قطع تعديل خفيف على الشيروكي ( لخبراء التزويد )

[Akram Al-Ashwal]

يا شباب الشيروكي

بمشيئة الله ناوي أعدل تعديل خفيف ( خارجي فقط ) على الشيروكي ( ستاندر سعودي 2000 قير عادي ) التعديل للمقاوم أغلب شي

واستفساري عن ثلاثـــــ 3 ــــة حاجات بالنسبة للقطع اللي أخترتها /

- وش أفضل الماركات أو الشركات لهذي القطع ؟

- وش اللي تنصح إني ما أركبه منها سواء ( لعدم فائدته الزائدة أو لضرره على المحرك ) ؟

- من اللي يوفر هالقطع بأرخص الأسعار ( علماً بأنني ناوي على الأصلي فقط ) ؟

القطع كالتالي /

1- إنتيك وفلتر ( كثير يقولون توليف أحسن خصوصاً الإنتيك عشان تعزله براحتك )

2- هيدرز ( هوكر أو بورلا )

3- كات باك إقزوزت سيستم ( عينه على ماقنا فلو أو داينوماكس )

4- بكرات ( حصلت بكرة في موقع summit تركب )

5- بواجي رياضية

6 - شريحة برمجة " تشيب " ( مع إني ما أعرف لها شكل ولا صوره )

7 - MSD ( مع أني لست مقتنع فيه كثيراً )


وكم حصان تتوقع تعطيني القطع أعلاه

طبعا لا تخجلون أنواع النقد نقبله وانا من النوع الخواف ما احب لعب بالمكينة بس شغل برى برى

لا عدمناااااكم

مودتي ....

[فهد الكويت]

سلام عليكم

كيف الحال ياخوي الكريم

انا اقولك

7 - msd ( مع أني لست مقتنع فيه كثيراً ) اذا ركبته لا تشرك احد عساس لا يخرب msd هذا واحد


2- هيدرز ( هوكر أو بورلا )

3- كات باك إقزوزت سيستم ( عينه على ماقنا فلو أو داينوماكس )

4- بكرات

هذا شغل طيب هدرز سستم قزوز بكرات حلووو تعطي عزم

اما فلتر يحرق عليك الزيت المكينه ولازم برمجه اذا ركبته عشان المكينه تاخذ سع بدخول الهوا اكثر من الوكاله

وانشالله فالك البيرق

تحياتي لك

والله يســـــتر عليك

[Akram Al-Ashwal]

سلام عليكم

كيف الحال ياخوي الكريم

انا اقولك

7 - msd ( مع أني لست مقتنع فيه كثيراً ) اذا ركبته لا تشرك احد عساس لا يخرب msd هذا واحد


2- هيدرز ( هوكر أو بورلا )

3- كات باك إقزوزت سيستم ( عينه على ماقنا فلو أو داينوماكس )

4- بكرات

هذا شغل طيب هدرز سستم قزوز بكرات حلووو تعطي عزم

اما فلتر يحرق عليك الزيت المكينه ولازم برمجه اذا ركبته عشان المكينه تاخذ سع بدخول الهوا اكثر من الوكاله

وانشالله فالك البيرق

تحياتي لك

والله يســـــتر عليك



مشكور اخوي فهد عالإفادة ومنت مقصر معي من أول

بالنسبة للفلتر والله ما يهمني عطائه قد ما يهمي الصوت يمكن أقتصر على إزالة السايلنسر من فلتر الوكالة
هذا اذا فيه سايلنسر

مودتي

[cherokee.1996]

أخوي أغلب الشباب تعديلهم الآتي

هدرز عتيبي

فلتر k&n بـ 1600 مع الأنتيك وكلش

msd

يوني شيب



طبعآ فيه تعديلات قوية في المكينة وبرمجة وكذا .. ما أعرف فيها شيء ,,



و انا في التعديل لا تدورني :unlock:

يفيدونك اللي جربوا في هالمجال :cool:



أخوك . cherokee.1996

[دح ديح]

من ناحيتي اقولك فخصوص الفلتر ركب كي ان مع الوصله من نفس الشركه و انا مركبه سعره ١٦٠٠ ريال بكرتونته حفرت الين ما حصلته بمحل ٤٥٠٠ بالربوه وكانت اخر قطعه لو تعرفلك واحد بالشرقيه يقابل الموزع المعتمد لهم افضلك و بتضمن انه اصلي انا كلمته قبل ٦ شهور يقول راح توصلنا بعد ٤ الي ٥ شهور يعني الحين انشاالله بتحصلها عنده و رقمها ٥٧ اذا ما خاب ضني

و بالنسبه للهدرز و الكت باك يعني الاقزوزت سستم لو تركبه كامل من شركه معروفه افضلك يا بورلا ولا مقنا فلو و لا فلو ماستر ولا هوكر يعني من الشركات المضبوطه عشان تضمن اداء بطل
و موترك ٢٠٠٠ يعني انسى اسلاكم بواجي لان موترك كويلينات نفس موتري يعني مالك الا بواجي المانيه ابو راس واحد لا تركب ابو راسين ولا ثلاث لانها بتعدملك الموتر بعد فتره و ثلاجت ال٢٠٠٠ كبيره ما يحتاج تلعب فيها
فيه تعديلات البعض يعدلها بصحن الكلتش و الكلتش بيطلع عزم الموتر جنان و فيه تعديل بسيط براس المكينه او الغطا الي يجي فوق المكينه مدري وش يسوون بالضبط و يطلع عزم الموتر مضبوط و ذي انا مسويها بموتري و اختلف عزمه طلع جنان فتره و حست بالموتر و سار يكتم الله يوفقك
انشاء الله اكون افدتك *

[دح ديح]

ايه و نسيت اقولك ان موترك قيره عادي يعني اي تعديل بسيط راح يفرق معك

[OFF ROAD]

وازيد على كلام اخوي دح ديح ان ال msd ماراح يركب على موديل2000
ولاتنسى مراوح كهرب واذا حصللك بعد امسح الراس بيتغير عليك الموتر واجد

[bkl 66]

الفلتر يمدحون سوموتا يقولون انه يشفط هوا اكثر من k&n

بخصوص

7 - MSD ( مع أني لست مقتنع فيه كثيراً )

انصحك نصيحة لا تركبه و تخسر فلوسك ع الفاضي

اساسا الشروكي كهربته قوية فمايحتاج لا بواجي رياضية ولا اسلاك

انا كنت مركبه على شيروكي 93 قير عادي ولا فرق علي بحبة ,
و كل اللي فرق نقصت قيمته من جيبي و فكيته بعد شهر ,

[Areeb]

كل القطع اللي ذكرتها لو تركبها راح تحس بفرق لكن...

ما يوازي القيمة اللي تدفعها ولا يستاهل التعب صراحة...

اذا تبي تعدل وتحس بالفرق لازم تعدل في المكينة نفسها...

وعندي فلتر كامل بالعازل وكل شيء اذا كنت ملزم

[فيتو]

يقولك اسال مجرب ولا تسال طبيب



خذها مني

انا عدل شروكي بابين 2000 قير عادي

التعديل الي قلت ما يسوي شي اكثر شي بيعطيك 25حصان وبيكلف كثيرررر


بعدين في فرق بين الشروكي الجديد والقديم الجديد ثقيييييل يالله يبان فيه التعديل


شوف انا بعطيك من النهايه

اول شي تجيب مكينه مخبطه بس يكون الراس والسرندل سليم وتوديها عند الشباب الي يعدلون مثل كرامه او الحراببي قيمة المكينه 500 ريال

انا قلت لك مكينه ثانيه عشان لو بغيت ترجع الموتر بلد تشيل المكينه المعدل وتركب القديمه
وحرام تعدل على المكيه واهي كويسه لانك بتوضب من جديد



تشتري كام وجنزير تعدل الكام با 1300 حول السعر والجنزير حول 500

ووتوديها لي بتشتغل عنده ويمسح الراس وبساتم 40 يعني حول 4500 لا5000 معدل جاهزه

واستخدام يومي انا مسوي نفس الخلطه واسافر عليه وكل شي وفرق عن الشد بلد تقريبا 80%

[OFF ROAD]

كلام الشباب مافيه شك 100%
لاكن ياشباب نسيتوا انه اذا ركب بساتم وكام ووجنزير و و و
بتقولون ناقصك هدرز وناقصك فلتر وناقصك بواجي واسلاك ويبيلك مراوح ولو تركب msd افضل
ولو تركب دفرنسات تماتيك احسن و و و
يعني اللي ذكرناه فيه فيه وتعتبر اساسيات
وبالاخير تقولون لاتتعب نفسك اشتغل بالمكينه
اكيد ان الشغل بالمكينه هو اللي يفرق محد قال لا لاكن هذي من اساسيات التعديل
وهذي وجهه نظري وانتم فيكم البركه

[Akram Al-Ashwal]

حياكم الله جميعاً

والف شكر على مروركم و إفاداتكم

ننتظر ونشوف آراء باقي الأخوان

مودتي ....

[Hamad100]

لو انا بعدل على شيروكي 2000 قير عادي ابدا بالترتيب الاتي ((صار درس قواعد ....

عمل صيانة للموتر: يعني صلح اي خرابات بالمكينة و الموتر بشكل عام لين يصير مشيه و عزمه قريب لشد البلد

تغيير الرديتر بوكالة او فاليو مع الخراطيش و تغيير البلف ... ومراوح الكهرب بكيفك

مادام موترك قير عايدي فــ اهم اهم اهم تغيير تقدر تسويه (بدون ماتلمس المكينة) هو انك تركب دفرنشات شيروكي قير اتوماتيك ... طبعا هذا مفيد للطعوس و المراقي بس ماادري كيف راح ياثر على المقاوم ؟؟؟

بعد كذا ممكن تركب فلتر كت كامل زي كي اند ان

بالنسبة للكهرب ... زي ماقالو بعض الشباب ... موديل 2000 و 2001 صار كويلات يعني مو لازم تغير شي غير البواجي

بالنسبة للهدرز ... موديل 2000 و 2001 تصميم الهدرز (شعبة القزوز) تغير و صار ينزل منه ماصورتين بدل ماصورة واحدة في القديم ... يعني بالعربي يمكن ماتحصل فرق كبير لما تغير الهدرز ... يعني خلي التعديل هذا للاخر و غير الدبة فقط

وفكرة الاخ فيتو حلوة ... مكينة قديمة و تعدل عليها بس يبيلها شوية قرنقش ...

[Akram Al-Ashwal]

لو انا بعدل على شيروكي 2000 قير عادي ابدا بالترتيب الاتي ((صار درس قواعد ....

عمل صيانة للموتر: يعني صلح اي خرابات بالمكينة و الموتر بشكل عام لين يصير مشيه و عزمه قريب لشد البلد

تغيير الرديتر بوكالة او فاليو مع الخراطيش و تغيير البلف ... ومراوح الكهرب بكيفك

مادام موترك قير عايدي فــ اهم اهم اهم تغيير تقدر تسويه (بدون ماتلمس المكينة) هو انك تركب دفرنشات شيروكي قير اتوماتيك ... طبعا هذا مفيد للطعوس و المراقي بس ماادري كيف راح ياثر على المقاوم ؟؟؟

بعد كذا ممكن تركب فلتر كت كامل زي كي اند ان

بالنسبة للكهرب ... زي ماقالو بعض الشباب ... موديل 2000 و 2001 صار كويلات يعني مو لازم تغير شي غير البواجي

بالنسبة للهدرز ... موديل 2000 و 2001 تصميم الهدرز (شعبة القزوز) تغير و صار ينزل منه ماصورتين بدل ماصورة واحدة في القديم ... يعني بالعربي يمكن ماتحصل فرق كبير لما تغير الهدرز ... يعني خلي التعديل هذا للاخر و غير الدبة فقط

وفكرة الاخ فيتو حلوة ... مكينة قديمة و تعدل عليها بس يبيلها شوية قرنقش ...

الف شكر يا حمد على الإفادة

وفعلا كلامك معقول جداً

مودتي ....

[بحر الوعد]

اهم شي تركب هدرز كامل يبي يعطيك فررررق بالعزم

وفلتر رياضي