سست الشروكيّ/

[ا ق س - 3 1 1 4]

اسلام عليكم ورحمه الله وبركاته~

كيف الحال انشاء الله الجميع بخير،؟

حبيت اسال ~ عندي السست الخلفيه بالسياره ~ هاذي ثاني مره اركب له سست ~ لانها السست تجي مقوسه ~ انا تجي زي المسطره مدري ليش ~ وركبت مساعدات جبريل <~ مدري عنها قالو لي تزين السياره ، والله وعلى ماهي ~~

ياليت احد يفيدني ،




تقبلو تحياتي ~~ :clap:

[M.R JEEP]

يمكن اللعابات عندك طويله ماهيب حقت شد عشان كذا تلقى السست مستقيم

طبعا هذا اذا موترك مرفوع اوما اذا ماهوب مرفوع ماعندي علم يالغالي.

[(عبدالله)]

وانا عندي بعد السست مثل المسطره وشكلي بقوسها

[ا ق س - 3 1 1 4]

اخوي والله مدري هاذي ثاني مره اركب له سست ~~



الله يعطيك الف عافيه ~~ مشكور يالغلى:blush-anim-cl:

[ا ق س - 3 1 1 4]

جارح1 ، والله هاذي مشكلته ~~ اذا انت بتبوك وتعرف محلات تقوس ياليت تعلمني ~وينها اذا ماعليك امر ~~:rolleyes:

[ونان]

الحل عندي اخوي في
سسته تجي اخر السست يسمونه ام السست اذموجوده

قوس على طول واذ ميه موجوده ركب جديده

وتقبل مروري

[احلى مزاج]

والله نصيحتي لكم من واقع تجربه

التقويس + مساعدات جبريال = مركب اقشرررررررر و كسر الظهر بأسرع وقت ممكن

واسألو مجرب :(


ومع الوقت السسته المقوسه بترجع مسطره ..

[(عبدالله)]

جارح1 ، والله هاذي مشكلته ~~ اذا انت بتبوك وتعرف محلات تقوس ياليت تعلمني ~وينها اذا ماعليك امر ~~:rolleyes:

هلا اخوي

شف محلات السست جنب اصحاب الشكامين بالصناعية كلهم يقوسون وسبق وان قوست عندهم جيب ربع تويوتا...لكن الشروكي ماسويت به شي الى الآن...رفعته طيبه لاكن السست مثل المسطرة وماهي عاجبتني..

وما الظاهر اني بسوي بها شي قبل الشتاء

تحياتي

[راعي 98]

هههههههههههه زيين انتم مسطره

خويكم مقوسات على تحت , حتا الدفرنس تقوس من الوقفه :rip:

[cherokee.1996]

شف يا حلو زد سستة اماراتية مع الطرق وحط مساعد منورو أبو ياي وابعد عن الجبريال


شف أحلق رمشي إن طاح موترك لو تراقي يوميآ :wink:


( مجرب )


وسلامتك من الشين والقلق :biggrin:

[ا ق س - 3 1 1 4]

مششششششششششششششكورين على الفوائد الله يعطيكم العافيه :biggrin:

[ا ق س - 3 1 1 4]

هلا اخوي

شف محلات السست جنب اصحاب الشكامين بالصناعية كلهم يقوسون وسبق وان قوست عندهم جيب ربع تويوتا...لكن الشروكي ماسويت به شي الى الآن...رفعته طيبه لاكن السست مثل المسطرة وماهي عاجبتني..

وما الظاهر اني بسوي بها شي قبل الشتاء

تحياتي



اذا ماعليك امر الاسعار ~~

/

/

تحياتي .. :boxing:

[السومر]

انا مره سحبت سسته من الطرف الايمن اخذوا مني 60 ريال

[ا ن ص 7143]

السست زي المسطره الظاهر كل الشروكي كذا

انا موتري امريكي السست مسطره

قوست السست واظفت سسته على شان اقدر اركب جلد ليا بغيت ارفعه زياده


بس طبعا التقويس ما يطول ويرجع مثل ما كان على شان كذا اظفت السسته

طبعا السسته الزياده من نفس المحل الي تقوس عنده من عنده يعطيك سسته

[السومر]

طيب كم كلفتك

[ثـامـر]

كم كلفتك و وصف لنا المكان ولا عليك امرر

[ا ن ص 7143]

انا في الجوف وطبعا سويته بغلا حيل

التقويس مع زيلده السسته 335 ريال

على كلام واحد من اخوياي التقويس بالقصيم على 80 الى 100

يعني شرط انك تحصله بمبلغ اقل من الي سويته انا بواجد لان الصناعيه الي عندنا اسعارهم غاليه مره حيل

[ا ق س - 3 1 1 4]

مششششششكورين كل من شارك بالموضوع ~~

بس التقويس نوعين ~~ تقويس بتسخين وهاذا بيرجعها ازود من اول ~~
وفي تقويس بالطرق هاذا تمام~~~~

تحياتي .. ا ق س 3 1 1 4 :cool:

[cherokee.1996]

تقويس السست + السستة

بـ 220 ريال في الرياض


السستة عند بالبيد .. والطرق عند إبراهيم اللي جنبه أو مبارك حق المساعدات هذا اللي جربتهم ..



ادخل مع أول شارع الجمعية وأنت وجهك شرق أول تقاطع رح يمين بيجيك بالبيد على اليسار أول تقاطع رح يسار بيجيك إبراهيم على اليسار كلهم قريب من بعض



أخوكم . cherokee.1996

[ا ن ص 7143]

حتى الطرق ياخوي يرجع زي ماكان

انا طارق السست حق موتري ورجعن بس مو نفس اول نزلن اول ما رفعته رفعه 30 سم وبعد اسبوعين 27 سم

رحت لم القوس سئلته انت تقول ما يرجع ابد قال على حسب السسته اذا كانت جديده تفرق عن المنتهيه طبعا تفلسف على مخي شوي بس اني اقتنعت

[Qefari]

والله نصيحتي لكم من واقع تجربه

التقويس + مساعدات جبريال = مركب اقشرررررررر و كسر الظهر بأسرع وقت ممكن

واسألو مجرب :(


ومع الوقت السسته المقوسه بترجع مسطره ..

كلام سليم و ازود على كلامك اخوي الموتر راح يتفكك عندي الديكور قروشني قروشه بعد التقويس