موعد التجمع الرسمي الـ( 10 ) لملاك الـ jeep

[طــــــــــلال]

بسم الله الرحمن الرحيم
السلام عليكم ورحمة الله وبركاته

امتداداً لسلسة تجمعات مـلاك j e e p

أدعوا الجميع من أخوانا من كباتنه وهواة وأعضاء ملتقانا الغالي منتديات ملاك الـــ j e e p

اليوم ادعوكم جميعاً لحضور التجمع الرسمي الـعـاشـر ( 10 )

لملاك ( الــشــيــروكــي والـرانــجــلــر )

الزمان :- يوم الخميس الموافق 13 / 6 / 1431هـ وستكون بداية التجمع بعد صلاة العصر في الموقع

المكان :- الخراره ( المزاحمية مخرج 7 ومن ثم نتجه يساراً للموقع )

وذلك لكثر مرتاديه من ملاك الــ j e e p ولروعه الأجواء فيها بإتفاق الكثير
وأيضاً تلبيةً لرغبة طلب ملاك jeep من جنوب الرياض وتوضيحهم لنا بصعوبه الحضور للمواقع السابقه كل مره لبعد المكان عنهم

المتطلبات الإعتيادية :-
قهوه + شاهي + ماء

وأرجوا من الجميع الحضور والتفاعل الجماعي

هذي صوره للموقع

http://up.x333x.com/uploads/fc128deed4.jpg (http://up.x333x.com)


اتمنى لكم قضاء أجمل الاوقات

ملاك jeep نلتقي لنلتقي

هذا ولكم خالص تقديري وشكري لحضوركم وتفاعلكم المعتاد مقدماً ،،،

( ملاحظه : هذا الموضوع إعتماد لموعد التجمع وليس إقتراح )

[ابو يوسف]

موفقين ان شاء الله وننتظر الصور

[خالدالرشيد]

موفق طلال :showoff:

[abonorah]

موفقين خير


واعتذر عن الحضور لتواجدي بالمنطقة الشرقية ان شاء الله

مع رغبتي بالتواصل معكم

دمتم بخير

[نــــاصــــر]

أيه يـ شيييخ من زمان ... :biggrin:

معكمـ معكمـ ... :7bteen:

[k.S.A]

المعذرة - عن عدم حضووري لاني موجود في تبوك الورد

[k.S.A]

بس ماتسون في تبوك الورد

[ثـامـر]

معكم معكم بأذن الله :clap:


بس عندي اقتراح ليش ما تحط رقم جوال لأن بعض الشباب ما يدل مضبووط .. مثلي انا طبعا :showoff:

و ايش رايكم نمشي سوى من الريااض ,, تقبل مروري ويعطيك الف عافيه ع التجمعات الحلوة

[طــــــــــلال]

موفقين ان شاء الله وننتظر الصور

حياك الله

والله يوفق الجميع

ونتمنى حضورك

تحياتي لك ،،،

[طــــــــــلال]

موفق طلال :showoff:

الله يوفق الجميع

وننتظر حضورك

تحياتي لك ،،،

[طــــــــــلال]

موفقين خير


واعتذر عن الحضور لتواجدي بالمنطقة الشرقية ان شاء الله

مع رغبتي بالتواصل معكم

دمتم بخير

الغايب حجته معه

ومازال الوقت مبكر للإعتذار عن الحضور

قد يحدث الله بعد ذلك أمراً


حضورك يهمنا يابو نوره انت والبقيه

تحياتي لك ،،،

[طــــــــــلال]

أيه يـ شيييخ من زمان ... :biggrin:

معكمـ معكمـ ... :7bteen:

هلا والله اخوي ناصــر

الموقع صراحه روعه جيته قبل اسبوعين وشي خيال :clap:

وكذلك علشان نبخس حق ملاك jeep من جنوب وغرب الرياض تم اعتماد الموقع

ننتظر حضورك وتفاعلك

تحياتي لك ،،،

[طــــــــــلال]

المعذرة - عن عدم حضووري لاني موجود في تبوك الورد

تروح وترجع بالسلامه

موفق خير ،،،

[طــــــــــلال]

معكم معكم بأذن الله :clap:


بس عندي اقتراح ليش ما تحط رقم جوال لأن بعض الشباب ما يدل مضبووط .. مثلي انا طبعا :showoff:

و ايش رايكم نمشي سوى من الريااض ,, تقبل مروري ويعطيك الف عافيه ع التجمعات الحلوة


حياك الله ياخوي ثامــر

وراح يوضع رقم جوال وكروكي للمكان بشكل اوضح قبل حلول الموعد

اشكرك على تفاعلك وردك

تحياتي لك ،،،

[لبى قلبك]

السلام عليكم
هلا والله بطلال
مشتاقلك بس المسافه بعيد -- مااقدر اصالك واجيك
اتمنى اني اكون من الحاضرين

[طــــــــــلال]

السلام عليكم
هلا والله بطلال
مشتاقلك بس المسافه بعيد -- مااقدر اصالك واجيك
اتمنى اني اكون من الحاضرين


حياك الله يالبى قلبك

وانا بعد مشتاق لك بس من انت ؟؟..... :cool:

اتمنى تكون من الحاضرين

تحياتي لك ،،،

[W A F I]

بأذن الله من اول الحاضرين ..

وان شاء الله يكون حضور كبير ومميز ..

والمكان بعد المطر شي ثاني .. :smile:


لاهنت اخوي طلال ..

[cherokee.1996]

أتمنى أكون من الحاضرين .. عندي ضروف خاصة تمنعني من الحضور ...

متى ما راحت الظروف خليت وافي يمرني .. يا لبى قلبك يا وافي :cloud9: . المدير في قلوبنا .. حيووووووهـ :clap:


ههههههههه



أخوكم . cherokee.1996

[jeep 15]

موفقين ان شاء الله

ومشكوور اخوي طلال على هذا المجهوود الواااضح للمنتدى وترقيته

وان شاء الله ربي يقدرني على الحضوور

بس لا تنسى التغطيه

<< اهم شي خلف الكواليس :cool: :cool:

تقبلـ..مروريـ..

دمتـ..بوود

[طــــــــــلال]

أتمنى أكون من الحاضرين .. عندي ضروف خاصة تمنعني من الحضور ...

متى ما راحت الظروف خليت وافي يمرني .. يا لبى قلبك يا وافي :cloud9: . المدير في قلوبنا .. حيووووووهـ :clap:


ههههههههه



أخوكم . Cherokee.1996

حياك الله

ونحن نتمنى ان تكون من ضمن الحضور

والله يسهل امرك

اشكرك على مرورك وتفاعلك

تحياتي لك ،،،

[طــــــــــلال]

موفقين ان شاء الله

ومشكوور اخوي طلال على هذا المجهوود الواااضح للمنتدى وترقيته

وان شاء الله ربي يقدرني على الحضوور

بس لا تنسى التغطيه

<< اهم شي خلف الكواليس :cool: :cool:

تقبلـ..مروريـ..

دمتـ..بوود

العفو وحياك الله

وان شاء الله نشوفك من ضمن الحضور

كل شي راح تشوفه بالتغطيه هي ماحدث لذلك اليوم مافيه شي اسمه خلف الكواليس

كل شي على وضوح بالاستمتاع بالمشاهده والجلوس مع هالوجيه الطيبه وروح الدعابه الموجوده والعفويه وكل هذا راح تشوفه ان شاء الله بصور التغطيه

اشكرك على مرورك وتفاعلك

تحياتي لك ،،،

[شركان]

اذا طلع شركان وانا اول الموجودين بأذن الله

[طــــــــــلال]

اذا طلع شركان وانا اول الموجودين بأذن الله

حياك الله

وان شاء الله يطلع شركان بكفاله :7bteen: ونشوفك اول الحاضرين

وحياك الله بشركان والا بدونه

اشكرك على مرورك وتفاعلك

تحياتي لك ،،،

[طــــــــــلال]

باقي خمـســ ( 5 ) ـــــة أيام عالموعد لاتنسون

ننتظركم حضوركم وتفاعلكم المعتاد

:7bteen: :7bteen: :7bteen:

[شروكي على نياته]

وين الكروكي ؟؟ :frown:

[شركان]

الله لايهينكم الكروكي تكفووووووووووون

[cherokee 04]

السلام عليكم ... :bomb:

:bomb:

:bomb:

:bomb:

:bomb:

:bomb:

:bomb:

:bomb:

:bomb:

:bomb:

:bomb:

أولا صرت قايل ألف مره خلوا التاريخ عربي وميلادي

:frown:

زي التوتو الخميس اللي راح رحت على إني البطل اللي بأتحفكم بجيتي إكتشفت مافي إلا أنا

:weeping:

ولا يفوتكم على الطريق اللي رحت لم الخراره منه .. طلعت الروحه والرجعه أكثر من 300 كيلو :rolleyes:

وهـ بس وهـ

[طــــــــــلال]

وين الكروكي ؟؟ :frown:

هذا رابط يوجد به صوره لكروركي لام دكه يبين موقع روضة الخراره أيضاً

http://www.jeep-ksa.com/vb/showthread.php?t=2225

تحياتي لك ،،،

[طــــــــــلال]

[/SIZE]]الله لايهينكم الكروكي تكفووووووووووون

هذا رابط يوجد به صوره لكروركي لام دكه يبين موقع روضة الخراره أيضاً

http://www.jeep-ksa.com/vb/showthread.php?t=2225

تحياتي لك ،،،

[طــــــــــلال]

السلام عليكم ... :bomb:

:bomb:

:bomb:

:bomb:

:bomb:

:bomb:

:bomb:

:bomb:

:bomb:

:bomb:

:bomb:

أولا صرت قايل ألف مره خلوا التاريخ عربي وميلادي

:frown:

زي التوتو الخميس اللي راح رحت على إني البطل اللي بأتحفكم بجيتي إكتشفت مافي إلا أنا

:weeping:

ولا يفوتكم على الطريق اللي رحت لم الخراره منه .. طلعت الروحه والرجعه أكثر من 300 كيلو :rolleyes:

وهـ بس وهـ

وعليكم السلام

عقب هاللخبطه اكيد عرفت الموقع زين :smile:

علشان نقدر نشوفك الخميس القادم :clap:

اشكرك على تفاعلك

والمعذره على عدم وضع التاريخ بالميلادي وسوف يتم التنبه لهذا الامر في المرات القادمه

تحياتي لك |،،،

[cherokee 04]

لبى قلبك يا طلال .. مشكور ما تقصر ... :blush-anim-cl:

[شروكي على نياته]

cherokee 04 << هههههههههههههه :unlock::unlock: والله اني رحمتك
اقل شي المفروض يعوضونك بالبنزين الخميس الجاي عليهم بلاش هههع :biggrin::biggrin::biggrin:

[W A F I]

http://www.jeep-ksa.com/up//uploads/images/jeep-ksa-c7b8139c92.jpg

هذا الكروكي ,,

من موضوع الاخ طلال

[شروكي على نياته]

يعطييييك الف عاافيه :blush-anim-cl:

[cherokee 04]

cherokee 04 << هههههههههههههه :unlock::unlock: والله اني رحمتك
اقل شي المفروض يعوضونك بالبنزين الخميس الجاي عليهم بلاش هههع :biggrin::biggrin::biggrin:

هخهخهخهخهخهخخخخخخخخخخخخخخ

بس اهم شي لا جيتوا تروحوا الخميس الجاي .. خلوني أمشي وراكم

تراي كنت مش ولا بد :unlock: وسبب ضياعي الاول ... وصلت لين الحفيره ... بسبب جمس حوض احمر ومحمل جح ... سالته من وين قال ( سيدا عدل الين تلقى الناس متجمعين ) :unsure:

الحمدلله بس اني لقيت لاندكروزر ... قال انقلع وارجع وامسك الخط من اوله ... :unlock:

عشان كذا لو برجع ما عرفت

:mhtar:

:7bteen:

[طــــــــــلال]

شدو الهمه ياشباب وياكباتنه :cool:

باقي ( 4 ) أيام على الموعد :clap:

انتظر حضوركم وتفاعلكم المعتاد

تحياتي لكم ،،،

[طــــــــــلال]

افيدكم ياعضاء وكباتنه منتدى ملاك الـ jeep

بأنه تم دعوة فريق من الاتحاد السعودي للسيارات

للإطلاع على سير هذه التجمعات وإرسال رساله لهم مختصره عن كيفية سير هذه التجمعات واهدافها

لنتمكن من الحصول على الدعم والرخصه الرسمية لإقامة التجمعات القادمه بصورة رسمية وبرعاية الاتحاد السعودي

وهذا كما تعلمون فيه مايخدم الموقع والتجمعات والاعضاء والكباتنه بشكل عام

وانا بإنتظار الرد او التواصل منهم حالياً

فعليكم التفاعل والتواجد والحضور وابلاغ اصحاب الـjeep الآخرين بالحرص على الحضور للتجمع القادم في الوقت المحدد واغتنام هذه الفرصه لنا من الاتحاد السعودي للسيارات والدراجات الناريه لأنه قد يكون حضورهم مفاجئ


لكم من خالص التقدير والتحيه ،،،

[شروكي 2001]

افيدكم ياعضاء وكباتنه منتدى ملاك الـ jeep

بأنه تم دعوة فريق من الاتحاد السعودي للسيارات

للإطلاع على سير هذه التجمعات وإرسال رساله لهم مختصره عن كيفية سير هذه التجمعات واهدافها

لنتمكن من الحصول على الدعم والرخصه الرسمية لإقامة التجمعات القادمه بصورة رسمية وبرعاية الاتحاد السعودي

وهذا كما تعلمون فيه مايخدم الموقع والتجمعات والاعضاء والكباتنه بشكل عام

وانا بإنتظار الرد او التواصل منهم حالياً

فعليكم التفاعل والتواجد والحضور وابلاغ اصحاب الـjeep الآخرين بالحرص على الحضور للتجمع القادم في الوقت المحدد واغتنام هذه الفرصه لنا من الاتحاد السعودي للسيارات والدراجات الناريه لأنه قد يكون حضورهم مفاجئ


لكم من خالص التقدير والتحيه ،،،


كفو والله يا اخووي طلال .. وإن شاء الله الشباب يحضروون ويبيضوون الوجه

ما قصرت يا الغالي على هالجهوود المباركه

[W A F I]

كفو والله ياطلال

[cherokee 04]

تسلم يا طلاااااااااااااااااااال

:boxing:

[طــــــــــلال]

تجاوبكم وتفاعلكم هوم الدافع الأساسي خلف تلك الجهود التي انتم طرف بها

ولكن ندعوا الله أن ينفع بهذه الجهود وتكون النتائج كما نتوقع

اشكركم على مروركم وتفاعلكم

تحياتي لك ،،،

[Mr.KeeF]

السلام عليكم

كيفكم ان شاء الله بخير

انا مسجل بالمنتدى من زمان بس تعرفون الدراسه والاشغال تشغل الواحد عن النت :frown:

واليوم شفت التجمع يوم الخميس يعني يوم نويت اجي رحتو بعييييد تعرفون الشروكي بدون حراره:biggrin:

بس ان شاء الله نجي ونتعرف عليكم:wavetowel2:

الله يوفقكم وييسر امروركم

اخوكم/ محمد

[cherokee 04]

والله كل الود ودي اجي ... إنشالله بكون معاكم ... ما أقدر أعطيكم كلمه أكيده لأنه دوامي صعب شوي

لكن الله يسهل وأكون معكم ... أمين يارب :clap:

[طــــــــــلال]

السلام عليكم

كيفكم ان شاء الله بخير

انا مسجل بالمنتدى من زمان بس تعرفون الدراسه والاشغال تشغل الواحد عن النت :frown:

واليوم شفت التجمع يوم الخميس يعني يوم نويت اجي رحتو بعييييد تعرفون الشروكي بدون حراره:biggrin:

بس ان شاء الله نجي ونتعرف عليكم:wavetowel2:

الله يوفقكم وييسر امروركم

اخوكم/ محمد

حياك الله

والله يعينك ويوفقك في دراستك واشغالك

والموقع يمكن هالمره بعيد عنك وقريب عند غيرك

بس كان كل مره قريب منك ومانشوفك :biggrin:

اشكرك على تفاعلك ومرورك

وننتظر حضورك

تحياتي لك ،،،

[طــــــــــلال]

والله كل الود ودي اجي ... إنشالله بكون معاكم ... ما أقدر أعطيكم كلمه أكيده لأنه دوامي صعب شوي

لكن الله يسهل وأكون معكم ... أمين يارب :clap:

الله يعيننا وياك

واذا ودك بتجي بتجي ( المهتوي يقطع المستوي ) :wavetowel2:

ننتظر حضورك وتفاعلك

تحياتي لك ،،،،

[طــــــــــلال]

الهمه ياشباب وياكباتن

باقي يوم على التجمع الرسمي العاشر :clap:

لاتنسون وتحركوا من بدري :smile:

ننتظر حضوركم وتفاعلكم

تحياتي لكم ،،،

[شروكي على نياته]

طيب التجمع وين بالضبط ؟

والي ساكن في حي الروضة شرق الرياض متى يحرك؟

[ابو ريان البسيسي]

الله معاكم ويحرسكم والله كان ودي اكون معاكم ويصرلي شرف التعرف عليكم عن قرب و لاكن بعد المسافة بين جده و الرياض هو العائق الوحيد لعدم المشاركة
اتمني لكم اوقات ممتعه

[طــــــــــلال]

طيب التجمع وين بالضبط ؟

والي ساكن في حي الروضة شرق الرياض متى يحرك؟

حياك الله اخوي

انا من ناحيتي بصلي العصر هناك ان شاء الله

تحياتي لك ،،،

[طــــــــــلال]

الله معاكم ويحرسكم والله كان ودي اكون معاكم ويصرلي شرف التعرف عليكم عن قرب و لاكن بعد المسافة بين جده و الرياض هو العائق الوحيد لعدم المشاركة
اتمني لكم اوقات ممتعه

حياك الله اخوي

والله يجزاك خير

وان شاء الله نشوفك في تجمعات قادمه اخرى وفي ظروف تناسبك اكثر

تحياتي لك ،،،

[شروكي98]

مشكور اخوي طلال ع المجهود وانشاء الله نجي راح اكلم الفيصليه واشوف .

ومشكووور ع المجهود الاكثر من رائع..

شروكي98

[طــــــــــلال]

مشكور اخوي طلال ع المجهود وانشاء الله نجي راح اكلم الفيصليه واشوف .

ومشكووور ع المجهود الاكثر من رائع..

شروكي98

حياك الله

والعفو وانتم يد مساهمه في هالمجهود

ننتظر حضورك وتفاعلك انت وفيصليه

تحياتي لك ،،،

[شروكي 2001]

هاه بشروا كيف كان التجمع

وفييه تغطيه ولا

ترانا متشووقين للصور

والشكر لله ثم للجميع على الحضوور

[الصقر السعودي]

والله اني مادري هو صار اجتماع ولا...انا جيت الخراره الساعه 5 ولا شفت غير اثنين يطامرون؟؟؟؟؟.....ورحت لا ام دكه و يكثر الشروكيات بس كل واحد بجه؟؟؟؟؟؟؟؟؟؟؟ يمكن ضيعت..؟؟

[شروكي على نياته]

والله نفس الفكره كل اثنين او ثلاثه لحاهلم وضيعت ام دكه الموهيم
مالقيت احد رحت عند روضة الخراره وسويت شاهي وتكيت

[لبى عمرك]

سلام
والله ماتوقعتكم كذا يااخوان لو اني داري ماجيت من الاساس هالحين مزعجينا وتجمع وتجمع
لا وانا اول مره اجي لا ومبسوط وماالقاء احد :icon6:
وبعدين الكروكي اللي انتم مسوينه ( ام دكه ) موب الخراره
وتغاريز وقيظ واخرتها مانلقاء احد نلقاء كل واحد لحاله وش السالفه
اقول ولا تزعلون مني انا من يوم شفت المنتدى كله قروبات وانا غاسل يدي
صايرين احزاب لاحول ولا قوة الا بالله
عموما هذي تعليمه والله يستر عليكم
ياليت تعيدون النظر في اجتماعاتكم القادمه ولا احد يزعل من كلامي والله مقهور لاتلوموني :compress:
اجي من اخر الدنياء واخرتها كذا

[طــــــــــلال]

سلام
والله ماتوقعتكم كذا يااخوان لو اني داري ماجيت من الاساس هالحين مزعجينا وتجمع وتجمع
لا وانا اول مره اجي لا ومبسوط وماالقاء احد :icon6:
وبعدين الكروكي اللي انتم مسوينه ( ام دكه ) موب الخراره
وتغاريز وقيظ واخرتها مانلقاء احد نلقاء كل واحد لحاله وش السالفه
اقول ولا تزعلون مني انا من يوم شفت المنتدى كله قروبات وانا غاسل يدي
صايرين احزاب لاحول ولا قوة الا بالله
عموما هذي تعليمه والله يستر عليكم
ياليت تعيدون النظر في اجتماعاتكم القادمه ولا احد يزعل من كلامي والله مقهور لاتلوموني :compress:
اجي من اخر الدنياء واخرتها كذا

حياكم الله جميعاً

الكروكي يبين الخراره وام دكه وكلهم طريقهم واحد وبالاسماء مذكوره في الكروركي ( ركز وبتلقاها )

اولاً :- كلنا جينا من آخر الدنيا في الوقت المحدد واربع سيارات بس هم اللي جو بعد صلاة العصر مباشرة

وجلسنا وانتظرنا ولا شفنا احد

اقترحوا الاخوان اننا نتجه لام الدكه يوم شافو المرهمات شاطفتنا

رحنا لام دكه ولقينا الشيروكيات كلها هناك ولا الومهم صراحه اللي يصير في ام دكه شي خيالي

وهذا يرجع لعدم الالتزام بالوقت المحدد وكل واحد منكم يعرف متى جاء ولا يلوم احد

لاننا واحنا راجعين من ام دكه مرينا الخراره بعد المغرب لقينا اكثر الشيروكيات موجوده

بس متى جو من الساعه خمس ورا لو انا داري كان حددت الموعد بعد العشاء :smile:

يعني تبونا ننتظر الى متى !!!

وش اللي كان يأكد لي انهم بيجون اصلاً

لاننا وقفنا على المخرج نسولف انا والوافي وصايل نصف ساعه ولا شفنا احد

وخصوصاً حقين السويدي واللي حولهم واللي مزعجيني ليه كل التجمعات بالثمامه والهرم والطوقي واحنا مافيه ولا تجمع قريب منا ماعدا الفيصليه اللي حضر

واللي يشوف ردودهم يقول هذولي بتلقاهم من الظهر وفي الاخير لايردون على جوالاتهم ولاشفناهم

والمره القادمه بخلي التجمع بشارع القوات وكل العالم تعرفه وقريب منه

واشوف الحضور ياللي متضايقين من البعد والمسافه

وبعدها اشوف انا اكمل مشواري معكم كمنسق لتجمعات ملاك الـ jeep واللي كانت من اروع التجمعات الـ 7 الماضيه

وإلا اعتذر عن التنسيق واللي سويته وكافي علي 11 تجمع والمجهود المبذول اذا هذا نتيجته مايشجهع أبداً والبقيه فيهم الخير والبركه في إكمال ماتوقفنا عنده

لان التجمعات الثلاثه الاخيره الاخوان غير متفاعلين ومتفككين

ولا انسى بالشكر اخونا الكابتن / حمد العقيلي على الحضور والنفاعل رغم ظروفه الصحيه

والوافي

والفيصليه

وصايل الجابر وكان عنده سفر واجله الى بعد العشاء للمشاركه

تحياتي وأعتذاري للجميع ،،،

[شروكي على نياته]

كمل كمل مشوارك بس انا اول مره اجي الموقع ما اعرفه يعطيك العافيه طلو
وترى ما اعرف شارع القوات بعد هههههههههههههه

الله يعينك

[M.R JEEP]

والله حرام


ياليتكم شايفين تجمع الباثفندر اللي صار بام دكه قبل كم شهر

http://www.jeep-ksa.com/up//uploads/images/jeep-ksa-a6ad1d2d69.jpg (http://www.jeep-ksa.com/up//uploads/images/jeep-ksa-a6ad1d2d69.jpg)

http://www.jeep-ksa.com/up//uploads/images/jeep-ksa-b95e733d08.jpg (http://www.jeep-ksa.com/up//uploads/images/jeep-ksa-b95e733d08.jpg)

http://www.jeep-ksa.com/up//uploads/images/jeep-ksa-53c38a0899.jpg (http://www.jeep-ksa.com/up//uploads/images/jeep-ksa-53c38a0899.jpg)

وان شاء الله تتعوض في التجمعات القادمه باذن الله

والاخ طلال والله العظيم ماقصرت ورايتك بيضا وجزاك الله كل خير على هالمجهود اللي تسويه.

[شروكي على نياته]

ايه هذي التجمعات الوناسه بس ياخي ليه كلهم لابسين شمغ ومرسمين
هههه كانهم في عزيمه الدنيا دروس والايام الجايه اكثر وان شالله يكون تجمع محصلش
والله ييوفقك طلو ماقصرت يالغالي

[لبى عمرك]

حياكم الله جميعاً

الكروكي يبين الخراره وام دكه وكلهم طريقهم واحد وبالاسماء مذكوره في الكروركي ( ركز وبتلقاها )

اولاً :- كلنا جينا من آخر الدنيا في الوقت المحدد واربع سيارات بس هم اللي جو بعد صلاة العصر مباشرة

وجلسنا وانتظرنا ولا شفنا احد

اقترحوا الاخوان اننا نتجه لام الدكه يوم شافو المرهمات شاطفتنا

رحنا لام دكه ولقينا الشيروكيات كلها هناك ولا الومهم صراحه اللي يصير في ام دكه شي خيالي

وهذا يرجع لعدم الالتزام بالوقت المحدد وكل واحد منكم يعرف متى جاء ولا يلوم احد

لاننا واحنا راجعين من ام دكه مرينا الخراره بعد المغرب لقينا اكثر الشيروكيات موجوده

بس متى جو من الساعه خمس ورا لو انا داري كان حددت الموعد بعد العشاء :smile:

يعني تبونا ننتظر الى متى !!!

وش اللي كان يأكد لي انهم بيجون اصلاً

لاننا وقفنا على المخرج نسولف انا والوافي وصايل نصف ساعه ولا شفنا احد

وخصوصاً حقين السويدي واللي حولهم واللي مزعجيني ليه كل التجمعات بالثمامه والهرم والطوقي واحنا مافيه ولا تجمع قريب منا ماعدا الفيصليه اللي حضر

واللي يشوف ردودهم يقول هذولي بتلقاهم من الظهر وفي الاخير لايردون على جوالاتهم ولاشفناهم

والمره القادمه بخلي التجمع بشارع القوات وكل العالم تعرفه وقريب منه

واشوف الحضور ياللي متضايقين من البعد والمسافه

وبعدها اشوف انا اكمل مشواري معكم كمنسق لتجمعات ملاك الـ jeep واللي كانت من اروع التجمعات الـ 7 الماضيه

وإلا اعتذر عن التنسيق واللي سويته وكافي علي 11 تجمع والمجهود المبذول اذا هذا نتيجته مايشجهع أبداً والبقيه فيهم الخير والبركه في إكمال ماتوقفنا عنده

لان التجمعات الثلاثه الاخيره الاخوان غير متفاعلين ومتفككين

ولا انسى بالشكر اخونا الكابتن / حمد العقيلي على الحضور والنفاعل رغم ظروفه الصحيه

والوافي

والفيصليه

وصايل الجابر وكان عنده سفر واجله الى بعد العشاء للمشاركه

تحياتي وأعتذاري للجميع ،،،

اخوي طلال انا ترى اتكلم عن نفسي انا اللي اخرني الطريق وزحمة الرياض
وبعدين الكروكي محدد بالخط الاسود على ام دكه سيده ماهوب ذنبي ياغالي
ويكون في علمك ماهوب اخونا صايل اللي عنده سفر لحاله كلنا عندنا سفر والتزامات اهم
لكن قلنا نلتقي بالوجيه الطيبه
وانا قايلكم في الاول ان المنتدى يوم ماصار قروبات والمنتدى ماعاد له طعم صحيح اني مسجل جديد لكن متابع المنتدى من زمان وصرحه التجمعات الاوله ماكان عندي شروكي لكن يوم شرينا الشروكي قلنا نسجل مع الشباب عموما انت تبي تكمل ولا ماتكمل هذا راجعلك وصدقني ياطلال مهما تسوي من جهود ماراح تنفع لن المنتدى فيه تفرقه وفيه حزازيات بين الاعضاء ريح راسك يارجال
وانا معكم ماني ضدكم ونشوفكم في التجمع القادم بس ياليت توصفون لنا شارع القوات وين فيه
تقبل كلامي بصدر رحب ياطلال ياغالي

[شروكي على نياته]

8
8
مبروك الشروكي هههههه :showoff:
هع :clap:
اهم شي طاعست في الخراره:clap:؟

[cherokee 04]

أخوي لبى قلبك أنا حاسس بمعاناتك والله ... أنا الأسبوع اللي قبله بعد رحت بلحالي ولاكان فيه أحد لاني خربطت بالتاريخ

بس بعد انقهرت اني طقيت اكثر من 300 كيلو ... رايح جاي لاني ضعت ووصلت اخر الدنيا ولا لقيت أحد ..

عشان كذا روق وانشالله على قولة طلال (( القادم أحلى ))

بكل المنتديات والتجمعات تصير أخطاء صغيره بس تخرب الدنيا ...

انشالله المره الجايه نبي نتجمع ومانبيه رسمي .. بس لايكون خاطرك الا طيب

وانا والله هالمره كان عندي سفر وشغل ضروري جدا جدا جدا .. وأجلته .. قلت على الله ألقى الشباب وأتعرف عليهم

لكن للأسف ماكان مثل المتوقع ولا قينا احد..

وعلى فكره ترى أنا وطلال والوافي وقفنا على المخرج اللي يودي لأم الدكه و الخرارة وانتظرنا .. حول 10 دقايق او ربع ساعه بس ما شفنا أحد فحركنا ...

ورحنا على أم الدكه .. مالقينا احد ... ورجعنا للخرارة ... وجلسنا حول الـ 3 ساعات أو 4 ... وهم رجعنا مره ثانيه للخرارة ... بس كانت الدنيا ظلام .. ولا كان عندنا وقت ..

ياسيدي لا تزعل حالك انشالله المره الجايه رجلي على رجلك من نحرك من الرياض

...

شيروكي على نياته .. يارب ترد على رسايلك الخاصه .... أرسلتلك وكان ودي أفيدك .. بس شكلك للحين ما فتحت رسايلك الخاصه ... لو انك فاتحها كان ماصار اللي صار

والله يسعدكم

وبيض الله وجهك ياطلال ... ما قصر أبد .. بس إنه كان في خطأ توقيت عند الشباب

:surrender:

[شروكي على نياته]

cherokee 04
8
8
سلام عليكم
ماكنت ادري ان فيه رسايل في المنتدى ههههه
والله توي اعرفها ومشكوووور ماقصرت لاكن نسوي تجمع قادم موب رسمي وكلامك صح
ونبي نطلع الخراره الاسببوع الجاي تجنن
ورجلي على رجلك
يعطيك العافيه ماقصرررت

[cherokee 04]

كل واحد رجله على دعسة البنزين حقته يا حبيبي :tongue:

زين انك شفتها ياخي

:mad:

عموما يلا حصصل خيرررررررررررررر :cool:

[شروكي على نياته]

اقول متى نطلع مره ثانيه؟ :biggrin:

[cherokee 04]

متى ماتبي بكيفــــــــــــــــــــك

بس ياخي والله يا انه اليوم حرررررررررررر مو طبيعي ... قسم بالله انه كل شي عندي بالسياره تمام من مراوح وراديترات وكلش .. ومع كذا الحرارة يعني لو ما ناظرتها بنص عين والا كان صكت الاتش (H)

من جد لوووووووووووووووووووووووووووول

الله يستر ما تطلع نهاية هالأسبوع زي كذا

:wavetowel2:

[شركان]

طلال والله شركااان في الورشه عندي مشكله في القير ماطلع
وقلبي يتقطع ودي اجي بس ماكتبه رب العالمي
والجاي انشاء الله اني معك...:compress:

[طــــــــــلال]

اخوي طلال انا ترى اتكلم عن نفسي انا اللي اخرني الطريق وزحمة الرياض
وبعدين الكروكي محدد بالخط الاسود على ام دكه سيده ماهوب ذنبي ياغالي
ويكون في علمك ماهوب اخونا صايل اللي عنده سفر لحاله كلنا عندنا سفر والتزامات اهم
لكن قلنا نلتقي بالوجيه الطيبه
وانا قايلكم في الاول ان المنتدى يوم ماصار قروبات والمنتدى ماعاد له طعم صحيح اني مسجل جديد لكن متابع المنتدى من زمان وصرحه التجمعات الاوله ماكان عندي شروكي لكن يوم شرينا الشروكي قلنا نسجل مع الشباب عموما انت تبي تكمل ولا ماتكمل هذا راجعلك وصدقني ياطلال مهما تسوي من جهود ماراح تنفع لن المنتدى فيه تفرقه وفيه حزازيات بين الاعضاء ريح راسك يارجال
وانا معكم ماني ضدكم ونشوفكم في التجمع القادم بس ياليت توصفون لنا شارع القوات وين فيه
تقبل كلامي بصدر رحب ياطلال ياغالي



حياك الله اخوي

الكروكي مايجي شي اسمه سيده وموضح لك وصف ام دكه وماراح توصل ام دكه الا لازم تمر الخراره

واحنا لنا فوق السنه والنصف واحنا نسوي تجمعات وماشفنا شي اسمه قروبات ولا قسمنا بعضنا لقروبات

اللي قسمو انفسهم بكيفهم لكن هذا من انفسهم اجتهاد شخصي بدون اخذ مشوره من احد وكلن وهواه

وكلنا مرينا بزحمه وكلنا في الرياض مافيه احد منا معه هيلكوبتر

وكلنا مرينا بزحمة الرياض وكلنا عطلنا اشغالنا وسفرنا بس فرقنا عنك اننا جينا في الوقت المحدد مع ان الفرق من وصولنا وانتظارنا هي ساعه ونصف وهذا وقت كافيه حتى للي توه محرك من بيتهم !!!

لكن المهتوي يقطع المستوي

وهالكلام راح وقته ولكن

التجمع القادم راح يكون في شارع القوات راح يتبين الكلام

ووقت اعلان التجمع راح نوضح الموقع

موفق خير ،،

[شروكي على نياته]

مافيه احد منا معه هيلكوبتر << هههه شكلك معصب

[cherokee 04]

^
^
^
من جد

:icon6: