المراتب الامامية

[الفيصليه]

السلام عليكم

اليوم جتني فكره بعد المصيبة الى واجهتني



تخيلو قواعد المراتب كانت متكسره

ولحمتها تلحيم ممتاز وبعد فترهـ رجعت تتكسر


ورحت للتشليح وركبت ثنتين ورررررده


والحين قواعدها مالت

المشكله حديد المراتب خفيف موو قوي مثل السيارات الثانيه


عشان كيذا قررت

اشيل الدرج الى فى الوسط كامل مع فتحات الببسي


واقدم عصا الجلنط

واركب مراتب من التشليح


بس ابي فزعتكم


وش تنصحوني اركب ؟؟؟؟؟؟

مراتب الكامري او فى شي افضل .....

موتري نفس الموجود فى التوقيع

[cherokee 04]

ش دامك بتفك الديكور اللي بالوسط يعني بيصير معك مجال رهيب

وش رايك تركب مرتبه بيوك 83 يارك افنيو .. وربي انها مثل الكنب حق المساج جلساتها

:121:

لكن اذا ما تبي مراتب تكون لاصقه ببعض وتبي بيهم شوية مساحه .. انا اشوف انه مراتب تويوتا كلها ابو كلب لا راحه ولا تفصيل ولا شكل حلو وكلها اصلا خاسفه

ليش ماتركب مراتب مازدا 3 موديل (2008 وتحت ) .... تراها مريحه جدا جدا جدا فوق ما تتخيل والكرسي يتحرك 6 حركات والظاهر انه اسعار المازدا بالتشليح حلوة ماهي ذاك الزود

[اسو]

عندي مارتب لكزز 300 منجدها عند وضاح كنت مركباها علي هايلكس اذا لك نضر عطني خبر علي الخاص

[الفيصليه]

يعطيك العافيه يا صايل

هل تتوقع مراتب المازدة تركب على الشيروكي


اخوي اسو

ياليت صوره للمراتب وكم حدك

[cherokee 04]

هلا بك زوود

والله شف هو اصلا اي مرتبه تبي تركبها لازم تلعب بالقاعده حقتها

يبقى عاد وش المرتبه اللي تعجبك وشكلها وحجمها مناسب

:icon26:

[الفيصليه]

أبشركم

رحت امس التشليح (يوم الجمعة)


وخذيت معي المتر :bleh1:


قست مراتب السوناتا موديل 2008

مازبطت :024:

وقست مراتب الجمس ونفس الحكاية

والبيوك القديم ونفس الكلام


قلت ابجرب الكابرس 2006


وصارت ميه ميه :icon261:

واليوم ابروح ارهم لها قواعد

وانتظروني بالجديد

[OFF ROAD]

طيب انت بتركب مراتب خلفيه؟
لانك تقول بتفك الدرج وتقدم الجلط وسالفه طويله عريضه
انا اشوف اذا انت كاره المراتب حق الشيروكي ركب مراتب موتر ثاني بحيث تطبق مكان المراتب الاصليه بدون ماشيل الدرج وتقدم الجلنط
حنا خلقه مزنوقين بالشروكي ان مافيه ادراج وانت تبي تلغيه :cry_1:
والجلنط كيف بتقدمه ؟ يعني بتخليه بالطبلون مثل الهايلكس ؟
يمقن يزبط يمقن لا

[cherokee 04]

يمقن يصير الجلنط معوق يمقن لا

:bleh1:

يقن تسويف مثل القابريس رجل وتحط ورا المسكه شريت كاسيت قديم وتنشبه بشطرطون وتصير تضغط جلنط على اللفات .. ويمقن لا

:024:

يمقن تفقع وجهي ويمقن لا

:showoff:

[القلب الوحيد]

طيب انت بتركب مراتب خلفيه؟
لانك تقول بتفك الدرج وتقدم الجلط وسالفه طويله عريضه
انا اشوف اذا انت كاره المراتب حق الشيروكي ركب مراتب موتر ثاني بحيث تطبق مكان المراتب الاصليه بدون ماشيل الدرج وتقدم الجلنط
حنا خلقه مزنوقين بالشروكي ان مافيه ادراج وانت تبي تلغيه :cry_1:
والجلنط كيف بتقدمه ؟ يعني بتخليه بالطبلون مثل الهايلكس ؟
يمقن يزبط يمقن لا


مراتب الشيروكي تكسر الظهر وصغيرة مرة ما تصلح للدبين الي زيي :thumbdown:

دور مراتب يارس يمكن تركب لأن احس ان لها نفس العرض حقت الشيروكي

اما مراتب كابرس أحسها عريضة :rolleyes:

خخخخخخخخ اما الجلنط زي الهايلوكس

كل شي يزبط بس يبيله شغل :rolleyes:


بالتوفيق مشاريعك يا بطل :7bteen:

[فرفووش]

ياشباب لاتنسون الضعيف الي بيركب وراء كيف يركب :sad_1:

مراتب الكابرس ماتنسدح زي تصميم مراتب الشروكي

يمقن ينط يمقن مايركب

[cherokee 04]

ياشباب لاتنسون الضعيف الي بيركب وراء كيف يركب :sad_1:

مراتب الكابرس ماتنسدح زي تصميم مراتب الشروكي

يمقن ينط يمقن مايركب

يمقن يقلبها جلسة عربي يمقن لا ..... :rolleyes:

:icon31:

[الفيصليه]

ابشركم ركبت مرتبه الراكب بشويات ترهيم

والراكب الخلفي يركب عادي

يعني المرتبه صايرة مثل الوكاله


واليوم الاحد ابركب مرتبه السواق


عشان امس الوقت داهمني ماقدرت اركب الثانيه



اهم شي انها كهرب :7bteen:

[الفيصليه]

تم تركيب مرتبه السواق

يا أنا حسيت الموتر تغير عن اول

بنسبه 1000000 فى 100 عن اول


والباقي عشان المشروع يكتمل


ارهم ديكور بين المرتبتين الصراحه صارت المسافه اكبر من اول

يمقن اركب ديكور فكسار ويمقن لكزز

بس المشكله الجلنط صاير :ranting: ابليس

ابدور جلط ثاني

يمقن اكسنت ويمقن كابرس

ثم انجد السياره كامله

وانزل لكم الصور

[cherokee 04]

يمقن يصير رنج روفر يمقن لا

[saleh660]

سالفة تقديم الجلنط مو سهله .. لاتنسى انه بيحكمك الكيبل حق الجلنط .
ننتظر الصور .. موفق