المساعد الشخصي الرقمي

مشاهدة النسخة كاملة : شرح طريقة وزن سلك القير الاتوماتيك المشبوك في الثروتل للشيروكي

Hamad100
03-01-2010, 12:24 AM
هذي طريقة وزن سلك القير الاتوماتيك المشبوك في الثروتل

الوزنية هذي مهمة عشان القير يغير بسلاسة و الاهم عشان يرد بنمرة اعلى (مثلا من ثالث الى ثاني) بسرعة و سهولة

اول شي شف الصورة هذي عشان تعرف اي سلك
السلك هو اللي مأشر عليه بالسهم الاصفر وهو اول سلك مشبوك في الثروتل من جهة الرديتر
لاحظ فيه زر على شكل نصف دائرة فوق السلك




http://www.cherokeeforum.com/attachments/f2/8875d1260140516-torque-converter-gremlins-

ذكرني اخوي وافي بشي الله يذكره الشهادة

قبل ماتبدأ تأكد ان الموتر طافي و معشق في الـ P

الخطوات هي
اولا اضغط على الزر باصبع يدك اليسار و خلك ضاغط
ثانيا بيدك اليمين حرك السلك مع الهوز اللي داخل فيه الى اليسار باستعمال القطعة اللي في السلك اللي كانها نصف كرة
ثالثا بيدك اليمين حرك (افتح) الثروتل كانك قاعد تدوس بنزين الى الاخر
رابعا خل الثروتل ترجع (تسكر) بشويش وشيل يدك عنها
خامسا شيل اصبع يدك اليسار عن الزر اللي في اعلى السلك

هذا الفيديو القصير يوضح الطريقة -- عيد الفديو كذا مرة اذا مو واضح من اول مرة


http://i262.photobucket.com/albums/ii102/poorboy_616/Jeep%20carnage%20Round%203/100_2160.flv

ملاحضات:
هذي الطريقة لجميع موديلات الشيروكي القير الاتوماتيك من 91 الى 2001 سعودي و امريكي ماتفرق

قير الشيروكي المفروض انه يغير نمر بسلاسة سواء كان بارد او ساخن

الزيت الملائم للقير الاتوماتيك هو دكسرون Dexron III

اذا بعد وزن السلك لازال هناك مشاكل في تغيير النمر ... غير الزيت مع الفلتر ... اذا مافاد افحص الحساسات او ود الموتر لورشة لفحص القير

وبالتوفيق ان شاء الله


ملاحظة اخيرة:
لامانع من نقل الموضوع على شرط ذكر ان (( الموضوع منقول من منتدى ملاك جيب للعضو Hamad100 ))
W A F I
03-01-2010, 12:30 AM
صراحة المقطع سريع وماقدرت افهم


لكن الحين وشلون

اضغط الزر بعدين اسحب السلك كامل والا السيم ؟
ثم اضغط الثروتل كني داعس للاخر واتركة ؟
Hamad100
03-01-2010, 12:42 AM
صراحة المقطع سريع وماقدرت افهم


لكن الحين وشلون

اضغط الزر بعدين اسحب السلك كامل والا السيم ؟
ثم اضغط الثروتل كني داعس للاخر واتركة ؟

المقطع يبيلك تعيده كذا مرة و بيوضح معاك و تقدر توقفه عند كل خطوة

بالنسبة لسؤالك:

تضغط الزر و تخليك ضاغك بعدين تدف السلك كامل مع السيم الى اليسار باستخدام القطعة البلاستيك اللي في السيم اللي كانها نص كورة صغيرة
ثم تضغط الثروتل كانك داعس بنزين للاخر و اتركه بعدين شيل اصبعك عن الزر اللي كنت ضاغط عليه طول الفترة

ارجو ان الصورة وضحت ... والفيديو مايوري حركة الثروتل لكنه يبين اهم مافي الموضوع و هو حركة السلك.

احسن شي اكتب الخطوات و بعدين طبقها على الموتر و راح توضح الصورة

انا قعدت احوس كذا مرة لين فهمتها
W A F I
03-01-2010, 12:47 AM
الله يعطيك العافية الحين فهمت

طيب والسيارة شغالة والاطافية
بررق
03-01-2010, 01:45 AM
الله يعطيك العافية
احلى مزاج
03-01-2010, 11:49 AM
يعيطك العافيه على الشرح الممتاز ...

وبس سؤال

هل لما اسوي هالحركه يفرق العزم ؟؟

يعني يصلح لراعين التطعيس او المقاوم ؟
Hamad100
03-01-2010, 01:11 PM
يعيطك العافيه على الشرح الممتاز ...

وبس سؤال

هل لما اسوي هالحركه يفرق العزم ؟؟

يعني يصلح لراعين التطعيس او المقاوم ؟

الله يعافيك يا احلى مزاج

هذي مو حركة عشان نزيد العزم ...

هذي طريقة وزن السلك بطريقة صحيحة عشان القير يعشق صح

لان لو اختلفت وزنية السلك (يعني صار مرخي او مشدود) راح تحس بلخبطة في تغييرات القير
يعني مثلا يتاخر في التغيير من نمرة لنمرة او ما يرد من نمرة ثقيلة الى خفيفة بسرعة
يعني مثلا مايرد من رابع الى ثالث الا لما تدوس دواسة البنزين الى الاخر و يقعد له شوي و بعدين يغير
يعني تحس ان القير خربان وهو مافيه شي اللهم يبيله وزنية هالسلك :biggrin:

طبعا لما القير يصير يغير نمر بشكل صحيح افيد في التطعيس او المقاوم او السواقة العادية
cherokee.1996
03-01-2010, 03:50 PM
الطريقة واضحة وسهلة جدآ ..


لكن يبي لها شوية تركيز فقط .. والي ما أشتغل عندهم الرابط .. لأن المتصفح فاير فوكس ..

يشغل الرابط على متصفح إكسبلورر مثلي ويضبط بإذن الله



واللي يبي يفهم الشرح يطابق الخطوات النصية بالمقطع ,,


وهذا رابط موقع تحميل اخر للي ما فتح معهم الرابط :

http://www.rofof.com/dw.png (http://www.rofof.com/3dofbr1/Shrh_Wzn_Al-qyr.html)



أخوكم cherokee.1996
cherokee.1996
03-01-2010, 04:03 PM
أرووووووح مع الـ k&n :mutm:
احلى مزاج
03-01-2010, 04:04 PM
ياحبي لك يا نواف

تسلم والله على الجهد ..
jeep1999
03-01-2010, 04:17 PM
يعطيك الف عافيه وبصراحه انا موتري مادري وش فيه غيراته على كيفه ويريح بسرعه والثالثه ما يطول اشكرك كل الشكر اخوي
((أبورشيد))
03-01-2010, 04:28 PM
شرح بسيط...:clap:



تسلم ابروح اطبق على طول.....:7bteen:



تقبل مروري/أبورشيد..
cherokee.1996
03-01-2010, 04:44 PM
ياحبي لك يا نواف

تسلم والله على الجهد ..



ما سوينا إلا الواجب .. ومقصرين بعد :wheelchair:

أنا فدى المنتدى والأعضاء كلهم والله :winner_first_h4h_al
دح ديح
03-01-2010, 06:51 PM
يعطيك الف عافيه
بس لو فيه مقطع يوضح الكلام ذا و من زاويه ثانيه غير هذي
بصراحه كنت فاهم الي مكتوب بس يوم شفت المقطع :cry: انحاس مخي صدق
freeland11186
03-01-2010, 08:58 PM
انا شخصياً ممنونك اخي hamad100 ويعطيك خير الدنيا والاخره تدري ان السياره بالفعل ضبطت بعد هذه العملية بس للاسف بعد ما خسرت 800 ريال عند واحد الله يسامحه @@ تقبل تحياتي
شروكي سبورت
03-01-2010, 09:43 PM
كفيت ووفيت الله يعطيك الف عافية على المعلومات التي استفدت منها كثير وصراحة وفرت علي العناء الكثير تقيل خالص تحياتي
Hamad100
03-02-2010, 10:36 AM
شكرا ياشباب على الاطراء ... وما سويت الا الواجب

وهذي من اهداف المنتدى ... و هو ان نشارك بعض بالمعلومات المفيدة الصحيحة
Hamad100
03-02-2010, 10:42 AM
يعطيك الف عافيه
بس لو فيه مقطع يوضح الكلام ذا و من زاويه ثانيه غير هذي
بصراحه كنت فاهم الي مكتوب بس يوم شفت المقطع :cry: انحاس مخي صدق

دح ديح

اكتب الخطوات و رح للموتر و طبقها و ان شاء الله انك بتلقاها سهلة
ابورغد
03-02-2010, 11:56 PM
حمد الله لايهينك ومشكور على المعلومه المهمه لنا ولكثير من الاعضاء
الله يجزاك الجنه .
أبوراكان
12-15-2010, 02:09 PM
ارجو من المشرفين او مدير الموقع نقل هذا الموضوع للمواضيع المتميزة وشاكرين لان مثل هذي المواضع بصراحه مفيدة جداً