كلتش رياضي

[الفيصليه]

السلام عليكم

عندي أستفسار بسيط

ودي اركب كلتش رياضي ......

بس مدري وش الانواع الحلوه ......

وكم اسعارها وين تنباع........

لا حد يبخل علينا

توني شاري شرووكي باب واحد موديل 98 ....

تخطيطي له

أبركب دفرنسين تماتيك +هدرز كامل +فلتر مع العازل

اذاكان احد عنده اضافه يعلمني

[((أبورشيد))]

اولا على البركة الله يطعمكـ من خيرهـ ويكفيكـ شرهـ....:mutm:


اللي اعرفها الكلتش الامريكي نسيت اسمه..:icon9:

سعره تقريبا حول الفين ريال ..اخبر واحد من العيال مركبهـ

يباع شف محل 4500 (معروف المحل اللي ورى العثيم مول الدائري الشرقي )عندهـ..

اسف على الاطاله والفلسفة الزايدة <<هذا اللي اعرفه..:7bteen:

تقبل مروري..أبورشيد

[cherokee.1996]

أبو رشيد تختلف أنواع الكلتشات من موتر لموتر :biggrin:


الكلتش ما عندي أي خلفية عنه :wavetowel2:

بالنسبة للي أقدر أفيدك فيه .. إذا أنت بتركب هدرز .. يترتب عليك تركب معه فلتر (( ولا تركب فلتر إلا بعازل )) + تركب ثلاجة 2000 + ثروتل فورد

الهدرز ما دامك بتركب كامل .. اشتغل صح ورح للعتيبي في الشرقية يركب لك هدرز كامل على كيف كيف كيفك ما شاء الله (( طبعآ موب جاي بدرجة الهدرزات الأمريكية الستيل المستوردة )) لكن كل شيء بحقه :biggrin: وبالنسبة لسعر الهدرز عند العتيبي 2000 ((أنا ما تاكدت من السعر .. في هذي يفيدونك اللي ركبو الهدرز عن العتيبي ))

الفلتر ركب الـ K&N واشتر معه المنظف حقه .. وكل فترة نظفة .. و مع المنظف والفلتر = ضمان نظافة الهواء الداخل إلى المكينة + دخول هواء أفضل
الفلتر يتراوح سعره من 270 - 350 .. والمنظف سعره بـ 80

وإنتبه من الـ سموتا .. تراه يعبي أم المكينة تراب .. أنا مجربه .. ما فيه من الزين ذرة .. اللهم إنه رخيص بس :biggrin:

ودفرنسات التماتيك هي اللي تطربك إن شاء الله :wavetowel2:

ونستغل الفرصة هذي بالتسويق :biggrin: موجودهـ عندي دفرنسات تماتيك مورّدة من امريكا ما استخدمت هنا ,, بـ 3000 وراسلني إذا صملت



أخوك . cherokee.1996

[ابو يوسف]

يفيدونك الشباب ان شاء الله

[شروكي 2001]

هلا والله وغلا .. عودا حميدا يا الغالي

والله يبارك لك بموترك ويعطيك من خيره ويكفيك من شره

وش سويت بالشيروكي الأخضر اللي في التوقيع ؟؟ .. ضبط معك ولا لأ

الله يسهل أمرك ويوفقك .. ونستنى جديدك في الموتر الجديد

[لا تحاول !!؟]

يفيدونك الشباب ان شاء الله

[bkl 66]

الكلتش الرياضي تراه زلع في التمرين

اظن لازم تمشي عليه 1000 كيلو تمرين و ماتضغط عليه في فترة التمرين

انا شريت واحد لخووي عنده رانجلر ب 1800 ريال اظن اسمه سنتر فورس ماني متاكد

اول شي خلص من موضوع الهدرز و الدبة و الفلتر و الافضل تركب مرواح كهرب ,

ويعطيك خيرها و يكفيك شرها

[bkl 66]

\وإنتبه من الـ سموتا .. تراه يعبي أم المكينة تراب .. أنا مجربه .. ما فيه من الزين ذرة .. اللهم إنه رخيص بس :biggrin:\

أخوك . Cherokee.1996

السوموتا ياغالي في التطعيس يفضل انك تركب له شراب , لانه يشفط هوا بهبال ,

[دمار سيهات]

عن الكلش مالي اي معلومة
سعر الفلتر k&n بالشرقية انا شارية ب 250 ريال مقاس كبير والله فلتر محترم ماعليه كلام واتحدى اي احد يقول انه يدخل رمل شغل محترم وبالنسبة لهدرزات العتيبي في الشرقية الشورت اللي اهو نص هدرز ب 1300 ريال مع التركيب اما الهدرز الكامل ب 1900 ريال مع دبة الصوت اما بدون دبة يطلع عليك ب 1650 ريال وشغلهم محترم وعليه ضمان

اتمنى لك التوفيق ...

[خالدالرشيد]

فاليوم رياضي ونم:icon9:

[الفيصليه]

اشكركم ياشباب على المعلومات

توني مخلص من تركيب المراوح والصراحه

ودي بمعلومات وافيه عن الكلتش الفاليوم لاني سمعت عنه من قبل بس

كم سعره

وين احصله

وياليت أحد ينزل موضوع كامل يفصل فيه جميع المعلومات


وهل في عازل للحرارة يركب داخل السياره عند المراتب ....


أحتري ردودكم الحلوة

[خالدالرشيد]

شف ياعمي رح لنجم الرمال اللي فالصناعية القديمة وسأل عن نايف
الأنواع
ساكش400 ريال
فاليوم عادي
فاليوم رياضي 500ريال

هذا آخر مره سألت عنها والله يوفقك وللمعلوميه لا تحرص عالرياضي كانك ماعدلت خذ فاليوم عادي أو شاكس
الشاكس أنا مجربه تمام ويتحمل الجلد والتدبيل ولك الخيار:icon9:

[الفيصليه]

يعطيك العافيه اخوى ب ا د

أنا شريته وقيمته 480 ريال (فاليوم رياضي كرتون أخضر)

بس هل هو يحتاج تمرين


طبعآآ التركيب عند كرامه بــ 300 ـــ ريال

بس في شباب نصحوني افحص الصليب هل في شئ ثاني افحصه مادام بينفك القير والكلتش؟؟؟؟

نبي كم نصيحه من الشباب

[الفيصليه]

up up up

[شروكي 96]

السلام عليكم

للاسف جا ردي متأخر

اما عن الكلتش نوعية ممتازة وقوية جدا ( سنتر فورس )

اداء جيد وقوة وتحمل .. معدنها نحاس ..


اتمنى لك التوفيق

[الفيصليه]

شباب انا ركبت فاليوم بس أحساسي يقول مافي فرق

[M.R JEEP]

ماشاء الله الله يعطيك خيره ويكفيك شررره

وبيني وبينك ترى لو تركب دفرنسات تماتيك بس ترى بتفرق معك اكثر من الاشياء هذي كلها

لكن مايمنع من الخفايف ويقولون فاليوم كويس اللي اخذته انت

تحياتي:smile: