سؤالي عن دبل الشروكي + حراره الماكينة مع الطعوس؟

[رايق من جد]

السلام عليكم ورحمه الله وبركاتة

اخواني الكرام عندي سؤالين
الاول : دبل سيارتي 3 طقات
ودبل صديقي 4 طقات

وش الفرق بينهم والافضل من ناحية الصيانة والاداء ؟


الثاني : شروكي حرارتة قبل المية(100)بشرطه واحده يوم دخلنا النفود وعطينها حبة تطعيس الا وهي مشعللة الماكينة وتعده الحرارة (100)بشرطه بعد ؟ هل فية حل نطعس بالسيارة وحنا مرتاحين ولا نراقب امبير الحرارة

وش سالفة هالشرطات معي

والسيارة فيها مرواح سوبارو

تحياتي للجميع

[رايق من جد]

19 زيارة والا واحد كلف خاطرة يرد

لاحول والا قوه الا بالله

[Akram Al-Ashwal]

يفيدونك الشباب يا الغلا

لو عندي خلفية كان ما تأخرت وهذا حال الشباب كمان

يعني ما نبغى نتفلسف عليك ننتظر الخبراء وان شاء الله ما يقصرون

مودتي ....

[W A F I]

ان شاء الله يفيدونك الشباب

[ابو ولـيـــjeepــد]

اخوي بالنسبه للدبل اللي يجي ثلاث طقات عملي اكثر
لان اللي يجي اربع طقات قطع غياره غاليه ونادر تلقاها ونادر تلقاه في التشليح

اما بالنسبه للحراره هذي حراره الشيروكي الطبيعيه
اهم شي ما توصل ثلاث ارباع يعني قبل الاخير
تقبل مروري

[رايق من جد]

شكرا على مروركم

[حر ولد حر]

وعليكم السلام ورحمة الله وبركاتة

التعشيقة الاولى في الدبل اربع طقات all time
نفس الدبل الخفيف و تقدر تخليه مشبوك على طول
ميزته توزيع العزم على جميع الكفرات نفس طريقة القراند شيروكي
لاكن راح تزود عندك صرفية البنزين شوي

اما عن حرارة السيارة ان شاء الله يفيدونك الشباب

[دح ديح]

ونا اخوك ابو اربع طقات اكثر شي بالسيارات الامريكيه الفل او الي بمنطقه جليديه
لان اول طقه دبل عادي مثل السيارات الي تجيك دفع رباعي طول الوقت و الباقيات مثل موترك
فيه ناس يقولون انه اضعف من ابو 3 طقات و اغلى بالقطع و الله اعلم
و بالنسبه للحراره قبل النص بشرطه و اذا طلعت النفود و طعست فيه توصل بعد النص بشوي او بشرطه
اذا تعدا الشرطه ذي حاول انك توقف و تفتح الكبوت خل الموتر يبرد
و انا قد حصلت معاي قبل لا احط مراوح سوبارو ارتفعت مره بعد شرطه النص بواجد يعني شوي و يغلي و ملاحض الموتر اذا دعستله ماش عزمه طاح بعد فتره شفت الحراره طلعت مرتفعه خليته يبرد و شغلت رجع عزمه زي اول يعني اذا ارتفعت حرارته راح يفرق معك العزم بتحس انه ثقيل عشان ما ينشعر راس المكينه
انشاء الله افدتك

[OFF ROAD]

تأكد ان المراوح تشبك سرعتين
تاكد ان البلف 160
تاكد من طرنبه الماء
تاكد ان الماء اصلي مو تجاري ابو 10 ريال
حرارة الشيروكي تاصل فوق النص بشرطه ثم تشتغل المروحه الثانيه للتبريد يدلك انه طبيعي
مستحيل تطعس بشيروكي وماتناظر الحراره
مع العلم انه مو بس الشيروكي
اما الدبل ابو 4 طقات هذا اذا تبيه دفع رباعي مستمر مثل الفكس ار والبرادو
ويجي غالبا على الشيروكيات الامريكيه اللي بمناطق الثلوج وتقر تعشق السليك تراك داخل الديره بدون اي مشاكل ويكون ااخف من الدبل الخفيف والتوزيع على الكفرات يختلف
لاكن الدبل الدارج هو ابو 3 طقات على قولتك

[طــــــــــلال]

اجابات الشباب كافيه

إلا اني اضيف لو المراوح عندك سليمه وعلى سرعه عاليه

وماء الرديتر أصلي

وبلف الكابرس

اعتقد ماعندك مشكله

موفق خير ،،،

[ملهماوي (811)]

تأكد ان المراوح تشبك سرعتين
تاكد ان البلف 160
تاكد من طرنبه الماء
تاكد ان الماء اصلي مو تجاري ابو 10 ريال
حرارة الشيروكي تاصل فوق النص بشرطه ثم تشتغل المروحه الثانيه للتبريد يدلك انه طبيعي
مستحيل تطعس بشيروكي وماتناظر الحراره
مع العلم انه مو بس الشيروكي
اما الدبل ابو 4 طقات هذا اذا تبيه دفع رباعي مستمر مثل الفكس ار والبرادو
ويجي غالبا على الشيروكيات الامريكيه اللي بمناطق الثلوج وتقر تعشق السليك تراك داخل الديره بدون اي مشاكل ويكون ااخف من الدبل الخفيف والتوزيع على الكفرات يختلف
لاكن الدبل الدارج هو ابو 3 طقات على قولتك


مثل ما قال أخوي off road

[هوازل]

اخوي بالنسبه للحراره لازم بالشروكي كل فتره وفتره تسيخ الرديتر لانه يقفل وراح تشوف الفرق اول ماتسيخ بيقعد معك فتره حرارته ولا احلا وثاني شي بالطعوس لازم ترتفع ولاكن مو على طول ولي ارتفعت معك وقف او هدي عليه اذا مراوحك تمام تنزل الحراره على طول

[ابورغد]

اخوي اذا مركب مراوح ومتأكد انها تشتغل صح وعلى السرعتين وبلف الحراره سليم شيك على الرديتر وبتلاقيه مليان طين ورمل مثل ماصار عندي سويت للرديتر تسييخ وطلعت بلاوي وبعدها ارتاح الموتر
شيك على طرمبة المويه يمكن فيه اضعف
الله يوفقك اخوي.