آثار الحكهـ اشكر لك تفاعلكـ,,,
الكوماندر الفضي
09-01-2010, 02:11 AM
وعليكم السلام

عفون ياغالي اذا اتاخرت

والله اني زيك وديت الصدام عند واحد بسبب الصدمه الي بجنب المدرسه مادري منهو الي صدمني كسر الكشاف وشرخ الصدام وقالي بكره تعال راح الحمه با فيبر وراح ارشه بويه في مكانه والمعه

المهم اذا الحكه صغيره او عمل تعمله تجيب ملمع يبيعوه عند الزينه تبع الطبلون والكفرات

تعمله على الحكه وتشكوف راح تروح واذا ما راحت شوف فييه منتج ما ادري وش اسمه يجي بويه ومعجون حجمه زي معجون الاسنان واصعر

تعمله وتخليه لمده 24 الين يجف واذا ما تبي هاي الطريقه

روح للورشه خليه يصبغه نفس الون في نفس المكان بس في مشكله اذا تبي تبع الموتور راح يقولولك فيه صدمه ورا

وكله على راحتك

واتمنا اني افتك

تحياتي
bngo11
09-01-2010, 05:11 AM
مشكور وماقصرت كوماندر نورت موضوعي
jeep 1998
09-02-2010, 04:52 AM
فيه محلات في الصناعيه ياخذ اللون ويصبه لك في علبه
bngo11
09-02-2010, 04:54 AM
تحياتي لك لك اخوي jeep 98 نورت