مخيم لملاك جيب في الرياض

[حلم وردي]

السلام عليكم ورحمة الله وبركاته

عندي اقتراح ليش مانسوي مخيم لملاك جيب.. مثل القروبات اللي طايحين فيها

يكون لاهل الرياض في الثمامه


يكون المخيم يشمل: استعراض الجيوب والتصوير والتعارف يعني شامل حق الشتاء وتراها سهله مايبي لها شي


التصريح سهل والمخيم اسهل والباقي بالتنسيق مع اللي بيوافقون على المشروع


اتمنى من الإداره النظر في الموضوع..........والتحرك لان الموقع شكله شوي نايم يبي له حركه....وشكرا

:116:

[ماجد المنيع]

يعني مخيم مخيم ثابت ؟؟

طيب من بيملكه ومن بيجهزه ..

عموما انا معكم باللي تبون

[cherokee 04]

وانا بعد معاكم بس اهم شي يكون مشروعي على الجيب مخلص

:redface:

وفكرة حلوة حتى لو مو مخيم انشالله يكون تجمع عادي اهم شي الوناسه والفلة

:rolleyes:

[حلم وردي]

اكيد مخيم ثابت..بس نبي تصويت اذا فيه اكثر من 10 موافقين نبدأ بالتجهيزات

التصريح انا اجيبه.. والموقع يكون بعد نقظة التفتيش اللي بعد الخزام

ونشوف وضع الخيام اذا عند احد نشتريها منه او نســتأجرها لمده سته شهور لين يخلص الشتاء

والا عنده اقتراح يسدحه:clap:

[ابو تركي911]

والله فكره حلوه

واناااا معكم بالي تبونه :7bteen:

[الكوماندر الفضي]

والله فكره تهبل

بس برضه تبي تكاليف:011:

[المملوح]

الله يعطيك العافيه اخوي حلم وردي وفكره فعلا ممتازه وتصير بعد تجمع لاهل الشيروكيات وسجل واحد نفر معاكم

[حلم وردي]

ماتوقع مكلفه الدعوه فيها ((قطه)) اذا كانو اكثر اللي بيجون صارت قليله

وين راحو اهل الشروكيات والرنجلر والجراند ...

يالله خل نستغل الشتاء بشوفتكم على الاقل يصير في شي يجمعنا غير الموقع من ورا الشاشات..

:thumb:

[المغرم]

فكره اكثر من رائعه

وانا معاكم باللي تبون وحاظرين

ونشوف باقي الشباب

[القلب الوحيد]

فكرة حلوووة :7bteen:

بس كم راح تكون القطة << مطفر :biggrin23:

[حلم وردي]

انا راسلت الإداره ونشوف وش ردهم وانشالله خير

[ابورغد]

فكره ممتازه
وبالمره الواحد يضمن مخيم مع هالوجيه الطيبه

[tmim]

الله يوفقكم يارب

وانا معاكم

[دواس]

فكره رائعه واتمنى انها تنجح

[هويت الـjeep]

اتمنى اكون معكم لكن انا ماعندي الا الجمعة ويكند

بالتوفيق

[sattam]

فكررررره منتاااازه:biggrin23: انا معاااكم قدااام اي شي حتى لو ما صااار مخيم تكون طلعااات قروبااات اي شي المهم انو نتقاااابل :7bteen:

[طــــــــــلال]

انا بصراحه مع الفكرة إذا توفرت عدة عوامل منها :

أولاً : يكون خاص بملاك jeep فقط .

ثانياً : ان يكون التفاعل والإبداع موجود .

ثالثاً : ان يكون منطلق لكل ماهو جديد في تطوير التجمعات والسباقات وإبداء ماهو مفيد للموقع ومرتاديه.

رابعاً : أن يكون التعاون متبادل وان يكون الدفع بالتساوي من الجميع ان لايقبل ان يكون شخص او مجموعة متكفلة بذلك كله .

هذا مايحضرني حالياً

واشكرك على طرح الفكره ياخوي حلو وردي

تحياتي لك وللجميع ،،،