ناوي اطلع نفود طويل

[الهاوي2005]

ناوي اطلع نفود طويل مثل القاع بعنيزة او ام حزم بالمذنب(ايه هين!)، معي شروكي 99 سبورت امريكي اوتو ، الهيدرز و الفلتر يكفي؟ أو لازم شي ثاني مثل تغيير المكينة. أفيدونا ياشباب.

بالنسبة للهيدرز سمعت أنها تختلف منها الصيني والبحريني والإماراتي والأمريكي والشورت والطويل! وش تنصحون فيه ياجماعة؟

[نــــاصــــر]

والله وأنا أخوكـ ما ظنيت الهدرز والفلتر تبي تخليكـ ترقى إمـ حزمـ

بما إني موتركـ أوتو ...

وبنسبة لـ الهدرزات أنا شخصيآ أفضل الستيل الإمريكي ...

الشباب يفيدونكـ أكثر ...

[الهاوي2005]

اخوي ناصر شكرا على الرد
سمعت ان التعديل الخارج مايكفي، لازم تعديل داخلي!
ممكن الاوتو يعدل داخليا؟ واذا ممكن ماهي الاشياء المطلوبة للتعديل واسعارها الله لايهينكم؟

[cherokee.1996]

أخوي أنت ناوي مراقى وكذا ومعك تماتيك أقول لا تتعب عمرك على تماتيك !!

الهدرز والفلتر ما يكفي أبد !!

ناوي شغل إشتر القديم ( من 96 وتحت )) وعدل براحتك ولا يكلفك شيء باهض .. لأن الموتر نفسه بـ 10000 والزود للتعديل إن كانك بتشتغل ثقيل مرة بياخذ حول الـ 5000 عشان تخلي المكينة ستروكر ( كاملة التعديل )) هذا فقط للمكينة

والباقي عاد دفرنسات محشورة وتخفيف بدي وتانكي وكا وكذا .. كم شغله


تبي نصيحتي إن كان معك دراهم وتبي ترهم لا تحطها في الجديد .. بعه وإشتر قديم ورهم و أنت مستانس ولا خسرت واجد ..

وانصحك بأخونا كرامة .. أو طارة ( ناصر الحرابي ) ولا يهون الباقين .. لكن هذولا المعروفين في مجال الترهيم والتعديل ,,


أتمنى إني أفدتك يالغالي ,,


أخوك . cherokee.1996

[فني الشروكيات]

تماتيك ما ينفع الا انك تعدل على القير والمكينة تعديلات داخلية، الاشياء الخارجية ما تسوي شي..

الله يوفقك..

[الهاوي2005]

مشكوين ياشباب على الردود
الصراحة صعبة ابيع الموتر واخذ غيره، لكن اذا كان التغيير بالقير والمكينة موهب صعب ومتعب وغالي الظاهر يمدحون النزول مع النفود بدلا من الصعود
:wavetowel2:

[دح ديح]

هههههههههههههههههههههههههههههههههههههههههههههههههه هههههه
حلوه يمدحون النزول مع النفود بدلا من الصعود:biggrin::biggrin::biggrin:
بس ياخوك مثل هال نفود يبيلها موتر معدل يعني لو تعدل المكينه اتوقع يمديك ترقاها
و القير العادي يطربك و يفرق معك اكثر من الاوتو

[OFF ROAD]

بس لازم تصعد عشان تنزل :unlock:

[M.R JEEP]

يارجال التماتيك قوي بس انت نسم زين وشد عزم وبيطلع معك

وتبي نصيحتي اقلبه عايدي عشان دفرنساتك محشوره والله ان تهد المراقي كلها.

[الهاوي2005]

ااذا اخذت عزم وشديت من بعيد تكسر المتر ونا خوك ، عموما تنصحون بقلبة الاوتو لعادي وكم يكلف؟ وشي الدفرنسات المحشورة تراي غشيم!

[OFF ROAD]

اجلده بالثقيل بتاخذ المرقا بالثالث واذا بدا يبرد نزل القير 1-2 بيرجع ثاني وبيستمر الين ياصل انشاء الله
او نشق له غاز بثالث ثقيل :showoff:

[مركب غاز]

تبي نصيحتي غير القير خله عادي وعلى الفلتر والهدرز ركب كام :drive1: صدقني بترقاه :7bteen:

[azq]

اخوي تبي نصيحتي .. لآتعدل ولا شي

اشتر مرهم اصرف ..

انا اخبر لك مرهم شروكي ماهوب غالي

شف عرض الاخو ابوتركي بقسم العرض عارض مرهمه

[سلطان بن جمعان]

القير العادي اقوا من الاوتو ومافيه مقارنه نصحك تشري موتر قير عايدي وشف الفرق بدون تعديل راح ترقى النفود القويه

[شروكي نظيف]

بسيطة تعال من بعيد ويرقى هههههههههههههههههه مثل ماقالو الشباب الاوتو ماينفع او لزم تعدل على المكينة والقير

[ابو يوسف]

ما ازود على كلام الشباب التماتيك مايخدمك اذا انت راعي مراقي كبيره

[ثامر محمد]

اخوي اقلبه عايدي وانطرب العايدي اعتقد راح يكلفك من 1500 الي 2000 وموفق :119::119:

[راعي الشروكي 98]

افادوك الشباب ياخلفهم

تحياتي لكك

[الكوماندر الفضي]

تجدر بس يبيلك هل شغلات 1 ترفيعه 2 انش

2-كفرات حجري 31 او 32

3- فلتر -هدرز -كات باك -بواجي -اسلاك -برمجه jet chep اصرف لك من انك تغير الكمبيوتر وتعطي اقل شي 15حصان الى 25 حصان

4-اذا تحب كام بس يكون فتحت الار بي ام اكثر شي من 800 الى 4600

وترى مافي شي صعب هل ايام

تحياتي لك

[custom]

تكلفة تحويل القير الى عايدي بتكلفك تقريبا 3500 ريال عند تشليح المطيويع في الحائر وافضلك تركب كلتش رياضي نوع الشركة spec سعره تقريبا 2000 ريال وبنسبة للدرفرنسات المحشورة يقصدون فيها الشباب الي رقمها 39/11 تجي على القير التماتيك حلوه في النفود وتفرق معك في القومة بس 43/14 افضل منها في الخط السرعات العاليه وارجو اني افدتك

[custom]

وبنسبه لتعديل المكينه تركبله كام بيفرق معك فرق جيد وغز نيتروجين اذا بغيت تراقي وتستخدم معه بنزين c16 تخلطه مع البنزين افضل ولا تنسى الهوائيات فلتر - هدرز - دبه وبنسبه للكهرباء اذا كان موترك 99 وتحت (اسلاك بواجي msd - بواجي دينسو اريديوم ik20 وكويل ام اس دي) وفيه اشياء كثيره بس حسب ميزانيتك وبنسبه للأشياء الي ذكرته لك كفيله انها تخليك تستمتع وانت مرتاح وتراقي وتفلها والله يوفقنا وياك

[خالد رانجلر]

الموضوع قديمممممممممممم