المساعد الشخصي الرقمي

مشاهدة النسخة كاملة : شي جديد

V8 4x4
12-20-2009, 09:31 PM
بسم الله الرحمن الريم
السلام عليكم ورحمة الله وبركاته
كيف حالك يا شباب وحال مواتركم
أبختصر
حنا الحين عرفنا تاريخ الجيب وعرفنا معناه
لكن باقي شي واحد
تدرون وشو:icon9:
ما فيه أحد منكم عنده قصيدة عن الشروكي :busted_cop:
أغلب المواتر طلع به قصايد
ألا الشروكي
نبي واحد ذيب ذيب بمعنا الكلمة يدور والا يشوف لنا قصيدة
نكسر خشوم المهبل البلشات :boxing:
وان شاء الله ما تخيبون الظن بكم
W A F I
12-20-2009, 09:49 PM
ماطلبت شي غالي والطلب رخيص

وهذي كم قصيدة ان شاء الله تعجبك






صح بدنك يالغالي





هذي قصيده للشاعر رياض عبدالله المانع

كتبها لأن أخوه طلع للدراسه خارج السعوديه وترك الشروكي عنده

قال رياض :

يالييييل ياطاوي بعيد المسافات ... قرّب نظر عينن تهامل ذريفه

سبّت رفيقن لّي يسوق الجزيلات ... راعي الشروكي والعلوم الشريفه

من يوم أبعد زاد بالجوف زفرات ... مانرقب الا باقي اليوم طيفه

موتر خضر وامعدلن بالكزوزات ... يعني هدرز ودبّتينن رديفة

ويضاعف الفلتر من الشفط مرّات ... وجنوط جي تي للمراقا خفيفه

ويّا كوارينن بوقت الملمّات ... تعطي عزم وامقويّة للوظيفه

ليتي أنا واياه في ظل مكشات ... ويذعذع النسناس .. محلا هفيفه

نسمع سواليفه ونطرب بالابيات ... ونملا فناجيل الكرم للنصيفة


لكن على ماقيل هيهات هيهات ... البعد حاصل لو عيوني كفيفه



وهذي بعد ثانية




اعجبتني القصيدة .. ونقلتها لكم

هذي مني لملاك الشيروكي هدية تذكارية
ومساهمة مني لشركة جيب لأنه مازال عندي جيبي و4 سنوات اتحلاة صبح ومساء
مصادقني وصريح معي وماشي على هواي لوقلت لة طب البحر ماتوانى
فهاهي

قصيدة الشيروكي


شريت صافي الجيب من صافي الجيب
جيب على اسمه جيب ماهو بشاصي
يشبه لليث التل ما يشبه الذيب
شيروكي وتسعين لونه رصاصي
سميته الفلوجي ولا أعلم الغيب
يمكن يريد الله يشيل الرصاصي
على العلوج اللي غزوا بالاجانيب
بديار هارون الرشيد المواصي
أنشهد انه من خيار الاصاحيب
على الشقا جبار عند المناصي
خفيف نفس ولا يهاب المصاعيب
أمطنخا راعيه لو غاص غاصي
حطيت له ثايه بها كل ماجيب
السكري فيها وفيها الخلاصي
وقلصا يجره حده السيب للسيب
يشيل رزق الله بليا انتقاصي
ويا للي تسبونه بكثر العذاريب
عطوني علم زين ماهو بخراصي
هذي دعاياته بروس المراقيب
أشخص خلص ميزات فيه وخواصي
يامنظره بين الدعث والشخانيب
سبعا ينوش امدورات الخلاصي
وكن القتام إخلاف بابه إلى نيب
برشوت طياره من الإيرباصي
عليه قارمن دار موجه وتقريب
وآيكوم رفيع"باأريله للتواصي
يبي هدرز وفلترا للهوى فيب
ومقويا كهرب وبعض القواصي
حقي عليه ألقاه عند المواجيب
وحقه علي ألاه عند اختصاصي
ياله غلا"يزداد مع كل تجريب
والله يجنبنا دروب المعاصي
عبدالله
12-20-2009, 10:41 PM
بيضى اله وجهك وصاحب الفكره والموضوع والقصايد حرام انه اجزال ويستهل الشروكي <<<توني مالي الا ساعه شريت شروكي
Jeeper
12-21-2009, 03:49 AM
شروكي ملكته ......من تحداني هلكته
نــــاصــــر
12-21-2009, 05:36 AM
صح لسان أصاحب القصائد وبيض الله وجيهمـ ...

وموضوع فريد من نوووعه ...

وفالكـ البيرق يـ صديقي ... :biggrin:
فهد الكويت
12-22-2009, 01:18 AM
الله الله يعطيكم الف الف عافيه

وانا اقول

>> أسمك شروكي وخابر الشرك كفاأأأر <<

تح]أـ] لك

فهد الكويت
شروكيman
12-22-2009, 01:12 PM
صح لسانك وجديدك
cherokee.1996
12-22-2009, 03:32 PM
إركب شروكي فكرك يروقي << أيام

يا بايع غالي على النفس بالمال .. جيب شروكي للمسافات طاوي :winner_first_h4h_al



هههههههههههههه


والله الشعر يبي له واحد كويس.. موب أي واحد يدخل أو حتى يطق بابه


أخوك . cherokee.1996
V8 4x4
12-22-2009, 03:38 PM
تسلم والله تسلم
صح لسانك يالغالي منذ مبطي وأنا أدور
الله يعطيك العافية
ابو يوسف
03-14-2010, 05:56 PM
كل الشكر الى اصحاب القصائد وكل الشكر الى من نقلها الى الموقع

تحياتي للجميع
خبل شروكي
03-14-2010, 06:14 PM
مابي انا لكزس ولا جيب الفكسار

غير الشروكي مايملي عيوني

اليا دعست على البنص من فزته طار

وما بدله لو بلهمر بدلوني

:cloud9:

تقبلو تحياتي
جراند شيروكي 2007
05-01-2010, 08:47 PM
مشكور يالوافي ماقصرت وصح لسانك