الشيروكي الاوتاميتك والدبل الثقيل ..

[جيب]

السلام عليكم ..

ارحب بنفسي في اول مشاركة لي :blush-anim-cl:


انا سلمكم الله املك جيب اتوماتيك وعارفين ان الاول والثاني مع بعض في الموديلات

القديمة اما الجديدة مدري عنها ..


الزبدة اذا طلعت للبر اشبك الخفيف لاي نفود بس بعض الأحيان تواجهني نفد طويلة مااقدر اطلعها بالخفيف


وتمسك معي الا ارقى ..


فأشبك الثقيل وحط القير بثلاثة والوعد فوق النفود ..:showoff:


طبعا الحركة هذي مااسويها الا مرة مرتين بس في كل اسبوع ..

هل يأثر هذا على الموتر او لا ..


مشكوريييييييييييييين ...

[جيب]

افا ولا رد ..:mhtar:

[Hamad100]

الدبل الثقيل ماياثر تاثير مباشر على القير ... بالعكس مفروض يريحه لانه يصير عليه جهد اقل ... انا دايم اطعس و ارقى بالدبل الثقيل ... بس بعد سنتين من التطعيس صار عندي صوت تكتكة خفيفة كانها صوت بلوف بس ماهي منتظمة و الصوت ماهو عالي يعني يبيلك تنتبه عشان تسمعه. والصوت هذا تسمعه اذا الموتر واقف و المكينة شغالة. اذا ناظرت في المكينة تسمع الصوت كانه جاي من عند القير و اذا انت داخل الموتر يصير الصوت كانه جاي من تحت الطبلون.

وديته للوكالة قالو كان فيه شي يبيله شد بين المكينة و القير ... ماادري هل هو طنجرة القير او شي ثاني و لاني متاكد هل هو بسبب التطعيس بالدبل الثقيل ؟؟؟؟

الشي الوحيد المزعج اذا حطيت الدبل الثقيل هو ان التغيير من الاول الى الثاني يصير عنيف مو ناعم زي العادة خاصة اذا حطيت القير على 1-2 و دعست له واعتقد هذا الشي الوحيد اللي يمكن ياثر (يمكن) على المدى الطويل. والا غير كذا الموتر يصير كانه طيارة (كانك مركب عليه 8 سلندر).

يمكن احسن شي انك اذا حطيت الدبل الثقيل انك تحط نمرة القير على 3 و تدعس بشويش لين يغير بالثاني و بعد كذا تدعس له.

[M.R JEEP]

حبيييييييبي انتبه تطعس بالثقيل مايصلح بعدين يخرب عليك الدبل

والله ان الخفيف يالله من فضلك مافي احسن منه بس انت نسم كفراتك زين وبتشوف مافي طعس بيقول لك لا

وبعدين الثقيل مايستخدم الا في التغريز اذا غررزت شغل الثقيل

وسلامتك.