المساعد الشخصي الرقمي

مشاهدة النسخة كاملة : بديل لكومبريسور الشيروكي

zoro288
12-29-2009, 06:29 AM
السلام عليكم

شخباركم انشاء الله طيبين :7bteen:

بصراحه احلى منتدى كل الشباب جيدين واصحاب خبرات طويييله :clap::clap:

انا حابب اعرف هل يوجد بديل لكومبريسور الشيروكي مثلا كومبريسور الكرسيدا يركب عليه مثلا ؟؟؟ :icon9:


لأن الكومبريسور اخترب عندي !!!!!:mhtar:



انا سيارتي شيروكي موديل 1993 كلاسيك .
دح ديح
12-29-2009, 07:09 AM
انشاالله تحصل شي يركب بترهيم بسيط
و بعد اذن صاحب الموضوع
للشروكي ٢٠٠٠ بعد لانه اذا اشتغل يطلع صوت صرصره اذا لها اصلاح ولا اغيره افضل ؟؟
1716
12-29-2009, 10:52 AM
السلام عليكم

اخوي دح ديح بالنسبة للصوت تأكد اول من سير المكينة اعرضه على
اي ميكانيكي يمكن يحتاج شد او ما شابه
بالعادده منه

والكابتن zoro مدري بس ان شاء الله يفيدونك الشباب
ابورغد
12-29-2009, 02:11 PM
للأسف الكمبروسور حق الشيروكي حسب تجربتي ماله بديل وماتقدر تولف عليه لأن قاعدته معقده بأربع مسامير من تحت لفوق ومايركب له الا كمرسور شيروكي
الله يعينك على واحد مستعمل ونظيف بحدود 700 إلى 900 ريال مع التركيب والضمان
بس لاتركبه الا مع بداية الصيف علشان يبين قوة تبريده لايصير ضعيف.
أتمنى إني أفدتك
zoro288
12-30-2009, 03:24 AM
تسلمون ياشباب

وجاري البحث الى الان
Desert TJ
12-30-2009, 01:49 PM
يمكن يبيله تغيير كلتشات بس؟
هوازل
01-08-2010, 06:02 PM
في ناس توظب الكمومبرسر في الصناعية القديمه بالرياض
اما بالنسبه للبديل ماعندي خبره
ابو فـهـد
01-08-2010, 08:56 PM
فيه واحد مركب على رانجلر 2003
كمبروسور فان جمس
توليف
Jeeper
01-09-2010, 12:25 AM
كمبروسر الشيروكي الاصلي قيمته حول 1800 ريال سعره معقول يعني نفس قيمة كمبروسر الكامري . ركب اصلي و ريح بالك . كيف لو معاك هوندا . كان معاي سيفك خرب الكمبروسر قيمته 2600 ريال .
رانجلر2001
01-27-2010, 02:38 PM
نصيحه من مجرب
لا تركب مستخدم ولا تخلي أي كهربائي يلعبلك بالسيارة
حاول تشتري كمبروسور جديد وغير معاه القاروره حق الفريون والبلف ويفضل ان تغير ماسورة البلف كاملة
سعر القارورة 360 ريال والكمبروسور 1800 وماسورة البلف مع البلف نفسه لانه يجي راكب بداخلها 420 ريال وشوف كهربائي فنان ومختص بالمكيفات يركبه لك لأن أي غلطه لا تخربلك كل الشغل اللي بتسويه بصراحه خسارة جامده مرة وحدة أفضل من عدة خسارات بالمستخدم والتجاري قد تتجاوز قيمتها للأصلي
يعني كلها شغلة 2500 ريال وتكون مرتاح لسنين طويلة لأن الشيروكي القطعه اللي تبدلها تنساها
موفق يا الغالي واحنا مجرد نقدم النصيحه ولك حرية الاختيار
شروكي ربع
01-27-2010, 04:14 PM
انشاالله تحصل شي يركب بترهيم بسيط
و بعد اذن صاحب الموضوع
للشروكي ٢٠٠٠ بعد لانه اذا اشتغل يطلع صوت صرصره اذا لها اصلاح ولا اغيره افضل ؟؟

الصرصره من السير يالغالي .

بالنسبة للي يذم المستعمل ماله لوا ..

انا اول ماشريت سيارتي من 3سنوات كان الكمبرسر خربان رحت الصناعية القديمة وشريت كمبرسر شروكي أمريكي بـ 350 ريال وركبته وعبيته زيت وفريون والين بعت السيارة قبل اسبوعين وتبريده عال العال وباااااااارد وممتاز ولافيه أي مشاكل أبد .

وسيارتي كانت استخدام يومي اروح اجي عليها , بمعنى آخر ماكان عندي غيرها .

طبعا الفرق بينه وبين السعودي أن الامريكي يمسك بمسمارين فقط مو بالأربعه ولكن ثابت ولاواجهت منه أي مشاكل .

صح نسيت اقول ان المحل أعطاني عليه ضمان شهر بعد !!

الوكالة ماتعطيك ضمان يوم .
ابورغد
01-27-2010, 08:21 PM
رانجلر 2001 كلامك سليم وعداك العيب
نصيحتك هي عين العقل ولك كل الشكر والتقدير يالغالي
zoro288
03-16-2010, 08:49 PM
الله يجزاكم خير والصيف كأنه بدا وانا للحين ماركبت كومبريسور جالس ادور امريكي بس ماحصلت بالدمام اذا يخبر شي حوله للبيع

وانا بعد اسبوع انشاء الله بروح دبي وبدور مره وحده
دمار سيهات
03-17-2010, 01:11 AM
اخوي انا عندي واحد ونزلته قبل شوي للبيع والكمبرسر اللهم صل على محمد ماعليه كلام وكنت ناوي اخليه سبير عندي بس ما احس له لزمه مشلحين سياره جيب وبقا كمبرسر وعارضينه للبيع اذا لك نيه فيه مانختلف على السعر
jeep star
06-01-2010, 08:41 PM
اخوي شروكي ربع .. لاهنت بس ممكن تقول لنا المحل الي شريت منه الكمبروسور وين

لأن انا خرب علي وناوي اغيرة .. بأنتظاركـ

\
\
الله يعين
06-01-2010, 09:22 PM
تعال يابعدي تعال

تبي تركب كمبرسر مازدا على الشروكي ؟
تبي كمبرسر كرسيدا على الشروكي
تبي كمبرسر مكيف سبلت على الشروكي<<<قويه

عندي لك واحد اقسم بالله صنيان بمعنى الكلمه

كان عند اخوي جمس موديل79 والكمبرسر تعبان وطحنا في الورشه طيحه

رهم كمبرسر كرسيدا على الجمس وابرد مايكون
+
واحد من الشباب عنده فورد 93 رهم له كمبرسر كرسيدا

والجمس بعناه وحالياً مع صاحبه الجديد من سنتين والمكيف عال العال لاشكل ولاخرب والمكينه حقته 450

اذا تبيه عطني خبر اخاف احط الرقم يجيني ايقاف:biggrin:
الخشلاوي
08-09-2010, 11:58 AM
أبورغد اناسيارتي عليها كومبرس كورلا من الي قال الك ياترهم عليه ...واخي زورو يركب انت وين محلك انا محلي الشرقيه ...وركبت الكمبرس في الدمام الخضريه ...وادا تبي شي انا حاضر
dxb_cid
08-09-2010, 03:14 PM
يعني نركب كمبيسر كرسيدا ولا كرولا والامور تمام يعني

؟؟
الله يعين
08-10-2010, 04:05 AM
يعني نركب كمبيسر كرسيدا ولا كرولا والامور تمام يعني

؟؟
الله الله بس يبيلك واحد فنان ترهيم مو حيالله يشتغل اي كلام ومايمديك تطلع من عنده الا الاصوات تطلع

شف الرد رقم 16

http://jeep-ksa.com/vb/showpost.php?p=32524&postcount=16
dxb_cid
08-10-2010, 08:50 AM
هلا الغالي:cool:

بس ماقلت لي

كمبيسر الكرسيدا اي موديل مركب وكم سعره يديد و مستعمل تقريبا ؟:mhtar:
وكمبرسير الكرولا اي موديل ؟؟

و هل هي تستحمل حرارة مكينة الشروكي:compress:

وكيف برودة المكيف فال عز الظهر :drive1:

ومشكور يالذيب على تواصلك :7bteen:
الخشلاوي
08-10-2010, 04:57 PM
الكمبرس كورلا اخدته من تشاليح بقيق 350 ....وفي الظهر ماعليه كلام حلووووو....اهمشي كهربائي مظبوط الي بتروح اليه
ابوميسم
08-10-2010, 05:55 PM
يا اخوان .. كمبروسر المكيف شيروكي من موديل 96 وتحت متوفر بالتشليح بالقصيم واجد ..

حتى ان واحد من التشاليح لقيت عنده سبع حبات من موديل 96 وتحت ...

والسبب ان الشباب اللي يرهمون ما يبون الكمبروسور ولا اي شي يثقل على الموتر ... وغالباً الترهيم لموديلات التسعينات ...

تشليح القصيم اكبرها تشليح العجلان .. ويفيدك عن طريق التلفون حول وجود القطعة من عدمها