المساعد الشخصي الرقمي

مشاهدة النسخة كاملة : محتاج مساعدتكم وخبرتكم بارك الله فيكم

إحترافي
12-19-2009, 12:17 AM
.

بسم الله الرحمن الرحيم ..

السلام عليكم ورحمة الله وبركاته ..

أخواني محتاج مساعدتكم في أمرين :

الأمر الأول : محتاج تيوب البنزين ( الماصورة الصغيرة ) الي طالع من عند الدفرنس الأمامي وداخل للمكينة ..

والأمر الثاني :

اليوم كنت بالهافمون وعمود الدبل مو شابكه مفكوك ..

وبصراحة ماكان ودي أطعس لكن أصروا الشباب ومع كثرة إصرارهم علي وافقتـ وصارت لي مشكلة ..

بعد ما طعست شوي وطبعا كنت معشق الدبل الثقيل ..

وعمود الدبل أصلا مو موجود بالموتر مثل ماقلت لكم ..

وأنا راجع لمكان جلستنا هرب زيت القير كله ... !!

والموتر ماعاد يمشي ..

أعشقه في الدي أو الريوس أو البارك نفس الوضع كأني حاطه في الإن مايمشي الموتر ..

فجبت له سطحه ونزلته عند الورشة ..

فسؤالي اش تتوقعون إلي صار ..

وهل من الغلط إني أعشق الدبل وعمود الدبل مفكوك ..

في انتظاركم ..

وإذا في ورشة تنصحوني بها .. راح تخدموني بارك الله فيكم ..

الموتر : شروكي سبورت 2000 اوتوماتيك
الموقع الخبر .

تقبلوا إحترامي
ص ا م 283
12-19-2009, 12:56 AM
انشالله يفيدونك الشباب

ما عندي علم والله ؟
:frown:
Abdulmajeed
12-20-2009, 11:52 PM
هلا بك وغلا..

طيب ليش كنت شابك الدبل الثقيل..؟؟


بصراحة ماعندي علم..


أتمنى لك التوفيق
Hamad100
12-21-2009, 01:02 PM
هذا ردي كنت حاطه من كم يوم و اختفى مع المشكلة اللي صارت للموقع. زين انه كان موجود عندي في الورد للحين:

----------------
اول شي الدبل الثقيل ما ياثر على القير

اعتقد اللي صار عندك هو ان الدفرنش الامامي (المقص العلوي) ظرب في جرم المكينة من تحت و كسر عندك واحدة من مواصير تبريد القير اللي رايحه للرديتر و عشان كذا هرب عندك زيت القير.

تقدر تغير ماصورة (او الماصورتين اذا كلهم انكسرو) حق تبريد القير او ممكن تقص مكان الكسر و تحط مكانه هوز مع كلبسات (دبل الكلبسات عشان التهريب و استعمل كلبسات اصلية) بس اهم شي اهم شي اهم شي يكون الهوز مخصص للزيت و يتحمل الحرارة مو اي هوز ... اعتقد يمكن تحصل النوعية من الاهواز عند اللي يشتغلون هيدروليك او كبس اهواز.

بالنسبة للقير ان شاء الله انه سليم ... غير زيته مع الفلتر و قولنا وش صار

----------------
إحترافي
12-22-2009, 07:11 PM
.

بارك الله فيكمـ شباب ماقصرتوا ...

وأسعدني تفاعلكمـ ..

وعذرا على التأخير بالرد ..

الحمد لله انحلت المشكلة .. :7bteen:

نفس كلام أخوي حمد .. الماصورة إلي فوق الدفرنس الأمامي كانت مكسورة

وهذا سبب تهريب زيت القير ..

صلحها الميكانيكي وعبى القير زيت والحمد لله على كلام ابن عمي إن المشكلة انحلت والموتر عاد لحالته الطبيعية ..

لأني الآن أنا بعيد عن الموتر مرتبط بالعمل ..

وأعجبتني جدا اقتراحك أخوي حمد ..

بخصوص تغيير المواصير إلى أهواز ..

باركـ الله فيكم ..

وأكرر شكري لكمـ ..

تقبلوا ودي .
شروكي98
12-23-2009, 12:07 AM
انا صارت لي هذي المشكله كم مره وانا اطعس لكن المشكله كانت في مواصير التبريد الي موصوله بالرديتر وانا متاكد انه منهاا لكن للاحتياط غير فلتر القير طبعاا بعد تغير مواصير التبريد :showoff:

انشاء الله اننا افدناك انا والشباب
إحترافي
01-03-2010, 03:57 AM
.

شكرا لكم شبابــ ..

بخصوص المواصير .. الميكانيكي ماغيرها ..

يقول إنه لحمها ..

فهل طريقته صح .. ؟


ثانيا بخصوص ماصورة البنزين الصغيره إلي طالعه من تحت ورايحة للمكينة ..

كانت تهرب عندي ..

والحمد لله سلمت منها ..

وسويت لها لحام نفس لحام الي يصلحون المكيفات المنزلية .. ( نحاس أتوقع )

فهل هو آمن ..

والامان من عند الله سبحانه ..
AL-GHANEM
01-03-2010, 05:31 AM
هذي مشكلة القير الاتوماتيك
صارت معي 3 مرات وبعت السيارة وشريت قير عايدي
Hamad100
01-03-2010, 09:50 AM
زي ما قلت انا في ردي الاول ... لو تحط اهواز مكان الكسر يكون افضل ... بس لازم اهواز تتحمل حرارة و ضغط
دح ديح
01-03-2010, 11:08 AM
يا الغالي صارت معاي و قصيت شوي من جهت الشطب او الكسر مقدار الكف و خشنت اطراف الحدايد الي بحط فيها اليات و ركبت الي بمشقبيات بكل طرب 2 و الحمد لله ماشي معاي انقطع مره ثانيه اول ما غيرته لانه كان مشدود طولت الي او الهوز و ربطته بأسيام :unlock: و ضبط الحمد لله الا الحين مافيه مشاكل
بالنسبه لمشكلتك الثانيه ماعندي خلفيه عنها ولا قد حصلت لي
إحترافي
01-03-2010, 11:10 PM
شكرا لكمـ شباب ..

بإذن الله بأحاول أركب أهواز بدل المواصير ..

وبأغير التيوب تبع البنزين ..

جزاكمـ الله خير ولاقصرتوا .. :)

تقبلوا تقديري .
أبوياسر
01-04-2010, 06:07 PM
انا عندي ذبحني موتري بالتهريب

كل ما طلعت للبر ورجعت من بكرا احصل مكانه زيووووت ...

ما ادري من وين ...؟؟

وما فيه شي إلا وصلحته وغيرررته ....