السيارة ترج بكاملها

[أبو علي]

السلام عليكم ورحمة الله وبركاته ...

اخواني، يسعدني المشاركة معكم في هذا الصرح العظيم، والذي يجد فيه مالك الجيب كل الإجابات عن كل الأسئلة...
سأعرض لكم مشكلتي:

سيارتي ( جيب شروكي 98 سعودي ) ترج بالكامل رجة مو طبيعية..
وأنا ما أقصد رجة عمود الكردان.. لا
السيارة بكاملها ترج، وطبعا الرجة ماتجي الا إذا كنت مسرع فوق 90 كم، وكنت ماشي في شارع محفر، وطحت في إحدى الحفر..
مثلا: إذا كنت ماشي 120 كم وطحت في حفرة تبدأ السيارة بالرجة بالكامل، والدركسون كذلك يرج مو طبيعي، حتى ان الراكب يخاف، وطبعا الرجة ماتروح الا إذا خفت السرعة لين 80 كم ...

آمل من الجميع المشاركة وأنتظر الخبراء في ذلك....

تحياتي للجميع...

[كرامه]

تاكد من ربلات الربطات الدفرانس الامامي تجي 8 حبات.

مساعد الدركسون ركب اصلي.

ذرع التوازن اللي يجي بالعرض من الشاص الى الدفرانس.

مساعدات قدام .

[كرامه]

تاكد من ربلات الدفرانس الامامي تجي 8 بلات حقات المقصات.

مساعد الدركسون ...... وركب اصلي

عامود التوزان اللي يجي بالعرض من الشاصي الى الدفرانس.

المساعدات الاماميه.

[أبوطرق]

أول شيء شيك على ربلات عامود التوازن

ثم

عامودر الدركسون

ثم

ربلات الرباط للدفرنس الامامي

[M.R JEEP]

خذها مني غير مساعد الدركسون.

[KHELAN]

عاد مانقدر نتكلم والكباتن سابقينا
واتمنى انهم افادوك
تقبل مروري

[أبو علي]

السلام عليكم...

صدقت ياعاشق ترهيم.. يافرحتي ان الكباتن يردون ويعطوني الإجابات...
كل الشكر للكابتن كرامة والكابتن أبو طرق والكابتن jeep v6 ..

لكن عندي استفسار حول ربطات الدفرنس، هل هي نفسها جلب (ربل) المقصات اللي تجي فوق وكم أسعارها؟
كذلك ماهو عمود الدركسون وكم سعرهـ ؟ لأن اللي أعرفه دراع الدركسون و مساعد الدركسون...
وأيضاً عامود التوازن هل هو نفسه اللي تركب فيه مسامير التوازن من اليمين واليسار؟

تحياتي للجميع..

[أبوطرق]

عامود التوازن هو اللي ذكرته

وافضل ربلات له موبار او سبايسر

الطقم سبايسر 35 ريال ومنتاز


ومساعد الدركسون

الاي سي ديلكو 150

كروون 130

[AL-GHANEM]

يالغالي ان كنت في الرياض عطني خبر
علاجك عندي :biggrin:

[aljeddawi]

يا الغالي

المشكله واجهتني

شيك في البدايه على مساعد الدركسون ان كان اوكيه

فا السبب من الاذرعه

وياليت اذا تعرف العله يا اخ al-ghanem

انك تكتب وش الحل اشان الكل يستفيد

[عاشــق Jeep]

الرجه اللي بموترك والله اعلم من مساااااااعد الدركسون ولا جلد المقصااااات عندك

[أبو علي]

تحيااااتي للجميع

اليوم بإذن الله أوديها الصيانة وأرد لكم خبر عن السبب ليستفيد الجميع...
والشباب ماقصروا أعطوا الحلول وراح أفحص وأبدل العطل...
والأخ العزيز اللي يسأل عن مكاني أنا بالشرقية

تحياااااتي

[سديم 6336]

خذها مني صارت لي وركبت مساعد دركسون رياضي وصارت السيارة تمام
لاتركب عادي


http://www6.0zz0.com/2009/09/01/08/487951406.jpg (http://www.0zz0.com)

[شروكي ربع]

90 % مساعد دركسون

[أبو علي]

تحيااااتي للجميع...

وديت السيارة للورشة، وقال الميكانيكي بعد الفحص ان عمود التوازن كان مفكوك عندك..
طبعا أنا حسيت بتغير بعد التعديل، لأن سابقا كان يطلع صوت طقة إذا حركت الدركسون يمين أو يسار والحين الموضوع أوكي، الطقة ماتطلع...
لكن المشكلة الأساسية ماراحت.. اللي هي الرجة
وقال الميكانيكي ان السيارة سليمة بالكامل ومساعد الدركسون سليم
وقالي يمكن كفرات الشاهين تسويها إذا كانت تعبانة، ونصحني بتبديل الكفرات الخلفية للأمام، ومن ثم التجربة..
وراح أرجع له وأشوف بعد التجربة...

وطبعا مانستغني عن نصايحكم ياشباب.... مع العلم ان الرجة قووية يعني السيارة تروح يمين يسار بقوة
تححيااااتي

[M.R JEEP]

اخوي كان الرجه تجيك مع المطب

أكييد من مساعد الدركسون.

[jep]

اخوي ابوعلي شيك على كرسي القير المشكلة صارت معي وغيرتة تقريبا ب250 ريال ماهو اصلي لاكن لة اكثر من سنتين ماشي معي طبعا سيارتي قير تماتيك

[طاير بالعجه]

السلام عليكم ورحمة الله وبركاته ...

اخواني، يسعدني المشاركة معكم في هذا الصرح العظيم، والذي يجد فيه مالك الجيب كل الإجابات عن كل الأسئلة...
سأعرض لكم مشكلتي:

سيارتي ( جيب شروكي 98 سعودي ) ترج بالكامل رجة مو طبيعية..
وأنا ما أقصد رجة عمود الكردان.. لا
السيارة بكاملها ترج، وطبعا الرجة ماتجي الا إذا كنت مسرع فوق 90 كم، وكنت ماشي في شارع محفر، وطحت في إحدى الحفر..
مثلا: إذا كنت ماشي 120 كم وطحت في حفرة تبدأ السيارة بالرجة بالكامل، والدركسون كذلك يرج مو طبيعي، حتى ان الراكب يخاف، وطبعا الرجة ماتروح الا إذا خفت السرعة لين 80 كم ...

آمل من الجميع المشاركة وأنتظر الخبراء في ذلك....

تحياتي للجميع...

السلام عليكم اخوي ابو علي
ابو علي مشكلتك نفس موتري بالضبط لا يزيد عنك ولا ينقص
طلع الشيب بعيوني وسبه كلام الميزان وغيره

كل الي في بالك سويته ولا تغير في موتري شي اخر شي وصلت له اني ابيع الموتر من القهر ودراهمي الي راحت هدر

راح اقولك شنو الي بدلته

1- مساعد دركسون(معاون سكان)
2-عامود تووازن الي راكب على الشاصي والبككس (الدفرنش)
3-هئية امامية كامله
4-تواير جديده دانلوب
5- بدلت رنق لان قالي في رجه خفيفه
6-فحصت عامود القاردن (الكردان) والحمدالله مافيه شي
7-فصلت عامود الدبل
8- مانحلت المشكله
وطبعن كرهت شي اسمه رجه بالسياره وكان عندي تهريب زيت باور ورحت للمكانيكي وركبت طاقم اصلاح وراح تهريب الزيت الموتر الحمدالله اختلاف كبير لاكن رجه خفيفه ومرات مو على طول في الدركسون هذي كل قصتي مع الرجه انت شوف هالاشياء هذي كلها ودايم ابدا بشي البسيط
انا ادري ضيقت خلقك بس والله ماحب اشوف احد يطيح مثل طيحتي واتمنى انك تستفيد من قصتي ووتمنى تنحل مشكلتك وباسرع وقت وبدون خساير

[je97ep]

كراسي الماكينه

[الاشعث]

حبيب قلبي انا مثلك ..جات الموتر رجه غير طبيعيه تقول بتطير الكفرات من مكانها ... وما بقى شي ما غيرته ... حتى اني يأست من الموتر وزعلت عليه وقطيته جنب البيت كم يوم ما اسوقه ..

وكنت بأبيعه لولا الخساير اللي خسرتها .. ما يقارب 4500 ريال ولا فيه فايده ..

...........فقبل لا تخسر اذا تقدر تبيعه بييييييييييع...

تحياتي...

[OIIIIIIIO]

اذكر اول ما اشريت الرانجلر ركبت عليه جنوط وكفارات عريضه ورجت السياره من بعد 80 خاصا اذا اكلت اي حفره او طريق كان مكسر وما اتروح الا بعد ما انزل عن 80 والسياره جديده مالها الا سنه

وطلعت المشكله من نفس الكفارات كانت محبله وغيرتها وراحت المشكله

تاكد من الكفارات وجرب غيرها

[Mr jeep]

انشاء الله انه الحل
:icon30:
اخوي هذي من الاذرعه يبيلها كبس روح للميزان شرط يكون فاهم وقله اكبسلي الاذرعة انا كان عندي نفس المشكله وجبت للميزان طقم كامل للتوجيه بعد ما مليت من المحاولات و قالي المهندس الله يجزاه خير رح ردها كلها الحل بسيط انشاء الله قالي يبي للاذرعه كبس فقط احيانا حتى الجديد يبيله كبس
:7bteen:
:7bteen:
اتمنى لك كل خير

[راعي الجيب]

الموضوع قديييييم جدا":bleh1:

[راعي دهام]

غير مساعد الدركسون
في حله انه مايرج الا اذا اكلت
مطب
ووشلك والخساير