الدبل + العزم ؟

[النايف]

السلام عليكم ورحمة الله وبركاته

مساكم / صبحكم الله بالخير



س / اذا شغلت الدبل داخل غراز عزم السياره يطيح مرة لدرجه اني اشك انه ديزل :unlock:

والكلتش ( يعطب ) يطلع دخان ابيض مع رجه قويه بالموتر واذا فصلته يصير العزم كويس طبعاً القير عايدي

والسيارة بالموت تجيب 140كلم وماتتعداها بس بالفزه عزمها مشاء الله زين :icon9:

الله لا يهينكم لا تبخلون علي محتاج مساعدتكم يا ملاك جيب

[Desert TJ]

لو تعطي معلومات اضافية على الموتر: الموديل، الممشى...الخ بتساعد بالتشخيص. بعدين لو الموتر ديزل يصير عزمه وحش اذا تقصد تغريزة واقف.

كم ماشي على الكلتش؟ متى آخر مرة غيرت كراسي القير والمكينة؟

[النايف]

هلا اخوي Desert TJ
موديل 99 ماشي 250 الف

لا اقصد ديزل مع طلعة كرا هه
كم ماشي على الكلتش من شريته قبل سنتين ماغيرت فيه شي بالكلتش
والكراسي شيكت عليها يقولون كرسي مكينه يمين تعبان والقير تمام

[Abdulmajeed]

كم مقاس الكارونات..؟

كم يمشي الموتر في الثالث..؟؟

[النايف]

هلا اخوي Majeedo

مقاس الكارونات والله ماعرف

كم يمشي بالثالث مرة وصلته للـ 110 وغيره ماقد جريت على الموتر

بس الموتر بالخامس يطيح عزمه مره

[ص ا م 283]

انشالله يفيدونك الشباب

<<ما عندي علم والله

[سلطان]

انا مثلك بالخامس مايتعدى 140
بعد ماطق عندي الدفرنس غيرته 39/11 الي يسمونها محشوره حقت القير التماتيك
الحين بالخامس ماشالله على الفصله

[النايف]

:mhtar::mhtar:وينكم ياشباب الله يجزاكم خير مافي احد:mhtar::mhtar:

[ابو فـهـد]

الله يعينك
انا مثلك بس ما يتعدى 160
اذا لقمت رابع يدج العزم
ويرجع

[NO0ON]

يا اخوان عندي مشكله نفس مشكلة النايف العزم طايح ويتفتف بعد

ياليت احد يفيدنا

تحياتي

[Desert TJ]

والله المشكلة اسباب طيح العزم كثيرة. منها اللي يتعلق بالمكينة، او الكهرباء او الكلتش. ودي اساعدك بس مابي اقترح شي مو متأكد منه. مشكلتك صارت فجأة ولا من يوم ما شريت الجيب وهو كذا؟

بالعادة اذا شريت سيارة مستعملة ماشية كثير، اول شي تسويه تغير كل الزيوت والفلاتر والبواجي واسلاكها. 250 الف كيلو على مكينه يعتبر وسط اذا كان استخدام نظيف. بس قد شفت مكاين ماشيه نص المسافة وحيلها طايح بسبب سوء الاستخدام.

انشالله تتيسر امورك.

[cherokee.1996]

هي يا طويل البقاء والسلامة

شيك على ضغط الطرمبة أول شيء ..

وكذلك في الدبل طبيعي يغرز في كل المواتر .. لأن من قوة العزم يطيح الموتر

لكن أقولك إذا غرزت حط الدبل بالثقيل وحطه بالأول ولا تدعس إلا قد ما تخلي الموتر شغال .. موب تدعس بقوة عشان ما يحفر


فهمت شلون ؟؟


أتمنى إني افدتك ,,


اخوك . cherokee.1996

[ابورغد]

إذا عزم الموتر طايح اقترح تتأكد من ضغط طرمبة البنزين والطبيعي مابين 60 إلى 75 على جهاز معايرة البخاخ وإذا طبيعيه تأكد من الدفرنس هو محشور والا لا
وبعدين ضعف عزم الموتر بالتغاريز تأكد إنك منسم الكفرات بالشكل الصحيح من 15 إلى 5 حسب الحاجه وراح تشوف الموتر خفيف بالدبل
بالتوفيق للجميع,,

[cherokee.1996]

تصحيح يا أخوي أبو رغد :smile:

الضغط هذا عاالي جدآ !!


الضغط الطبيعي 40 -55

وأحب أقول إن كان موترك ما يوصل لـ 160 فـ موتر فيه مشكلة ,, حتى و كان موب محشوور


أخوك . cherokee.1996

[النايف]

مساكم الله بالخير كلن (( بنكه )) اسمه 00
كل الشكر للاخوان اللي طرحوا آرائهم والله يرحم والديكم :smile:
عرضت السيارة على ميكانيكي جيد وقال لي المشكله عندك من الدسك والصحن حق القير ضعيفه ولازم تتغير وهو اللي يطيح غزم السياره
وش رايكم ؟؟

وبالنسبه لطرمبة البانزين ضغطها ممتاز 0

[حسين ابو فيصل]

فيه واحد من العيال كان معه شروكي قير تماتيك عزمه طايح وداه حق مكنيكي في الرياض اسمه ادم يقول طلعه منعنده اذا غير في الثاني يرجع وجه الموتر من قوة العزم والنشاط .
انا اخذت منه الوصف وباروح واجرب لن موتري عزمه طايح وا وافيكم بالاخبار قريباً ان شاء الله

[احلى مزاج]

معلومه بالنسبه للاخوان اللي يقولون موتري بالخامس يطيح عزمه

هذا عيب القير العادي ان النمره الخامسه تموت عزم الموتر ولما ترده بالرابع ما عنده مشكله يمشيك للفصله :)

لا احد يعتقد ان موتره في مشكله لان العزم يطيح بالخامس :)

مجرد معلومه ان شاء الله تستفيدون منها

[ابورغد]

اخوي شيروكي 96 شكراً على التصحيح
اخوي حسن ابو فيصل اتمنى انك توصف الورشه للشباب بعد ماتجرب شغلهم علشان يستفيدون الشباب من تجربتك

[حسين ابو فيصل]

وصف الورشة في صناعية الموسى بالرياض على الدئري الجنوبي متجه شرق تكون في خط الخدمه محاذي لسور الصرف الصحي نهاية السور لف يمن اول لفه يسار اول لفه يمن تمشي تجي مقهى او مطعم بعده مصنع بلك اذا حاذيت باب المصنع لف يسار اول ورشه لسيارات الصغيره على اليسار بتكون هي قبلها كم ورشه لشاحنات اسم الورشه ال سعود والوحه صغيره .
بعد ما ترددت على الورشه اكثر من مره حصلة المكنيكي ادم جرب الموتر و قالي ما شاء الله الموتر عزمه قوي جداً .
بس يحتاج تنظيف بخاخ وتغيير البواجي والاسلاك .
قلتله على بركة لله ابد الشغل اعتذر مني وقال ان جهاز تنظيف البخاخ خربان .
ان شاء الله ان الوصف واضح .
اتمنى الي يعرف ورشه عندها الجهاز الي نظف البخاخ وهو راكب في محله يفيدني

[دمار سيهات]

يااااااااشباب بالنسبه للخامس هذي معروفه طبيعيه لان الخامس يريح السياره ويخليها ماتتعب ومايمديك اصلا تطبق الطبلون في الخامس معرررروفة في اغلبيه السيارات

((( عارف اني جاي متأخر بس عشان الشباب اللي راح يقرون الموضوع يستفيدون ***

[ابو ولـيـــjeepــد]

عفوا اخوي بس موترك يروح عزمه بالدبل القوي 4lولا الصغير 4h؟ اذا الصغير شي طبيعي

[النايف]

هلا اخي ابو وليد

العزم يطيح بالثقيل والخفيف حتى لو منسم هواء الكفرات

والعله طلعة من كراسي المكينه تسبب رجه قويه مع الغراز والكلتش تعبان

والحمد لله ضبط الموتر بس باقي العزم :icon9:

مع العلم اني رافع الموتر من قدام كعكات

وكابس السست

[ابو ولـيـــjeepــد]

بدلت الكلتش ولا باقي؟
واذا بدلته للحين العزم طاايح ؟؟

[النايف]

للحين العزم طايح بالخامس

بالموت يجيب 140 كلم :helpsmilie:

[سيد شروكي]

طبيعي اذا الموتر مرتفع والدفرنسات ماهي محشوره مايجيب الا 140 واذا رجعته للرابع جاب160-170 تلقمه خامس يرجع العداد يرفع ضغطك شوي خاصه لاصرت ماسك خط طويل

اذا تبي موترك يطبق طابلونه بالراحه وبسرعه غير الدفرنسات والطرمبه ركب طرمبة فورد او في اكس ار ولاتسوي شيء ثاني ابد


عطبت الكلتش ( الدخان الأبيض) لانه تجاري وبسرعه يصخن او اذا حنيت عليه وداعس نص الكلتش يعني ماوزنت الدعسه وانت مغرز دخن.. الرجه شف الكراسي ولاتركب الا اصلي

الكلتش والكراسي حاجات مستهلكه لازم تشيك عليها كل ست شهور اذا استخدامك عادي

ان شاءالله ان موترك مافيه شيء

[ابو ولـيـــjeepــد]

اوكي بس بالبر العزم صار حلو بعد ما غيرت الكلتش؟

[النايف]

بالبر العزم حلو 123

بس اذا الدبل شغال سيدا مافيه اي مشكله والف الدركسون يمين او يسار يرج الموتر

ومقاس الجنط 16

[ابو ولـيـــjeepــد]

والله حيرتني
اخوي انت وين مكانك؟؟
الاعراض هذي جاتك تو ولا من شريت الموتر؟

[النايف]

والله حيرتني

هههه انا بعد محتار

اخوي انت وين مكانك؟؟

الشرقيه

الاعراض هذي جاتك تو ولا من شريت الموتر؟

لا بعد ماشريت الموتر

[ESTECOZA]

السلام عليكم

اخوي الله يعطيك العافيه المشكله اللي بموترك من الكلتش او الدسك اذا هي ميكانيكيه او الكمبيوتر اذا كان المشكله بالكهرب

افحص اللي قلت لك وان شاء الله تحصل المشكله