اعتراض على شعار الموقع

[aljeddawi]

السلام عليكم و رحمه الله و بركاته


أخواني الكرام من بين المحادثات الخاصة بين أعضاء هذا المنتدى و الأصدقاء خارج المنتدى و الحاضرين لتجمع الـJeep السابق لوحظ انه يوجد عدد لا بأس فيه من الناس المعترضين على هذا الشعار.


ليس معترضين عن سوء الشعار لاكن معترضين بأن قد تم إنشائه بمده قصيرة و هناك مجال أن شاء الله بأن ننشأ شعار آخر أجمل و أوضح منه

ومن الاقتراحات اللتي طرحت ان يتم ارسال رسائل لجميع المسجلين في الموقع عن طريق الايميل
مثل الرسائل الدوريه ليتم المعرفه من الجميع والتصويت من الجميع

طبعا كان التصويت لمدة 3 ايام فقط ؟؟؟؟ لماذا العجله ؟؟
خليها اسبوع او 10 ايام مع ارسال الرسايل اشان الواحد يعرف انه في تصويت


بما إننا في رمضان و لن يكون هناك أي تجمع خلال الأسابيع القادمة و لمراعاة جميع ارآء الأعضاء


اقترح بأي يتم تأجيل موضوع اعتماد الشعار و إلى 28 رمضان




أنا اعلم بأن التجمع القادم سوف يكون في منطقه حول القصيم و تواجد ملاك الـJeep هناك بالشعار على سياراتهم رح يعطني شهره و انطباع و نظره قويه بمده قصيره

ف حتى لو تأخر اختيار الشعار الى 28 رمضان
يمكن تفصيل الشعار خلال 10 دقائق عند محلات تفصيل الاستكرات والي ما يمديه يوصي الشباب يسووله معاهم

غير كذا انطرح موضوع وكان من ضمن الموضوع انه ممكن تغير الشعار في مابعد
وانا اشوف انها مو حلوه اننا نطلع تجمع ونحط شعار
ونجي مثلا تجمع ثاني ونحط شعار اخر

ليس كل عضو بأستطاعته أن ينشأ شعار وله الخبره الكافيه بالرسم و التعديل على الصور ،
ولاكن من المهم عندما نعتمد شعار معين بأن يكون كل عضو متحمس أنه يلصق (أستكر) على موتره يرفع فيه الشعار


ومن يؤيد الموضوع او يعارضه يرد على الموضوع وكل ارائكم وانتقاداتكم نتقبلها بصدر رحب

[cherokee.1996]

كلامك صحيح 100%

وانابصراحة ما خش مزاجي الشعار.. مع إحترامي الشديدي للجميع :icon9:

ووجهات النظر تختلف :wheelchair:

وأنا عارف إنكم تبون الشعار يطلع بسرعة عشان التجمع الي في بقر :busted_cop:

لكن العجلة الزايدة ما هيب زينة مرة

ليت كل واحد له خبره في التصميم أو يعرف أحد يعرف يصمم .. منها يوسع صدرهـ في التصميم

ومنها يفيدنا في تصميم حلو ومميز :rolleyes:

وأتمنى الشعار يصير ملون بألوان مختارهـ .. بحيث إنها تصير وااضحة إذا لصقتها على السيارة :wink:

و عجبني طرحك بصراحة يا أخوي الجداوي:showoff:

أخوكم . cherokee.1996

[W A F I]

حياكم الله جميعا ,,

واسعدني طرحكم وهذا ان دل دل على حبكم واهتمامك في الموقع ,,

ولكن تم طرح مثل هذا الموضوع والرد علية ,, وفهم جميع الافكار ,,

وتمت الموافقة على الشعار المعتمد ,,


ليس معترضين عن سوء الشعار لاكن معترضين بأن قد تم إنشائه بمده قصيرة

يعني يالغلا عشان المدة فقط ؟؟ يعني لو جلسنا نصمم الشعار اسبوع واافقتو علية ؟

طبعا كان التصويت لمدة 3 ايام فقط ؟؟؟؟ لماذا العجله ؟؟


يالغلا المدة مالها دخل في تصميم قوة الشعار ,,

غير كذا انطرح موضوع وكان من ضمن الموضوع انه ممكن تغير الشعار في مابعد
وانا اشوف انها مو حلوه اننا نطلع تجمع ونحط شعار
ونجي مثلا تجمع ثاني ونحط شعار اخر

يالغلا قلنا نغير الشعار قبل التجمع يعني التجمع بيكون نهائي للشعار ولن يتم تغييرة ,, يمكن تغيير الشعار قبل الطباعة

ليس كل عضو بأستطاعته أن ينشأ شعار وله الخبره الكافيه بالرسم و التعديل على الصور ،
ولاكن من المهم عندما نعتمد شعار معين بأن يكون كل عضو متحمس أنه يلصق (أستكر) على موتره يرفع فيه الشعار


وهذا اللى نبية ان كل عضو ان الجميع يتحمسون مع القروب

وأتمنى الشعار يصير ملون بألوان مختارهـ

الشعار مطروح بالون الاسود
ولكن في الطباعة
سيكون هناك اكثر من لون للتناسق مع السيارات

منها الون الاسود والابيض والاحمر او العنابي ,, وجاري البحث عن الوان اخرى مناسبة ,,



وفي نهاية الرد اقول : رضاء الناس غاية لاتدرك ,, يعني صعبة يااخوان نخلي الجمع يوافق علية ,, لكن الاكثرية والموقع فية الان والحمد لله 80 عضو او اكثر والا عارضوا فقط 2 او 3 فقط ,,



على العموم نشوف ردود الاعضاء على الموضوع (( سواء رفض او موافقة )) ,, ولي رجعة


والرجاء من جميع الاخوان والاعضاء اي واحد عندة اعتراض والا اي ملاحظة عن الشعار يكتبها هنا في الموضوع نفسة ,, لان اي موضوع قادم اعتراض سيتم اغلاق الموضوع

[شيروكي مهجول]

طيب يا الاخوان اذا ودك في شعار ورنا اياه و يمكن نخليه الشعار الرسمي للموقع...
و اذا انت تقول ان الشعار الحالي مو بزين و الله انك غلطان بالعكس انت تخيله على السياره من وراء يعني على القزاز الخلفي..رااااح يطلع ابدااااع...

[فيصل]

.

السلام عليكم

صراحه انا بغيت اروح الخميس ولا الجمعه افصل هالشعار حقكم بس كنت متردد مدري ليه

مو مسأله ماعجبني ولا الشعار سيء بس اتوقع ممكن او في مصممين اكثر كان في مجال انو يكون فيه

مجموعه شعارات اكثر و نقدر تختار الاحلى من بينهم

خاصه انو لما تذكرت انكم قلتو انو ممكن الشعار يتغير بعد فتره قلت مره وحده نفصل و لصق الاستكر

مو كل شوي رايح جاي الغرابي لأنه بعيد صراحه عن المنطقه الي انا ساكن فيها

عموما يا جماعه الخير انا من الناس الي مؤيد على انو نأجل سالفه اعتماد الشعار شويتين

بس عساكم على الهمه و هالله هالله بالتصاميم يا اهل الخبره

تقبلو مروري


.

[aljeddawi]

يا اخي الوافي

انت اتقول ان
يالغلا المدة مالها دخل في تصميم قوة الشعار ,,

انا اقصد لو طالة المده الشباب ما يقصرون ويطورون الشعار ويسون شعار ممتاز

انا اقترحت عليك اقتراح قبل اعتماد الشعار في الموضوع حق التصاميم
يعني كان في اقتراحات وتحسينات على بعض الشعارات
بس انت ما اعطيت الشباب فرصه انه يبدو رايهم ويعدلوا عى التصاميم
على طول طرحتها للصويت


بعدين كيف تقول 80 عضو ما عارض الى 2 او 3
عدد الاصوات مجموعها 22 صوت

يعني في 58 عضو تقريبا ما صوتوا اكيد لانهم ما عرفوا بشأن التصويت
فياليت الاعلان عن التصويت


وما كتبت الموضوع الى لحرصنا على اننا نكون شعار مسككت
وهذا يصب في مصلحة الموقع

[cherokee.1996]

أنا يا أخوي وافي قصدي بكلامي عن الشعار ,,

إن هالشعار لو إنكم ما استعجلتوا على إختيارهـ

الشعار الحالي جيد جدآ وممتاز :rolleyes:

لكن نطمح إلى الأفضل والأعلى .. صح ولا ؟

وانا معك إن غاية الناس لا تدرك,,

لكن لا تدرك إذا صار العدد كثيررر ..

80 عضو تقريبآ .. بإمكانك إدراك غايتهم بنسبة تفوق الـ 60 % ..صح كلامي ؟؟ :icon9:

وأ،ا صراحة أقف محترمآ ومقدرآ لكل ما تبذله أخي وحبيبي وافي في سبيل إنجاح وتشييد هذا الصرح :cloud9:

وكلنا يدآ بيد للبناء :wink:

اخوكم ومحبكم ,,

cherokee.1996

[KHELAN]

اخواني
السلام عليكم ورحمة الله وبركاته
حنا كلنا يد وحده بالمنتدى ونشكر اخونا الوافي على انشاه
وجمعنا كلنا تحت سقف هذا المنتدى الغالي على قلوبنا
وكلامكم انه لازم يكون شعار قوي هذا الشعار حلو لكن تطمحون الافضل
انا معكم بالي تبون والوافي بعد ماراح يقصر والاخوان المصممين بالمنتدى ماراح يقصرون
اخي الوافي اتمنى ان يتم تاجيل اعتماد الشعار الى 28 رمضان تبي تقولي وش جاك قلبت
ابقولك انا ماعندي مشكله بس الاخوان اللي مااقتنعوا بالشعار ماراح يفصلونه ولا راح نجبرهم عليه
وعلى قولتهم 80 عضو والمصوتين فقط للشعار 12 عضو انا داري انك كريم :wink:وحنا نستاهل :biggrin:
ومافيها شي لو تاجل اختيار الشعار ويكون فيه بين المصممين بالمنتدى تواصل عشان نطلع بشي مقنع
بالنسبه لي انا اقعد لكم لين 28 رمضان اونا اصمم لكم كل يوم شعار ماعندي مشكله بس اهم شي يكون الجميع مقتنعين فيه
لنها ماراح اي واحد يسوي شي ماهو مقتنع فيه لان الاجتماع الجاي نبي فيه قوه
من ناحية الشعار ومن ناحية التصوير ومن ناحية كل شي لو لازم الامر على القطه بين الاعضاء عشان نطلع
بشي يفتح النفس ماودي اطول عليكم بالقرق لكن اتمنى اني افيت الموضوع حقه
تقبلوا مروري

[فيصل]

.


والله يا شباب انا بكون معاكم صريح

انا معاكم ابي تطلع بشعار على قولتكم

مسسسسسسسسسسسسسسسسسسسكت

لأن انا صراحه قاعد اضبط و اخبص بموتري هاليومين استعداد للأجتماع حقنا

و ناوي انهبل و اطعس و افلها و لما امشى و لا اروح مكان اقول للناس شوفو شوفو هذا قروبي حق الـJeep

انا ما اعرف اصمم شعارات و خرابيط و زين مني اعرف ادخل نت و ارفع صور

بختصار عليمي بهالأمور

الزبده زي ما قلت لكم باول الموضوع الي انا فتحته

قروب الهمرات و قروب Middle East Riders و قروب المسنتجات و الكورفتات و غيرهم الي بالشرقيه و الغربيه

مـــــــــــوب أحـــــــــــــــــســــــــــــن مــــــــــنـــــــــنـــــــــا

يعيش ملاك الـــــ Jeep


[[[[ معليش ملاحظين متحمس اكثر من الازم بس عادي لا تدققو ]]]]



لا جيب الا جيب


.

[Areeb]

.



قروب الهمرات
مـــــــــــوب أحـــــــــــــــــســــــــــــن مــــــــــنـــــــــنـــــــــا

يعيش ملاك الـــــ Jeep






.

هذا شعار قروب الهمر:
http://www.dar4arab.net/uploaded/1_01242164820.jpg

تصميمه عادي جدا...واشوف ان شعار قروبنا احلى منه بكثير...

[عاشــق Jeep]

انا من المؤيدين للشعار وقسم بالله ماني متحيز لكن فكرت الشعار ياشباب انه يكون


خااااص ويدل على الشي بس مو شرط انه يكون تصميم عميق وصعب



شعارنا حق الاخ وافي ممتاز وزي ما قال اخوي Areeb


شعار قروب الهمر تصميمه عادي جدا...واشوف ان شعار قروبنا احلى منه بكثير...


تحياتي

[شيروكي مهجول]

هذا شعار قروب الهمر:
http://www.dar4arab.net/uploaded/1_01242164820.jpg

تصميمه عادي جدا...واشوف ان شعار قروبنا احلى منه بكثير...

صح لسانك...
احسن منه بدرجاااااااات كثيره...:winner_first_h4h_al:winner_first_h4h_al
و الله انك صاااادق...:smile:

[OIIIIIIIO]

عليكم السلام ورحمة الله وبركاته

الشعار من اهم النقاط وانا مثل باقي الشباب الي اشوف تم الاستعجال على الاعتماد على الشعار وطبعا مو عبيا في التصميم الشعار الحالي لا .. بس ما اعطينا للاعضاء الفرصه للتصميم و للتصويت واشوف استعجلنا نوعا ما

وافضل فتح موضوع ويتم الاعلان عنه في منتدى العام او منتدى التصاميم وفي الصفحه الرئيسيه واذا امكن في خدمه sms حقت المنتدى عباره عن تصميم شعار للموقع , ونظيف اليه بعض الشروط الي يشترط ان تكون موجوده بالشعار مثلا يجب ان يحمل عنوان الموقع jeep-ksa.com , ان لا يكون يحمل صوره معينه لفئه من فئات سيارات جيب " يعني ما نحط صوره للرانجلر او للشروكي او للجراند " عشان البعض لا يزعل " طبعا الشروط نتفق عليها بعدين

ونعطي للموضوع مثلا اسبوع وبعد كذا نختار الشعارات الي مطابقه للشروط الي راح توضع ونفتح موضوع تصويت وايضا يتم الاعلان عنها في الصفحه الرئيسيه وفي مجموعه البريديه اذا كانت الخدمه موجوده وفي خدمه الرسائل sms ونعطي مده التصويت اسبوع ايضا وكذا تقريبا اغلبيه الاعضاء راح يصوتون

طبعا المكافأه العضو المصمم الي راح يتم الاعتماد عليه نعطيه لقب " مصمم شعار منتديات ملاج جيب "

وهو مجرد فكره واقتراح , وبالتوفيق للجميع

[KHELAN]

صح لسانك يامشرفنا الغالي ننتظر الوافي
:mhtar::mhtar::mhtar::mhtar:

[W A F I]

ياخوان شاكر اهتمامك وحماسك ,,

لكن الشعار فكرتة حلوة وبسيط في نفس الوقت ,,

يعني يحمل جميع اللى نبية منها :

1 - رابط الموقع كامل ,,
2- يحمل عبارة ksa ويقصد بها السعودية ,,
3 - الخطين المتماسكة (( تعني القوة والاتحاد )) ,,

وهذا معنى القروب

وياليت انكم تاخذون لفة على القروبات الثانية وتشوفون الشعارت
اقرب مثال هو حق همر شفتوة يعني صورة همر ورابط تحت ؟ بالله وين الفكرة ؟

وبالنسبة للشعار الحالي فية ناس مئيدينة كثير

ويلعم الله اني عرضتة على اكثر من مصمم معروف وانهم مدحوة وايدوة كلهم

وواحد قالي فكرة انة تكون بدال النجمة كلمة jeep

مثال للشعارين



ارجع واقول يااخوان الشعار احتراف وفهم للفكرة فقط ,, يعني هو مو تصميم موقع
او تصميم مممنتدى او اتصميم اي شي ,, هي فكرة يعني لو مايكون فية الا نقطة
لكن تحوي على فكرة خلاص هو الشعار ,, اهم شي البساطة ,, شوفوا اكبر مثال شركات السيارات
يعني ماتقدر تصمم افضل واطلق الشعارات ؟؟ ايقدرون يجبون افضل مصم في العالم ,, لكن اذا لاحظتوا
ان شعاراتهم وهي معتمدة ومدري ايش تلقونها بسطية لابعد الحدود
عند مثال شركة جيب :

http://www.jeep.com/shared/images/logo.jpg (http://www.jeep.com/en/)http://www.jeep.com/shared/images/null.gif

وعندك مرسدس

http://www.mercedes4arab.com/images/index_02.gif

وعندك الكرايسر
http://productnews.link.net/reuters/OLMEBUS_iptc/11-06-2009/2009-06-10T151024Z_01_ACAE559165M00_RTROPTP_3_OEGBS-CHRYSLER-MM5.JPG

انا مابي اطول عليكم بالشعارات وانتم عارفين اكبر الشركات

وانا عطيتكم اكبر الشركات تقريبا وشفتوا شعارتهم






الشعارات كلها تحوي على بسطاة في التصميم لكن لها معنى ,,




اتمنى اني وفقت في الطرح والرد على الموضوع ,, مع العلم انة طرحة على ناس واعضاء ومصممين وكلهم مدحوة ,,

[W A F I]

وهذا الشعار ,,
ومعة الشعار الثاني اللى بدال النجمة نحط كلمة جيب

http://www.jeep-ksa.com/up//uploads/images/jeep-ksa-53f957cbe7.gif (http://www.jeep-ksa.com/up//uploads/images/jeep-ksa-53f957cbe7.gif)

[عاشــق Jeep]

صح لســــانك يالوافي كلام في منتهى الدقه والشعااااار ياناس هو الدلالة وليس التصميم الدقيق والصعب


اي واحد يشوف الشعااار راح يفهم وش يدل عليه ووش يرمز



تحياتي للجميع



:biggrin:

[راعي JEEP]

السلام عليكم ورحمة الله .....:clap:

حبيت اشاوركم على شعار..... :icon9:

http://www.jeep-ksa.com/up//uploads/images/jeep-ksa-affd4c8869.jpg




اذا عجبكم مستعد انزله وهو بدون خلفيه
و
وملف الـPSD


تحياتي

[KHELAN]

السلام عليكم ورحمة الله .....:clap:

حبيت اشاوركم على شعار..... :icon9:

http://www.jeep-ksa.com/up//uploads/images/jeep-ksa-affd4c8869.jpg




اذا عجبكم مستعد انزله وهو بدون خلفيه
و
وملف الـpsd


تحياتي


اخوي راعي جيب شعارك حلو بس لو يسوى له تعديلات بسيطة مثل
موقع كلمة ملاك الجيب يعني يبي له تعديل بسيط
بس خلنا نخلص من المشكله هذي
هم وش يبي يسوون يصملون ولا يعيدون تصميم الشعار
لك فائق احترامي

[CHEROKEE 807]

< من المتعصبين للشعار الحالي :biggrin:

صراحة شعار روعة .. بس مشكلتة اللون .. يعني انا موتري زيتي واذا حطيت الشعار علية .. ما يبان لانه غامق ..
والثاني موترة اسود .. والثالث كحلي .. الالوان الغامقة عامة ..
ولو عكسنا السالفة .. راح يصير نفس الشي ..

رايي ان الشعار اللي بتحطونة ع السيارات .. انا اقول انها فكرة خطأ ..

لما تشوف الشعار ع السيارة .. بتقول هذا شعار قروبنا ؟؟ .. هذا يسمى معرّف .. يعرف ان هذا من اعضاء القروب ..!

والشعار الموجود او اللي بيكون في المستقبل ان صار شي ثاني .. يكون موجود ع الصور والفيديوهات .. وشعار للموووقع

هذا رائيي .. والشور لكم

[راعي JEEP]

اخوي راعي جيب شعارك حلو بس لو يسوى له تعديلات بسيطة مثل
موقع كلمة ملاك الجيب يعني يبي له تعديل بسيط
بس خلنا نخلص من المشكله هذي
هم وش يبي يسوون يصملون ولا يعيدون تصميم الشعار
لك فائق احترامي



انا مستعد انزله بصيغة الفوتوشوب علشان تعدلون الخط ولي تبون

والله مدري يبوننا نسوي ولا لا!

[KHELAN]

والله مادري عنهم حنا على ماقالوا
ضايعين في الطوشة :icon6::icon6::icon6:

[CHEROKEE 807]

< من المتعصبين للشعار الحالي :biggrin:

صراحة شعار روعة .. بس مشكلتة اللون .. يعني انا موتري زيتي واذا حطيت الشعار علية .. ما يبان لانه غامق ..
والثاني موترة اسود .. والثالث كحلي .. الالوان الغامقة عامة ..
ولو عكسنا السالفة .. راح يصير نفس الشي ..

رايي ان الشعار اللي بتحطونة ع السيارات .. انا اقول انها فكرة خطأ ..

لما تشوف الشعار ع السيارة .. بتقول هذا شعار قروبنا ؟؟ .. هذا يسمى معرّف .. يعرف ان هذا من اعضاء القروب ..!

والشعار الموجود او اللي بيكون في المستقبل ان صار شي ثاني .. يكون موجود ع الصور والفيديوهات .. وشعار للموووقع

هذا رائيي .. والشور لكم

راعي JEEP
شعارك روووعة بدون الخلفية مع بعض اللمسات الخفيفة :cool: :7bteen:

نتمنى المشاركة من الجمييع .. ولحد يسوي نفسة ثقل :biggrin:

[راعي JEEP]

تقهووو.....! :rip:

حنى الحين مارسينا على بحر ......! :frown:

ان شاء الله يجي احد يفيدنا .....!! :showoff:


.................

راعي JEEP
شعارك روووعة بدون الخلفية مع بعض اللمسات الخفيفة



انا حبيت اعرضه لكم بخلفيه وانا عندي بخلفيه وبدون خلفيه :wink:

[KHELAN]

راعي جيب ليت تنزله ملف مفتوح ( فوتوشوب )
اكون شاكر لك

[W A F I]

حياكم الله وانا متابع الموضوع
بشوف الاغلبية

وبالنسبة لك يالشيروكي تسأل عن الالوان

الشعار راح يكون بثلاث الوان (( اسود - احمر - ابيض ))
عشان يتناسق مع جمييع السيارات



انتظر صاحب الموضوع يرد على موضوعة

[KHELAN]

حياكم الله وانا متابع الموضوع
بشوف الاغلبية

وبالنسبة لك يالشيروكي تسأل عن الالوان

الشعار راح يكون بثلاث الوان (( اسود - احمر - ابيض ))
عشان يتناسق مع جمييع السيارات



انتظر صاحب الموضوع يرد على موضوعة

اظن يالوافي اللي دخلوا بعد اخر رد لك 4 اعضاء
ماهوب شروكي لحاله الله يهديك على الاقل كان بينا
نقاش ولا صار اي تعليق منك
عموما انا اللحين تاكدت من شي كان في بالي
واسف لا اريد ان افصح فيه واود الاحتفظ به لنفسي
واللى اللقاء الى موعدنا في القصيم عند ابو طرق
والربع اللي معي ارقامهم ابكون معهم على اتصال
واسترو ماواجهتوا يالربع
لكم فائق احترامي

[عاشــق Jeep]

:mhtar: :mhtar:

[aljeddawi]

سلام عليكم

الشباب الي كانوا يصمموا وينهم ؟؟؟

عاشق

وين شعارك ؟؟

ليه ما تعدل عليه ؟؟

ويش الشباب يسوو شعارات ؟؟

انا كلمت واحد من زملائي يحاول يسويلنا شعار

ونطرحه لااارائكم

[W A F I]

الجداوي حياك الله ,,

اظن يالوافي اللي دخلوا بعد اخر رد لك 4 اعضاء

وانا شايف الردود كلها وكلها على راسي من فوق ,, وان شاءي الله مافية احد زعل منا ,, وان كان قصرت على الرد على احد يعذرني لانة من غير قصد والله ,,


واللى ردوا بعدي عاشــق Jeep وكان يأيدني على كلامي ,,
و راعي JEEP وبيض الله وجهة وماقصر على الشعار ,, والله يعطية العافية على جهودة
والاخ CHEROKEE كان يقول راية في الالوان وانا رديت علية لانة استفسار ,, لانة قال الشعار حلو لكن لونة مايصلح على السيارات وضحت لة انة راح يكون الشعار بأكثر من لون

[راعي JEEP]

راعي جيب ليت تنزله ملف مفتوح ( فوتوشوب )
اكون شاكر لك


تحميل الملف من هنا (http://up4.m5zn.com/download-2009-9-6-10-9sd53860o.psd)

[cherokee.1996]

اعجبتني فكرة وضع كلمة Jeep مكان النجمه

وهذا أفضل في نظري :wink: < لأنها فكرتي أصلآ :biggrin:

لا جد والله .. وضع كلمة جيب بدال الـنجمه أفضل :wink: ؟؟ من يأيدني ؟

وانا أقول يا شباب أهم شيء إن الشعار يصير وااضع إذا حطيته على سيارة .. أو واضع إذا حطيته على صورة أو مقطع

هذا أهم شيء :wink:

وانا تغير رأيي .. بأنه إذا صار هناك شعار أفضل وإلا موب لازم تغيير :rolleyes:

وما شاء الله أخونا وإستاذنا وافي ما قصر على كل شيء يبذله في سبيل إنجاح هذا الصرح .. الله يجعله في ميزان حسناته

أخوكم . cherokee.1996

[W A F I]

حياك الله اخوي cherokee.1996

شاكر تعليقك ,, وفعلا كلمة جيب افضل


وما شاء الله أخونا وإستاذنا وافي ما قصر على كل شيء يبذله في سبيل إنجاح هذا الصرح .. الله يجعله في ميزان حسناته

ماسوينا الا الواجب ,, كلنا يد بيد لنرفع صرح هذا الموقع

[أبوطرق]

اعتقد الموضوع اخذ اكبر من حجمه

واهم شئ الدلالة على الرابطه


ولا مانع من تصميم شعار غيره اذا كانت الاغلبيه تؤيد هذا

[عاشــق Jeep]

طيب الحين هل فيه شعاااار جديد او تعديل على شعااار نشوف وش حنا عليه :wavetowel2:


وياليت يكون الرد الي بعدي صورة شعاااار لان الوقت ياشباب ما يمدي صدقون




معنا ضد الردود الباهته :wink:

[aljeddawi]

http://img103.herosh.com/2009/09/13/476802023.jpghttp://img103.herosh.com/2009/09/13/476802023.jpg
وش رايكم با ها الشعار؟؟؟؟؟

[aljeddawi]

http://www6.0zz0.com/2009/09/13/02/760695031.jpg (http://www.0zz0.com)

وهذا


http://www6.0zz0.com/2009/09/13/02/613127587.jpg (http://www.0zz0.com)

واذا فيه اي تعديلات او اراء قولولي

[W A F I]

aljeddawi حلو لكن ينقصة الكثير ,, والفكرة ؟



جميع الاخوان اللى ردوا مشكورين وماقصرتوا

[ملهماوي (811)]

الحين يا أخوان وش استقريتوا عليه ؟؟؟