موضوع للنقاش لمحبي التجمعات البرية !!

[طــــــــــلال]

بسم الله الرحمن الرحيم

السلام عليكم ورحمة الله وبركاته

من خلال التنسق لتجمعات سابقة البالغ عددها ( 11 ) تجمع حضر خلالها الكثير من الاخوه الكباتنه والهواه

وتم تنسيق سباق بفئتين في العام القبل الماضي في نفود الطوقي ولكن لعدم وجود تعاون وأهتمام بما كان متفق عليه من جوائز وتغطيات إعلاميه تم التنسيق معها مسبقاً ولقلة المشاركين بالسباق تم تحويله لتجمع عادي

وبالحديث عن التجمعات البرية ومن خلال تصفحي للمواقع شاهدت تغطية لتجمع اتمنى ان نستطيع بالتعاون مع جهات إعلامية بتغطيتها مثل ماهو موضح بالرابط ادناه .

http://www.t63ys.com/vb/t174285.html (http://www.t63ys.com/vb/t174285.html)

وبعد زيارتكم للرابط أعلاه فيجب ان يكون لدينا طابع خاص وحصري بملاك جيب jeep وليس طابعاً تقليدياً كالبقية


ومن نايحتي أستطيع تغطية الحدث من جهة أعلامية أو جهة حكومية ولكن بذلك التغطية نحتاج إلى تعاون في الدعم مادياً وتعاوناً جماعي لأكثر عدد ممكن من ملاك الـ jeep لنصل إلى تنسيق وترتيب وتنظيم يستحيل على التجمعات الماثلة حذو حذوها

وأنا اقترح ذلك مجرد أقتراح ولنرى عدد المؤيدين الفعليين للفكرة أو اي اقتراح آخر سيكون في محل الإهتمام والأخذ بعين الإعتبار

هذا ماأردت طرحه

ولكم جميعاً خالص التقدير والتحيه ،،،

[قصاص السيوف]

مؤيد وبقوه :icon30:

[ابوتركي سبورت]

ترتيبات حلووووو تشكر عليها وانا من المؤيديييييييييين :smilie_gruenweiss:

[bngo11]

فكرهـ :thumb:

[رجل القانون]

مــــــــــــــــؤيـــــــــــــــــد :thumb: ... ننتظر جديدك

[طــــــــــلال]

كان من ضمن المشاركين كمتسابقين في سباق نفود الطوقي المقترح في العام قبل الماضي

اخونا الكابتن / ناصر الحرابي فئة ( 8 ) سلندر
اخونا الكابتن / حمد العقيلي فئة ( 6 ) سلندر

وكان قد وضع أيضاً سباق لفئة ( الستاندر ) ليتسنى للجميع المشاركة

وللأسف كانوا هم الوحيدين المشاركين فتغيترت الفكره
وتم التأخيرعن تنسيق تجمعات مسبقاً لسبب اني ابحث عن jeep ولكن دون جدوا بعد مابعت موتري ولكن طالت السالفه شوي ولقلة وجود النضيف بأسعار مناسبه ووجدت انه لايمنع بالتنسيق بتجمعات وسباقات في المراحل القادمه وانتم فيكم البركه للإمساك بزمام الأمور مستقبلاً

ولكن إنشاء الله بتفعالكم الجاد وتعاونكم الجيد سيكون عدد المتسابقين بما يفوق المتوقع بإذن الله

اخوي :
قصاص السيوف
ابو تركي سبورت
bngo11

:rose: اشكر لكم تفاعلكم وإبداء إستعدادكم :rose:


وننتظر الأخوه البقية

ملاك jeep نلتقي لنرتقي

تحياتي لكم ،،،

[ثامر محمد]

مؤيــــــــد

[طــــــــــلال]

مؤيــــــــد

أشكرك على تفاعلك :rose: :rose:

تحياتي لك ،،،

[OFF ROAD]

والله ياطلال فكره حلوه
وانا من المؤيدين
وعادي تجي بالفورد ماراح نزعل اهم شي تكون متواجد :a-music:

[طــــــــــلال]

والله ياطلال فكره حلوه
وانا من المؤيدين
وعادي تجي بالفورد ماراح نزعل اهم شي تكون متواجد :a-music:
والله مرورك الأحلى

وأشكر لك مرورك وتفاعلك وحماسك اللي يثلج الخاطر

بس وش عرفك بموضوع الفورد :msn-wink1:

تحياتي لك ،،،

[cherokee 04]

شي روعة بصراحة ولكن انا ما اؤيد فكره انه سباق .. لانه بصراحة حنى بالآخر سياراتنا دفع رباعي واكشر شي يشهر سيارات جيب هي نظام التعليق الجبار اللي فيها وانها تمشي فوق اي شي بدون مشاكل

انا احب انه تكون طلعه استكشافيه وفيها تخييم .. لانه سالفه المراقى والسباقات اول شي خطيره ثاني شي لازم تكون السيارات مجهزة تجهيز قوي وهالشي مكلف واغلب ملاك جيب يا طلاب يا طفارى
وثالث شي يأثر على السيارات ممى يخلي الواحد يحسب الف حساب لوش راح يصير عليه بعد التجمع من قبل ما يروحله اصلا

ومثل ما انت شايف عدد ملاك جيب اللي ممكن يسابقون بسياراتهم ويراقون ويكسرون قليل جدا . والدليل اغلب الاعضاء محافظين على مواترهم ومزينينها ومخليينها زي الجديده من ناحيه الشكل الخارجي

:rose: وجهة نظر وانتم ابخص :rose:

[طــــــــــلال]

حياك الله اخوي صايل وجهة نظر جميله

ولكن كان موضوعي مخصص لمحبي هذه الهواية وماكان مخصص لمحبي النصب لان النصب له مجال آخر وترتيب مختلف

والتخييم كلن يقدر يسويه مع اهله والا مع اخوياي مافيه شي جديد

وأنا اقصد بإقامة سباق للكباتنه المعروفين والهواة والغير معروفين وإللي حابين يدخلون هالمجال اللي فعلاً خسروا في مواترهم وعلى أقل تقدير منا أننا نقدر ابداعاتهم

والسباق راح يكون سباق دراق رملي يعني بيكون حسابه بالزمن وغيره وراح يكون على عدة مراحل مبتكره مرقى مثلاً كأول مرحله والمرحله الثانية والثالثة راح تكون فكره من إبداعنا وتكون بصورة تختلف عن الأخرى لكي لانهضم حق المتسابقين وايضاً إعطائهم الفرصه لتعديل مستوى من تراجع في المرحله الأولى بتعويضها في مراحل أخرى لجميع الفئات فئة الـ (8) سلندر وفئة (6) سلندر وفئة ( الستاندر ) يعني الجميع يقدر يشارك في هذه الفئة

وراح ننتبه لمسأله عدم تعرضهم للخطورة وتجهيز فريق إسعافي يكونون من إعضاء ملاك jeep فقط مانبي احد من برا نبي المتسابقين والفريق المعد والتجهيزات الأخرى والإحتياطات اللازمه جميعهم من ضمن ملاك jeep ومن ناحية التغطيات الرسمية تتوقف على عدد المتسابقين إذا كان العدد مناسب ستكون التغطية بمشيئة الله من قناة إعلامية متخصصه وبذلك راح تخدم الموقع وملاك jeep بشكل عام

عموماً الموضوع مجرد إقتراح ولا ارفض اي نقاش او إضافه حتى لو الفكره كلها مااعجبتكم نلغيها عن بكرة أبيها أهم اللي تشوفون انه يريحكم

مشكور اخوي صايل على تفاعلك

تحياتي لك ،،،

[cherokee 04]

انا معاك بس وينهم الكباتنه اول شي ؟

كم واحد هم اصلا بالكثير وباحسن الاحوال كابتنه الشيروكي معدودين على الاصابع

ومثل ما انت تفضلت حتى هم ما يحضرون

يعني كم تجمع سوينا وما اذكر غير جا 4

أبو ريان

عبدالكريم

حمد

خالد رانجلر

.
.
.
.

فقط لكن لو انت تقدر تخلي كل الكباتن يحضروا بالإضافة لكل ملاك جيب في هالموقع على الأقل .. هنا ممكن يفيدك موضوع 8 و 6 و الاستاندر

اما بحضور كابتن او اثنين بيصير تجمع عادي والكل ستاندر وفي سيارتين بس هي اللي معدله ويصير حقها مهضوم

وعلى كذا صعب نسوي تغطيه اعلاميه على شي ممكن تروح الثمامه وتشوف ازين منه !!

[طــــــــــلال]

الكباتنه الي ماحضور لانهم في اللحظه الأخير ماشافوا ان العدد كافي للمنافسه وتكدرت بصراحه لان في عدد كبير ابدوا اعجابهم وضموا انفسهم للمشاركه

فيه كباتنه وفيه هواه لاتنسى ان عدد ملاك jeep في ازدياد خل هالامر علي لاتشغل بالك فيه

خلنا لانستعجل الأمور ونشوف بقية الأخوه وانتم الحكم مهوب انا

انا اشوف رآيكم وبناءاً عليه اشوف الترتيبات اللازمه لو حبيتوا

تحياتي لك ،،،

[cherokee 04]

:icon30:

هذا الكلام اهم شي الحضور يكون كبير وكبير جدا

والكباتنه ساعتها بيتحمسون

[gammash]

فكرة ممتازة وانا من المؤيدين
>> نحتاج إلى تعاون في الدعم مادياً
ارسلي معلومات عن الدعم المادي المطلوب

[طــــــــــلال]

فكرة ممتازة وانا من المؤيدين
>> نحتاج إلى تعاون في الدعم مادياً
ارسلي معلومات عن الدعم المادي المطلوب

اشكر لك تفاعلك ومرورك

ولك خالص التقدير على هذه المبادرة السباقه التي تنم عن تعاون وتكاتف أخوي كبير

ولكن على ضوء الموضوع وضوء المؤيدين وكذلك المشاركين يتم بعد ذلك تحديد الموقع المناسب والترتيبات المناسبه له ومقدار التكلفه إجمالاً للتجهيزات والجوائز وخلاف ذلك

لك مني خالص التقدير والتحيه ،،،

[OFF ROAD]

عدنا



بصراحه انا اشوف روح الشباب ونوعيه الشباب اهم من العدد والكثره
فيه تجمعات ممكن يحضرها 50 شخص لاكن بدون روح يعني كل اربعه شله وحزب وتكيه بلحالهم وتقطيع بالشله اللي جنبهم
انا عندي يكون الحضور 10 اشخاص متعاونين ومتكاتفين ومتواضعين راح يكون التجمع امتع وانجح من ابو 50 نفر
انا عندي موتر مجهز للسباقات وعندي ثاني شكل ومجهز للتسلق والرحلات الاستكشافيه والقروب عندنا نفس الشي وماحنا طمعانين بجوائز ولا اي تكاليف ممكن تكلف على ميزانيه التجمع
اهم شي التجمع ينجح




ولازم نعرف انه فيه فرق بين ملاك جيب وعشاق جيب
وان بغيتو اشرح الفرق بكل شفافية انا حاضر

وجهه نظر قد لاتروق لكم لكن لابد من الافصاح عنها
ولكم كل ود واحترام

[cherokee 04]

يالبى قلبك يا ابو سارة والله

:119:

معاك قلبا وقالبا واكيد في فرق بين عاشق ومالك

..

بس لما للأسف يكون التجمع من 10 اشخاص ومع كذا كل اثنين لحال !! وش تسوي هههههههه

انت عارف انه تجمعات اللي حضرتها ولا اقدر اقول كلها ... ولكن اغلبها العدد ضئيل جدا جدا .. ومع كذا احزاب !!
يمكن لو التجمع عباره عن اثنين صح .. بتحصل كل واحد يوسوس مع نفسه خخخخخخخ

والله الواحد وده يقول اللي بقلبه على هالتجمعات ووده ينصح .. بس المشكله نوعيه تفكير الاعضاء تلعب دور كبير

[ابو ولـيـــjeepــد]

يالبى قلبك يا ابو سارة والله

:119:

معاك قلبا وقالبا واكيد في فرق بين عاشق ومالك

..

بس لما للأسف يكون التجمع من 10 اشخاص ومع كذا كل اثنين لحال !! وش تسوي هههههههه

انت عارف انه تجمعات اللي حضرتها ولا اقدر اقول كلها ... ولكن اغلبها العدد ضئيل جدا جدا .. ومع كذا احزاب !!
يمكن لو التجمع عباره عن اثنين صح .. بتحصل كل واحد يوسوس مع نفسه خخخخخخخ

والله الواحد وده يقول اللي بقلبه على هالتجمعات ووده ينصح .. بس المشكله نوعيه تفكير الاعضاء تلعب دور كبير


اقوووول انت بس لو تترك الدخان يكووون احسن

[OFF ROAD]

هلا بك صايل
انت كتبت في احد ردودك ان اغلب ملاك جيب طلاب او طفارى
طيف فيع شاق جيب الليهم لا طلابولا طفارى ولله الحمد وهذول اللي يهتمون باتجمعات ورفع مستوى الملاك والعشاق
معليش على الكلام اللي بقوله ولاهو تنقيص في احد
فيه فئه تمتلك جيب لانه مالقى غيره من ناحيه ميزانيته او ممكن توه بدا يسوق وعطوه اهله جيب مرمي عندهم وهذي الفئه لاتعنينا لانه مجرد ماسمحت ظروفه باع الجيب وباع المنتدى معاه وركب موتر ثاني
وفيه فئه تركب الجيب حبا فيه وليس مجبور عليه
اتمنى ان الفكره وصلت وفهمت مابين السطور

[OFF ROAD]

اقوووول انت بس لو تترك الدخان يكووون احسن



وانت لو تترك اللقافه يكون احسن بعد:rolleyes:

[Jeep 606]

مـؤيــد مثل مـآقآلو الشبآآب،،،، :icon261:

[خالد رانجلر]

طلال انت تغيب فتره وتجي ؟ لو بتسوي سباق مو مشكله بس مين الحين عنده مرهم في المنتدى :biggrin23:

اكثر الشباب عندن مرهم ياانباع او معروض للبيع

او وقف لين الشتاء الثاني لين يصير سباق هع وفي النهايه3000 للمركز الاول هههههههههه

انا اشوف قبل التجماع بشهر نسوي اعلان عشان الواحد يستعد صح ومره كل سنه نسوي تجمع كبير في الرياض والمشاركه تكون من كل انحاء المملكه

[خالد رانجلر]

[QUOTE=OFF ROAD;136518]عدنا



بصراحه انا اشوف روح الشباب ونوعيه الشباب اهم من العدد والكثره
فيه تجمعات ممكن يحضرها 50 شخص لاكن بدون روح يعني كل اربعه شله وحزب وتكيه بلحالهم وتقطيع بالشله اللي جنبهم
انا عندي يكون الحضور 10 اشخاص متعاونين ومتكاتفين ومتواضعين راح يكون التجمع امتع وانجح من ابو 50 نفر
انا عندي موتر مجهز للسباقات وعندي ثاني شكل ومجهز للتسلق والرحلات الاستكشافيه والقروب عندنا نفس الشي وماحنا طمعانين بجوائز ولا اي تكاليف ممكن تكلف على ميزانيه التجمع
اهم شي التجمع ينجح




انا معك مايهم الجوائز اهم شي الفله ومايصير تجمع مهيطيه وكل واحد رفع خشمه :laugh:

عندي الشروكي حق الفله وتفجير والمسافة القصيره بس تحت التجربه :116:

والرانجلر ال yj مسكين في العنايه المركزه لين الله يفرجها علي و عليكم وفضله :smile:

[king 101]

مؤيد وبقوه

:smilie_gruenweiss:

[smo555]

هلا بك صايل
انت كتبت في احد ردودك ان اغلب ملاك جيب طلاب او طفارى
طيف فيع شاق جيب الليهم لا طلابولا طفارى ولله الحمد وهذول اللي يهتمون باتجمعات ورفع مستوى الملاك والعشاق
معليش على الكلام اللي بقوله ولاهو تنقيص في احد
فيه فئه تمتلك جيب لانه مالقى غيره من ناحيه ميزانيته او ممكن توه بدا يسوق وعطوه اهله جيب مرمي عندهم وهذي الفئه لاتعنينا لانه مجرد ماسمحت ظروفه باع الجيب وباع المنتدى معاه وركب موتر ثاني
وفيه فئه تركب الجيب حبا فيه وليس مجبور عليه
اتمنى ان الفكره وصلت وفهمت مابين السطور

يوجد فرق كبير بين عشاق جيب وملاك جيب والتفاصيل عندك ابو سارة الذيب

والتجمع اذا كان لايحمل الروح وخارج عن الرسميات قد لاينجح ولا يصل الهدف المرجو منه

إلا اذا كان التجمع بس تصوير سيارات جيب ورصها كويس فهذي بسيطة

ونرجع نقول القادم

نحن لانمتلك سيارات جيب لاننا محدودين عليه او طفارى بل لان جيب جزء من حياتنا وله كل العشق

وانت ليش ماتبطل الدخان احسلك ياصايل


لكم تحياتي

[طــــــــــلال]

عدنا



بصراحه انا اشوف روح الشباب ونوعيه الشباب اهم من العدد والكثره
فيه تجمعات ممكن يحضرها 50 شخص لاكن بدون روح يعني كل اربعه شله وحزب وتكيه بلحالهم وتقطيع بالشله اللي جنبهم
انا عندي يكون الحضور 10 اشخاص متعاونين ومتكاتفين ومتواضعين راح يكون التجمع امتع وانجح من ابو 50 نفر
انا عندي موتر مجهز للسباقات وعندي ثاني شكل ومجهز للتسلق والرحلات الاستكشافيه والقروب عندنا نفس الشي وماحنا طمعانين بجوائز ولا اي تكاليف ممكن تكلف على ميزانيه التجمع
اهم شي التجمع ينجح




ولازم نعرف انه فيه فرق بين ملاك جيب وعشاق جيب
وان بغيتو اشرح الفرق بكل شفافية انا حاضر

وجهه نظر قد لاتروق لكم لكن لابد من الافصاح عنها
ولكم كل ود واحترام


بالعكس وجهة نظرك على العين والراس وهذا غالباً موجود

بس انا تكلمت عن ترتيب وتنسيق معين وجاهزة لعرضه وتغطية من قبل قناة متخصصه بما في ذلك خدمة لملاك جيب ومرتاديه

الله يعطيك العافيه وشاكر لك اهتمامك

عموماً موضوعي بالكامل مجرد اقتراح

تحياتي لك ،،،

[طــــــــــلال]

طلال انت تغيب فتره وتجي ؟ لو بتسوي سباق مو مشكله بس مين الحين عنده مرهم في المنتدى :biggrin23:

اكثر الشباب عندن مرهم ياانباع او معروض للبيع

او وقف لين الشتاء الثاني لين يصير سباق هع وفي النهايه3000 للمركز الاول هههههههههه

انا اشوف قبل التجماع بشهر نسوي اعلان عشان الواحد يستعد صح ومره كل سنه نسوي تجمع كبير في الرياض والمشاركه تكون من كل انحاء المملكه

حياك الله اخوي خالد كيف حالك بشرنا عنك


حضوري له بصمته كالسابق وغيابي لم يكن بيدي :dunno:

واعتبرني عضو جديد قدم إقتراح ولاتزعل

الشي الثاني ترا مهوب كل ملاك جيب في الموقع بس انا انتظر وش تتفقون عليه وفيه مجموعه لو اقولهم يشاركون راح يشاركون عشاني ويشاركون المشاركين مع اعضاء الموقع

وكل هذا ابي اخدم محبي جيب فقط

وانتم اهل القرار وبناءا" عليه اقوم بالترتيبات اللازم لان الترتيبات تحتاج لوقت مثل الموقع وتجهيزه والجوائز وتجهيزها والبنرات وتجهيزها لكي تضهر بصوره حسنه تساعد ملاك جيب من خلال اللقاء الذي سيحدث اثناء التغطيه من قبل القناة المتخصصه وأخذ الشكاوي بعين الاعتبار من ناحية الاسعار وعدم دعم الشركة لهذا النشاط المتخصص وما إلى ذلك .

واعيد واكرر انا مجرد مقترح للفكره وبناءاً على تأييديكم تتم مبادرتي وإجتهادي

واذا ماناسبتكم الفكره أعتبروها دردشه وصلى الله على محمد

مشكور اخوي خالد على تفاعلك ومشاركتك

تحياتي لك ،،،

[طــــــــــلال]

مـؤيــد مثل مـآقآلو الشبآآب،،،، :icon261:


يعطيك العافيه :rose:

شاكر لك مرورك وتفاعلك :rose:

تحياتي لك ،،،

[طــــــــــلال]

مؤيد وبقوه

:smilie_gruenweiss:


الله يعطيك العافيه

شاكر لك مرورك وتفاعلك

تحياتي لك ،،،

[طــــــــــلال]

انا معك مايهم الجوائز اهم شي الفله ومايصير تجمع مهيطيه وكل واحد رفع خشمه :laugh:

عندي الشروكي حق الفله وتفجير والمسافة القصيره بس تحت التجربه :116:

والرانجلر ال yj مسكين في العنايه المركزه لين الله يفرجها علي و عليكم وفضله :smile:


انا اتكلم عن تغطيه من قبل قناة متخصصه مايصلح تعرض بطريقتنا الإعتياديه علشان تخدمنا مستقبلاً

خل الجيب جاهز وخلك على خط النار إذا اتفقوا الشباب :smilie_gruenweiss:

والرانجلر الـ YJ مايشوف شر يطلع بالسلامه وجعل ماجاه تكفير ههههه

تحياتي لك ،،،

[حمد العقيلي]

الصراحة طلال لك الف شكر وثناء من كل قلبي على مجهودك على التجمعات القديمة

اللي كانت سبب اننا نتعرف على رجال شرواكم والصراحه تجمعاتنا كانت فله ووناسه


انا مع كلام خالد كلامة صحيح ان العبرة موب بالعدد


اما موضوع اقامة سباق ياطلال فا انا غير مؤيد لهذي الفكرة ولها اسباب كثيرة


فا أنا اقترح نسوي تجمع بعد اسبوعيد ويكون بطعس الهرم ويكون علية اعلان مسبق


فالهرم يجمع مابين الجلسه والسوالف ومابين اللي يبي يطعس ويستانس ويفلها



واخيرا اشكرك ياطلال على حرصك الدائم على اقامة تجمعات تربط بينا وبين محبين وعشاق jeep


تحياتي /
حمد العقيلي

[طــــــــــلال]

الصراحة طلال لك الف شكر وثناء من كل قلبي على مجهودك على التجمعات القديمة

اللي كانت سبب اننا نتعرف على رجال شرواكم والصراحه تجمعاتنا كانت فله ووناسه


انا مع كلام خالد كلامة صحيح ان العبرة موب بالعدد


اما موضوع اقامة سباق ياطلال فا انا غير مؤيد لهذي الفكرة ولها اسباب كثيرة


فا أنا اقترح نسوي تجمع بعد اسبوعيد ويكون بطعس الهرم ويكون علية اعلان مسبق


فالهرم يجمع مابين الجلسه والسوالف ومابين اللي يبي يطعس ويستانس ويفلها



واخيرا اشكرك ياطلال على حرصك الدائم على اقامة تجمعات تربط بينا وبين محبين وعشاق jeep


تحياتي /
حمد العقيلي

هلا وغلا بالشيخ حمد عاش من شاف خشتك

هلابك ورايك انت وخالد على العين والرأس بالعكس يهمني رآيكم

بس المقصد اشهار تجمعاتنا بأفضل صوره إعلامياً إذا ماودكم مايهمني الا راحتكم

تحياتي لك ،،،

[OFF ROAD]

يعني كلامي غلط :ranting:
طيب انا اوريكم
بسوي تجمع لحالي وماني بحاضر
خخخخخخخخخخخخخخخخخخ




كلام حمد على متمه
يكون التجمع في مكان يجمع مابين الجلسه والتطعيس
لاكن اذا كان التجمع في يوم الخميس ما اعتقد ان الهرم بيكون فاضي
يعني انواع الزحمه وماراح يبين التجمع مع زحمة الناس

[خالد رانجلر]

يعني كلامي غلط :ranting:
طيب انا اوريكم
بسوي تجمع لحالي وماني بحاضر
خخخخخخخخخخخخخخخخخخ




كلام حمد على متمه
يكون التجمع في مكان يجمع مابين الجلسه والتطعيس
لاكن اذا كان التجمع في يوم الخميس ما اعتقد ان الهرم بيكون فاضي
يعني انواع الزحمه وماراح يبين التجمع مع زحمة الناس


قبل شهر كنت في الهرم كله دبابة خطر

[سـلـمـونـي]

أنأآ مؤيد للفكرة ..

وأنآإ معكم قآلباَ ومقلوباَ < ههههههه مدري وشي :laugh: أضآهر قلباَ وقالباَ

[طــــــــــلال]

أنأآ مؤيد للفكرة ..

وأنآإ معكم قآلباَ ومقلوباَ < ههههههه مدري وشي :laugh: أضآهر قلباَ وقالباَ

حياك الله اخوي سلموني

على هذا المرور العطر

وعلى هذا التفاعل اللطيف

تحياتي لك ،،،

[شروكيman]

طلال بيض الله وجهك على حرصك على تجمع ملاك جيب

انا معكم في الي تبون تسوونه

وانا مؤيد بقوه يكون الاعلان عن التجمع قبلها بمدة كافيه لاتقل عن شهر خاصتن للي بيجون من خارج الرياض
والجو باقي حلو
ومسألت السباق والجوائز نقدر نسوي سباق ورالي ومو لازم جوائز ومرهمات بموترنا
والفايز نخلية يطبخ لنا العشى الدعوة وناسه وفلة

[طــــــــــلال]

طلال بيض الله وجهك على حرصك على تجمع ملاك جيب


انا معكم في الي تبون تسوونه

وانا مؤيد بقوه يكون الاعلان عن التجمع قبلها بمدة كافيه لاتقل عن شهر خاصتن للي بيجون من خارج الرياض
والجو باقي حلو
ومسألت السباق والجوائز نقدر نسوي سباق ورالي ومو لازم جوائز ومرهمات بموترنا
والفايز نخلية يطبخ لنا العشى الدعوة وناسه وفلة




وجهك ابيض

ومشكور على التفاعل المميز والجميل

لكن نشوف وش نرسي عليه من الآراء ومالك الا ترتيب يحبه قلبك وماله مثيل

تحياتي لك ،،،

[هاوي ترهيم]

فيه فئه تمتلك جيب لانه مالقى غيره من ناحيه ميزانيته او ممكن توه بدا يسوق وعطوه اهله جيب مرمي عندهم وهذي الفئه لاتعنينا





وفيه فئه تركب الجيب حبا فيه وليس مجبور عليه



تكتب بماء الذهب .. :rose:

متابع ..

[Ali.Jeep.w]

معاك ياطلال، وانا من مؤيديك، انت عندك روح الإرادة وكل كلامك ما يعيبة شي، استمر على ما انت علية، وبإذن الله يتحقق مرادك .

[طــــــــــلال]

معاك ياطلال، وانا من مؤيديك، انت عندك روح الإرادة وكل كلامك ما يعيبة شي، استمر على ما انت علية، وبإذن الله يتحقق مرادك .



الله يعطيك العافيه وتسلم

واشكرك على هذه الروح الراقيه

وعلى هذا التفاعل المميز

وعلى هذا الإطراء الأكثر من رائع

ونسأل الله التيسير

لك مني خالص التقدير والتحيه ،،،

[ابو خليل]

انا مؤيد وبقوة وانا معكم مع الله نتعرف على اهل الخبرات واهل التجارب ويكون فيه تعارف ومحبة ....:thumb:

[طــــــــــلال]

انا مؤيد وبقوة وانا معكم مع الله نتعرف على اهل الخبرات واهل التجارب ويكون فيه تعارف ومحبة ....
:thumb:


يعطيك العافيه يابو خليل

وشاكر لك إهتمامك وتفاعلك

لك مني خالص التقدير والتحيه ،،،

[ابوالسهوم]

صباح / مساء الخير

أولاً الله يعطيكـ العافيه أخوي طلال والله يقويك .

ثانياً انا ابطيت عن المنتدى بسبب ظروف عملي لكن بصراحه بعد رجوعي اكتشفت ان المنتدى تغير كثير وهذا يرجع لفضل الله سبحانه ثم الشباب انت وشرواك والناس اللي تدخل الموقع ليستفيد هو والمتواجدين في الموقع والموقع .
الله يوفقكم والى الأمام

ومن ناحية التجمع انا مؤيد وبقوه واللي تحتاجونه انا معكم

[طــــــــــلال]

صباح / مساء الخير

أولاً الله يعطيكـ العافيه أخوي طلال والله يقويك .

ثانياً انا ابطيت عن المنتدى بسبب ظروف عملي لكن بصراحه بعد رجوعي اكتشفت ان المنتدى تغير كثير وهذا يرجع لفضل الله سبحانه ثم الشباب انت وشرواك والناس اللي تدخل الموقع ليستفيد هو والمتواجدين في الموقع والموقع .
الله يوفقكم والى الأمام


ومن ناحية التجمع انا مؤيد وبقوه واللي تحتاجونه انا معكم



حياك الله ياخوي ابو السهوم

ولعل المانع خير وعسى امورك الي قطعتك عنا في تحسن إن شاالله !!

وشاكر لك مرورك وتفاعلك

وحماسك وبادرتك التي لها تقدير خاص عندي

لكن إلى الآن لم يبت في الموضوع وراح نشوف وش نرسي عليه وابشر

تحياتي لك ،،،

[ابوالسهوم]

الله يبيض وجهك
وأنا عصا من حزمه واللي تبون أشروا وانا معكم قدم .