المساعد الشخصي الرقمي

مشاهدة النسخة كاملة : معروض علي شروكي 96 ( اريد ارائكم ) عااااجل ...

karem
05-29-2010, 12:14 AM
السلام عليكم ....

اليوم شفت لي شروكي 96 سعودي لونه عشبي ووقفته حلوه ...
ممشى السياره 200.000 الف كــ ....
الجيب مرشوش كامل بدون صدمات على ذمة راعيه الاول ..
القير اتوماتيك والدبل (اربع طقات) ...
الحراره في الليل حول 80 وفي الظهر يقول انها تحت النص بشوي ..
مركب عليه جنوط جي تي 8 انش والكفرات لها 6 شهور وجنوطها الاصليه ماهي موجوده ...

الداخليه بيج والقزاز كهرب والسياره بصفه عاامه نظيفه وأداء المكينه حول 90% على الفحص ...

الرجال مسويلها صيانه كامله ...

نجي للمهم الرجال حادها بـــ 17000 الف ...

هل تستاهل المبلغ هذا ( احس انه واجد شوي )

واذا ما تستاهل حول كم اعطيه سومتي .. مع العلم اني بأستخدم مو راعي بيع وشراء ..

وانا مستعجل جدا ...
ابي نصايحكم حول السياره وكم تسوى اللي بمثل النظافه هذي ...

شراء السياره خلال اليومين هذي ان الله أراد .. فـــ نبي نصايحكم ومشورتكم ( لا عدمناكم) ..
M.R JEEP
05-29-2010, 12:45 AM
17 كثيييييييير


فيه موديلات اجدد وبهالسعر
راعي الرانجلر
05-29-2010, 01:37 AM
سلام عليك
والله يخوك انا رايي يصلح ليها 15,14 الف
قوله في جيبي الحين 15 ويش راحت
وبالتوفيق
karem
05-29-2010, 03:44 AM
اشكر اخوي jeep v6 و راعي الرانجلر على ردودهم ...

سعره غالي لكنه نظيف ووقفته حلوه ..
واما بالنسبه للموديلات الجدد فأنا رغبتي بموديل 96

لكن بالنسبه للدبل انا سمعت ان ابو اربع طقات مو مرغوب او ان خراباته واجد يا ليت تفيدوني بالنقطه هذي ..

لكن انا ..
بأحاول معاه عــ 15 الف هل السعر كذا مناسب ...
karem
05-29-2010, 04:30 AM
نسيت اذكر لكم ...

الجيب بابين وفي روايه (اربع ابواب) ....

والشي الثاني وين الورش اللي تسوي فحص كامل للشروكي وفحص اداء المكينه في الدمام ...
clever2005x
05-29-2010, 11:33 AM
السلام عليكم

يا الغالي ترااااه سعره غالييييييي كثير!!

ومثل ما قالوا: حده 14، 15 ألف فقط لا غير...




تحياتي لك
وبالتوفيق

الجيب للرجاجييييل
ثـامـر
05-29-2010, 12:29 PM
بالنسبه لي زي كلام الشباب

بس اذا الموتر يستاهل ورشته جامده ونظيييف بتوكل ع الله
Hamad100
05-29-2010, 12:53 PM
اذا عاجبك اشتر

ورش الفحص ... عندك اللي عند معارض الدمام .... شفلك واحد من الفلبينيين يفحصه مضبوط

بالنسبة للدبل 4 طقات ... انت تقصد اللي فيه نمرة زايدة بين الدبل الخفيف 4H و N ... اللي اسمها 4H Full time اذا هذا قصدك ... انا شخصيا ما افضله بس اذا مافيه خراب ترى ممكن يتحمل الجلد زي الدبل ابو 3 طقات


وبالتوفيق
رانجلر2001
05-29-2010, 02:13 PM
الموتر لو نظيف يستاهل لانه ابو 14 و15 راح يحتاج مصاريف اما هدا على حد كلامك ما هو محتاج شي فتوكل على الله والالفين ما بتردك لو مو محتاج مصاريف
الأجودي
05-29-2010, 03:12 PM
إن ماخاب ظني كأني عرفته
:icon9:

هو اللي واقف حول اشارة 91 على شارع ابن خلدون وانت رايح للمطار؟

ان كانه هو عزالله انه نظيف....وان كان تبي تفحصه وترتاح مرتن وحده؟

رح به للسهم في الخضريه بتلقاه قدامك وانت رايح للجبيل على يمناك

يفحصونه لك من وإلى... وعسى الله يوفقك في البيعه
karem
05-30-2010, 02:48 AM
اشكر كل من رد ونورنا بآرائه ...

clever2005x

السعر حاس انه غالي ..


ثـامـر

الله يكتب اللي فيه الخير ..


Hamad100

الدبل هو مثل ما ذكرت ... لكن فيه ثقل عجيب في التعشيق احس كأني بأكسر العصا من ثقل التعشيقه ..
هل الشروكيات كلها كذا ولا لا .. انا اعرف دبل السفاري واللاندكروزر والباجيرو كلهم خفاف في التعشيق الا هذا ...


رانجلر2001

كلامك صحيح والله يكتب اللي فيه الخير ..


الأجودي

لا يكون انت راعي السياره :smile:

لكن السهم عندهم فحص اداء المكينه ..
---------------------------------------------------

طيب مشكلة الدبل اللي فوق هل هي في كل الشروكيات ثقيله التعشيقه ..
الأجودي
05-30-2010, 03:01 PM
لا يكون انت راعي السياره :smile:

لكن السهم عندهم فحص اداء المكينه ..
---------------------------------------------------




هههههههههههههههههههه


لو اني راعيه مابعته :tongue: ماغير مريت من هناك يوم الجمعه وشدني شكله على شان الجنوط


وان كانك تعرف لك احد من اهل القطيف خله يدلك على ورش الشروكيات اللي عندهم ويفحصونه لك


ولا علمني افحصه لك انا :unlock: <<وش عنده المكنيكي.....موفق بالبيعه
احلى مزاج
05-30-2010, 03:02 PM
الزين غالي والازين أغلى ..

استخر ربك وان شاء الله بتتسهل امورك ..
جراند شيروكي 2007
05-30-2010, 08:23 PM
لا كثير وبعدين 96 خراباته كثيره
قل لراعيه باخذه بــ13000
وبعدين تلقى لك موديل 97او 98 بهالسعر
bkl 66
05-30-2010, 09:07 PM
ياخوي فيه واحد موديل 93 ماشي حول 230 الف نظيف جدا و داخليته نظيفة وانت تشوف بعينك
اللون ابيض عليه مراوح سوبارو شغل ورشة البتار و عليه فلتر هواء سوموتا والانتيك ( ماصورة الفلتر ) مش حديدة لا قطعة بلاستيك عازل طالبها من امريكا وعليه انوار هيلا اللي كرتونتها صفراء ( اصلية ) وعليه هدرز العتيبي ا من المكينة الين الصدام الخلفي مع دبة صوت رائعة ,وعليه جنوط 8 انش نيكل طبعا هذي الجنوط امريكيه اصلية لانها جاية مع رانجلر امريكي و اشتراهم منه والكفرات اللي عليها نظيفة , و برضو جنوط الشد بلد موجودة ( الهلل ) وعدة الاستبة الذراع و الاستبنة موجودين , و حتى السلة موجودة ,

نسيت اضيف بانه فل , درايش اتماتيك و انواز غازية خلفية و قفل مركزي شد بلد , لون الداخلي رصاصي ,
اذا انت من اهل الخبر او الدمام بلغني و ارتب لك مع صاحب السيارة ,

بالتوفيق لك ,
je2ep
05-30-2010, 10:54 PM
سعره غالييي كثير
cherokee.1996
06-03-2010, 04:03 PM
غالي يبوي !!



فيه العضوين كحيلان و ناصر كل واحد عنده شروكي قديم


والله يكتب اللي فيه الخيرر


تواصل معهم :cool:
ابو يوسف
06-03-2010, 04:48 PM
من 14 الى 15 اذا كان نظيف مره وكل شي شغال فيه
النشمي
06-03-2010, 06:24 PM
انا اشوف انة غالي انا شاري 2000 ونظيف ولله الحمد ارخص من هالقيمة بكثير صحيح فية بعض الرش التجميلي بس مو مهم هذا صراحة غالي قلة 13 الف لايتعداها وعلى الفحص
بوسعد79
06-03-2010, 07:42 PM
اخوووي في شروكي باب واحد كان لك بغيرة شفة انت وقرر

واقف مقابل مكتبة جرير بالخبر على الكورنيش بعد

موديلة جديد من 97 وفوق وعلية جنوط جتي*

واسف كان باحيرك بين الاثنين
أنت محبوبى
06-04-2010, 12:09 AM
هلابك اخوى غالى مره حده 10 الاف بعدين على سعره ما يعطيك مجال تصلح فيه تحصل من 97 الى 2001 اسعارها من 10 الى 14 بس البدى لك عليه شوى بس احسلك تاخذه بسعر رخيص وترمم فيه الله يوفقك بشروكى طيب
karem
06-10-2010, 02:32 PM
اشكر لكم مروركم وتعليقكم
والصراحه استفدت كثيرا من الردود ..

لكن احب اخبركم اني صرفت النظر عن شراء الشروكي حالياً ..
والشروكي الاخضر ماودي اخذه وانغبن بسعره ..

والمعذره على تأخر ردي ..
sultan
07-14-2010, 04:33 AM
والله غااااااااااااااااااااالـــــــــــــــــــــــــــ ـــــي في الرياض انا محصل واحد 6000 رياال كحلي موديل 94


نصيحه لالالالا تشتريه حتي