تكفون علموني

[عآآآشق الشروكي]

ياشباب أنا عمري 17 ودي اشتري شروكي بس ابوي معيي يقول ابي اشتريلك كوريلا وابوي يقول الشروكي



دبله ثقيل وترتفع حرارته بسرعه وإذا طعست وخلصة لا زم توديه الورشه وخراباته واجد وقليل تلقى قطع غيار



وابي اشتري شروكي 2002 وقولولي عشان اقول لأبوي واخليه يوافق تكفون ياشباب





LO0O0O0O0L:wavetowel2:

[راعي الجيب]

هلا بكـ أخوي ,,

والله الشيروكي اذا جاك نظيف وش زينه ما يطلب واجد

بس موديل 2002 ماعندي ادنى فكرهـ عنه

2001 وتحت أفضل شكل <<<< وجهة نظر ,,

تقبل مروري ,,

[Hamad100]

ياشباب أنا عمري 17 ودي اشتري شروكي بس ابوي معيي يقول ابي اشتريلك كوريلا وابوي يقول الشروكي



دبله ثقيل وترتفع حرارته بسرعه وإذا طعست وخلصة لا زم توديه الورشه وخراباته واجد وقليل تلقى قطع غيار



وابي اشتري شروكي 2002 وقولولي عشان اقول لأبوي واخليه يوافق تكفون ياشباب





lo0o0o0o0l:wavetowel2:


كم سعر الوريلا اللي ابوك حاطه في باله؟

[احلى مزاج]

خذلك شروكي نظيف من 97 -2001

ولو لقيت لك 97-99 يكون افضل

لان قطع غياره ارخص من 2000 و 2001 مع انهم نفس الشكل ..

والشروكي من يقول ان دبله ثقيل يالبيه بس انت حط الدبل على الثقيل وحط الكوريلا اللي يبيها ابوك قدامه شرط ان يرقى الكورلا خخخخخخخخخخخخخ


الله يكتبلك اللي فيه الخير

[(عبدالله)]

ابوي يقول الشروكي دبله ثقيل وترتفع حرارته بسرعه وإذا طعست وخلصة لا زم توديه الورشه

اقول سلم لي على ابوك وقله يشري لك شروكي

[هروب]

مافي موتر غير الشروكي

[الصقر السعودي]

خذلك شروكي نظيف من 97 -2001

ولو لقيت لك 97-99 يكون افضل

لان قطع غياره ارخص من 2000 و 2001 مع انهم نفس الشكل ..

والشروكي من يقول ان دبله ثقيل يالبيه بس انت حط الدبل على الثقيل وحط الكوريلا اللي يبيها ابوك قدامه شرط ان يرقى الكورلا خخخخخخخخخخخخخ


الله يكتبلك اللي فيه الخير

:icon6:


الله يقطع بليسك ضحكت على الرد

[شروكي 2001]

أفضل موديل للشروكي هو من 97 إلى 2001 في وجهة نظري

والموديلات اللي 2002 وطالع صيانتها غاليه مره أما 97 إلى 2001 صيانتها ارخص

ومن 97 إلى 99 صيانته أسهل في بعض القطع بعكس 2000 و 2001 وأفضلهم 99

عندك 2000 و 2001 يجي كمبيوتره مشفر أو مبرمج

يعني إذا جيت تغيره ما يصلح تاخذ مستخدم

حتى إنك ما تقدر تجرب أي كمبيوتر على السيارة إلا جديد وببرمجه من الوكاله وتقريبا راح يكلف فوق 2000

أيضا 2000 و 2001 يجي كويلات بدال أسلاك بواجي والكويل يجي قطعه وحده كامله بعكس بعض السيارات

يعني لو خرب عليـك الكويل يحتاج إنك تغيره كامل وقيمته تقريبا 500 وشوي

لكن الأسلاك في الموديلات 99 وتحت صيانتها اسهل وأرخص وما تجي قطعه وحده بل مفصله كل وحده لحالها

حبيت أفيدك بما عندي وإذا كان في شي غلط يا ليت لو الاخوان يصححون لي

وشوف وانا أخوك عليـك بكلام أبوك نصيحة لك وإذا تخرجت بعدين اشتر لك شروكي

اااه ذكرتني يوم كنت احن على أبوي انه يشتريلي شروكي في الثانوية وما اقتنع لين ما تخرجت وشرالي

والحين الموتر له 4 أشهر خربان والأمبير عند الوالد فووق عشاني ما صلحته أو بالأحرى ما لقيت أحد يصلحه

الله يوفقك ويسعدك دنيا وآخره

[رومنسي رسمي]

اقول خل عنك كلام اخوياك خذ لك كورلا ابرك لك<< شكل ابوك فية عرق سوداني <<:unlock: ههههههه امزح


والله وانا اخوك اقنع الولد انا مثلك ودي اشتري شروكي لكن متخوف والله يكتب الي فية خيرة لك ولي:smile:

[ابو مشرف]

تبي الكلام الي ملحه فيه


اذا تبي شروكي لازم يكون عندك فلوس بالعربي لانه بصراحه لازم تتعب عليه

يعني مافي ابد مقارنه بينه وبين الكورلا من ناحيه الصيانه وقطع الغيار

والنظيف بتتعب الين تحصله ولا تشتريه الا يكون معاك واحد فاهم بالشروكي

[عآآآشق الشروكي]

سعر الكوريلا اللي حاطه ابوي حاطه في باله تحت 50 ألف بشوي



يعطيكم ألف ألف ألف عافيه وشكراً شباب وإنشاء الله ماتعبناكم بس الحراره كيفها لأن بروح كل عطله1000



كيلو لأن ديرتنا بالقصيم وانا بالشرقيه يعني عادي اروح بالشروكي

[Hamad100]

سعر الكوريلا اللي حاطه ابوي حاطه في باله تحت 50 ألف بشوي



يعطيكم ألف ألف ألف عافيه وشكراً شباب وإنشاء الله ماتعبناكم بس الحراره كيفها لأن بروح كل عطله1000



كيلو لأن ديرتنا بالقصيم وانا بالشرقيه يعني عادي اروح بالشروكي


شوف انا ردي يمكن يزعل بعض الشباب ... بس هذي امانة

وقبل مااحد بفهمني غلط انا من عشاق الشروكي و عندي واحد لكنه مخصص للتطعيس و المطامر و عندي سيارة ثانية للاستعمال اليومي

انت تبي الموتر للاستعمال اليومي ... المشكلة انه ماراح تلقى شروكي (97-2001) نظيف لان اجدد شروكي راح يكون عمره 10 سنين !!! و الاستيراد ممنوع للموديلات القديمة وحتى لو كان نظيف نسبيا (يعني مكينة و قير و دبل اوكي) راح يبيله تصليحات كثيرة و هذا شي طبيعي لما يقدم الموتر زي مساعدات ... مقصات ... بريكات ... جلد و مسامير توازن ... رديتر ... كلتش مروحة و خراطيش ... بطارية ... كفرات ... صوف زيوت .... الخ

مبلغ 50 الف مبلغ حلو ... اذا انت تبي ماركة جيب ... تقدر تحصل شروكي (ليبرتي) 2005-2006 نظيف و خراباته راح تكون قليلة

اذا بس تبي موتر دبل ... خذلك ياباني مستعمل نظيف

[ابوعبودي]

طيب الضعيف حلاتي اللي يبي البر وقت الامطار..وش يسوي..لازم جيب..ولا اقدر اشري موتر بر الا شيروكي لرخص سعره..الياباني معكم علم غالي..الباترول حتى الموديلات القديمه غاليه مره...
ما اقول الا اللللللللللله يستر من هالجيب الي شريت...

[اسامه]

خذلك شروكي 96 وانطلق الى الصحراء

[احلى مزاج]

طيب الضعيف حلاتي اللي يبي البر وقت الامطار..وش يسوي..لازم جيب..ولا اقدر اشري موتر بر الا شيروكي لرخص سعره..الياباني معكم علم غالي..الباترول حتى الموديلات القديمه غاليه مره...
ما اقول الا اللللللللللله يستر من هالجيب الي شريت...

ابو عبودي انا قد قريت كتاب اسمه (قانون الجذب) ملخص الكتاب

الانسان مثل المغناطيس يجذب إليه الظروف والأشخاص والأحداث التي تتناسب مع طريقة تفكيره، فإذا ، إذا كانت فكرتك عن المستقبل مشرقة متفائلة فأنت سوف تجذب الظروف والحوادث والأشخاص الذين يحققون لك نتائج طيبة أما إذا كانت فكرتك عن المستقبل ضعيفة أو مشوشة أو غير واضحة المعالم فقانون الجذب لن يعمل لصالحك بقوة.

عندما نملأ أذهاننا بالأفكار السلبية ،كالفشل ، والخوف من الوحدة ، والحزن ، فإننا نرسل طاقات تخرج من أجسادنا نحو الكون من حولنا فتصبح أفكارنا أفعالاً واقعـًا سلبيـًـا !

يقول صلى الله عليه وسلم : ( تفاءلوا بالخير تجدوه )

و في الحديث القدسي : ( أنا عند ظن عبدي بي )

لاحظ انا عند ظن عبدي بي ما قال انا عند (حسن ظن) ..!!

يعني اللي انت تفكر فيه تجذبه لنفسك

مثال :

حينما تتقدم بطلب لوظيفة ما ، و ظللت تردد في عقلك و نفسك : ' لا أظنني سأحصل عليها ، هناك من هم قادرون على ذلك ، ليست هذه الوظيفة لي ،و ..، و...) ، فأنت بذلك تبعث رسالة سلبية لمحيطك ، فتزداد نسبة عدم حصولك على الوظيفة ؛ لشدة إيمانك بعدم حصولك عليها !

إذن كيف تتصرف تجاه مثل هذه الأفكار السلبية ؟

ما عليك سوى الوقوف ضد الفكرة السلبية وتغييرها ، بتغيير الجو النفسي كأن تتحدث إلى شخص ترتاح لسماعه ، أو تشاهد ما يثير الضحك . فتغيير الجو النفسي مهم في هذه النقطة ؛ لتتمكن من إرسال رسائل إيجابية ، و لا تنسَ أن تتحدث عن أفكارك الإيجابية بصوت عال ؛ ليصلك مردود مشاعرك بما تحب و تحلم به . فلا يكن تفكيرك بهل سأحصل على الوظيفة و كيف ؟ و إنما صُب تفكيرك على أنها أصبحت لك فعلا .. وتخيل نفسك كما تريد ، فكل ما تراه في عقلك ، وفي خيالك سيصبح في يدك وستصل إليه



ادري كلامي طويل لكن حبيت اني اساعدك والله

ترا الشروكي بطل وبيخدمك وقت الزنقات وأسألني انا طايح في مجرى سيل على سرعه الموتر من قوه الطيحه العيال اللي معي كل واحد طار في جهة وموتري يالله لك الحمد والشكر ما شاء الله تبارك الله بس انكسر الجنط بدلته بالاستبنه وجعني للرياض زي الحلاوة لا شكى ولا بكى

ادري هرجي واجد بس وش اسوي ..:blush-anim-cl:

[النشمي]

انا عن نفسي حاط الشروكي سيارة ثانيه سيارة بر فقط والياباني غالي جدا جدا ومبالغ فيه

[M.R JEEP]

الشروكي عزززز


لا تاخذ الا شروكي


ودور الشي النظيف.