سؤال عن (( افضل رانجلر من حيث الكوارين))..

[الاشعث]

السلام عليكم اخواني ..

انا من محبي الشروكي والرانجلر . وانا الان الان عندي شروكي وودي أ خذ لي رانجلر .. بس ودي اعرف افضل موديل في الرانجلر من حيث حجم الكوارين .. طبعا قير عادي ..


وكم يجي حجم الكرونه شد بلد .. طبعا الكوارين الحاشره..

تحياتي للجميع

[الكوماندر الفضي]

والله مالي خبره بالرانجلر بس اعتقد 2008 او 2009

[شرقا111وووي]

لاتاخذ الا الجديد اللي من 2007 الى 2010 بصراحه مريح وعزل الصوت والهواء افضل من اللي قبل

المشاكل والعيوب في موديل 2005 اتمنى اني افدتك

والحين والله الجيوب غااليه حبتين وبالشتاء بترتفع زياده

طبعا اتكلم عن اللي عندنا بالشرقيه وشكرا

[cherokee 04]

السلام عليكم اخوي

انا كان عندي رانجلر 2005 وبصراحه توفقت بمشتراته .. كان ماشي 79 الف كيلو

ماشالله جلس معي اكثر من سنه والله ولا ريال حطيت عليه .. ولا هلله ولا حتى اشتكى من اي مشكله ماشالله مكينته جباره ودفرنساته ولا كانك ماشي .. وقيره اوتوماتيك بس والله عزم وقوة

اما بالنسبه للاشكال الجديده للرانجلر .. ما ادري من اي موديل بدت الظاهر من الـ 2007 .. كلها فيها عيوب مصنعيه من ناحيه طرمبه المويه كلها تضرب .. ناهيك عن انه مافيه عزم

لكن طبعا افخم واروع واهدى بمليون مره من القديمات

اتمنى اكون افدتك

[الاشعث]

شكرا لكم اخواني على مروركم ..

[AB0-HAMZA]

السلام عليكم ,ماعندي خلفية عن الكوارين,لاكن اقترح عليك تاخذ موديل 2004 لان اخر دفعة نزل القير العادي 5 نمر ويجي كويلات واقوى من الي قبله, و2005 نزل 6 نمر وكان فار تجارب واول دفعة اعتقد كان فيها مشاكل بالقير وعدلوها ,ونفسه قصير النمره بالاول قصييييييره مره اضاهر انهم وزعوها على الاول والثاني, والموديلات الجديدة ثقيله مره وماتنفع للبر والمراقي صار مثل الاف جي وابناء عمومته :unlock:

واذا ناوي تزود خذلك من موديل اقدم اسلاك بواجي عادية مو كويلات,قطعها كثيرة ومتوفره وتزويدها هين.

وانتظر اهل الخبرة يفيدونك اكثر.

[روحي jeep تحبك]

شباب لو سمحتوا لاحد يغلط بالرانجلر القديم (yj )
زي الي بالتوقيع

[خالد رانجلر]

السلام عليكم اخوي

انا كان عندي رانجلر 2005 وبصراحه توفقت بمشتراته .. كان ماشي 79 الف كيلو

ماشالله جلس معي اكثر من سنه والله ولا ريال حطيت عليه .. ولا هلله ولا حتى اشتكى من اي مشكله ماشالله مكينته جباره ودفرنساته ولا كانك ماشي .. وقيره اوتوماتيك بس والله عزم وقوة

اما بالنسبه للاشكال الجديده للرانجلر .. ما ادري من اي موديل بدت الظاهر من الـ 2007 .. كلها فيها عيوب مصنعيه من ناحيه طرمبه المويه كلها تضرب .. ناهيك عن انه مافيه عزم

لكن طبعا افخم واروع واهدى بمليون مره من القديمات

اتمنى اكون افدتك


مافيه عزم كيف ما في عزم ؟

[jeep_055]

مافيه عزم كيف ما في عزم ؟

المكاين الجديدة 3.8 على شكل V عزمها اقل من المكاين القديمة 4.0 على شكل I

من ناحية الدفرنشات انا مرة مرتاح مع الـTj من موديل 97 لـ2006 والقير العادي منة مقاس كارونتة 3.73

والمقاسات ماهي مشكلة ..مجرد انك تطلب كارونتين وتركبهم وبالمقاس الي تبية