حساس الاكسجين في الشيروكي

[.: z a k i :.]

اخواني .......... هل حساس الاكسجين يسبب صرفية البنزين او بالاحرى هل يسبب قرائه خاطئه له ..؟؟؟ وكيف ممكن اشيك عليه .... ممكن صوره الى مكانه ..,. وكم يكلف تغييره ؟؟؟

[أبوطرق]

موترك سعودي او امريكي

[.: z a k i :.]

أمريكي يابو طرق ...........

[أبوطرق]

الامريكي فيه حساس

لكن سعر الحساس 480 ريال


واعراضه تقطيع او كتمه

واذا شلت السلك بتولع اللمبه

[طــــــــــلال]

والسعودي وش فرقه يبو طرق

ياليت تفيدني

تحياتي لك ،،،

[أبوطرق]

السعودي مافيه حساس

[طــــــــــلال]

مشكور يابو طرق والله لايحرمنا من خبرتك

موفق خير في كل خطوه

تحياتي لك ،،،

[شروكي 2001]

صدقت الأمريكي فيه حساس الأوكسجين والسعودي ما فيه

أبو طرق أعتقد إنهم حاطين بدال الحساسات زي السده مكان الفتحه نفسها ولا

بس هو كم حساس واحد ؟؟ ولا مجموعه من الحساسات ؟؟

وطريقة تنظيفه نفس تنظيف الحساسات الباقي

مشكوور على هالجهوود الرائعه

[ملاك جيب]

أنا عندي لمبة المكينة مولعة ولمن رحت للورشة قالوا إلي حساس الأوكسجين وأعتقد فيه أكثر من حساس على ما أذكر بس قالي راعي الورشة ما أنصحك تركبه وسعرة غالي وبسرعة يخرب وما يؤثر على الموتر ..

[Hamad100]

أنا عندي لمبة المكينة مولعة ولمن رحت للورشة قالوا إلي حساس الأوكسجين وأعتقد فيه أكثر من حساس على ما أذكر بس قالي راعي الورشة ما أنصحك تركبه وسعرة غالي وبسرعة يخرب وما يؤثر على الموتر ..

اش موديل موترك؟
الشروكي الامريكي يجي نوعين:
نوع بحساسين و نوع 4 حساسات
اللي بحساسين: واحد يجي اسفل ماصورة الشكمان اللي نازلة من شعبة الهدرز و الحساس الثاني بعد دبة التلوث وهذا وضيفته مراقبة دبة التلوث فقط
اذا شلت اي واحد منهم تولع لمبة المكينة. لكن الحساس الاول مهم و لازم يكون راكب و شغال و الاممكن يسبب تفتفه و مشاكل بعد فترة اذا هو مشيول او خربان
الحساس الثاني ماله تاثير على المكينة الا ان اللمبة تولع فقط وعشان كذا اذا واحد بيشيل دبة التلوث الافضل يخلي الحساس راكب مكانه عشان ماتولع اللمبة فقط

بالنسبة للنوع الثاني من الشروكي ابو 4 حساسات (اعتقد بدا من موديل 99 او 2000 ماني متاكد) الحساسات الاربع كلهم راكبين في شعبة الهدرز. في النوع هذا من الشروكي يوجد دبتين تلوث صغار في شعبة الهدرز (بالاضافة الى دبة التلوث اللي تحت) وفيه حساس قبل كل دبة وبعدها
بالنسبة للاهم ... اعتقد ان الحساسات اللي قبل الدبات هم الاهم و هل شيلة الحساسات اللي بعد الدبات ماتاثر على المكينة؟ ... ماني متاكد.

بالنسبة لحالتك: اول شي شف اي نوع عندك؟ حساسين او 4؟
اذا عندك ابو حساسين و صار الحساس اللي مشيول اوخربان هو اللي بعد دبة التلوث فممكن تتركه ماياثر على المكينة او تغيره اذا لمبة المكينة مزعجتك

واذا ركبت اصلي مايخرب بسرعة

[jeep.1996]

طيب وذا الحساس يتنظف ؟ ولا يتغير مره وحده؟؟

[jeep99]

حبيب لاتغيره ولا شي فكه من الشكمان وافصل السلك ونضفه بنفسك بقطعة قماش ناشفة اور طبة شوي بمويه بس وراح تدعيلي لأنه صارتلي نفس المشكلة يتفتف مع الدعسة واذا كنت واقف ويصرف بنزين ويطلع دخان اسود من الشكمان ريحته بنزين لكن بعد ما نظفتها سلك الموتر الحمد لله للمعلومية موتري امريكي موديله 99 وفيه حساسيناوكسجين بس واللي نظفتها اول واحد اللي نازل من القزوز موب اللي حول دبة التلوث

اتمنى اني افدتك

[سبورت 99]

طيب ياأخوان انا شلت الحساس اللي بشعبة الهدرز حق الوكاله وركبت هدرز جديد وماقدرت اركب الحساس لانه مايتلحم بالهدرز واشتغلت اللمبه كيف اخليها تروح واقدر ابرمج الكمبيوتر ويلغيها وشكرا

[Hamad100]

طيب ياأخوان انا شلت الحساس اللي بشعبة الهدرز حق الوكاله وركبت هدرز جديد وماقدرت اركب الحساس لانه مايتلحم بالهدرز واشتغلت اللمبه كيف اخليها تروح واقدر ابرمج الكمبيوتر ويلغيها وشكرا






وش الموتر؟ اي نوع عندك؟ ابو حساسين؟ و الا ابو 4؟

[سبورت 99]

وش الموتر؟ اي نوع عندك؟ ابو حساسين؟ و الا ابو 4؟
الموتر امريكي 99 ابو حساسين واللي شلت الاول اللي بعد الاقزوز على طول

[رايق من جد]

هلا اخواني
بالنسبة الاول مهم جدا يسبب تفتفه وكتمة بالموتر ولازم يكون راكب طبعا اقصد السيارات الامريكية السعودية مالها دخل بالموضوع طبعا الحساس الاول هو اللي بعد الجزوز على طول
عموما الشياك انجن لازم تحرصون على تطفيتها لانه ماتشتغل الا بوجود مشكله
تحياتي

[jeep-srt8]

انا ركبت كمبيوتر امريكي وانا مو عارف انه الامريكي في حساس وصارتلي مشكلة وكأنه الحساس خربان عندي وانا شيروكي خليجي بس بدلت الكمبيوتر راحت الكتمة وجتني صرفية بترول

:ranting:

[Hamad100]

الموتر امريكي 99 ابو حساسين واللي شلت الاول اللي بعد الاقزوز على طول

الحساس هذا لازم يكون راكب لانه هو اللي يرسل للكمبيوتر معلومات عن حالة خلطة الهواء و البنزين و الكمبيوتر يقوم يزود او ينقص كمية البنزين عن طريق البخاخات عشان خلطة الهواء و البنزين تكون موزونة

عشان كذا يبيلك تركبه ... شف لك مصنع شكمانات زي العتيبي في الدمام او اي واحد يرهم شكمانات ... ممكن يسوي لك سنه يركب فيها الحساس

[cherokee.1996]

يا عزيزي أنا موتري 96 امريكي قطعت سلك الاكسجين بقطّّامه وعش حياتك ما جاني مشاكل ولا شيء نشاط 100% ..


حساس الأكسجين اللي في الاقزوز عشان ما تقولون اللي عند الدبة ..

[سبورت 99]

الحساس هذا لازم يكون راكب لانه هو اللي يرسل للكمبيوتر معلومات عن حالة خلطة الهواء و البنزين و الكمبيوتر يقوم يزود او ينقص كمية البنزين عن طريق البخاخات عشان خلطة الهواء و البنزين تكون موزونة

عشان كذا يبيلك تركبه ... شف لك مصنع شكمانات زي العتيبي في الدمام او اي واحد يرهم شكمانات ... ممكن يسوي لك سنه يركب فيها الحساس

المشكله يقول حق الشكمانات ان الهدرز مايمسك فيه اللحام وانا بتبوك ماعندنا مصانع شكمانات زي الناس

[سبورت 99]

يا عزيزي أنا موتري 96 امريكي قطعت سلك الاكسجين بقطّّامه وعش حياتك ما جاني مشاكل ولا شيء نشاط 100% ..


حساس الأكسجين اللي في الاقزوز عشان ما تقولون اللي عند الدبة ..

طيب ياعزيزي:msn-wink1: صرنا بلاك بيري
لمبة التشيك انجن والعة عندك؟؟

[كرامه]

الحال انك ترجع الحساسات.

اوتركب كمبيوتر خليجي ,

[ghayeb]

لاتركب الحساس
انا فاصل الثنين سيارتي امريكي موديل 99
خرب علي الي قدام وصارت السيارة تتفتف وصرفية بنزين فصلت الفيش وولعت لمبة التشك
لكن الموتر صار صافي وصارت صرفيته افضل من اول
ترا الكمبيوتر فيه قراءات مخزنه بداخله في حال فقدت الحساس او انقطع السلك
يعني لاتركبه وخذها مني انا سيارتي مثل سيارتك ووفر دراهمك يالغالي
انا صارلي الحين فاصله اكثر من اربعه شهور والله ارتحت وصارت السياره صافيه
واللمبه فكيتها من الطبلون وحطيتها عندي بالدرج (الحين اذا فيك خيرك ولعي )

[سبورت 99]

الحال انك ترجع الحساسات.

اوتركب كمبيوتر خليجي ,

طيب يادكتور كرامه الحين الهدرز مااقدر اركب فيه الحساس لانه على كلام حق الشكمانات انه مايمسك اللحام فيه والسلك مايوصل للشكمان بعد الهدرز واسلاكه خاصه تتحمل درجات عاليه مو اي سلك يتولف عليه هل فيه طريقه تركيب له

وثانيا اذا ركبت كبيوتر سعودي هل يركب بدون مشاكل على الامريكي مايحتاج برمجه وكم سعره
وشكرا

[REDMOON70]

موديل 99 يجيله حساسين
الاول شكله على وشك يودع لاني بحس بتفتفه بسييييطة جدا

[سبورت 99]

رجعت الحساس والحمد لله الموتر ضبط وراحت اللمبه ونصيحه اللي موتره فيه دبات رصاص يشيلها لانه يوم شلتها تنفس الموتر وتغير صوته شوي لاني ركبت هدرز وصار الموتر فله:clap::clap:
واشكر صاحب الموضوع وكل من رد علي ونصحني والف شكر لكم وانتم كذا:thumb:
تحياتي

[cherokee.1996]

طيب ياعزيزي:msn-wink1: صرنا بلاك بيري
لمبة التشيك انجن والعة عندك؟؟




ايه أكيد تولع ..




بس الله يالشروكي إذا طفت لمبة التشيك انجن قلت وش السالفة فيه شيء غريب ؟؟

:laugh:

[faisal1111]

طيب يااخوان انا مشكلتي في بداية تشغيل السيارة البداية لما احط المفتاح في السوتش وادور الى ان تضاء اللمبات انتظر حوالي 10 او 15 دقيقة بعدها تظهر كلمة تشك انجن طبعا بالانجليزي check Engine بعدها يشتغل الموتر طبعا بعض الاوقات تشتغل وهو ينافض او يرتج مرررة وبعض الاوقات يشتغل كويس السيارة جراند شيروكي 1994 طبعا 6 سلندر والماكينه مركبها جديدة عند كرامة للاسف حتى الهندي اللي عند كرامة عجز يحل المشكلة يقول لي كون شغل بسرعة وسويت كلامه لاكن للاسف وقبل كانت السيارة تشتغل كويس لاكن لما ركب لي الماكينة والله تبهذلت ورحت لهم اكثر من عشرين مرة على شان هذا الموضوع لاكن لاحياة لمن تنادي ارجوكم يااخوان اذا تساعدوني في كهربائي او ميكانيكي يكون ممتاز لانه فعلا صرت مجنون مت تحت راس هذا الموتر واتمنى ان اجد حل عندكم لاتقولو لي روح لم كرامة للاسف كل يوم وانا عندهم لاكن بدون فائدة اول مرة قال لي الهندي يبي لك سلك الكرنك رحت اشتريت واحد ورجعت بعدين حاول يشغل الموتر وهو يفاقع كل شوي ولاكن للاسف بدون نتجة حتى المكينة الذي كنت اتفقت معه يركبها اجيت وقد ركب مكينة مختلفه قلت له ليش تسوي كذا ونحن اتفقنا على المكنه الفلانية وهذا رقمها لانني سجلت رقمها قبل اروح قاعد يبربر ويقول هذا مدير كرامة قال هذا كويس حسبي الله عليك ياكرامة ورطتني بمكينه في الاساس خربانه بهدلتني كل يوم وانا في ورشة بسبب التشغيل ووقت الانتظار ......